1 Gawˇliˬtu 7:37 - Akha

³⁷ Ehˇ kʼawꞈ, kʼaˬ dzeˇ zaˬ gʼaˬ aˬ cawˬ neh maˬ kaˬ naˬ nehˬ-euˬ gaˇ, nui ma ziꞈ dah ni noeˬ tsehˆ-eu uˬ taꞈ, yawˬ ha-euˬ nui loˆ-ahˇ yawˬ ha gʼaˬ leˇ-eu laꞈ kʼoeˇ, zaˬ miˬ zaˬ kʼoeˇ gʼaˬ-ahˇ maˬ sheuˬ ma lehˇ ngeuˇ naˇ, aˬ yawꞈ jahˇ-eu kʼoeˇ tsaˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁷ Aerkhawf, aqda ghaq nuima zif-awr, yawmawf maqjav-eu uqtaf, yawqha-euq nuikhanr-anr uvlanr nya-awr, aqyawf-euq zaqmiq-anr maqbi danqdzaq-ir laer nuima-euq lafkhoer noeqtsaev taq-euq khoer-aq, yawmuiq jeq mr-eu jeq pyeuf-eu mae.

1 Gawˇliˬtu 7:37 ပူးပေါင်းရင်းမြစ်များ

Daˬyeˬlaˇ 1:8

Sahˬ paˬ-euˬ hawˇ nymˇ-ahˇ jaˆ-eu dzaˇ hawˇ-eu aˬ gaꞈ dzaˇ uiˇ deuˬ-ahˇ dzaˬ-eu dawˇ-eu laꞈ kʼoeˇ, aˬ yawꞈ-euˬ gʼawˇ mawˇ maˬ muiˬ maˬ shawˇ-ehˇ pyeuꞈ-iˇ ni maˬ jahˇ lehˇ, Daˬyeˬlaˇ noeˬ tsehˆ-euˬ meh. Kʼoeˇ miˇ neh, aˬ yawꞈ-ahˇ gʼawˬ shaˬ gaˬ nehˬ laꞈ-eu laꞈ kʼoeˇ, sahˬ paˬ hawˇ nymˇ-ahˇ dzaˬ-eu dzaˇ deuˬ maˬ dzaˬ ni ya jawˇ-eu gʼaˇ duˬ, Aˬshaˇpeˬnaˆ-ahˇ aˬ yawꞈ shaˇ-euˬ meh.

1 Gawˇliˬtu 7:1

Nymˬ-mˇ jawˇ poˆ-aˬ, naw maꞈ neh ngaˬ-ahˇ sahˬ boꞈ boꞈ ahˇ laꞈ-awˇ naˇ haˬ-euˬ gaˇ kawˆ kʼoeˇ ehˇ ma. Kʼaˬ dzeˇ zaˬ-aˬ, miˬ zaˬ maˬ sheuˬ ni jawˇ nya naˇ muiˬ meh.

1 Gawˇliˬtu 7:36

Tsawˇ haˬ nyiˬ gʼaˬ ngehˬ cawˬ tsehˆ gʼaˬ taˬ-euˬ kʼawꞈ, maˬ sheuˬ dahˬ dzaˬ ni byehˇ-euˬ ehˇ-awˬ. Kʼaˬ dzeˇ zaˬ gʼaˬ zaˬ miˬ zaˬ kʼoeˇ gʼaˬ-ahˇ maˬ sheuˬ nehˬ-euˬ gaˇ noeˬ kʼahˇ mahˇ-eu uˬ taꞈ, aˬ yawꞈ-euˬ nui loˆ-ahˇ aˬ yawꞈ maˬ gʼaˬ leˇ-ehˇ sheuˬ mawꞈ-eu nui ma ahˇ naˇ, sheuˬ-eu tsaˬ tehꞈ-a. Kʼoeˇ loꞈ-ehˇ sheuˬ-euˬ kʼoeˇ-aˬ, iˬ baˇ mˇ-eu maˬ ngeuˇ-a.

1 Gawˇliˬtu 7:38

Kʼoeˇ miˇ neh, miˬ zaˬ sheuˬ-eu tsawˇ haˬ-aˬ, yaw muiˬ jeˬ mˇ gaˇ duˇ-eu meh. Ehˇ kʼawꞈ, miˬ zaˬ maˬ sheuˬ-eu tsawˇ haˬ-aˬ, kʼoeˇ naˆ maˬ tseˇ muiˬ-eu jeˬ mˇ gaˇ duˇ-eu meh.

2 Gawˇliˬtu 9:7

Kʼoeˇ miˇ neh, aˬ yawꞈ gʼaˬ yawꞈ yawˬ ha neh kʼaˇ noeˬ tsehˆ taˬ-euˬ loꞈ-ehˇ damˬ-awˬ. Nui ma maˬ keuˆ ni damˬ-eu maˬ ehˇ, aˬ cawˬ ehˇ-eu miˇ neh damˬ-eu maˬ ehˇ, taˬ bi pyeuꞈ. Aˬ jeˬ miˇ neh ehˇ naˇ, laˬ kʼaˬ tiˬ cehˇ damˬ-eu tsawˇ haˬ-ahˇ Miˬyehˇ gaˬ-eu meh.

1 Beˬtuˆluˆ 5:2

Miˬyehˇ neh naw maꞈ-ahˇ a nehˬ taˬ-euˬ yawˇ yawˇ maꞈ-ahˇ bo saˆ-awˬ. Miˬyehˇ geuꞈ mawꞈ-eu loꞈ-ehˇ laˬ kʼaˬ cehˇ-eu laꞈ kʼoeˇ bo saˆ-awˬ. Aˬ cawˬ kʼehˇ-eu miˇ neh bo saˆ-eu jeˬ taˬ bi pyeuꞈ. Aˇ poeˬ za ni tehꞈ-ehˇ mˇ-eu jeˬ kʼawꞈ taˬ bi pyeuꞈ. Nui ma keuˆ-eu laꞈ kʼoeˇ mˇ-eu jeˬ bi pyeuꞈ-awˬ.