1 Gawˇliˬtu 7:34 - Akha

³⁴ Kʼoeˇ miˇ neh, nui noeˬ nyiˬ jeˬ neh bi gʼeu taw taˬ-euˬ gaˇ duˇ-eu meh. Kʼaˬ dzeˇ zaˬ maˬ baw-eu zaˬ miˬ zaˬ, maˬ ngeuˇ naˇ zaˬ miˬ aˬ buˇ zaˬ guˬ-aˬ, Sahˬpaˬ Miˬyehˇ-euˬ gaˇ-ahˇ kʼahˇ kʼoꞈ-eu nui ma ahˇ-eu meh. Aˬ jeˬ miˇ neh ehˇ naˇ, aˬ yawꞈ nyiˬ jeˬ maˬ noeˬ ni, nui ma gʼawˇ mawˇ dawˬ tawˆ luꞈ Miˬyehˇ-ahˇ a nehˬ mawꞈ-eu meh. Ehˇ kʼawꞈ, kʼaˬ dzeˇ zaˬ baw-eu zaˬ miˬ zaˬ-aˬ, miˇ tsaˬ shiˬ shaˬ jiˇ gaˇ kawˆ-ahˇ kʼahˇ kʼoꞈ-eu nui ma ahˇ-eu meh. Aˬ jeˬ miˇ neh ehˇ naˇ, aˬ yawꞈ-euˬ kʼaˬ dzeˇ zaˬ nui kʼahˇ shiˇ-eu jeˬ-ahˇ aˬ yawꞈ mˇ mawꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁴ Khaqdzerzaq baw-eu zaqmiq aqbur hawr-eu miqdaf dafshawr yawkaq beugar-eu jeq jav-eu mae. Maq danqdzaq-ir-euq zaqmiq aqbur-aq, Sanqpaq Miqyaer-anr taf-eu jeq-anr taef-aer sharnoeq-awr, aqyawf-euq mawrdo hawr-eu saflar yawshawr shawr-aer daefnya-eu mae. Aerkhawf, danqdzaq-ir-euq zaqmiqzaq deuq-aq, aqjox-aer ghae-awr yawqha-euq khaqdzerzaq nuikhanr bishir-eu paq nga laer mirtsaq-anr taf-eu jeq-anr khanqlanr-eu mae.

1 Gawˇliˬtu 7:34 ပူးပေါင်းရင်းမြစ်များ

Yoˇhaˬ 10:13

Aˬ yawꞈ-aˬ, aˇ poeˬ biꞈ-awˇ bi bo-euˬ tsawˇ haˬ pyeuꞈ-eu miˇ neh, yawˇ deuˬ-ahˇ kʼahˇ maˬ kʼoꞈ ni byehˇ dzeh-awˇ cehˆ-eu meh.

Lormav 6:13

Maˬ muiˬ-eu jeˬ mˇ gaˇ zmˬ-eu keu ka bi pyeuꞈ-eu gʼaˇ duˬ naw maꞈ-euˬ gʼawˇ mawˇ tiˬ pyehˬ tehꞈ-ehˇ kʼawꞈ iˬ baˇ-euˬ baoˬ-ahˇ maˬ a nehˬ ni, shiˇ-euˬ gaˇ paˇ gʼoꞈ dehꞈ laˇ-euˬ tsawˇ haˬ loꞈ-ehˇ naw maꞈ-euˬ nui ma gʼawˇ mawˇ dawˬ tawˆ luꞈ Miˬyehˇ-ahˇ a nehˬ jiˇ-awˇ, yaw tsaˬ yaw dawˇ jeˬ gʼaˇ duˬ zmˬ-eu keu ka bi pyeuꞈ-awˬ.

1 Gawˇliˬtu 6:20

Miˬyehˇ neh aˇ poeˬ biꞈ-awˇ zeuˇ tsehˆ gʼaˬ-euˬ meh. Kʼoeˇ miˇ neh, naw maꞈ-euˬ gʼawˇ mawˇ laꞈ kʼoeˇ Miˬyehˇ-euˬ yaw shehꞈ kʼahˬ sehˇ bi doˆ laˇ-awˬ.

1 Gawˇliˬtu 7:33

Ehˇ kʼawꞈ, miˬ zaˬ baw-eu tsawˇ haˬ-aˬ, miˇ tsaˬ shiˬ shaˬ jiˇ gaˇ kawˆ-ahˇ kʼahˇ kʼoꞈ-eu nui ma ahˇ-eu meh. Aˬ jeˬ miˇ neh ehˇ naˇ, aˬ yawꞈ-euˬ miˬ zaˬ nui kʼahˇ shiˇ-eu jeˬ-ahˇ aˬ yawꞈ mˇ mawꞈ-eu meh.

1 Gawˇliˬtu 7:35

Naw maꞈ gʼaˇ duˬ gaˇ dahˇ tsoeˬ ni ngaˇ heu loꞈ-ehˇ ehˇ-eu ma. Naw maꞈ-ahˇ kaˬ naˬ-eu maˬ ngeuˇ. Naw maꞈ-ahˇ tsaˬ-eu muiˬ-eu jeˬ bi mˇ mawꞈ-awˇ, nui ma gʼawˇ mawˇ dawˬ tawˆ luꞈ Sahˬpaˬ Miˬyehˇ-euˬ gaˇ gʼaˇ duˬ tiˬ byah tiˬ loꞈ a nehˬ nya ni ehˇ-eu jeˬ pyeuꞈ-eu ma.

2 Gawˇliˬtu 11:28

Nui deuˬ gaˇ kawˆ ya shaˬ-euˬ deuˬ-ahˇ taˬ paˇ ehˇ siˬ. Ka li zaˬ aˇ muˇ dawˬ tawˆ luꞈ gʼaˇ duˬ kʼahˬ lahˇ-eu jeˬ yawˬ nah na luꞈ ngaˬ-euˬ nui ma-ahˇ ciˬ tehˬ taˬ-euˬ meh.

2 Gawˇliˬtu 8:16

Ngaˇ naw maꞈ gʼaˇ duˬ nui ma keuˆ-eu loꞈ-ehˇ, Tiˇtuˆ kʼawꞈ nui ma keuˆ ni Miˬyehˇ jahˇ-euˬ miˇ neh, Miˬyehˇ-euˬ guiˬ lahˬ-ahˇ ja ceuˬ ngeh maˬ jiˇ nya.

Piˇliˇpiˆ 1:20

Ngaˇ geuꞈ mawꞈ dui dui-awˇ noeˬ tmˬ taˬ-euˬ jeˬ-aˬ, ngaˇ mˇ paˬ-ehˇ gʼeh-eu gaˇ deuˬ-ahˇ aˬ myah luꞈ mˇ-eu uˬ taꞈ, hehˬ nymˬ-mˇ ngaˇ dehꞈ-eu maˬ ehˇ, shiˇ-eu maˬ ehˇ, kʼaˇ mˇ kʼaˇ shaˇ-eu jeˬ dawˬ tawˆ luꞈ laꞈ kʼoeˇ Ka li-ahˇ aˬ cawˬ yaw zeu baw laˇ-eu gʼaˇ duˬ nui ma kʼaˬ duˬ ni taˬ nya-eu jeˬ-ahˇ geuꞈ mawꞈ-eu ma.

1 Teˇsaˬloˇni 5:23

Aˬ dui-ahˇ nui saˇ oꞈ-eu jeˬ biꞈ nehˬ laꞈ-eu Miˬyehˇ naw maꞈ-ahˇ tiˬ byah tiˬ loꞈ bi muiˬ bi shawˇ laˇ-awˇ, aˬ dui-euˬ Sahˬpaˬ Yeˬsuˇ Ka li zaꞈ le ngeh, naw maꞈ-euˬ nui ma, gʼawˇ mawˇ, saꞈ laˇ dawˬ tawˆ luꞈ, iˬ baˇ taˬ kʼaˇ maˬ bi za ni Miˬyehˇ bo saˆ luꞈ-uˇ.

1 Tiˆmoˇseˬ 3:5

Aˬ jeˬ miˇ neh ehˇ naˇ, yawˬ ha-euˬ nymˇ jiˇ-ahˇ maˬ gʼaˬ leˇ-eu tsawˇ haˬ-aˬ, Miˬyehˇ-euˬ Ka li zaˬ aˇ muˇ-ahˇ aˬ joˆ-ehˇ bo saˆ nya nmˇ.

1 Tiˆmoˇseˬ 5:5

Ngehˬ gʼeh caw ba nehˬ-eu gʼaˬ maˬ baw ni yawˬ ha tiˬ gʼaˬ tehꞈ-ehˇ jawˇ-eu miˬ coeˬ miˬ ma-aˬ, Miˬyehˇ tiˬ gʼaˬ-ahˇ tehꞈ-ehˇ noeˬ tmˬ kʼaˇ za-awˇ, uˬ ciꞈ nah gʼahˇ maˬ ehˇ caw ba nehˬ laꞈ lehˇ guiˬ lahˬ shaˇ-eu meh.

Tiˇtuˆ 3:8

Heu-aˬ, tsaˬ dui dui-eu dawˬ pyeuꞈ-eu meh. Miˬyehˇ-ahˇ jah-eu tsawˇ haˬ deuˬ, tsawˇ haˬ yawˬ gʼaˬ na luꞈ gʼaˇ duˬ muiˬ-awˇ, gaˇ dahˇ tsoeˬ-eu jeˬ pyeuꞈ-eu aˬ cawˬ gʼaˇ duˬ yaw muiˬ jeˬ mˇ nehˬ-eu jeˬ-ahˇ shaˇ noeˬ-awˇ leh jeh laˇ ni, gaˇ kawˆ heu deuˬ-ahˇ nawˇ yaw kʼaˆ kʼaˆ-ehˇ bi mehˬ mawꞈ-eu ma.