1 Gawˇliˬtu 8:12 - Akha

¹² Naw maꞈ kʼoeˇ loꞈ-ehˇ mˇ ngeh, aˬ yuiꞈ aˬ nyiˇ Ka li zaˬ deuˬ-ahˇ mˇ lehˬ-awˇ, gʼaˬ baˬ-eu aˬ yawꞈ maꞈ-euˬ siˬ nya-eu nui ma-ahˇ laˆ naˇ nehˬ-eu laꞈ kʼoeˇ, Ka li-ahˇ mˇ lehˬ gaˇ duˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Nawmaf, aqyuif aqnyir deuq-anr khoerlof-aer mrbanq-awr, aqyawf maf-euq ghaq baq-eu zaqsiq nuisiq-anr lavnar naeq-eu-aq, Kali-anr mrbanq-eu jeq pyeuf-eu mae.

1 Gawˇliˬtu 8:12 ပူးပေါင်းရင်းမြစ်များ

Aˇ dahˬ 20:9

Kʼoeˇ ngeh, Aˬbyaˬhaˬ-ahˇ Aˬbiˇmaˬlehˆ kuˇ-awˇ, heu loꞈ-ehˇ ehˇ nehˬ-euˬ meh. “Aˬ jeˬ miˇ neh nawˇ ngaˬ-ahˇ heu loꞈ-ehˇ jahˇ nehˬ laꞈ te. Ngaˬ-euˬ kʼoeˇ taˆ maˬ ehˇ, ngaˬ-euˬ miˇ kʼahˬ kʼoeˇ taˆ maˬ ehˇ, huiˬ dui dui-eu guˆ-eu gaˆ-eu jeˬ keuˆ le ni nawˇ jahˇ paˬ-ehˇ, nawˬ-euˬ kʼoeˇ taˆ ngaˬ neh mˇ lehˬ taˬ-euˬ aˬ jeˬ jaˆ ta. Nawˬ neh ngaˬ-ahˇ heu poˆ jahˇ nehˬ laꞈ-euˬ loꞈ-ehˇ, tsawˇ haˬ tiˬ gʼaˬ-iˬ ngaˬ-ahˇ maˬ jahˇ nehˬ laꞈ kʼmˬ-aˇ.

Aˇ dahˬ 42:22

Luˇbeˬ ehˇ-eu, “Aˬ li-ahˇ taˬ laˆ tahˬ taˬ laˆ naˇ lehˇ naw maꞈ-ahˇ ngaˇ ehˇ nehˬ kʼawꞈ, naw maꞈ maˬ naˇ haˬ-a. Nymˬ-mˇ poˆ jawˇ-aˬ, aˬ yawꞈ-ahˇ laˆ sehꞈ-euˬ loꞈ-ehˇ aˬ dui paˇ ya daˬ poˆ-eu keuˆ laˇ taˬ-euˬ nga.”

Doˆ-iˇ 16:8

Moˇseˬ paˇ ehˇ-eu, “Naw maꞈ dzaˬ-eu gʼaˇ duˬ shaˬ jiˇ deuˬ-ahˇ, uˬ ciꞈ uˬ taw paw maˬ ehˇ, naw maꞈ dzaˬ loꞈ dawˇ loꞈ-eu kaˬ muˇ deuˬ-ahˇ uˬ shawˬ paw maˬ ehˇ, Sahˬpaˬ Miˬyehˇ biꞈ nehˬ laꞈ tehꞈ-a. Aˬ jeˬ miˇ neh ehˇ naˇ, naw maꞈ nui ma cawˆ-eu laꞈ kʼoeˇ, aˬ yawꞈ-ahˇ iˬ baˇ taˬ-awˇ toˇ luꞈ-eu teˇ saˇ-ahˇ aˬ yawꞈ ya gaˬ gʼaˬ-euˬ meh. Aˬ diˇ aˬ maˇ ehˇ naˇ, naw maꞈ nui ma cawˆ-awˇ nga nyaꞈ-ahˇ iˬ baˇ taˬ-eu jeˬ-aˬ, Sahˬpaˬ Miˬyehˇ-ahˇ naw maꞈ nui ma cawˆ-awˇ iˬ baˇ taˬ gaˇ duˇ-eu meh.”

Doˆ-iˇ 32:21

Kʼoeˇ naˇ, “Tsawˇ haˬ heu deuˬ-ahˇ heu naˆ naˆ-ehˇ guˆ laˇ paˬ-ehˇ gʼeh-eu iˬ baˇ nawˇ ya bi mˇ ni, aˬ yawꞈ maꞈ nawˬ-ahˇ aˬ jeˬ jahˇ nehˬ laꞈ taˬ” lehˇ, Aˬloˬ-ahˇ Moˇseˬ naˇ haˬ-euˬ meh.

Maꞈtehˬ 18:10

“Tsawˇ haˬ yaw nyiˇ heu loꞈ-ehˇ gʼeh-eu tiˬ gʼaˬ na-ahˇ naw maꞈ yehˬ bawˬ sehˇ lu-ehˇ maˬ ya gʼeh ni yahˇ-awˬ. Mˬ kʼoeˇ taˆ ngaˬ Da-euˬ mehˬ shi, aˬ yawꞈ maꞈ-euˬ mˬ taˆ gʼaˬ kʼehˇ deuˬ aˬ myah luꞈ jawˇ-eu meh lehˇ, naw maꞈ-ahˇ ngaˇ ehˇ-eu ma.Jaˇliꞈ tiˬ paˆ na deuˬ laꞈ kʼoeˇ, gaˬ naˇ yaw zaˬ 11 heu loꞈ-ehˇ ahˇ-eu meh. 18.11: Aˬ jeˬ miˇ neh ehˇ naˇ, byoˆ-iˇ-euˬ tsawˇ haˬ deuˬ-ahˇ ka kʼoꞈ-eu gʼaˇ duˬ, Tsawˇhaˬ-euˬ Zaˬmaˇ oe-euˬ meh(Luˇkaꞈ 19.10)*

Maꞈtehˬ 18:21

Kʼoeˇ naˇ, Yeˬsuˇ jawˇ gaˇ Beˬtuˆluˆ laˇ-awˇ ehˇ-eu, “Sahˬ paˬ-oˇ, ngaˬ-euˬ mehˇ nmˇ tiˬ gʼaˬ ngaˬ-ahˇ tiˬ poˆ saˇ-iˬ tiˬ poˆ mˇ lehˬ laꞈ naˇ, aˇ myaˆ poˆ keuˆ ni ngaˇ iˬ baˇ ya pyehˬ nehˬ ta. Shiꞈ poˆ keuˆ ni loˇ.”

Maꞈtehˬ 18:6

“Tsawˇ haˬ tiˬ gʼaˬ na, heu loꞈ-ehˇ gʼeh-eu tsawˇ haˬ yaw nyiˇ tiˬ gʼaˬ ngaˬ-ahˇ jah-eu nui ma byoˆ-iˇ ni jahˇ nehˬ naˇ, tsawˇ haˬ kʼoeˇ gʼaˬ-euˬ kawˬ lahˇ-ahˇ lo lehˬ lehˬ ma paꞈ tawꞈ-awˇ, iˬ ma laˆ shaˆ yaw naꞈ tsahˇ-ahˇ bi baꞈ puꞈ sehꞈ-eu zaˬ dzehˬ meh.

Maꞈtehˬ 25:40

Kʼoeˇ ngeh, aˬ yawꞈ maꞈ-ahˇ Sahˬ paˬ heu loꞈ-ehˇ ehˇ nehˬ tehꞈ-a. ‘Ngaˬ-euˬ aˬ yuiꞈ aˬ nyiˇ heu deuˬ laꞈ kʼoeˇ, aˬ cawˬ naˆ maˬ tseˇ nyiˇ teˬ-eu gʼaˬ-ahˇ naw maꞈ neh ngehˬ gʼeh nehˬ-euˬ jeˬ-aˬ, ngaˬ-ahˇ ngehˬ gʼeh nehˬ laꞈ gaˇ duˇ-eu meh lehˇ, ngaˇ naw maꞈ-ahˇ maˇ jawˆ ni ehˇ-eu ma.’

Maꞈtehˬ 25:45

“Sahˬ paˬ ehˇ-eu, ‘Ngaˇ naw maꞈ-ahˇ ehˇ nehˬ nyaˇ. Tsawˇ haˬ heu deuˬ laꞈ kʼoeˇ aˬ cawˬ naˆ maˬ tseˇ nyiˇ teˬ-eu gʼaˬ-ahˇ naw maꞈ ngehˬ maˬ gʼeh nehˬ ni byehˇ naˇ, ngaˬ-ahˇ ngehˬ maˬ gʼeh nehˬ laꞈ gaˇ duˇ-eu meh.’

Maˬkuˆ 9:42

“Tsawˇ haˬ tiˬ gʼaˬ na, heu loꞈ-ehˇ gʼeh-eu ngaˬ-ahˇ jah-eu zaˬ yaw nyiˇ tiˬ gʼaˬ iˬ baˇ mˇ ni sheuˬ bahˬ naˇ, aˬ yawꞈ-euˬ kawˬ lahˇ-ahˇ lo lehˬ lehˬ ma paꞈ tawꞈ-awˇ, iˬ ma laˆ shaˆ-ahˇ bi biˬ ahˇ-eu-aˬ, aˬ yawꞈ gʼaˇ duˬ muiˬ dzehˬ meh.

Luˇkaꞈ 17:2

Tsawˇ haˬ kʼoeˇ gʼaˬ neh zaˬ yaw nyiˇ heu deuˬ laꞈ kʼoeˇ tiˬ gʼaˬ na-ahˇ iˬ baˇ mˇ ni bi jahˇ-eu naˆ maˬ tseˇ, tsawˇ haˬ kʼoeˇ gʼaˬ-euˬ kawˬ lahˇ-ahˇ lo lehˬ paꞈ tawꞈ-awˇ, iˬ ma laˆ shaˆ-ahˇ biˬ puꞈ nehˬ naˇ, aˬ yawꞈ gʼaˇ duˬ muiˬ dzehˬ tehꞈ-a.

Lormav 14:20

Dzaˬ dzaˬ dawˇ dawˇ baˬ da neh Miˬyehˇ neh mˇ taˬ-euˬ jeˬ-ahˇ taˬ laˆ cawˆ. Dzaˬ-eu jeˬ dawˬ tawˆ luꞈ yaw shawˇ meh. Ehˇ kʼawꞈ, aˬ cawˬ gʼaˇ duˬ iˬ baˇ bi doˆ laˇ-eu jeˬ-ahˇ dzaˬ-eu maˬ tsaˬ-a.

1 Gawˇliˬtu 12:12

Ka li-aˬ, aˇ sehˇ gʼawˬ mya sehˇ tsoꞈ-eu gʼawˇ mawˇ tiˬ mawˇ-ahˇ duˇ-eu meh. Maˬ duˇ leˇ-eu aˇ sehˇ deuˬ tsoꞈ luꞈ kʼawꞈ, gʼawˇ mawˇ tiˬ mawˇ tehꞈ meh.

1 Saˬmeuˬlaˆ 2:25

Tsawˇ haˬ nyiˬ gʼaˬ yaw kaˬ mˇ lehˬ naˇ, Miˬyehˇ aˇ kaˬ piˇ nehˬ nya meh. Ehˇ kʼawꞈ, Sahˬpaˬ Miˬyehˇ-ahˇ mˇ lehˬ-euˬ tsawˇ haˬ-ahˇ, aˬ suˇ gʼaˬ aˇ kaˬ piˇ nehˬ nya nmˇ.” Ehˇ kʼawꞈ, yawˬ ha aˬ da neh mehˬ nehˬ-euˬ dawˬ-ahˇ aˬ ha mehˇ nmˇ maˬ naˇ haˬ-a. Aˬ jeˬ miˇ neh ehˇ naˇ, aˬ yawꞈ maꞈ-ahˇ bi shiˇ-eu gʼaˇ duˬ, Sahˬpaˬ Miˬyehˇ noeˬ tsehˆ-awˇ lehˬ hmˬ laˆ saˆ taˬ gʼaˬ-euˬ meh.

1 Saˬmeuˬlaˆ 24:11

Ngaˬ-euˬ aˬ da-oˇ, heu gaˇ haw sheˇ. Ngaˇ tuˆ tehˬ luꞈ-eu nawˬ-euˬ pehˇ kʼahˬ pehˇ dahˬ-ahˇ haw sheˇ. Nawˬ-ahˇ ngaˇ sehꞈ-eu yehꞈ laˇ-euˬ kʼawꞈ maˬ sehꞈ ni, pehˇ kʼahˬ pehˇ dahˬ tehꞈ-ehˇ yehˬ tsehˆ-euˬ ma. Heu gaˇ haw-awˇ, ngaˬ-euˬ nui ma laꞈ kʼoeˇ, nawˬ-ahˇ puiˬ mawꞈ-eu jeˬ hawˇ-eu laˆ tahˬ laˆ naˇ nehˬ mawꞈ-eu jeˬ tiˬ pawꞈ-iˬ maˬ ahˇ nga lehˇ, nawˇ siˬ duˬ-awˬ. Ngaˬ neh nawˬ-ahˇ mˇ lehˬ taˬ-euˬ tiˬ jeˬ-iˬ maˬ jaˆ kʼawꞈ, ngaˬ-ahˇ sehꞈ-eu lehˇ nawˇ poˆ luꞈ meh.