1 Gawˇliˬtu 9:13 - Akha

¹³ Uˬ duˬ tahˬ nymˇ nymˇ ma laꞈ kʼoeˇ gaˇ mˇ-eu tsawˇ haˬ deuˬ Uˬ duˬ tahˬ nymˇ nymˇ ma-ahˇ jaˆ-eu dzaˬ dzaˬ dawˇ dawˇ za-awˇ, lawˇ duˬ kʼoeˇ taˆ kʼaˇ lawˇ-euˬ jeˬ laꞈ kʼoeˇ, lawˇ-eu jeˬ mˇ nehˬ-eu gʼaˬ-ahˇ oꞈ-eu shaˬ bymˇ jaˆ-eu gaˇ kawˆ naw maꞈ siˬ duˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Yawshawr jeq-anr taf-eu gar mr-eu deuq-aq, uqduq tanqnymr nymrma-euq lafkhoer jav-eu dzaqdzaq dawrdawr yadzaq-awr, lawrduq-anr gar mr-eu deuq khawf, lawrnaeq taq-euq jeq ya birdzaq-eu mae laer nawmaf maq siqnya-eu le laq?

1 Gawˇliˬtu 9:13 ပူးပေါင်းရင်းမြစ်များ

Uˬ duˬ 21:22

Kʼoeˇ loꞈ-ehˇ gʼeh-eu tsawˇ haˬ deuˬ-aˬ, ngaˬ-ahˇ lawˇ nehˬ-euˬ muiˬ-eu shawˇ-eu dzaˇ maˬ ehˇ, muiˬ dui shawˇ dui dui-eu dzaˇ maˬ ehˇ, dzaˬ nya meh.

Uˬ duˬ 22:7

Nahˇ ma ga ahˇ gʼaˬ ngeh, aˬ yawꞈ shawˇ laˇ-eu meh. Kʼoeˇ naˇ, aˬ yawꞈ-euˬ dzaˇ pyeuꞈ-eu lawˇ gʼaˬ-euˬ muiˬ-eu shawˇ-eu dzaˇ deuˬ aˬ yawꞈ dzaˬ nya meh.

Uˬ duˬ 6:26

Jeˬ zaˬ kʼoeˇ mawˇ-ahˇ lawˇ-eu piˇ ma gʼaˬ, Sahˬpaˬ Miˬyehˇ jawˇ-eu Sehˬ gʼawˆ yaˇ kmˇ laꞈ kʼoeˇ, muiˬ-eu shawˇ-eu jawˇ duˬ tiˬ tsahˇ-ahˇ, jeˬ zaˬ kʼoeˇ mawˇ-euˬ shaˬ jiˇ ya dzaˬ meh.

Uˬ duˬ 7:31

Tsiˇ kʼoeˇ-ahˇ piˇ ma gʼaˬ yuˇ-awˇ, lawˇ duˬ kʼoeˇ taˆ ya lawˇ meh. Ehˇ kʼawꞈ, kʼahˬ kʼoeˇ hmˬ-aˬ, piˇ ma deuˬ-euˬ gʼaˇ duˬ pyeuꞈ-eu meh.

Bawˇtsahˬ 18:31

Dzehˬ laˇ-euˬ kʼoeˇ deuˬ-ahˇ, naw maꞈ hawˇ-eu naw maꞈ-euˬ miˬ sawˇ zaˬ deuˬ jawˇ duˬ maˬ tseˇ ni dzaˬ nya meh. Aˬ jeˬ miˇ neh ehˇ naˇ, kʼoeˇ-aˬ, Sehˬ gʼawˆ laꞈ kʼoeˇ naw maꞈ gaˇ mˇ-eu miˇ neh za-euˬ gʼaˬ gaˇ poeˬ meh.

Lormav 6:16

Tsawˇ haˬ tiˬ gʼaˬ na-euˬ myawˬ kʼehˇ gʼoˆ nehˬ-eu gʼaˇ duˬ zaˬ kʼaˆ geuꞈ-eu lehˇ yawˬ ha-euˬ gʼawˇ mawˇ a nehˬ gʼaˬ shaw naˇ, yawˬ ha myawˬ kʼehˇ gʼoˆ nehˬ-eu baw leˬ kʼoeˇ gʼaˬ-euˬ zaˬ kʼaˆ pyeuꞈ tsehˆ tsehˆ-euˬ meh lehˇ naw maꞈ siˬ duˬ luꞈ meh. Iˬ baˇ-euˬ ehˇ dawˬ naˇ haˬ naˇ, shiˇ gaˇ ya keuˆ tehꞈ-a. Miˬyehˇ-euˬ ehˇ dawˬ naˇ haˬ naˇ, aˬ yawꞈ-ahˇ tsaˬ leˇ tsahˇ leˇ gaˇ ya keuˆ tehꞈ-a.

1 Gawˇliˬtu 10:18

Iˇsaˬleˬlaˆ tsawˇ haˬ gaˇ kawˆ shaˇ sawˇ haw sheˇ. Lawˇ dzaˇ kʼaˇ dzaˬ-euˬ tsawˇ haˬ deuˬ-aˬ, lawˇ duˬ kʼoeˇ taˆ Miˬyehˇ-ahˇ lawˇ-eu jeˬ mˇ-eu laꞈ kʼoeˇ tiˬ gaˇ taꞈ-eu maˬ ngeuˇ-a loˇ.

1 Gawˇliˬtu 9:24

Cehˆ ceh ceh ngeh tsawˇ haˬ gʼawˬ mya ni uˇ leˇ-awˇ cehˆ kʼawꞈ, tiˬ gʼaˬ tehꞈ-ehˇ laꞈ sawˬ za-eu maˬ ngeuˇ-a loˇ. Kʼoeˇ miˇ neh, laꞈ sawˬ za nya ni cehˆ-awˬ.

Dawˬmehˬ 10:9

Kʼoeˇ miˇ neh, Leˬbiˇ tsawˇ jeuˬ-aˬ, Iˇsaˬleˬlaˆ tsawˇ jeuˬ nui deuˬ loꞈ-ehˇ miˇ kʼahˬ maˬ za-a. Aˬ yawꞈ maꞈ za-euˬ jeˬ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, Sahˬpaˬ Miˬyehˇ gʼaˇ duˬ piˇ ma geuꞈ-eu kʼoeˇ meh.)

1 Saˬmeuˬlaˆ 2:28

Piˇ ma geuꞈ-awˇ, lawˇ duˬ-ahˇ ngaˬ-euˬ gaˇ bi mˇ-eu gʼaˇ duˬ maˬ ehˇ, tsiˇ yaw saw jeˬ doꞈ-eu gʼaˇ duˬ maˬ ehˇ, piˇ ma deuˬ ya dm-eu pehˇ kʼahˬ pehˇ nymˇ dm-awˇ ngaˬ-euˬ mehˬ shi bi laˇ-eu gʼaˇ duˬ maˬ ehˇ, Iˇsaˬleˬlaˆ tsawˇ jeuˬ tsawˇ ca heu myaˆ ni gʼeh-eu laꞈ kʼoeˇ, Aˬloˬ-euˬ nymˇ jiˇ-ahˇ ngaˇ tseˇ doˆ-euˬ ma. Lawˇ duˬ kʼoeˇ taˆ dzah puiˆ-awˇ lawˇ-eu jeˬ laꞈ kʼoeˇ, aˬ yawꞈ maꞈ-ahˇ oꞈ-eu shaˬ bymˇ bi baw-euˬ ma.