1 Gawˇliˬtu 7:31 - Akha

³¹ Miˇ tsaˬ shiˬ shaˬ jiˇ-ahˇ taꞈ leˇ-eu gaˇ mˇ-eu deuˬ kʼawꞈ, tiˬ byah tiˬ loꞈ maˬ mˇ ni jawˇ-awˬ. Aˬ jeˬ miˇ neh ehˇ naˇ, miˇ tsaˬ heu-euˬ seuˆ dzeuꞈ aˇ gʼehˇ byoˆ le luꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³¹ Mirtsaq-anr tafler-eu jeq zmq-eu deuq, maq zmqbanqni daef-awq. Aqjeq mirnae aernar-aq, mirtsaq heu-anr taf-eu deuq byov-ir luf-eu mae.

1 Gawˇliˬtu 7:31 ပူးပေါင်းရင်းမြစ်များ

Jaceuq 39:6

naˇshmˇbaˇ-eu loˆ ni tehꞈ meh. Kʼaˇ mˇ-eu jeˬ yawꞈngehꞈpyeuꞈ-awˇ, pyuˇshuiˇduˬgahˬpoˆcu taˬkʼawꞈ, aˬsuˇgʼaˬ-ahˇ oꞈ-eu maˬsiˬ.

Jaceuq 73:20

Aˬ yawꞈ maꞈ yaw dehꞈ dehꞈ-eu jeˬ-aˬ, uˬ shawˬ paw ya ngehˇ byoˆ-eu yuꞈ maˆ maˆ gaˇ duˇ tehꞈ-a. Sahˬpaˬ Miˬyehˇ-oˇ, nawˇ uˬ tuˇ tuˇ laˇ ngeh, aˬ yawꞈ maꞈ piˬ-iˇ byoˆ-iˇ jiˇ tehꞈ-a.

Dawˬ tsoˆ 1:4

Tiˬ ziˇ jiˇ-awˇ tiˬ yehˆ juˬ kʼawꞈ, miˇ tsaˬ tahˬ kʼawˇ maˬ paˇ laˇ-a.

Dawˬ tsoˆ 11:2

Nawˬ-euˬ pyuˇ gʼawˬ mya gaˇ pyehˬ kʼawˬ taˬ-awˬ. Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ guiˬ lahˬ doeˇ-eu jeˬ maˬ keuˆ le-aˇ lehˇ nawˇ maˬ ehˇ tsehˆ nya-a.

Luˇkaꞈ 21:34

“Naw maꞈ yaw beuˇ beuˇ-ehˇ jawˇ-awˬ. Maˬ ngeuˇ naˇ, dzaˬ boˆ dawˇ boˆ boˆ-eu jeˬ, dzaˬ yehꞈ dawˇ yehꞈ-eu jeˬ hawˇ-eu, yaw dehꞈ dehꞈ-eu gaˇ kawˆ kʼahˬ lahˇ-eu jeˬ naw maꞈ-euˬ nui ma-ahˇ ciˬ tehˬ taˬ-awˇ maˬ noeˬ maˬ duˇ-ehˇ jawˇ luꞈ ngeh, lahˇ ju-ahˇ paꞈ leˇ-eu loꞈ-ehˇ, aˇ nah kʼoeˇ nah naw maꞈ kʼoeˇ taˆ ja pyuˬ ni bi keuˆ le nmˬ-mˇ.

1 Gawˇliˬtu 7:29

Aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ mawꞈ-eu-aˬ, heu loꞈ-ehˇ ma. Aˇ saˬ saˬ-eu aˇ yamˬ keuˆ le-eu gʼawˬ myahˇ ni maˬ paˇ ca meh. Iˬ nah taꞈ naˇ, miˬ zaˬ baw-eu tsawˇ haˬ deuˬ kʼawꞈ, miˬ zaˬ maˬ baw-eu tsawˇ haˬ deuˬ loꞈ-ehˇ jawˇ-awˬ.

1 Gawˇliˬtu 7:30

Tsawˇ ngoeˇ ngoeˇ luꞈ-eu tsawˇ haˬ deuˬ kʼawꞈ, maˬ noeˬ shaˬ-eu loꞈ-ehˇ jawˇ-awˬ. Uiˇ luꞈ-eu tsawˇ haˬ deuˬ kʼawꞈ, laˬ kʼaˬ maˬ cehˇ-eu loꞈ-ehˇ jawˇ-awˬ.

1 Gawˇliˬtu 9:18

Toˆ-ehˇ ngeuˇ naˇ, ngaˇ aˬ geu jeˬ aˇ poeˬ za ta. Aˇ poeˬ maˬ yuˇ ni Laˬ kʼaˬ cehˇ-eu Guiˬ lahˬ dawˬ mehˬ-awˇ, kʼoeˇ loꞈ-ehˇ mˇ-euˬ baˬ da neh ngaˇ za geuˇ-eu jeˬ-ahˇ ngaˇ maˬ geuꞈ-euˬ kʼoeˇ-aˬ, ngaˬ neh za-euˬ guiˬ lahˬ ma.

HeˬByehˇ 12:27

“Tiˬ poˆ paˇ gʼeu nyeh ma” lehˇ ehˇ-eu dawˬ kʼoeˇ dawˬ-aˬ, maˬ nyeh laˇ nya-eu jeˬ bi ziꞈ-awˇ, kʼaˇ beh taˬ-euˬ jeˬ bi nyeh laˇ-awˇ bi byoˆ-iˇ jiˇ ma lehˇ bya cehˆ ni ehˇ mawꞈ-eu meh.

Yaˬkoˆ 4:14

Ni shawˬ nah nawˇ yaw dehꞈ dehꞈ-eu aˬ joˆ-ehˇ pyeuꞈ laˇ-eu gaˇ kawˆ nawˇ siˬ nya te loˇ. Naw maꞈ-aˬ, tiˬ kʼehˇ kʼehˬ tehꞈ-ehˇ ya mawˇ-awˇ byoˆ-iˇ-eu iˇ cuꞈ saꞈ kʼoeˬ-ahˇ duˇ-eu meh.

1 Beˬtuˆluˆ 1:24

Jaˇ liꞈ laꞈ kʼoeˇ ehˇ taˬ-euˬ, “Tsawˇ haˬ dawˬ tawˆ yaˇ moˬ pyeuꞈ-awˇ, aˬ yawꞈ maꞈ-euˬ yaw shehꞈ kʼahˬ sehˇ, bawˇ tsahˬ aˇ yehˆ loꞈ-ehˇ tehꞈ meh. Yaˇ moꞈ nyoeˬ-iˇ koˆ-iˇ jiˇ-awˇ, aˇ yehˆ juˬ-iˇ ga-iˇ-eu meh.

1 Beˬtuˆluˆ 4:7

Yawˬ jeˬ na luꞈ laꞈ kʼoeˇ aˇ saˬ saˬ-eu aˇ yamˬ peh le-euˬ meh. Kʼoeˇ miˇ neh, naw maꞈ guiˬ lahˬ shaˇ nya-eu gʼaˇ duˬ yawˬ ha-euˬ nui ma-ahˇ gʼaˬ leˇ ni nyehꞈ tehˬ-awˇ, yaw beuˇ beuˇ-ehˇ dehꞈ-awˬ.

1 Yoˇhaˬ 2:17

Miˇ tsaˬ heu hawˇ-eu miˇ tsaˬ heu kʼoeˇ taˆ tsawˇ haˬ zaˬ nui kʼahˇ kʼaˇ jaˆ-eu jeˬ dawˬ tawˆ luꞈ ya byoˆ-iˇ jiˇ tehꞈ-a. Ehˇ kʼawꞈ, Miˬyehˇ-euˬ nui kʼahˇ mˇ-eu tsawˇ haˬ-aˬ, mˬ maˬ maˬ byaˆ zaˇ ziˇ ya dehꞈ tehꞈ-a.