1 Gawˇliˬtu 7:38 - Akha

³⁸ Kʼoeˇ miˇ neh, miˬ zaˬ sheuˬ-eu tsawˇ haˬ-aˬ, yaw muiˬ jeˬ mˇ gaˇ duˇ-eu meh. Ehˇ kʼawꞈ, miˬ zaˬ maˬ sheuˬ-eu tsawˇ haˬ-aˬ, kʼoeˇ naˆ maˬ tseˇ muiˬ-eu jeˬ mˇ gaˇ duˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁸ Khoermirnae, yawqha-euq zaqmiq-anr bi danqdzaq-ir-eu-aq yawmuiq mae. Aerkhawf, aqyawf-anr maqbi danqdzaq-ir-eu-aq par muiqdzaeq-eu mae.

1 Gawˇliˬtu 7:38 ပူးပေါင်းရင်းမြစ်များ

Maꞈtehˬ 5:32

Ehˇ kʼawꞈ, ngaˇ naw maꞈ-ahˇ heu loꞈ-ehˇ ehˇ-eu ma. Tsawˇ haˬ aˬ geu gʼaˬ maˬ kaˬ, yawˬ ha-euˬ miˬ zaˬ aˬ cawˬ nehˬ-ehˇ bahˬ-euˬ muˆ-euˬ maˬ jaˆ gaˇ kʼoꞈ dzeh nehˬ-awˇ, miˬ zaˬ kʼoeˇ gʼaˬ yawˬ zahˇ yawˬ iˇ paˇ naˇ, miˬ zaˬ gʼaˬ aˬ cawˬ-euˬ yo zaˬ-ahˇ bahˬ ni kʼaˬ dzeˇ zaˬ gʼaˬ neh jahˇ-euˬ meh. Aˬ cawˬ-euˬ miˬ kʼoꞈ-ahˇ sheuˬ-eu tsawˇ haˬ aˬ geu gʼaˬ maˬ kaˬ, aˬ cawˬ-euˬ miˬ zaˬ-ahˇ bahˬ-eu meh.

1 Gawˇliˬtu 7:26

Nymˬ-mˇ keuˆ le luꞈ-eu shaˬ-eu zahˬ-eu aˇ yamˬ heu-ahˇ shaˇ sawˇ haw naˇ, tsawˇ haˬ aˬ geu gʼaˬ maˬ kaˬ yawˬ ha kʼaˇ pyeuꞈ luꞈ-eu loꞈ-ehˇ dehꞈ gʼeh-eu tsaˬ meh lehˇ ngaˇ noeˬ-eu ma.

1 Gawˇliˬtu 7:37

Ehˇ kʼawꞈ, kʼaˬ dzeˇ zaˬ gʼaˬ aˬ cawˬ neh maˬ kaˬ naˬ nehˬ-euˬ gaˇ, nui ma ziꞈ dah ni noeˬ tsehˆ-eu uˬ taꞈ, yawˬ ha-euˬ nui loˆ-ahˇ yawˬ ha gʼaˬ leˇ-eu laꞈ kʼoeˇ, zaˬ miˬ zaˬ kʼoeˇ gʼaˬ-ahˇ maˬ sheuˬ ma lehˇ ngeuˇ naˇ, aˬ yawꞈ jahˇ-eu kʼoeˇ tsaˬ meh.

1 Gawˇliˬtu 7:39

Kʼaˬ dzeˇ zaˬ baw-eu zaˬ miˬ zaˬ-aˬ, yawˬ ha-euˬ kʼaˬ dzeˇ zaˬ kʼaˇ dehꞈ kʼoeˇ keuˆ ni yawˬ zahˇ yawˬ maˬ ya iˇ paˇ-a. Kʼaˬ dzeˇ zaˬ shiˇ dzeuˇ naˇ, yawˬ ha kʼaˇ dahˬ dzaˬ-iˇ mawꞈ gaˇ dahˬ dzaˬ-iˇ nya meh. Ehˇ kʼawꞈ, Ka li zaˬ-ahˇ tehꞈ-ehˇ ya dahˬ dzaˬ-iˇ meh.

1 Gawˇliˬtu 7:8

Miˬ zaˬ maˬ sheuˬ-eu deuˬ hawˇ-eu miˬ coeˬ miˬ ma deuˬ-ahˇ, ngaˇ loꞈ-ehˇ cawˬ maˬ shaˇ baw ni jawˇ nya naˇ muiˬ meh lehˇ ehˇ mawꞈ miˇ-a.

HeˬByehˇ 13:4

Sheuˬ dahˬ dzaˬ taꞈ-eu jeˬ-ahˇ tsawˇ haˬ yawˬ gʼaˬ na luꞈ ya taˬ huiˬ-awˇ, miˬ zaˬ yo zaˬ tiˬ gʼaˬ tiˇ gʼaˬ saˇ jaˇ ya ziꞈ meh. Maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ deuˬ hawˇ-eu, aˬ cawˬ nehˬ-ehˇ joe-eu tsawˇ ha deuˬ-ahˇ Miˬyehˇ yaˇ kʼaˬ daˇ tehꞈ-a.