1 Gawˇliˬtu 7:39 - Akha

³⁹ Kʼaˬ dzeˇ zaˬ baw-eu zaˬ miˬ zaˬ-aˬ, yawˬ ha-euˬ kʼaˬ dzeˇ zaˬ kʼaˇ dehꞈ kʼoeˇ keuˆ ni yawˬ zahˇ yawˬ maˬ ya iˇ paˇ-a. Kʼaˬ dzeˇ zaˬ shiˇ dzeuˇ naˇ, yawˬ ha kʼaˇ dahˬ dzaˬ-iˇ mawꞈ gaˇ dahˬ dzaˬ-iˇ nya meh. Ehˇ kʼawꞈ, Ka li zaˬ-ahˇ tehꞈ-ehˇ ya dahˬ dzaˬ-iˇ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁹ Zanr jav-eu lof-aer nar-aq, zaqmiqzaq-aq, yawqha-euq khaqdzerzaq khardaef-eu khoerkeuvni, yawqha-euq khaqdzerzaq naeq-aer ganrdzanq taq-euq mae. Khaqdzerzaq shir-euq nar-aq, danqdzaq-ir mawf-eu ghaq-anr danqdzaq-ir nya taef-a. Aerkhawf, Sanqpaq Miqyaer-euq lafkhoer jawr-eu tsawrhaq-anr taef-aer ya danqdzaq-ir-eu mae.

1 Gawˇliˬtu 7:39 ပူးပေါင်းရင်းမြစ်များ

Aˇ dahˬ 6:2

Kʼoeˇ ngeh, mˬ taˆ zaˬ yo deuˬ miˇ tsa zaˬ miˬ kʼoeˇ deuˬ aˇ gʼehˇ muiˬ gaˇ ya mawˇ-awˇ, yawˬ ha kʼaˇ mawꞈ leˇ-eu gʼaˬ-ahˇ sheuˬ geuꞈ-euˬ meh.

Maˬlaˬkiˇ 2:11

Yuˇdaˆ miˇ kʼahˬ zaˬ deuˬ Miˬyehˇ nehˬ-ehˇ dzaˬ taˬ-eu saˇ jaˇ puiˬ-awˇ, Yeˬluˇsaˬlehˬ meuˬ hawˇ-eu miˇ kʼahˬ heu kʼahˬ doe ni, jawꞈ dui dui-eu jeˬ mˇ byah taˬ-euˬ meh. Sahˬpaˬ Miˬyehˇ gaˬ dui dui-eu Uˬ duˬ tahˬ nymˇ nymˇ ma-ahˇ aˬ yawꞈ maꞈ laˆ jawꞈ-euˬ meh. Kʼaˬ dzeˇ zaˬ deuˬ aˬ cawˬ tsawˇ jeuˬ-euˬ miˬ yehˇ-ahˇ uˬ duˬ tahˬ-eu zaˬ miˬ zaˬ deuˬ-ahˇ sheuˬ dahˬ dzaˬ-euˬ meh.

1 Gawˇliˬtu 7:10

Sheuˬ dahˬ dzaˬ-euˬ miˬ zaˬ yo zaˬ-ahˇ ngaˇ heu loꞈ-ehˇ dawˬ biꞈ-eu ma. Ngaˬ-euˬ dawˬ maˬ ngeuˇ. Sahˬpaˬ Miˬyehˇ-euˬ dawˬ meh. Miˬ zaˬ tiˬ gʼaˬ yawˬ ha-euˬ kʼaˬ dzeˇ zaˬ-ahˇ maˬ ya gʼawˬ-a.

1 Gawˇliˬtu 7:15

Ehˇ kʼawꞈ, miˬ zaˬ yo zaˬ yaw kaˬ Ka li-ahˇ maˬ jah-eu gʼaˬ gʼawˬ mawꞈ-eu nui ma ahˇ naˇ, gʼawˬ luꞈ-uˇ. Kʼoeˇ loꞈ-ehˇ pyeuꞈ laˇ ngeh, miˬ zaˬ yo zaˬ laꞈ kʼoeˇ Ka li zaˬ pyeuꞈ-eu gʼaˬ-aˬ, paꞈ tawꞈ taˬ-euˬ jeˬ-ahˇ ya buˬ ya law-iˇ-euˬ gaˇ duˇ-eu meh. Naw maꞈ nui saˇ oꞈ-eu laꞈ kʼoeˇ ya dehꞈ ni Miˬyehˇ kuˇ-euˬ gaˇ duˇ-eu meh.

1 Gawˇliˬtu 7:38

Kʼoeˇ miˇ neh, miˬ zaˬ sheuˬ-eu tsawˇ haˬ-aˬ, yaw muiˬ jeˬ mˇ gaˇ duˇ-eu meh. Ehˇ kʼawꞈ, miˬ zaˬ maˬ sheuˬ-eu tsawˇ haˬ-aˬ, kʼoeˇ naˆ maˬ tseˇ muiˬ-eu jeˬ mˇ gaˇ duˇ-eu meh.