1 Laˬsaˬbaˬ 10:14 - Akha

¹⁴ Sahˬpaˬ Miˬyehˇ-ahˇ aˬ yawꞈ mehˬ bawˬ maˬ mˇ taꞈ-a. Kʼoeˇ miˇ neh, Sahˬpaˬ Miˬyehˇ neh aˬ yawꞈ-ahˇ bi shiˇ-awˇ, Yeˬshehˇ-euˬ aˬ li Daˬbiˇ-ahˇ miˇ kʼahˬ kʼoeˇ kʼahˬ a nehˬ-euˬ meh.

1 Laˬsaˬbaˬ 10:14 ပူးပေါင်းရင်းမြစ်များ

2 Saˬmeuˬlaˆ 5:3

Kʼoeˇ loꞈ-ehˇ, Iˇsaˬleˬlaˆ miˇ kʼahˬ-euˬ aˬ yuiꞈ aˬ tsu dawˬ tawˆ luꞈ, Heˬbyoˬ meuˬ-ahˇ sahˬ paˬ Daˬbiˇ jawˇ gaˇ laˇ-awˇ, aˬ yawꞈ hawˇ-eu aˬ yawꞈ maꞈ yaw kaˬ saˇ jaˇ dzaˬ taꞈ-euˬ meh. Kʼoeˇ naˇ, aˬ yawꞈ maꞈ aˬ yawꞈ-ahˇ tsiˇ shehˆ daˆ nehˬ-awˇ, Iˇsaˬleˬlaˆ miˇ kʼahˬ-euˬ sahˬ paˬ ka nehˬ-euˬ meh.

1 Laˬsaˬbaˬ 12:23

Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, Sawˇluˆ-euˬ jawˇ duˬ-ahˇ Daˬbiˇ sahˬ paˬ pyeuꞈ laˇ ni, Daˬbiˇ Heˬbyoˬ meuˬ-ahˇ jawˇ luꞈ ngeh, yaw muiˬ paˬ-ehˇ dzaw nya taˬ-euˬ yehˇ gʼawˬ mya gʼaˬ aˬ yawꞈ-euˬ guiˇ maꞈ laꞈ kʼoeˇ uˇ laˇ-euˬ meh. Yehˇ kʼoeˇ deuˬ heu myaˆ ni byah-eu meh.

1 Laˬsaˬbaˬ 17:13

Ngaˇ-aˬ, aˬ yawꞈ-euˬ aˬ da loꞈ-ehˇ pyeuꞈ-awˇ, aˬ yawꞈ-aˬ, ngaˬ-euˬ aˬ li-ahˇ duˇ tehꞈ-a. Nawˇ sahˬ paˬ bi pyeuꞈ laˇ-eu gʼaˇ duˬ, ngaˬ neh yuˇ dzeh-euˬ gʼaˬ pyeuꞈ-eu Sawˇluˆ-ahˇ caw ba luꞈ-eu ngaˬ-euˬ aˬ laꞈ ngaˇ cawˬ kʼoꞈ-euˬ loꞈ-ehˇ, aˬ yawꞈ-ahˇ caw ba-eu ngaˬ-euˬ aˬ laꞈ ngaˇ maˬ cawˬ kʼoꞈ.

1 Laˬsaˬbaˬ 2:12

Bawˇza-euˬ aˬ li Awˇbehˆ, Awˇbehˆ-euˬ aˬ li Yeˬshehˇ meh.

2 Laˬsaˬbaˬ 16:12

Aˬsaˬ sahˬ paˬ geuꞈ-eu smˬ tseˇ gʼoeˬ kʼoꞈ tiˬ kʼoꞈ-ahˇ aˬ kuiˇ naˇ-eu naˇ gawˇ baˬ da neh aˬ yawꞈ kuiˇ kuˆ kuˆ-iˇ-euˬ meh. Ehˇ kʼawꞈ, kʼoeˇ ngeh keuˆ ni Sahˬpaˬ Miˬyehˇ-ahˇ aˬ yawꞈ laꞈ jeuˬ maˬ shaˇ-ehˇ, naˇ gawˇ laˆ saˆ-eu saˬ laˬ gʼoˬ deuˬ-ahˇ tehꞈ-ehˇ gʼoe-euˬ meh.

Dawqdaq 17:13

Yawˬ muiˬ jeˬ-ahˇ yaw doeˇ jahˇ kʼoꞈ-eu deuˬ-euˬ nymˇ jiˇ laꞈ kʼoeˇ yaw haiˬ jeˬ keuˆ le-eu maˬ tsehˆ leˇ-a.

Iˇsaˬyaˇ 10:15

Sahˬpaˬ Miˬyehˇ ehˇ-eu, “Daˇ kawˬ deuˆ-eu deuˆ haˬ tiˬ kahˇ, deuˆ sahˇ taꞈ-ehˇ huiˬ dzehˬ ta loˇ. Teˇ byaꞈ yehˬ-eu yehˬ ma tiˬ kahˇ, yehˬ sahˇ taꞈ-ehˇ huiˬ dzehˬ ta loˇ. Daˇ cuiˇ-ahˇ tsawˇ haˬ sheu diˇ-eu maˬ ngeuˇ naˇ, tsawˇ haˬ-ahˇ daˇ cuiˇ maˬ sheu diˇ nya-a.”

Iˇsaˬyaˇ 10:7

Ehˇ kʼawꞈ, Aˬshuˇliˆ sahˬ paˬ-aˬ, kʼoeˇ loꞈ-ehˇ maˬ noeˬ ni, tsawˇ jeuˬ gʼawˬ mya jeuˬ-ahˇ laˆ luˬ laˆ seˇ-eu lehˇ, aˬ yawꞈ noeˬ duˬ-euˬ meh.

Yawˇshuˆ 9:14

Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ-ahˇ maˬ naˇ haˬ ni, tsawˇ haˬ kʼoeˇ deuˬ-euˬ dzaˬ dzaˬ dawˇ dawˇ tiˬ paˆ na deuˬ-ahˇ ha geuꞈ-euˬ meh.

1 Saˬmeuˬlaˆ 13:14

Nymˬ-mˇ poˆ jawˇ-aˬ, Iˇsaˬleˬlaˆ miˇ kʼahˬ-ahˇ nawˇ aˬ myah luꞈ maˬ paˇ ya uˆ lahˇ meh. Aˬ yawꞈ nui ma tsaˬ-eu tsawˇ haˬ tiˬ gʼaˬ-ahˇ Sahˬpaˬ Miˬyehˇ tseˇ doˆ-awˇ, aˬ yawꞈ-euˬ tsawˇ jeuˬ-ahˇ uˆ lahˇ-eu gʼaˬ bi geuꞈ tehꞈ-a.”

1 Saˬmeuˬlaˆ 15:28

Kʼoeˇ ngeh, Sawˇluˆ-ahˇ Saˬmeuˬlaˆ heu loꞈ-ehˇ ehˇ nehˬ-euˬ meh. “Iˬ nah Iˇsaˬleˬlaˆ miˇ kʼahˬ-ahˇ, nawˬ-euˬ aˬ laꞈ laꞈ kʼoeˇ neh Sahˬpaˬ Miˬyehˇ gʼeu pyaˬ doˆ-awˇ, nawˇ naˆ maˬ tseˇ geuˇ-eu tsawˇ haˬ tiˬ gʼaˬ-ahˇ biꞈ nehˬ gʼaˬ-euˬ meh.

1 Saˬmeuˬlaˆ 16:1

Saˬmeuˬlaˆ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Sawˇluˆ gʼaˇ duˬ nawˇ nui ma maˬ saˇ-ehˇ, aˬ myah keuˆ ni toˇ toˇ-ehˇ jawˇ-eu gʼeh te. Iˇsaˬleˬlaˆ miˇ kʼahˬ kʼoeˇ taˆ sahˬ paˬ maˬ paˇ bi geuꞈ-eu gʼaˇ duˬ, aˬ yawꞈ-ahˇ ngaˇ byehˇ dzeh gʼaˬ-euˬ ma. Ehˇ kʼawꞈ, nawˇ saˬ loˬ tsiˇ ui cuiˆ yuˇ-awˇ, Behˬlehˬhehˬ meuˬ-ahˇ Yeˬshehˇ lehˇ myahˇ-euˬ tsawˇ haˬ kʼoeˇ gʼaˬ jawˇ gaˇ nymˬ-mˇ iˇ-awˬ. Aˬ jeˬ miˇ neh ehˇ naˇ, sahˬ paˬ bi geuꞈ-eu gʼaˇ duˬ, aˬ yawꞈ-euˬ aˬ li tiˬ li-ahˇ ngaˇ tseˇ doˆ gʼaˬ-euˬ ma.”

1 Saˬmeuˬlaˆ 28:17

Sahˬpaˬ Miˬyehˇ ngaˬ-ahˇ gʼoe-eu laꞈ kʼoeˇ nawˬ-ahˇ ehˇ nehˬ taˬ-euˬ loꞈ-ehˇ, aˬ yawꞈ mˇ luꞈ shaˇ luꞈ-eu meh. Miˇ kʼahˬ heu kʼahˬ-ahˇ nawˬ-euˬ aˬ laꞈ laꞈ kʼoeˇ neh aˬ yawꞈ yuˇ doˆ-awˇ, Daˬbiˇ-ahˇ biꞈ nehˬ gʼaˬ-euˬ meh.

1 Saˬmeuˬlaˆ 28:6

Kʼoeˇ miˇ neh, aˬ joˆ-ehˇ ya jahˇ-eu gaˇ kawˆ, Sahˬpaˬ Miˬyehˇ-ahˇ aˬ yawꞈ naˇ haˬ-euˬ meh. Ehˇ kʼawꞈ, yuꞈ maˆ maˆ-eu laꞈ kʼoeˇ maˬ ehˇ, Uˇleˬ hawˇ-eu Duˇmeˬ-ahˇ gʼoe-eu laꞈ kʼoeˇ maˬ ehˇ, Miˬyehˇ gʼaˇ duˬ ngehˬ dah-eu deuˬ-ahˇ gʼoe-eu laꞈ kʼoeˇ maˬ ehˇ, Sahˬpaˬ Miˬyehˇ-ahˇ aˬ yawꞈ naˇ haˬ kʼawꞈ, aˬ yawꞈ-ahˇ Sahˬpaˬ Miˬyehˇ tiˬ jeˬ-iˬ maˬ ehˇ kʼoꞈ nehˬ-a.