1 Gawˇliˬtu 9:22 - Akha

²² Jah-eu gʼaˬ baˬ-eu tsawˇ haˬ deuˬ Ka li zaˬ bi pyeuꞈ laˇ-eu gʼaˇ duˬ, ngaˇ kʼawꞈ jah-eu gʼaˬ baˬ-eu tsawˇ haˬ geuꞈ-euˬ ma. Tsawˇ haˬ yawˬ gʼaˬ na luꞈ gʼaˇ duˬ yawˬ jeˬ na luꞈ ngaˇ geuꞈ doe-awˇ, aˬ yawꞈ maꞈ tiˬ paˆ na deuˬ-ahˇ aˬ joˆ-ehˇ jahˇ-awˇ ka kʼoꞈ paˬ nga lehˇ, kʼaˇ gʼeh nya-eu loꞈ-ehˇ leh jeh doe-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Ghaq baq-eu tsawrhaq, Kalizaq bi pyeuflarni, ngar, aqyawf maf-euq gharduq ghaq baq-eu tsawrhaq lof-aer pyeuf-eu ma. Aqjox-aer ghae-awr nae khawf, tsawrhaq tiqpavnav deuq kakhof-eu jeq bi za’ni, ngar, yawqghaq navluf-euq gharduq, yawqjeq navluf pyeuf-eu ma.

1 Gawˇliˬtu 9:22 ပူးပေါင်းရင်းမြစ်များ

Lormav 11:14

Ngaˇ kʼoeˇ loꞈ-ehˇ mˇ-eu miˇ neh ngaˬ-euˬ tsawˇ jeuˬ ngaˬ-ahˇ myaˆ naˆ-eu laꞈ kʼoeˇ, aˬ yawꞈ maꞈ tiˬ paˆ na deuˬ-ahˇ Miˬyehˇ ka kʼoꞈ nehˬ-eu duˇ.

Lormav 14:1

Jah-eu gʼaˬ baˬ-eu tsawˇ haˬ-ahˇ ha geuꞈ-awˬ. Ehˇ kʼawꞈ, aˬ yawꞈ neh noeˬ taˬ-euˬ jeˬ-ahˇ tsawˇ pyehˇ taˬ pyehˇ.

Lormav 14:2

Jah-eu tsawˇ haˬ tiˬ gʼaˬ na yawˬ jeˬ na luꞈ dzaˬ nya ma lehˇ noeˬ-eu meh. Ehˇ kʼawꞈ, jah-eu gʼaˬ baˬ-eu tsawˇ haˬ-aˬ, shaˬ jiˇ maˬ dzaˬ ni gʼawˬ paꞈ gʼawˬ nyoeˇ tehꞈ-ehˇ dzaˬ-eu meh.

Lormav 15:1

Aˬ dui jah-eu gʼaˬ kʼaˆ-eu tsawˇ haˬ deuˬ-aˬ, gʼaˬ baˬ-eu deuˬ-euˬ kʼaˆ behˆ caw pi nehˬ-eu tsaˬ meh. Aˬ dui gʼaˇ duˬ muiˬ ni mˇ-eu maˬ tsaˬ-a.

Lormav 15:2

Aˬ dui-euˬ cawˬ Ka li zaˬ deuˬ jah-eu laꞈ kʼoeˇ huiˬ laˇ mahˇ laˇ nya ni, aˬ dui yawˬ gʼaˬ na luꞈ aˬ yawꞈ maꞈ gʼaˇ duˬ muiˬ ni mˇ-eu tsaˬ meh.

1 Gawˇliˬtu 10:33

Ngaˬ neh kʼaˇ mˇ-euˬ loꞈ-ehˇ mˇ-awˬ. Ngaˇ kʼaˇ mˇ-eu jeˬ laꞈ kʼoeˇ, tsawˇ haˬ yawˬ gʼaˬ na luꞈ nui kʼahˇ shiˇ ni mˇ-eu ma. Aˬ yawꞈ maꞈ ka kʼoꞈ-eu jeˬ za nya ni, ngaˬ-euˬ gʼaˇ duˬ muiˬ-eu jeˬ-ahˇ maˬ shaˇ noeˬ-ehˇ, aˬ cawˬ gʼaˇ duˬ muiˬ-eu jeˬ-ahˇ shaˇ noeˬ-awˇ mˇ-eu ma.

1 Gawˇliˬtu 7:16

Ka li zaˬ pyeuꞈ-eu aˬ cawˬ-euˬ miˬ zaˬ deuˬ-oˇ, nawˬ-euˬ kʼaˬ dzeˇ zaˬ-ahˇ nawˇ maˬ ka kʼoꞈ nya-aˇ lehˇ ehˇ nya te loˇ. Ka li zaˬ pyeuꞈ-eu aˬ cawˬ-euˬ kʼaˬ dzeˇ zaˬ deuˬ-oˇ, nawˬ-euˬ miˬ zaˬ-ahˇ nawˇ maˬ ka kʼoꞈ nya-aˇ lehˇ ehˇ nya te loˇ.

1 Gawˇliˬtu 8:13

Kʼoeˇ miˇ neh, dzaˬ-eu dawˇ-eu jeˬ baˬ da neh aˬ yuiꞈ aˬ nyiˇ Ka li zaˬ iˬ baˇ mˇ doˆ laꞈ-eu ngeuˇ lawˬ naˇ, Ka li zaˬ tiˬ gʼaˬ iˬ baˇ laꞈ kʼoeˇ maˬ bi coˬ ahˇ-eu gʼaˇ duˬ, ngaˇ shaˬ jiˇ tiˬ jawˇ-iˬ maˬ paˇ dzaˬ ma.

1 Gawˇliˬtu 9:19

Ngaˇ-aˬ, tsawˇ haˬ tiˬ gʼaˬ-iˬ-euˬ zaˬ kʼaˆ maˬ ngeuˇ-eu kʼawꞈ, tsawˇ haˬ gʼawˬ mya ni Ka li zaˬ bi pyeuꞈ laˇ-eu gʼaˇ duˬ, tsawˇ haˬ yawˬ gʼaˬ na luꞈ-euˬ zaˬ kʼaˆ geuꞈ-euˬ gaˇ duˇ ma.

1 Gawˇliˬtu 9:23

Laˬ kʼaˬ cehˇ-eu Guiˬ lahˬ dawˬ-ahˇ taꞈ-eu guiˬ lahˬ-ahˇ ngaˇ jiˇ za nya ni, Laˬ kʼaˬ cehˇ-eu Guiˬ lahˬ dawˬ gʼaˇ duˬ kʼoeˇ deuˬ dawˬ tawˆ luꞈ ngaˇ mˇ-euˬ ma.

2 Gawˇliˬtu 11:29

Tsawˇ haˬ tiˬ gʼaˬ na gʼaˬ baˬ ngeh, ngaˬ-ahˇ gʼaˬ baˬ laˇ-eu miˇ-a. Tsawˇ haˬ tiˬ gʼaˬ na iˬ baˇ laꞈ kʼoeˇ coˬ-iˇ ngeh, ngaˬ-ahˇ noeˬ shaˬ miˇ-a.

Gaˬlaˬtiˆ 6:1

Aˬ yuiꞈ aˬ nyiˇ Ka li zaˬ deuˬ-oˇ, tsawˇ haˬ tiˬ gʼaˬ na mˇ lehˬ naˇ, naw maꞈ laꞈ kʼoeˇ guiˬ lahˬ saꞈ laˇ paw gʼaˬ kʼaˆ-eu deuˬ aˬ yawꞈ-ahˇ ciˬ tuˇ nehˬ-eu tsaˬ meh. Ehˇ kʼawꞈ, nui nahˬ nui yu ahˇ-eu laꞈ kʼoeˇ ciˬ tuˇ nehˬ-awˬ. Yawˬ ha kʼawꞈ, muˇ juˇ juˇ-eu mehˬ nah maˬ ya caw teh gʼeh ni yahˇ-awˬ.