1 Gawˇliˬtu 7:17 - Akha

¹⁷ Yawˬ gʼaˬ na luꞈ Miˬyehˇ neh kʼaˇ biˇ oꞈ nehˬ-euˬ loꞈ-ehˇ dehꞈ-awˇ, Miˬyehˇ neh bi kuˇ ngeh kʼaˇ pyeuꞈ luꞈ-eu loꞈ-ehˇ dehꞈ gʼeh-eu tsaˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Sanqpaq Miqyaer nae tiqghaq sair tiqghaq-anr birnaeq taq-euq lof-aer daef-awr, Miqyaer nae tiqghaq sair tiqghaq-anr kur ngae, kharpyeuf-eu lof-aer daefghae-awq. Ngar, Kalizaq armur yawqmur navluf-anr khoerlof-aer khaerluf-eu ma.

1 Gawˇliˬtu 7:17 ပူးပေါင်းရင်းမြစ်များ

Maꞈtehˬ 19:12

Miˬ zaˬ maˬ sheuˬ-eu gaˇ kawˆ, tiˬ gʼaˬ tiˇ gʼaˬ maˬ duˇ-a. Tiˬ paˆ na deuˬ dehꞈ le ngeh neh kʼoeˇ loꞈ-ehˇ seu le-euˬ meh. Tiˬ paˆ na deuˬ-aˬ, tsawˇ haˬ zaˬ neh jahˇ-euˬ gaˇ kawˆ baˬ da neh maˬ sheuˬ ni jawˇ-eu meh. Tiˬ paˆ na deuˬ-aˬ, Mˬtaˆ Miˇkʼahˬ gʼaˇ duˬ miˬ zaˬ maˬ sheuˬ ni jawˇ-eu meh. Mehˬ taˬ tsoˆ taˬ-euˬ gaˇ kawˆ heu deuˬ-ahˇ ha geuꞈ nya-eu deuˬ ha geuꞈ luꞈ-uˇ.”

1 Gawˇliˬtu 10:32

Yuˇdaˆ tsawˇ haˬ deuˬ-ahˇ maˬ ehˇ, Yuˇdaˆ tsawˇ haˬ maˬ ngeuˇ-eu deuˬ-ahˇ maˬ ehˇ, Miˬyehˇ-euˬ Ka li zaˬ aˇ muˇ-ahˇ maˬ ehˇ, coeˬ-eu ciˆ-eu jeˬ maˬ mˇ ni dehꞈ-awˬ.

1 Gawˇliˬtu 11:16

Gaˇ kawˆ heu-ahˇ taꞈ leˇ-awˇ tsawˇ haˬ tiˬ gʼaˬ na dawˬ ja myaˬ mawꞈ naˇ, aˬ dui maꞈ maˬ ehˇ, Miˬyehˇ-euˬ Ka li zaˬ aˇ muˇ deuˬ maˬ ehˇ, uˬ duˬ tahˬ ngeh ya caw teh-eu zahˇ sahˇ kʼoꞈ yawˬ-awˇ yawˬ maˬ paˇ jaˆ ma lehˇ ngaˇ ehˇ mawꞈ-eu ma.

1 Gawˇliˬtu 11:34

Naw maꞈ kʼoeˇ loꞈ-ehˇ uiˬ leˇ ngeh Miˬyehˇ yaˇ kʼaˬ daˇ gaˇ maˬ ya daˬ-eu gʼaˇ duˬ, tsawˇ haˬ tiˬ gʼaˬ na hawˬ mehꞈ mehꞈ naˇ, iˇ kahˇ-ahˇ dzaˬ-eu tsaˬ meh. Gaˇ kawˆ nui deuˬ-aˬ, ngaˇ naw maꞈ jawˇ gaˇ oe keuˆ ngeh jahˇ jiˇ nehˬ ma.

1 Gawˇliˬtu 14:33

Aˬ jeˬ miˇ neh ehˇ naˇ, aˬ dui maˬ tsaˬ maˬ dzoeˇ leˇ-eu jeˬ-ahˇ Miˬyehˇ maˬ geuꞈ mawꞈ-a. Tsaˬ leˇ dzoeˇ leˇ-eu jeˬ-ahˇ aˬ yawꞈ geuꞈ mawꞈ-eu meh. Miˬyehˇ-euˬ tsawˇ haˬ deuˬ-euˬ Ka li zaˬ aˇ muˇ yawˬ muˇ na luꞈ mˇ luꞈ-eu loꞈ-ehˇ,

1 Gawˇliˬtu 16:1

Nymˬ-mˇ poˆ jawˇ-aˬ, Yuˇdaˆ miˇ kʼahˬ-ahˇ jawˇ-eu aˬ yuiꞈ aˬ nyiˇ Ka li zaˬ deuˬ-ahˇ caw ba nehˬ-eu gʼaˇ duˬ pyuˇ daˬ gʼoˆ uiˬ-eu gaˇ kawˆ naw maꞈ neh ngaˇ jawˇ gaˇ boꞈ ahˇ laꞈ-euˬ gaˇ kawˆ-ahˇ taꞈ leˇ-awˇ, ngaˇ heu loꞈ-ehˇ ehˇ-eu ma. Gaˬlaˬtiˆ miˇ kʼahˬ-ahˇ jawˇ-eu Ka li zaˬ aˇ muˇ deuˬ-ahˇ ngaˬ neh ehˇ nehˬ-euˬ loꞈ-ehˇ naw maꞈ mˇ-awˬ.

1 Gawˇliˬtu 4:17

Ngaˇ kʼoeˇ loꞈ-ehˇ noeˬ-awˇ, Sahˬpaˬ Miˬyehˇ laꞈ kʼoeˇ ngaˇ gaˬ dui dui-eu saˇ jaˇ ziꞈ-eu aˬ li pyeuꞈ-eu Tiˆmoˇseˬ-ahˇ naw maꞈ jawˇ gaˇ kʼehˇ gʼeh leꞈ-euˬ ma. Ngaˇ caw teh luꞈ-eu gaˇ ma pyeuꞈ-eu Ka li laꞈ kʼoeˇ aˬ joˆ-ehˇ ya dehꞈ ya jawˇ-eu gaˇ kawˆ kʼoeˇ hmˬ-ahˇ naw maꞈ maˬ ya ngehˇ ni aˬ yawꞈ sheuˬ gʼeh nehˬ laꞈ tehꞈ-a. Gaˇ kawˆ kʼoeˇ hmˬ-ahˇ ka li zaˬ aˇ muˇ kʼaˇ jaˆ gaˇ ngaˇ mehˬ-eu ma.

1 Gawˇliˬtu 7:18

Baˆ kʼoˆ mehˬ dzaˬ yehˬ-euˬ tsawˇ haˬ tiˬ gʼaˬ Miˬyehˇ neh kuˇ-euˬ jeˬ-ahˇ ha geuꞈ gʼaˬ naˇ, baˆ kʼoˆ mehˬ dzaˬ yehˬ gʼaˬ-euˬ kʼoeˇ-ahˇ laˆ byoˆ-eu maˬ tsaˬ-a. Baˆ kʼoˆ mehˬ dzaˬ maˬ yehˬ-euˬ tsawˇ haˬ tiˬ gʼaˬ Miˬyehˇ neh kuˇ-euˬ jeˬ-ahˇ ha geuꞈ gʼaˬ naˇ, baˆ kʼoˆ mehˬ dzaˬ paˇ yehˬ-eu maˬ tsaˬ-a.

1 Gawˇliˬtu 7:24

Aˬ yuiꞈ aˬ nyiˇ Ka li zaˬ deuˬ-oˇ, yawˬ gʼaˬ na luꞈ Miˬyehˇ kuˇ ngeh kʼaˇ pyeuꞈ luꞈ-eu loꞈ-ehˇ Miˬyehˇ mehˬ shi dehꞈ gʼeh-awˬ.

1 Gawˇliˬtu 7:7

Maˇ maˇ ni ya ehˇ naˇ, naw maꞈ dawˬ tawˆ luꞈ ngaˬ loꞈ-ehˇ bi dehꞈ mawꞈ miˇ-a. Ehˇ kʼawꞈ, tsawˇ haˬ yawˬ gʼaˬ na luꞈ-ahˇ aˬ cawˬ-ahˇ biꞈ-euˬ gaˇ maˬ duˇ-eu laꞈ sawˬ Miˬyehˇ biꞈ taˬ-awˇ, tiˬ gʼaˬ tiˬ jeˬ za taˬ-euˬ meh.

2 Gawˇliˬtu 11:28

Nui deuˬ gaˇ kawˆ ya shaˬ-euˬ deuˬ-ahˇ taˬ paˇ ehˇ siˬ. Ka li zaˬ aˇ muˇ dawˬ tawˆ luꞈ gʼaˇ duˬ kʼahˬ lahˇ-eu jeˬ yawˬ nah na luꞈ ngaˬ-euˬ nui ma-ahˇ ciˬ tehˬ taˬ-euˬ meh.

2 Gawˇliˬtu 8:18

Laˬ kʼaˬ cehˇ-eu Guiˬ lahˬ dawˬ mehˬ-eu gaˇ laꞈ kʼoeˇ Ka li zaˬ aˇ muˇ dawˬ tawˆ luꞈ yaw zeu baw dui dui-eu nga maꞈ-euˬ aˬ nyiˇ tiˬ gʼaˬ-ahˇ kʼawꞈ, aˬ yawꞈ nehˬ-ehˇ bi oe caw-euˬ ma.

Gaˬlaˬtiˆ 1:22

Kʼoeˇ ngeh keuˆ ni-aˬ, Yuˇdaˆ miˇ kʼahˬ-ahˇ jawˇ-eu Ka li zaˬ aˇ muˇ deuˬ ngaˬ-ahˇ tsawˇ tsaˬ maˬ tsoˆ nya-a siˬ.

1 Teˇsaˬloˇni 2:14

Nga maꞈ-euˬ aˬ yuiꞈ aˬ nyiˇ Ka li zaˬ deuˬ-oˇ, Yuˇdaˆ miˇkʼahˬ laꞈ kʼoeˇ jawˇ-eu Ka li zaˬ aˇ muˇ deuˬ hawˇ-eu kʼoeˇ gaˇ jawˇ-eu Yeˬsuˇ Ka li-euˬ tsawˇ haˬ deuˬ koeˇ taˆ keuˆ le-euˬ jeˬ, nymˬ-mˇ naw maꞈ kʼoeˇ taˆ keuˆ le-euˬ meh. Yuˇdaˆ tsawˇ haˬ deuˬ neh kʼehˬ nehˬ kʼaˆ nehˬ-euˬ jeˬ-ahˇ aˬ yawꞈ maꞈ ya daˬ-euˬ loꞈ-ehˇ, naw maꞈ kʼawꞈ, yawˬ ha nehˬ-ehˇ tiˬ kʼahˬ-ahˇ jawˇ luꞈ-eu tsawˇ haˬ deuˬ neh kʼehˬ nehˬ kʼaˆ nehˬ-euˬ jeˬ-ahˇ ya daˬ-euˬ meh.

2 Teˇsaˬloˇni 1:4

Kʼoeˇ miˇ neh, Miˬyehˇ-euˬ Ka li zaˬ aˇ muˇ deuˬ mehˬ shi, naw maꞈ gaˇ kawˆ nga maꞈ kʼahˬ sehˇ jehˆ-eu ma. Naw maꞈ ya daˬ luꞈ-eu kʼehˬ-eu kʼaˆ-eu jeˬ hawˇ-eu shaˬ-eu zahˬ-eu jeˬ dawˬ tawˆ luꞈ-ahˇ naw maꞈ daˬ dzeuˇ oˇ dzeuˇ-eu laꞈ kʼoeˇ, naw maꞈ jah luꞈ-eu gaˇ kawˆ nga maꞈ kʼahˬ sehˇ jehˆ-eu ma.