1 Gawˇliˬtu 9:12 - Akha

¹² Naw maꞈ neh kʼoeˇ loꞈ-ehˇ gʼeh-eu jeˬ caw ba nehˬ-euˬ gaˇ aˬ cawˬ za geuˇ naˇ, nga maꞈ kʼoeˇ naˆ maˬ tseˇ maˬ za geuˇ-aˇ loˇ. Ehˇ kʼawꞈ, nga maꞈ kʼaˇ za geuˇ-eu jeˬ nga maꞈ maˬ geuꞈ-aˬ. Ka li gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ gaˇ jaˆ tsoeˬ-eu jeˬ maˬ bi pyeuꞈ-eu gʼaˇ duˬ, yawˬ jeˬ na luꞈ-ahˇ nga maꞈ daˬ dzeuˇ oˇ dzeuˇ yaꞈ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Aqcawq, nawmaf nae bif-euq gar za-eu geux nar-aq, nga’maf ngeurdzaeq, aqcawq navmaqtser za-eu geux-eu maqngeur-a laq? Nga’maf za-eu geux-eu khawf khoerlof-aer maqjanr-aq. Aqjeq mirnae aernar-aq, Kali-euq guiqlanq dawq-anr maqya lavtsoeqni, nga’maf yawqjeq navluf-anr daq-eu ma.

1 Gawˇliˬtu 9:12 ပူးပေါင်းရင်းမြစ်များ

Aˇ dahˬ 24:56

“Nga maꞈ-ahˇ heu gaˇ taˬ paˇ bi jawˇ nehˬ laꞈ. Gaˇ heu hmˬ pyeuꞈ leˇ ni Sahˬpaˬ Miˬyehˇ nga maꞈ-ahˇ mˇ nehˬ laꞈ gʼaˬ-euˬ miˇ neh, nga maꞈ-euˬ baw leˬ jawˇ gaˇ bi gʼoꞈ-iˇ laꞈ-awˬ” lehˇ, zaˬ kʼaˆ kʼoeˇ gʼaˬ ehˇ-eu meh.

Neˬhaˬmiˇ 4:8

Kʼoeˇ miˇ neh, aˬ yawꞈ maꞈ dawˬ tawˆ luꞈ Yeˬluˇsaˬlehˬ meuˬ-ahˇ guiˇ deuˆ laˇ-awˇ laˆ bahˬ laˆ muˆ-eu gʼaˇ duˬ mehˬ bawˬ mˇ kʼoeˬ-euˬ meh.

Luˇkaꞈ 11:52

“Zahˇ dawˬ kʼoꞈ dawˬ mehˬ-eu saˬ laˬ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, zaˬ siˬ tsawˇ gahˇ laˇ gʼoˆ-euˬ mawˬ tawꞈ kahˬ naw maꞈ tuˆ tehˬ taˬ-awˇ, naw maꞈ maˬ uˇ leˇ-eu uˬ taꞈ, aˬ cawˬ uˇ leˇ gaˇ naw maꞈ laˆ tsoeˬ-eu meh.”

Gʼaˬkʼehˇ 18:3

Aˬ nyaꞈ dzeˇ zaˬ nehˬ-ehˇ aˬ yawꞈ jawˇ-awˇ gaˇ mˇ-euˬ meh. Aˬ jeˬ miˇ neh ehˇ naˇ, aˬ yawꞈ kʼawꞈ, aˬ nyaꞈ dzeˇ zaˬ loꞈ-ehˇ saˬ paˇ sehˬ gʼawˆ guꞈ ahˬ-awˇ dehꞈ-eu tsawˇ haˬ pyeuꞈ-eu meh.

Lormav 15:22

Ngaˇ naw maꞈ jawˇ gaˇ laˇ-eu lehˇ gʼawˬ mya poˆ gʼeh-euˬ kʼawꞈ, maˬ laˇ doˆ nya-aˬ.

1 Gawˇliˬtu 13:7

Gʼoeˇ-eu gaˬ-eu jeˬ-aˬ, dawˬ tawˆ luꞈ-ahˇ daˬ coeˇ-eu meh. Dawˬ tawˆ luꞈ-ahˇ jah coeˇ-eu meh. Dawˬ tawˆ luꞈ-ahˇ noeˬ tmˬ coeˇ-eu meh. Dawˬ tawˆ luꞈ-ahˇ oˇ coeˇ-eu meh.

1 Gawˇliˬtu 6:7

Naw maꞈ yaw kaˬ yaˇ kʼaˬ mehˬ dzaˬ laˆ doˆ-eu lehˇ ehˇ-eu teu-aˬ, naw maꞈ gʼaˇ duˬ smˬ dui dui-eu jeˬ pyeuꞈ-eu meh. Aˬ cawˬ neh yaw doeˇ bi jahˇ-eu-aˬ, kʼoeˇ naˆ maˬ tseˇ maˬ gaˇ dzehˬ tehꞈ-a. Aˬ cawˬ neh tahˇ joe bi joe-eu kʼawꞈ, kʼoeˇ naˆ maˬ tseˇ maˬ gaˇ dzehˬ tehꞈ-a.

1 Gawˇliˬtu 9:14

Kʼoeˇ loꞈ-ehˇ duˇ ni, Laˬ kʼaˬ cehˇ-eu Guiˬ lahˬ dawˬ kʼaˇ mehˬ-eu tsawˇ haˬ kʼawꞈ, kʼoeˇ loꞈ-ehˇ mehˬ-eu miˇ neh ya bi dzaˬ ya bi dawˇ meh lehˇ, Sahˬpaˬ Miˬyehˇ neh dawˬ biꞈ taˬ-euˬ jaˆ meh.

1 Gawˇliˬtu 9:15

Ehˇ kʼawꞈ, ngaˇ za geuˇ-eu kʼoeˇ deuˬ-ahˇ ngaˇ maˬ geuꞈ-aˬ. Kʼoeˇ deuˬ-ahˇ za mawꞈ-eu miˇ neh nymˬ-mˇ sahˬ boꞈ heu taꞈ boꞈ-eu kʼawꞈ maˬ ngeuˇ. Ngaˇ nui ma huiˬ kʼaˇ za-eu heu-ahˇ aˬ cawˬ laˆ cawˆ laˇ gaˇ keuˆ naˇ, ngaˬ-euˬ gʼawˇ mawˇ shiˇ dah ma.

1 Gawˇliˬtu 9:16

Ngaˇ Laˬ kʼaˬ cehˇ-eu Guiˬ lahˬ dawˬ mehˬ-eu baˬ da neh kʼahˬ sehˇ jehˆ kʼaˇ za-eu maˬ ngeuˇ. Maˬ mehˬ-ehˇ maˬ gʼeh nya ni Miˬyehˇ neh ciˬ pi nehˬ laꞈ-euˬ meh. Ngaˇ Laˬ kʼaˬ cehˇ-eu Guiˬ lahˬ dawˬ maˬ mehˬ naˇ, ngaˬ-euˬ gʼaˇ duˬ aˇ naˆ ni guˆ kʼaˇ za-eu nga.

1 Gawˇliˬtu 9:18

Toˆ-ehˇ ngeuˇ naˇ, ngaˇ aˬ geu jeˬ aˇ poeˬ za ta. Aˇ poeˬ maˬ yuˇ ni Laˬ kʼaˬ cehˇ-eu Guiˬ lahˬ dawˬ mehˬ-awˇ, kʼoeˇ loꞈ-ehˇ mˇ-euˬ baˬ da neh ngaˇ za geuˇ-eu jeˬ-ahˇ ngaˇ maˬ geuꞈ-euˬ kʼoeˇ-aˬ, ngaˬ neh za-euˬ guiˬ lahˬ ma.

1 Gawˇliˬtu 9:2

Aˬ cawˬ ngaˬ-ahˇ Miˬyehˇ-euˬ gʼaˬ kʼehˇ lehˇ maˬ sawˇ kʼawꞈ, naw maꞈ sawˇ-eu tsaˬ meh. Naw maꞈ Sahˬpaˬ Miˬyehˇ laꞈ kʼoeˇ dehꞈ luꞈ-eu kʼoeˇ-aˬ, ngaˇ gʼaˬ kʼehˇ pyeuꞈ-eu saˇ kiˇ meh.

2 Gawˇliˬtu 11:12

Gʼaˬ kʼehˇ kʼoeˇ deuˬ gʼeh nga maꞈ kʼaˇ mˇ-eu loꞈ-ehˇ mˇ luꞈ-eu ma lehˇ ehˇ-awˇ kʼahˬ sehˇ jehˆ kʼaˇ maˬ bi za ni, nymˬ-mˇ ngaˇ kʼaˇ mˇ luꞈ-eu jeˬ-ahˇ maˬ byehˇ dzeh ni mˇ daˆ leꞈ ma.

2 Gawˇliˬtu 11:20

Aˬ cawˬ naw maꞈ-ahˇ kʼehˇ dzaˬ laˇ gaˇ maˬ ehˇ, nawˬ dzaˬ kʼaˆ dzaˬ laˇ gaˇ maˬ ehˇ, zuiˆ laˇ gaˇ maˬ ehˇ, daˆ dziˬ laˇ gaˇ maˬ ehˇ, baˬ ba-ahˇ tehˆ laˇ gaˇ maˬ ehˇ, naw maꞈ daˬ coeˇ meh ehˇ lawˬ laˬ.

2 Gawˇliˬtu 2:12

Ka li gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-eu lehˇ Daˬloˇ meuˬ-ahˇ ngaˇ laˇ keuˆ ngeh, kʼoeˇ gaˇ gaˇ mˇ nya ni Sahˬpaˬ Yeˬsuˇ ngaˬ-ahˇ gaˇ ma pah nehˬ laꞈ taˬ-euˬ gaˇ ya mawˇ-euˬ ma.

2 Gawˇliˬtu 6:3

Nga maꞈ Miˬyehˇ gaˇ mˇ-eu laꞈ kʼoeˇ aˬ cawˬ iˬ baˇ taˬ kʼaˇ maˬ bi za-eu gʼaˇ duˬ, aˬ cawˬ sahˬ tiꞈ tiꞈ ni gaˇ ma-ahˇ laˆ tsoeˬ-eu jeˬ nga maꞈ maˬ jahˇ.