1 Gawˇliˬtu 9:1 - Akha

¹ Ngaˇ yawˬ ha mˇ mawꞈ-eu jeˬ maˬ mˇ nya ni bi ka lahˇ taˬ-euˬ tsawˇ haˬ nga loˇ. Gʼaˬ kʼehˇ geuꞈ luꞈ-eu tsawˇ haˬ maˬ ngeuˇ nga loˇ. Aˬ dui-euˬ Sahˬpaˬ Yeˬsuˇ-ahˇ ya mawˇ-euˬ tsawˇ haˬ maˬ ngeuˇ nga loˇ. Naw maꞈ-aˬ, Sahˬpaˬ Miˬyehˇ-euˬ gaˇ-ahˇ ngaˬ neh mˇ-awˇ mˇ doˆ shaˇ doˆ taˬ-euˬ aˇ siˬ aˇ lu deuˬ maˬ ngeuˇ te loˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ngar, ghaqkhaer maqngeur-a lor? Ngar buq-ir-euq tsawrhaq maqngeur-a laq? Ngar, aqdui-euq Sanqpaq Yeqsur Kali-anr ya’mawr-euq maqngeur-a lor? Nawmaf-aq, Sanqpaq Miqyaer-euq lafkhoer ngaq nae mrtaq-euq gar maqngeur le laq?

1 Gawˇliˬtu 9:1 ပူးပေါင်းရင်းမြစ်များ

Gʼaˬkʼehˇ 13:2

Aˬ yawꞈ maꞈ maˬ dzaˬ-eu zahˇ jahˇ-awˇ Sahˬpaˬ Miˬyehˇ-ahˇ uˬ duˬ tahˬ tahˬ-ehˇ jawˇ ngeh, Muiˬ-eu shawˇ-eu Yaw sahˇ Miˬyehˇ aˬ yawꞈ maꞈ-ahˇ ehˇ-eu, “Ngaˬ neh a yawꞈ nyaꞈ-ahˇ bi mˇ-eu lehˇ kuˇ-euˬ gaˇ deuˬ-ahˇ bi mˇ-eu gʼaˇ duˬ, Baˬnaˬbaˇ hawˇ-eu Sawˇluˆ aˬ ha nyaꞈ-ahˇ tseˇ doˆ-awˇ bi jawˇ-awˬ.”

Gʼaˬkʼehˇ 14:14

Tsawˇ haˬ kʼoeˇ deuˬ kʼoeˇ loꞈ-ehˇ jahˇ-eu lehˇ gʼeh-eu gaˇ kawˆ, Baˬnaˬbaˇ hawˇ-eu Pawˇluˆ aˬ nyaꞈ ya gaˬ ngeh, aˬ yawꞈ nyaꞈ yawˬ ha dm luꞈ-eu mehˬ tsoeˬ gʼeu pyaˬ-awˇ, heu loꞈ-ehˇ guˇ guˇ-ehˇ tsawˇ haˬ aˇ maꞈ yaw kaˬ-ahˇ coeˬ uˇ gʼeh-euˬ meh.

Gʼaˬkʼehˇ 14:4

Meuˬ kʼoeˇ meuˬ-ahˇ jawˇ-eu tsawˇ haˬ deuˬ nyiˬ paˆ paˆ-iˇ-euˬ meh. Tiˬ paˆ na deuˬ Yuˇdaˆ tsawˇ haˬ deuˬ jawˇ paw pyawˬ-awˇ, tiˬ paˆ na deuˬ-aˬ, gʼaˬ kʼehˇ kʼoeˇ nyiˬ gʼaˬ jawˇ paw pyawˬ-euˬ meh.

Gʼaˬkʼehˇ 23:11

Kʼoeˇ ngeh miˇ, Sahˬ paˬ Yeˬsuˇ Pawˇluˆ-euˬ dawˬ peh yawꞈ le-awˇ ehˇ-eu, “Taˬ guˆ. Yeˬluˇsaˬlehˬ meuˬ laꞈ kʼoeˇ ngaˬ-euˬ gʼaˇ duˬ nawˇ saˇ kiˇ kamˬ gʼaˬ-euˬ meh. Loˇmaˆ meuˬ laꞈ kʼoeˇ kʼawꞈ, kʼoeˇ loꞈ-ehˇ ya kamˬ meh.”

Gʼaˬkʼehˇ 9:15

Sahˬpaˬ Yeˬsuˇ ehˇ-eu, “Iˇ-awˬ. Aˬ jeˬ miˇ neh ehˇ naˇ, Yuˇdaˆ tsawˇ haˬ maˬ ngeuˇ-eu deuˬ maˬ ehˇ, miˇ kʼahˬ sahˬ paˬ deuˬ maˬ ehˇ, Iˇsaˬleˬlaˇ tsawˇ haˬ deuˬ maˬ ehˇ, ngaˬ-euˬ tsawˇ myahˇ-ahˇ siˬ nya laˇ ni bi mˇ-eu gʼaˇ duˬ, aˬ yawꞈ-ahˇ ngaˇ tseˇ doˆ taˬ-euˬ ma.

Gʼaˬkʼehˇ 9:17

Kʼoeˇ naˇ, Aˬnaˬniˇ iˇ-awˇ, nymˇ kʼoeˇ nymˇ-ahˇ uˇ-iˇ-awˇ, Sawˇluˆ kʼoeˇ taˆ aˬ laꞈ baꞈ daˆ-awˇ, heu loꞈ-ehˇ ehˇ nehˬ-euˬ meh. “Aˬ nyiˇ Sawˇluˆ-oˇ, nawˇ heu gaˇ laˇ luꞈ ngeh gaˇ pehˇ-ahˇ nawˬ-ahˇ bi mawˇ le-euˬ Sahˬpaˬ Yeˬsuˇ kʼoeˇ gʼaˬ ngaˬ-ahˇ nawˇ jawˇ gaˇ kʼehˇ gʼeh leꞈ-euˬ meh. Nawˇ myaˆ nuiˆ paˇ mawˇ laˇ-awˇ, Muiˬ-eu shawˇ-eu Yaw sahˇ Miˬyehˇ za nya ni, aˬ yawꞈ ngaˬ-ahˇ kʼehˇ gʼeh leꞈ-euˬ meh.”

Gʼaˬkʼehˇ 9:3

Aˬ yawꞈ Daˬmaˬsehˇ meuˬ dawˬ peh le keuˆ ngeh, ja pyuˬ ni mˬ kʼoeˇ taˆ neh aˬ yawꞈ-euˬ tiˬ jawˬ yaw shehꞈ bya le-euˬ meh.

Gʼaˬkʼehˇ 9:5

Aˬ yawꞈ ehˇ-eu, “Sahˬpaˬ-oˇ, nawˇ aˬ suˇ gʼaˬ te.”

Lormav 1:1

Ngaˇ-aˬ, Yeˬsuˇ Ka liˬ-euˬ zaˬ kʼaˆ Pawˇluˆ ma. Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ mehˬ-eu gʼaˇ duˬ, Miˬyehˇ neh tseˇ doˆ-awˇ kuˇ-euˬ gʼaˬ kʼehˇ tiˬ gʼaˬ pyeuꞈ-eu ma.

Lormav 1:5

Tsawˇ jeuˬ dawˬ tawˆ luꞈ jah laˇ-awˇ naˇ haˬ geuꞈ ni sheuˬ gʼeh-eu gʼaˇ duˬ, Ka li-euˬ gʼaˬ kʼehˇ bi geuꞈ-eu lehˇ, Ka li-ahˇ gʼoe-awˇ Miˬyehˇ ngaˬ-ahˇ aˬ kawˬ-aˬ biꞈ laꞈ-euˬ meh.

Lormav 11:13

Nymˬ-mˇ poˆ jawˇ-aˬ, naw maꞈ Yuˇdaˆ tsawˇ haˬ maˬ ngeuˇ-eu deuˬ-ahˇ ngaˇ ehˇ luꞈ-eu ma. Ngaˇ-aˬ, Yuˇdaˆ tsawˇ haˬ maˬ ngeuˇ-eu deuˬ gʼaˇ duˬ gaˇ mˇ-eu gʼaˬ kʼehˇ kʼaˇ geuꞈ luꞈ kʼoeˇ keuˆ ni, ngaˬ-euˬ gaˇ-ahˇ ngaˇ taˬ huiˬ dui dui-eu ma.

1 Gawˇliˬtu 1:1

Yeˬsuˇ Ka li-euˬ gʼaˬ kʼehˇ geuꞈ-eu gʼaˇ duˬ Miˬyehˇ nui ma tsaˬ-awˇ kuˇ taˬ-euˬ gʼaˬ pyeuꞈ-eu ngaˇ Pawˇluˆ hawˇ-eu, aˬ duiˬ-euˬ aˬ nyiˇ pyeuꞈ-eu Suˇdeˬ nga nyaꞈ,

1 Gawˇliˬtu 10:29

Ngaˇ heu loꞈ-ehˇ ehˇ-eu-aˬ, naw maꞈ-euˬ siˬ nya-eu nui ma gʼaˇ duˬ shaˇ noeˬ-awˬ lehˇ ehˇ mawꞈ-eu maˬ ngeuˇ. Aˬ cawˬ-euˬ siˬ nya-eu nui ma gʼaˇ duˬ shaˇ noeˬ-awˬ lehˇ ehˇ mawꞈ-eu ma. Toˆ-ehˇ ngeuˇ naˇ, aˬ cawˬ-euˬ siˬ nya-eu nui ma gʼaˇ duˬ shaˇ noeˬ-awˇ yawˬ ha mˇ nya-eu jeˬ maˬ mˇ ni ya dzahˬ tehˬ ta loˇ lehˇ, tsawˇ haˬ tiˬ gʼaˬ na ehˇ mawꞈ tehꞈ-a.

1 Gawˇliˬtu 10:30

Yawˬ ha dzaˬ-eu dzaˇ gʼaˇ duˬ Miˬyehˇ-ahˇ ja ceuˬ ngeh, yawˬ ha neh Miˬyehˇ-ahˇ ja ceuˬ-awˇ dzaˬ-euˬ dzaˇ-ahˇ aˬ cawˬ aˬ jeˬ ehˇ kʼaˇ paˇ za ta lehˇ ehˇ mawꞈ tehꞈ-a.

1 Gawˇliˬtu 11:16

Gaˇ kawˆ heu-ahˇ taꞈ leˇ-awˇ tsawˇ haˬ tiˬ gʼaˬ na dawˬ ja myaˬ mawꞈ naˇ, aˬ dui maꞈ maˬ ehˇ, Miˬyehˇ-euˬ Ka li zaˬ aˇ muˇ deuˬ maˬ ehˇ, uˬ duˬ tahˬ ngeh ya caw teh-eu zahˇ sahˇ kʼoꞈ yawˬ-awˇ yawˬ maˬ paˇ jaˆ ma lehˇ ngaˇ ehˇ mawꞈ-eu ma.

1 Gawˇliˬtu 3:6

Ngaˇ-aˬ, ka-eu gʼaˬ pyeuꞈ-awˇ, Aˬpawˇluˆ-aˬ, iˇ cuꞈ shehˬ-eu gʼaˬ pyeuꞈ-eu meh. Ehˇ kʼawꞈ, aˇ bawˬ mehˇ laˇ ni jahˇ-eu gʼaˬ-aˬ, Miˬyehˇ meh.

1 Gawˇliˬtu 9:19

Ngaˇ-aˬ, tsawˇ haˬ tiˬ gʼaˬ-iˬ-euˬ zaˬ kʼaˆ maˬ ngeuˇ-eu kʼawꞈ, tsawˇ haˬ gʼawˬ mya ni Ka li zaˬ bi pyeuꞈ laˇ-eu gʼaˇ duˬ, tsawˇ haˬ yawˬ gʼaˬ na luꞈ-euˬ zaˬ kʼaˆ geuꞈ-euˬ gaˇ duˇ ma.

2 Gawˇliˬtu 10:7

Naw maꞈ-aˬ, myaˆ-ahˇ mawˇ laˇ-eu kʼoeˇ taˆ paw-euˬ gaˇ kawˆ-ahˇ tehꞈ-ehˇ haw-eu meh. Ngaˇ Ka li-euˬ tsawˇ haˬ ma lehˇ kʼaˬ duˬ ni ehˇ tsehˆ peuˬ-eu tsawˇ haˬ jawˇ-eu ngeuˇ naˇ, yawˬ ha gaˇ kawˆ yawˬ ha yaw muiˬ paˬ-ehˇ paˇ bi shaˇ noeˬ duˬ-awˬ. Aˬ jeˬ miˇ neh ehˇ naˇ, nga maꞈ kʼawꞈ aˬ yawꞈ loꞈ-ehˇ Ka liˬ-euˬ tsawˇ haˬ pyeuꞈ-eu ma.

2 Gawˇliˬtu 11:5

Huiˬ dzehˬ mahˇ dzehˬ-eu gʼaˬ kʼehˇ deuˬ lehˇ naw maꞈ kuˇ-eu gʼaˬ kʼehˇ kʼoeˇ deuˬ naˆ maˬ tseˇ ngaˇ tiˬ pawꞈ-iˬ maˬ nyiˇ teˬ lehˇ noeˬ-eu ma.

2 Gawˇliˬtu 6:1

Naw maꞈ neh za taˬ-euˬ Miˬyehˇ-euˬ guiˬ lahˬ yaw dzahˇ kʼoeˇ yawꞈ ngehꞈ-ehˇ maˬ bi pyeuꞈ-iˇ-eu gʼaˇ duˬ, nga maꞈ Miˬyehˇ nehˬ-ehˇ tiˬ kawˆ loꞈ-ehˇ gaˇ mˇ luꞈ-eu laꞈ kʼoeˇ naw maꞈ-ahˇ shaˇ-eu ma.

Gaˬlaˬtiˆ 1:1

Gʼaˬ kʼehˇ bi geuꞈ-eu gʼaˇ duˬ tsawˇ haˬ zaˬ neh kuˇ-euˬ maˬ ngeuˇ-ehˇ, tsawˇ haˬ zaˬ neh gʼaˬ kʼehˇ ka nehˬ-euˬ kʼawꞈ maˬ ngeuˇ ni, Yeˬsuˇ Ka li hawˇ-eu aˬ yawꞈ-ahˇ bi gʼoꞈ dehꞈ laˇ-euˬ Aˬda Miˬyehˇ neh kuˇ-euˬ gʼaˬ pyeuꞈ-eu ngaˇ Pawˇluˆ hawˇ-eu

Gaˬlaˬtiˆ 5:1

Aˬ dui buˬ-iˇ-euˬ tsawˇ haˬ pyeuꞈ laˇ ni, Ka li neh aˬ dui-ahˇ bi buˬ-iˇ laꞈ-euˬ meh. Kʼoeˇ miˇ neh, buˬ-iˇ-euˬ tsawˇ haˬ loꞈ-ehˇ ziꞈ dah ni jawˇ-awˬ. Zaˬ kʼaˆ taˬ paˇ geuꞈ.

1 Teˇsaˬloˇni 2:6

Aˬ cawˬ neh bi ciˬ poeˬ-eu lehˇ nga maꞈ mˇ-euˬ maˬ ngeuˇ. Naw maꞈ neh maˬ ehˇ, aˬ cawˬ neh maˬ ehˇ, bi ja ceuˬ-eu lehˇ mˇ-euˬ maˬ ngeuˇ.

1 Tiˆmoˇseˬ 2:7

Kʼoeˇ miˇ neh, jah-eu jeˬ hawˇ-eu yaw tsaˬ yaw dawˇ jehˬ-ahˇ taꞈ-eu guiˬ lah dawˬ mehˬ-eu gʼaˇ duˬ, Yuˇdaˆ tsawˇ haˬ maˬ ngeuˇ-eu aˬ cawˬ tsawˇ jeuˬ jawˇ gaˇ gʼaˬ kʼehˇ hawˇ-eu mehˬ-eu tsoˆ-eu saˬ laˬ bi geuꞈ-eu lehˇ, Miˬyehˇ neh ngaˬ-ahˇ kʼehˇ gʼeh laꞈ-euˬ meh. Ngaˇ jaˬ myawꞈ maˬ myawꞈ. Dawˇ coe ni ehˇ-eu ma.

2 Tiˆmoˇseˬ 1:11

Laˬ kʼaˬ cehˇ-eu Guiˬ lahˬ dawˬ mehˬ-eu gʼaˬ kʼehˇ hawˇ-eu mehˬ-eu tsoˆ-eu gʼaˬ bi geuꞈ-eu gʼaˇ duˬ, Miˬyehˇ ngaˬ-ahˇ tseˇ doˆ-euˬ meh.