1 Gawˇliˬtu 9:26 - Akha

²⁶ Kʼoeˇ miˇ neh, cehˆ keuˆ duˬ-ahˇ dawˇ coe ni haw tsoˆ taˬ-awˇ ngaˇ cehˆ luꞈ-eu ma. Teˇ ceh ceh-eu jeˬ niˇ gʼa ngeh, maˬ teˇ zaw ni jaˬ lehˇ-ahˇ tehꞈ-ehˇ teˇ-eu tsawˇ haˬ loꞈ-ehˇ ngaˇ maˬ gʼeh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Khoermirnae, ngar arpyar maqjav-aer caevluf-eu maqngeur. Ngar tanqcae cae-eu-aq, tiqjeq-anr-iq maq tanqzawni jaqlaer-anr taef-aer tanq-eu maqngeur.

1 Gawˇliˬtu 9:26 ပူးပေါင်းရင်းမြစ်များ

Maꞈtehˬ 11:12

Iˇ cuꞈ shawˇ-eu Yoˇhaˬ dawˬ mehˬ mehˬ-euˬ aˇ yamˬ kʼoeˇ yamˬ-ahˇ neh iˬ nah keuˆ ni, mˬ taˆ Miˇkʼahˬ-aˬ, yaw doeˇ jahˇ nehˬ-euˬ gʼawˬ mya jeˬ-ahˇ daˬ dzeuˇ laꞈ-euˬ meh. Haiˬ-eu tsawˇ haˬ deuˬ, miˇ kʼahˬ kʼoeˇ kʼahˬ-ahˇ deuˆ gʼaˬ-eu lehˇ leh jeh-eu meh.

Luˇkaꞈ 13:24

“Gʼoˆ kʼehˬ yaw suꞈ-ahˇ ya uˇ leˇ ni leh jeh dui dui-awˬ. Tsawˇ haˬ gʼawˬ mya gʼaˬ kʼoeˇ gaˇ uˇ leˇ-eu lehˇ leh jeh kʼawꞈ, maˬ ya uˇ leˇ-a lehˇ, naw maꞈ-ahˇ ngaˇ ehˇ-eu ma.

1 Gawˇliˬtu 14:9

Kʼoeˇ gaˇ duˇ ni, naw maꞈ dawˬ gʼawˬ mya jeˬ ngehˬ-awˇ dawˬ mehˬ mehˬ ngeh, aˬ cawˬ maˬ naˇ haˬ siˬ nya naˇ, aˬ joˆ-ehˇ bi gʼoˆ shaw geuꞈ nmˇ. Naw maꞈ-euˬ dawˬ kʼoeˇ-aˬ, jaˬ lehˇ laꞈ kʼoeˇ ngehˬ dzeh gaˇ duˇ-eu tehꞈ meh.

2 Gawˇliˬtu 5:1

Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ aˬ dui jawˇ luꞈ-eu yaˇ cmˇ pyeuꞈ-eu aˬ dui-euˬ gʼawˇ mawˇ heu cawˆ-iˇ ngeh, aˬ dui bi jawˇ-eu gʼaˇ duˬ Miˬyehˇ neh mˬ kʼoeˇ taˆ tsoˆ taˬ-euˬ mˬ maˬ maˬ byaˆ zaˇ ziˇ ziꞈ-eu nymˇ jaˆ ma lehˇ aˬ dui siˬ nya ma.

2 Gawˇliˬtu 5:8

Nga maꞈ nui ma kʼaˬ duˬ ni jaˆ-eu laꞈ kʼoeˇ shiˬ shaˬ jiˇ gʼawˇ mawˇ heu-ahˇ byehˇ dzeh yaꞈ mawꞈ-awˇ, Sahˬpaˬ Miˬyehˇ jawˇ gaˇ gʼoꞈ leˇ mawꞈ-eu ma.

Gaˬlaˬtiˆ 2:2

Miˬyehˇ ngaˬ-ahˇ pah mehˬ nehˬ laꞈ-euˬ miˇ neh iˇ-euˬ ma. Aˬ yuiꞈ aˬ tsu deuˬ nehˬ-ehˇ ciˬ cuˇ ni tahˬ dzoeˇ-awˇ, Yuˇdaˆ tsawˇ haˬ maˬ ngeuˇ-eu deuˬ-ahˇ Laˬ kʼaˬ cehˇ-eu Guiˬ lahˬ dawˬ mehˬ-euˬ gaˇ kawˆ ngaˇ dzawˇ nehˬ-euˬ ma. Ngaˬ neh mˇ dzeuˇ yaꞈ-euˬ jeˬ hawˇ-eu nymˬ-mˇ mˇ luꞈ-eu jeˬ yawꞈ ngehꞈ-ehˇ maˬ bi pyeuꞈ-iˇ mawꞈ-eu miˇ neh, kʼoeˇ loꞈ-ehˇ dzawˇ nehˬ-euˬ ma.

Eˇpeˇsu 6:12

Aˬ jeˬ miˇ neh ehˇ naˇ, tsawˇ haˬ zaˬ-ahˇ aˬ dui deuˆ ceh ceh luꞈ-eu maˬ ngeuˇ. Maˬ mawˇ nya-eu haiˬ dui dui-eu mˬ taˆ-euˬ yaw sahˇ pyeuꞈ-eu uˆ lahˇ-eu deuˬ-ahˇ maˬ ehˇ, baoˬ deuˬ-ahˇ maˬ ehˇ, zahˇ tsui ni gʼeh-eu ziˇ heu ziˇ-ahˇ dzoeˬ luꞈ-eu mˬ hawˇ-eu miˇ yaw kaˬ-ahˇ jawˇ-eu deuˬ-ahˇ maˬ ehˇ, aˬ dui deuˆ ceh ceh luꞈ-eu ma.

Piˇliˇpiˆ 1:21

Tsawˇ haˬ zaˬ yaw dehꞈ dehꞈ-eu aˬ jeˬ gʼaˇ duˬ-a. Ngaˇ dehꞈ luꞈ-eu-aˬ, Ka li gʼaˇ duˬ ma. Shiˇ naˇ, ngaˬ-euˬ gʼaˇ duˬ jiˇ jeuˬ ma.

Gawˇlawˇsehˇ 1:29

Ngaˬ-euˬ laꞈ kʼoeˇ gaˇ mˇ luꞈ-eu Ka li neh biꞈ laꞈ-euˬ huiˬ dui dui-eu gʼaˬ-ahˇ gʼoe-eu laꞈ kʼoeˇ, kʼoeˇ loꞈ-ehˇ mˇ nya ni shaˬ shaˬ-ehˇ leh jeh luꞈ-eu ma.

2 Tiˆmoˇseˬ 1:12

Kʼoeˇ-euˬ gʼaˇ duˬ, kʼehˬ-eu kʼaˆ-eu heu deuˬ-ahˇ ngaˇ daˬ luꞈ-eu ma. Ehˇ kʼawꞈ, ngaˇ tiˬ pawꞈ-iˬ maˬ shaꞈ dawˇ. A jeˬ miˇ neh ehˇ naˇ, ngaˇ gʼoe luꞈ-eu gʼaˬ aˬ suˇ gʼaˬ-a lehˇ ngaˇ siˬ nya-awˇ, aˬ yawꞈ neh ngaˬ-ahˇ a nehˬ taˬ-euˬ jeˬ-ahˇ, Aˇ nah kʼoeˇ nah keuˆ laˇ ngeh keuˆ ni aˬ yawꞈ jeˬ hmˬ bo saˆ tehꞈ-a lehˇ ngaˇ siˬ nya ma.

2 Tiˆmoˇseˬ 2:5

Cehˆ ceh ceh-eu tsawˇ haˬ tiˬ gʼaˬ-aˬ, niˇ gʼa-eu zahˇ sahˇ kʼoꞈ-ahˇ maˬ caw teh naˇ laꞈ sawˬ maˬ za nya-a.

2 Tiˆmoˇseˬ 4:7

Cehˆ ceh ceh-eu heu laꞈ kʼoeˇ, ngaˇ kʼaˇ gʼeh nya-eu loꞈ-ehˇ cehˆ-euˬ ma. Aˇ saˬ saˬ ngeh keuˆ ni cehˆ-awˇ, jah-eu jeˬ-ahˇ ziꞈ dah ni tuˆ tehˬ luꞈ-eu ma.

HeˬByehˇ 12:1

Jah-eu jeˬ gaˇ kawˆ saˇ kiˇ kamˬ-euˬ tsawˇ haˬ kʼoeˇ deuˬ, aˬ dui-euˬ tiˬ jawˬ tiˬ byah ni jawˇ luꞈ ma. Kʼoeˇ miˇ neh, gaˇ ma-ahˇ kʼaˇ jaˆ tsoeˬ-eu yawˬ jeˬ na luꞈ-ahˇ aˬ dui teuˆ lehˆ-awˇ, aˬ dui-ahˇ deuˇ geuˆ ni lahˇ cuꞈ taꞈ-euˬ iˬ baˇ-ahˇ behˇ lehˆ-awˇ, aˬ dui mehˬ shi laˆ saˆ taˬ-euˬ cehˆ ceh ceh-eu gaˇ ma-ahˇ nui ma ziꞈ dah ni cehˆ gʼeh kaˇ-euˇ.

HeˬByehˇ 4:1

Nymˬ-mˇ poˆ jawˇ, Miˬyehˇ aˬ yawꞈ neh ehˇ dzeuˇ-euˬ gʼaˬ naˬ naˬ-eu jeˬ-ahˇ aˬ dui za ni saˇ jaˇ dzaˬ mawꞈ-eu meh. Kʼoeˇ miˇ neh, aˬ yawꞈ neh saˇ jaˇ dzaˬ taˬ-euˬ gʼaˬ naˬ naˬ-eu jeˬ kʼoeˇ-ahˇ, naw maꞈ tiˬ gʼaˬ-iˬ ma ya smˬ-iˇ ni yahˇ kaˇ-euˇ.

1 Beˬtuˆluˆ 5:1

Ka li zaˬ aˇ muˇ-euˬ tsawˇ mawˬ tsawˇ kʼaˆ tiˬ gʼaˬ pyeuꞈ-eu ngaˇ, naw maꞈ-euˬ Ka li zaˬ aˇ muˇ laꞈ kʼoeˇ jawˇ-eu tsawˇ mawˬ tsawˇ kʼaˆ deuˬ-ahˇ heu loꞈ-ehˇ shaˇ-eu ma. Ngaˇ-aˬ, kʼehˬ-eu kʼaˆ-eu jeˬ-ahˇ Ka li ya daˬ-euˬ gaˇ kawˆ saˇ kiˇ kamˬ-eu tsawˇ haˬ pyeuꞈ-eu loꞈ-ehˇ, Miˬyehˇ tsawˇ haˬ zaˬ-ahˇ Ka li-euˬ yaw shehꞈ kʼahˬ sehˇ pah mehˬ le ngeh, ngaˇ kʼawꞈ yaw shehꞈ kʼahˬ sehˇ kʼoeˇ za ma. Ngaˇ naw maꞈ-ahˇ heu loꞈ-ehˇ shaˇ-eu ma.

2 Beˬtuˆluˆ 1:10

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ neh naw maꞈ-ahˇ kuˇ-awˇ tseˇ doˆ nehˬ laꞈ-euˬ jeˬ-ahˇ aˬ myah luꞈ ziꞈ dah ni tuˆ tehˬ taˬ nya ni, yaw kʼaˆ kʼaˆ-ehˇ leh jeh-awˬ. Kʼoeˇ loꞈ-ehˇ mˇ naˇ, jah-eu jeˬ-ahˇ naw maꞈ tiˬ jawˇ-iˬ maˬ byehˇ dzeh-aˇ.

Yaˇ kʼaˬ daˇ 3:2

Iˇsaˬleˬlaˆ tsawˇ jeuˬ aˬ yawꞈ jo yawꞈ-ahˇ, guiˇ deuˆ-eu gaˇ kawˆ mehˬ nehˬ mawꞈ-eu miˇ neh, aˬ yawꞈ kʼoeˇ loꞈ-ehˇ mˇ-euˬ meh. Kʼaˆ tiˬ paˆ, guiˇ tiˬ jawˇ-iˬ maˬ deuˆ haw-euˬ tsawˇ haˬ-ahˇ guiˇ deuˆ-eu gaˇ kawˆ mehˬ nehˬ mawꞈ-eu meh.