1 Gawˇliˬtu 7:26 - Akha

²⁶ Nymˬ-mˇ keuˆ le luꞈ-eu shaˬ-eu zahˬ-eu aˇ yamˬ heu-ahˇ shaˇ sawˇ haw naˇ, tsawˇ haˬ aˬ geu gʼaˬ maˬ kaˬ yawˬ ha kʼaˇ pyeuꞈ luꞈ-eu loꞈ-ehˇ dehꞈ gʼeh-eu tsaˬ meh lehˇ ngaˇ noeˬ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Nymq-mr-aq, zawr shaq-eu aryamq pyeuf-eu mirnae, tsawrhaq yawqghaq navluf yawqha khar pyeufluf-eu lof-aer daefghae-eu tsaq taef-a laer ngar noeq mir-a.

1 Gawˇliˬtu 7:26 ပူးပေါင်းရင်းမြစ်များ

Maꞈtehˬ 24:19

Aˇ nah aˇ yamˬ kʼoeˇ keuˆ le ngeh, aˬ nyiˇ pi luꞈ-eu zaˬ miˬ zaˬ deuˬ hawˇ-eu, zaˬ nahˬ aˬ ma deuˬ shaˬ zahˬ naꞈ dui dui tehꞈ-a.

Luˇkaꞈ 21:23

Aˇ nah aˇ yamˬ kʼoeˇ keuˆ le ngeh, aˬ nyiˇ pi luꞈ-eu zaˬ miˬ zaˬ deuˬ hawˇ-eu, zaˬ nahˬ aˬ ma deuˬ shaˬ zahˬ naꞈ dui dui tehꞈ-a. Aˬ jeˬ miˇ neh ehˇ naˇ, noeˬ shaˬ dui dui-eu jeˬ miˇ kʼahˬ heu kʼahˬ kʼoeˇ taˆ keuˆ le-awˇ, Miˬyehˇ nui ma pehˇ-eu jeˬ tsawˇ jeuˬ heu jeuˬ kʼoeˇ taˆ teuˇ le tehꞈ-a.

1 Gawˇliˬtu 7:1

Nymˬ-mˇ jawˇ poˆ-aˬ, naw maꞈ neh ngaˬ-ahˇ sahˬ boꞈ boꞈ ahˇ laꞈ-awˇ naˇ haˬ-euˬ gaˇ kawˆ kʼoeˇ ehˇ ma. Kʼaˬ dzeˇ zaˬ-aˬ, miˬ zaˬ maˬ sheuˬ ni jawˇ nya naˇ muiˬ meh.

1 Gawˇliˬtu 7:27

Miˬ zaˬ sheuˬ-euˬ ngeuˇ naˇ, byehˇ-eu taˬ paˇ leh jeh. Maˬ sheuˬ-euˬ ngeuˇ naˇ kʼawꞈ, sheuˬ-eu taˬ paˇ leh jeh.

1 Gawˇliˬtu 7:28

Nawˇ miˬ zaˬ sheuˬ naˇ, sheuˬ-euˬ kʼoeˇ iˬ baˇ mˇ-eu maˬ ngeuˇ-a. Kʼaˬ dzeˇ zaˬ maˬ baw-eu zaˬ miˬ zaˬ tiˬ gʼaˬ smˇ miˇ iˇ naˇ kʼawꞈ, smˇ miˇ iˇ-euˬ kʼoeˇ iˬ baˇ mˇ-eu maˬ ngeuˇ-a. Ehˇ kʼawꞈ, gʼeh nya naˇ, sheuˬ dahˬ dzaˬ-euˬ tsawˇ haˬ deuˬ miˇ tsaˬ heu kʼoeˇ taˆ ya tahˬ puˬ-eu shaˬ zahˬ kʼoeˇ deuˬ naw maꞈ kʼoeˇ taˆ maˬ bi keuˆ le mawꞈ nya.

1 Gawˇliˬtu 7:8

Miˬ zaˬ maˬ sheuˬ-eu deuˬ hawˇ-eu miˬ coeˬ miˬ ma deuˬ-ahˇ, ngaˇ loꞈ-ehˇ cawˬ maˬ shaˇ baw ni jawˇ nya naˇ muiˬ meh lehˇ ehˇ mawꞈ miˇ-a.

2 Teˇsaˬloˇni 2:2

Sahˬpaˬ Yeˬsuˇ-euˬ Aˇnah keuˆ le gʼaˬ-euˬ meh lehˇ aˬ cawˬ ehˇ gaˇ naw maꞈ yaw awˇ laꞈ-ehˇ taˬ noeˬ bahˬ. Nui ma yaw tsaˇ taˬ tsaˇ. Nga maꞈ dawˬ mehˬ mehˬ ngeh kʼoeˇ loꞈ-ehˇ ehˇ-eu meh lehˇ aˬ cawˬ naw maꞈ-ahˇ tsaꞈ nehˬ laˇ-eu baw tehꞈ-a. Maˬ ngeuˇ naˇ, nga maꞈ sahˬ boꞈ boꞈ-awˇ kʼoeˇ loꞈ-ehˇ ehˇ-eu meh lehˇ tsaꞈ laˇ tehꞈ-a.

1 Beˬtuˆluˆ 4:17

Yaˇ kʼaˬ daˇ-eu aˇ yamˬ peh le-euˬ meh. Miˬyehˇ-euˬ tsawˇ haˬ deuˬ-ahˇ jeˬ huˬ daˇ-eu lehˇ gʼeh-eu meh. Aˬ dui-ahˇ jeˬ huˬ daˇ dahˬ beh naˇ, Miˬyehˇ jawˇ gaˇ neh oe-euˬ Laˬ kʼaˬ cehˇ-eu Guiˬ lahˬ dawˬ-ahˇ maˬ jah-eu tsawˇ haˬ deuˬ gʼaˇ duˬ aˬ joˆ-ehˇ aˇ saˬ saˬ nmˇ.