1 Gawˇliˬtu 9:5 - Akha

⁵ Gʼaˬ kʼehˇ nui deuˬ pyeuꞈ-eu Sahˬpaˬ Yeˬsuˇ-euˬ mehˇ nmˇ deuˬ hawˇ-eu Beˬtuˆluˆ maꞈ loꞈ-ehˇ, ngaˇ gʼeh Ka li-ahˇ jah-eu miˬ zaˬ tiˬ gʼaˬ sheuˬ-awˇ cah-eu aˬ kawˬ-aˬ maˬ jaˆ ta loˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Ghaqkhaer nuideuq, Sanqpaq Yeqsur-euq aqnyir hawr-eu, Geqpar aqha’maf, yawqha-euq miqzaq sheuqsheuq-aer can-eu lof-aer, nga’maf khawf Kali-anr jan-eu zaqmiq aqbur-anr sheuqdanq dzaq-awr, sheuqsheuq-aer maq cannya-a laq?

1 Gawˇliˬtu 9:5 ပူးပေါင်းရင်းမြစ်များ

Dawˬ caˇ 4:12

Ngaˇ gaˬ-eu ngaˬ-euˬ zaˬ kʼaˬ-aˬ, ciˬ cuˇ ni jaˆ-eu yaˇ kmˇ-ahˇ duˇ nya. Yaw muiˬ paˬ-ehˇ mˇ gʼoeˬ taˬ-awˇ iˇ cuꞈ lah jaˆ-eu yaˇ kmˇ-ahˇ duˇ nya.

Maꞈtehˬ 13:55

Aˬ yawꞈ laꞈ saˇ maˇ-euˬ aˬ li maˬ ngeuˇ-a loˇ. Maˬliˇ-euˬ aˬ li kʼoeˇ gʼaˬ maˬ ngeuˇ-a loˇ. Yaˬkoˆ, Yoˇsehˆ, Siˇmoˬ, Yuˇdaˆ, aˬ ha mehˇ nmˇ-euˬ aˇ doˆ kʼoeˇ gʼaˬ maˬ ngeuˇ-a loˇ.

Maꞈtehˬ 8:14

Beˬtuˆluˆ-euˬ nymˇ-ahˇ Yeˬsuˇ iˇ ngeh, Beˬtuˆluˆ-euˬ aˬ mawˬ zaˬ miˬ zaˬ gʼaˬ pyaˬ-awˇ ga luꞈ gaˇ ya mawˇ-euˬ meh.

Maˬkuˆ 1:30

Siˇmoˬ-euˬ tsawˇ mawˬ zaˬ miˬ zaˬ gʼaˬ pyaˬ-eu yuꞈ luꞈ-eu meh. Yeˬsuˇ oe keuˆ-euˬ nehˬ-ehˇ, aˬ yawꞈ pyaˬ luꞈ-eu gaˇ kawˆ ehˇ nehˬ-euˬ meh.

Maˬkuˆ 6:3

Tsawˇ haˬ heu gʼaˬ Maˬliˇ-euˬ aˬ li laꞈ saˇ maˇ kʼoeˇ gʼaˬ maˬ ngeuˇ nga loˇ. Yaˬkoˆ, Yoˇsehˆ, Yuˇdaˆ, Siˇmoˬ aˬ ha mehˇ nmˇ-euˬ aˇ doˆ maˬ ngeuˇ nga loˇ. Aˬ yawꞈ-euˬ dmˇ ma deuˬ aˬ dui maꞈ nehˬ-ehˇ jawˇ luꞈ meh tawˇ.” Aˬ yawꞈ maꞈ aˬ yawꞈ-ahˇ myaˆ naˆ-awˇ bye-eu meh.

Luˇkaꞈ 6:15

Maꞈtehˬ, Toˇmaˆ, Aˬlaˬpehˇ-euˬ aˬ li Yaˬkoˆ, Zeˬloˆ lehˇ kuˇ-eu Siˇmoˬ,

Luˇkaꞈ 8:20

“Nawˬ ma hawˇ-eu nawˬ-euˬ mehˇ nmˇ deuˬ nawˬ-ahˇ dawˬ ngehˬ cawˬ mawꞈ nya lehˇ, laꞈ nyiˇ yawꞈ luꞈ meh.”

Yoˇhaˬ 1:42

Kʼoeˇ naˇ, Siˇmoˬ-ahˇ Yeˬsuˇ jawˇ gaˇ aˬ yawꞈ sheuˬ gʼeh-euˬ meh. Yeˬsuˇ Siˇmoˬ-ahˇ haw-awˇ ehˇ-eu, “Nawˬ-euˬ tsawˇ myahˇ-aˬ, Yoˇhaˬ-euˬ aˬ li Siˇmoˬ meh. Ehˇ kʼawꞈ, nawˬ-ahˇ Geˬpaˇ lehˇ kuˇ tehꞈ-a.” lehˇ ehˇ nehˬ-euˬ meh. (ʼGeˬpaˇʼ hawˇ-eu ʼBeˬtuˆluˆʼ lehˇ ehˇ-eu tsawˇ myahˇ heu nyiˬ myahˇ dawˬ tsuiꞈ duˇ leˇ-awˇ, ʼKʼaˬ loʼ lehˇ ehˇ mawꞈ-eu meh.

Yoˇhaˬ 2:12

Kʼoeˇ naˇ, Yeˬsuˇ hawˇ-eu aˬ yawꞈ-euˬ aˬ ma, aˬ yawꞈ-euˬ mehˇ nmˇ deuˬ, aˬ yawꞈ-euˬ zaˬ lahˇ deuˬ, Gaˬbeˬneˬoˬ meuˬ-ahˇ iˇ-awˇ, nah kaˬ nah jawˇ byah ni gʼaˬ naˬ naˬ-euˬ meh.

Gʼaˬkʼehˇ 1:14

Aˬ yawꞈ maꞈ-aˬ, zaˬ miˬ zaˬ deuˬ hawˇ-eu, Yeˬsuˇ-euˬ aˬ ma Maˬliˇ hawˇ-eu Yeˬsuˇ-euˬ aˬ nyiˇ deuˬ nehˬ-ehˇ tiˬ kawˆ loꞈ-ehˇ, tiˬ kʼehˬ maˬ taˬ ni uiˬ leˇ-awˇ guiˬ lahˬ shaˇ-eu meh.

Lormav 16:1

Geˬjeˬ meuˬ-ahˇ jawˇ-eu Ka li zaˬ aˇ muˇ-ahˇ caw mˇ caw shaˇ luꞈ-eu gʼaˬ pyeuꞈ-eu aˬ dui-euˬ dmˇ ma Piˇbeˬ-aˬ, muiˬ-eu tsawˇ haˬ tiˬ gʼaˬ meh lehˇ naw maꞈ-ahˇ ngaˇ tsaꞈ ahˇ laꞈ-eu ma.

1 Gawˇliˬtu 1:12

Ngaˇ ehˇ mawꞈ-euˬ-aˬ, naw maꞈ yaw kaˬ “Ngaˇ-aˬ, Pawˇluˆ-ahˇ taꞈ-eu ma.” “Ngaˇ-aˬ, Aˬpawˇluˆ-ahˇ taꞈ-eu ma.” “Ngaˇ-aˬ, Beˬtuˆluˆ-ahˇ taꞈ-eu ma.” “Ngaˇ-aˬ, Ka li-ahˇ taꞈ-eu ma” lehˇ, tiˬ gʼaˬ tiˬ jeˬ ehˇ-eu meh.

1 Gawˇliˬtu 7:15

Ehˇ kʼawꞈ, miˬ zaˬ yo zaˬ yaw kaˬ Ka li-ahˇ maˬ jah-eu gʼaˬ gʼawˬ mawꞈ-eu nui ma ahˇ naˇ, gʼawˬ luꞈ-uˇ. Kʼoeˇ loꞈ-ehˇ pyeuꞈ laˇ ngeh, miˬ zaˬ yo zaˬ laꞈ kʼoeˇ Ka li zaˬ pyeuꞈ-eu gʼaˬ-aˬ, paꞈ tawꞈ taˬ-euˬ jeˬ-ahˇ ya buˬ ya law-iˇ-euˬ gaˇ duˇ-eu meh. Naw maꞈ nui saˇ oꞈ-eu laꞈ kʼoeˇ ya dehꞈ ni Miˬyehˇ kuˇ-euˬ gaˇ duˇ-eu meh.

1 Gawˇliˬtu 7:39

Kʼaˬ dzeˇ zaˬ baw-eu zaˬ miˬ zaˬ-aˬ, yawˬ ha-euˬ kʼaˬ dzeˇ zaˬ kʼaˇ dehꞈ kʼoeˇ keuˆ ni yawˬ zahˇ yawˬ maˬ ya iˇ paˇ-a. Kʼaˬ dzeˇ zaˬ shiˇ dzeuˇ naˇ, yawˬ ha kʼaˇ dahˬ dzaˬ-iˇ mawꞈ gaˇ dahˬ dzaˬ-iˇ nya meh. Ehˇ kʼawꞈ, Ka li zaˬ-ahˇ tehꞈ-ehˇ ya dahˬ dzaˬ-iˇ meh.

1 Gawˇliˬtu 7:7

Maˇ maˇ ni ya ehˇ naˇ, naw maꞈ dawˬ tawˆ luꞈ ngaˬ loꞈ-ehˇ bi dehꞈ mawꞈ miˇ-a. Ehˇ kʼawꞈ, tsawˇ haˬ yawˬ gʼaˬ na luꞈ-ahˇ aˬ cawˬ-ahˇ biꞈ-euˬ gaˇ maˬ duˇ-eu laꞈ sawˬ Miˬyehˇ biꞈ taˬ-awˇ, tiˬ gʼaˬ tiˬ jeˬ za taˬ-euˬ meh.

1 Gawˇliˬtu 7:8

Miˬ zaˬ maˬ sheuˬ-eu deuˬ hawˇ-eu miˬ coeˬ miˬ ma deuˬ-ahˇ, ngaˇ loꞈ-ehˇ cawˬ maˬ shaˇ baw ni jawˇ nya naˇ muiˬ meh lehˇ ehˇ mawꞈ miˇ-a.

Gaˬlaˬtiˆ 1:19

Sahˬpaˬ Yeˬsuˇ-euˬ aˬ nyiˇ Yaˬkoˆ maˬ ngeuˇ naˇ, gʼaˬ kʼehˇ tiˬ gʼaˬ-iˬ ngaˇ maˬ mawˇ-aˬ.

1 Tiˆmoˇseˬ 3:2

Ka li zaˬ aˇ muˇ-ahˇ sheuˬ gʼeh-eu tsawˇ haˬ-aˬ, iˬ baˇ taˬ kʼaˇ maˬ za-eu, miˬ zaˬ tiˬ gʼaˬ tehꞈ-ehˇ baw-eu, noeˬ dahˇ doe-eu, yawˬ ha-euˬ nui ma-ahˇ gʼaˬ leˇ-eu, gaˇ yaw luiˆ luiˆ-ehˇ mˇ nya-eu, daˬ yah-ahˇ yaw muiˬ paˬ-ehˇ ha-eu, aˬ cawˬ-ahˇ mehˬ nehˬ tsoˆ nehˬ nya-eu tsawˇ haˬ ya bi pyeuꞈ meh.

1 Tiˆmoˇseˬ 4:3

Sheuˬ dahˬ dzaˬ taꞈ-eu maˬ tsaˬ-a lehˇ mehˬ-eu uˬ taꞈ, dzaˬ dzaˬ dawˇ dawˇ tiˬ paˆ na deuˬ-ahˇ maˬ dzaˬ kʼmˬ-a lehˇ aˬ yawꞈ maꞈ mehˬ-eu meh. Ehˇ kʼawꞈ, dzaˬ dzaˬ dawˇ dawˇ kʼoeˇ deuˬ-aˬ, yaw tsaˬ yaw dawˇ jeˬ-ahˇ siˬ nya laˇ-euˬ tsawˇ haˬ deuˬ Miˬyehˇ-euˬ guiˬ lahˬ-ahˇ ja ceuˬ gʼaˬ-awˇ bi dzaˬ-eu gʼaˇ duˬ Miˬyehˇ neh beh taˬ-euˬ meh.

1 Tiˆmoˇseˬ 5:2

Tsawˇ mawˬ mawˬ laˇ-euˬ zaˬ miˬ zaˬ deuˬ-ahˇ yawˬ ha-euˬ aˬ ma loꞈ-ehˇ sawˇ-awˬ. Zaˬ miˬ aˬ buˇ zaˬ guˬ deuˬ-ahˇ nui ma shawˇ jehˆ ni taˬ-eu laꞈ kʼoeˇ yawˬ ha-euˬ dmˇ ma loꞈ-ehˇ sawˇ-awˬ.

Tiˇtuˆ 1:6

Ka li zaˬ aˇ muˇ-ahˇ sheuˬ gʼeh-eu tsawˇ haˬ-aˬ, iˬ baˇ taˬ kʼaˇ maˬ za-eu tsawˇ haˬ ya bi pyeuꞈ meh. Miˬ zaˬ tiˬ gʼaˬ tehꞈ-ehˇ ya bi baw-awˇ, aˬ yawꞈ-euˬ zaˬ deuˬ kʼawꞈ Ka li-ahˇ jah-eu tsawˇ haˬ ya bi pyeuꞈ meh. Ehˇ dawˬ maˬ naˇ haˬ-eu aˬ dzawˬ aˇ gah gah-eu zaˬ deuˬ maˬ ya bi pyeuꞈ-a.

HeˬByehˇ 13:4

Sheuˬ dahˬ dzaˬ taꞈ-eu jeˬ-ahˇ tsawˇ haˬ yawˬ gʼaˬ na luꞈ ya taˬ huiˬ-awˇ, miˬ zaˬ yo zaˬ tiˬ gʼaˬ tiˇ gʼaˬ saˇ jaˇ ya ziꞈ meh. Maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ deuˬ hawˇ-eu, aˬ cawˬ nehˬ-ehˇ joe-eu tsawˇ ha deuˬ-ahˇ Miˬyehˇ yaˇ kʼaˬ daˇ tehꞈ-a.