1 Gawˇliˬtu 7:25 - Akha

²⁵ Naw maꞈ neh ngaˬ-ahˇ boꞈ naˇ haˬ laꞈ-euˬ smˇ miˇ maˬ iˇ ni jawˇ-eu zaˬ miˬ zaˬ deuˬ-euˬ gaˇ kawˆ-ahˇ taꞈ leˇ-awˇ, Sahˬpaˬ Miˬyehˇ-euˬ dawˬ ngaˇ maˬ za-aˬ. Ehˇ kʼawꞈ, Miˬyehˇ guiˬ lahˬ baˬ da neh jah coeˇ paˬ-ehˇ gʼeh-eu ngaˬ-euˬ nui noeˬ naw maꞈ-ahˇ biꞈ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Zaqguq deuq-euq garkawv-anr tafler-awr Sanqpaq Miqyaer nae bif-euq dawq ngar maqza-aq. Aerkhawf, Sanqpaq Miqyaer, ngaq-anr ghawqshaq gaq-eu mirnae, ngaq-anr jancoer paq-aer ghae-eu tsawrhaq bi pyeuflar naeqlaf-euq lof-aer, ngaq-euq nuinoeq nawmaf-anr ja’naeq nyar.

1 Gawˇliˬtu 7:25 ပူးပေါင်းရင်းမြစ်များ

Jaceuq 78:63

Kʼaˬ dzeˇ zaˬ zaˬ guˬ deuˬ guiˇ deuˆ gaˇ bi deuˆ sehꞈ-awˇ, zaˬ miˬ aˬ buˇ zaˬ guˬ deuˬ mˇ dzaˬ-iˇ kʼaˇ maˬ za-a.

1 Gawˇliˬtu 15:10

Ehˇ kʼawꞈ, Miˬyehˇ-euˬ guiˬ lahˬ baˬ da neh iˬ nah ngaˇ heu loꞈ-ehˇ ya pyeuꞈ laˇ-awˇ, aˬ yawꞈ neh ngaˬ-ahˇ biꞈ leꞈ-euˬ guiˬ lahˬ-aˬ, yawꞈ ngehꞈ maˬ ngeuˇ-a. Ehˇ kʼawꞈ, gʼaˬ kʼehˇ nui deuˬ naˆ maˬ tseˇ ngaˇ gaˇ mˇ-eu leh jeh dzehˬ-euˬ ma. Kʼoeˇ loꞈ-ehˇ mˇ-eu kʼoeˇ-aˬ, yawˬ haˇ yawˬ ha mˇ-eu maˬ ngeuˇ. Miˬyehˇ-euˬ guiˬ lahˬ ngaˬ nehˬ-ehˇ mˇ luꞈ-eu meh.

1 Gawˇliˬtu 4:2

Zaˬ kʼaˆ tiˬ gʼaˬ-aˬ, yawˬ ha-euˬ baw leˬ-ahˇ saˇ jaˇ maˬ ziꞈ-ehˇ maˬ gʼeh nya-a.

1 Gawˇliˬtu 7:10

Sheuˬ dahˬ dzaˬ-euˬ miˬ zaˬ yo zaˬ-ahˇ ngaˇ heu loꞈ-ehˇ dawˬ biꞈ-eu ma. Ngaˬ-euˬ dawˬ maˬ ngeuˇ. Sahˬpaˬ Miˬyehˇ-euˬ dawˬ meh. Miˬ zaˬ tiˬ gʼaˬ yawˬ ha-euˬ kʼaˬ dzeˇ zaˬ-ahˇ maˬ ya gʼawˬ-a.

1 Gawˇliˬtu 7:12

Nui deuˬ-ahˇ ngaˇ heu loꞈ-ehˇ ehˇ-eu ma. Sahˬpaˬ Miˬyehˇ-euˬ dawˬ maˬ ngeuˇ. Ngaˬ-euˬ dawˬ ma. Ka li zaˬ tiˬ gʼaˬ Ka li zaˬ maˬ ngeuˇ-eu miˬ zaˬ sheuˬ-awˇ, miˬ zaˬ kʼoeˇ gʼaˬ aˬ yawꞈ nehˬ-ehˇ dehꞈ daˆ leꞈ mawꞈ-eu nui ma ahˇ naˇ, maˬ ya kʼoꞈ nehˬ-a.

1 Gawˇliˬtu 7:28

Nawˇ miˬ zaˬ sheuˬ naˇ, sheuˬ-euˬ kʼoeˇ iˬ baˇ mˇ-eu maˬ ngeuˇ-a. Kʼaˬ dzeˇ zaˬ maˬ baw-eu zaˬ miˬ zaˬ tiˬ gʼaˬ smˇ miˇ iˇ naˇ kʼawꞈ, smˇ miˇ iˇ-euˬ kʼoeˇ iˬ baˇ mˇ-eu maˬ ngeuˇ-a. Ehˇ kʼawꞈ, gʼeh nya naˇ, sheuˬ dahˬ dzaˬ-euˬ tsawˇ haˬ deuˬ miˇ tsaˬ heu kʼoeˇ taˆ ya tahˬ puˬ-eu shaˬ zahˬ kʼoeˇ deuˬ naw maꞈ kʼoeˇ taˆ maˬ bi keuˆ le mawꞈ nya.

1 Gawˇliˬtu 7:34

Kʼoeˇ miˇ neh, nui noeˬ nyiˬ jeˬ neh bi gʼeu taw taˬ-euˬ gaˇ duˇ-eu meh. Kʼaˬ dzeˇ zaˬ maˬ baw-eu zaˬ miˬ zaˬ, maˬ ngeuˇ naˇ zaˬ miˬ aˬ buˇ zaˬ guˬ-aˬ, Sahˬpaˬ Miˬyehˇ-euˬ gaˇ-ahˇ kʼahˇ kʼoꞈ-eu nui ma ahˇ-eu meh. Aˬ jeˬ miˇ neh ehˇ naˇ, aˬ yawꞈ nyiˬ jeˬ maˬ noeˬ ni, nui ma gʼawˇ mawˇ dawˬ tawˆ luꞈ Miˬyehˇ-ahˇ a nehˬ mawꞈ-eu meh. Ehˇ kʼawꞈ, kʼaˬ dzeˇ zaˬ baw-eu zaˬ miˬ zaˬ-aˬ, miˇ tsaˬ shiˬ shaˬ jiˇ gaˇ kawˆ-ahˇ kʼahˇ kʼoꞈ-eu nui ma ahˇ-eu meh. Aˬ jeˬ miˇ neh ehˇ naˇ, aˬ yawꞈ-euˬ kʼaˬ dzeˇ zaˬ nui kʼahˇ shiˇ-eu jeˬ-ahˇ aˬ yawꞈ mˇ mawꞈ-eu meh.

1 Gawˇliˬtu 7:40

Ngaˬ neh noeˬ-euˬ loꞈ-ehˇ ya ehˇ naˇ, maˬ dahˬ dzaˬ-iˇ ni jawˇ-eu-aˬ, aˬ yawꞈ gʼaˇ duˬ zaˬ dzehˬ meh. Ngaˬ neh noeˬ-euˬ heu Miˬyehˇ-euˬ Yaw sahˇ-ahˇ tsaˬ ma lehˇ ngaˇ jah-eu ma.

1 Gawˇliˬtu 7:6

Ngaˇ heu loꞈ-ehˇ ehˇ-eu heu-aˬ, ngaˇ kʼaˇ ehˇ-eu loꞈ-ehˇ maˬ geuꞈ-ehˇ maˬ gʼeh nya-a lehˇ dawˬ biꞈ-eu jeˬ-ehˇ ehˇ-eu maˬ ngeuˇ. Ngaˬ neh ehˇ-euˬ loꞈ-ehˇ mˇ-eu gʼaˇ duˬ aˬ kawˬ-aˬ biꞈ-eu jeˬ-ehˇ ehˇ-eu ma.

2 Gawˇliˬtu 11:17

Nymˬ-mˇ ngaˇ ehˇ luꞈ-eu heu-aˬ, Sahˬpaˬ Miˬyehˇ ngaˬ-ahˇ bi ngehˬ mawꞈ-eu jeˬ law nmˇ-aˬ maˬ ngeuˇ-a. Kʼahˬ sehˇ jehˆ-eu gaˇ kawˆ heu-ahˇ taꞈ leˇ-awˇ, maˇ maˇ ni aˬ dzawˬ aˇ gah tiˬ gʼaˬ loꞈ-ehˇ ngaˇ ngehˬ luꞈ-eu ma.

2 Gawˇliˬtu 2:17

Nga maꞈ-aˬ, aˬ cawˬ loꞈ-ehˇ yawˬ ha gʼaˇ duˬ jiˇ jeuˬ ahˇ ni Miˬyehˇ dawˬ kawˬ mehˬ-eu tsawˇ haˬ maˬ ngeuˇ. Ehˇ kʼawꞈ, Miˬyehˇ neh kʼehˇ gʼeh leꞈ-euˬ tsawˇ haˬ pyeuꞈ-eu miˇ neh, Ka li-euˬ zaˬ kʼaˆ loꞈ-ehˇ Miˬyehˇ mehˬ shi dawˇ coe ni ngehˬ-eu tmˇ-eu ma.