1 Gawˇliˬtu 7:12 - Akha

¹² Nui deuˬ-ahˇ ngaˇ heu loꞈ-ehˇ ehˇ-eu ma. Sahˬpaˬ Miˬyehˇ-euˬ dawˬ maˬ ngeuˇ. Ngaˬ-euˬ dawˬ ma. Ka li zaˬ tiˬ gʼaˬ Ka li zaˬ maˬ ngeuˇ-eu miˬ zaˬ sheuˬ-awˇ, miˬ zaˬ kʼoeˇ gʼaˬ aˬ yawꞈ nehˬ-ehˇ dehꞈ daˆ leꞈ mawꞈ-eu nui ma ahˇ naˇ, maˬ ya kʼoꞈ nehˬ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Ngar nuideuq-anr heulof-aer aer-eu ma. Sanqpaq Miqyaer-euq dawq maqngeur-a. Kalizaq tiq ghaq, yawqha-euq miqzaq maqjan-eu khawf, aqyawf-euq miqzaq, aqyawf naeq-aer jawrmawf nar-aq maqya khof-a.

1 Gawˇliˬtu 7:12 ပူးပေါင်းရင်းမြစ်များ

1 Gawˇliˬtu 7:11

Maˬ gʼawˬ-ehˇ maˬ juˬ naˇ, yawˬ zahˇ yawˬ maˬ iˇ paˇ ni tiˬ gʼaˬ tehꞈ-ehˇ ya jawˇ meh. Maˬ ngeuˇ naˇ, yawˬ ha-euˬ kʼaˬ dzeˇ zaˬ nehˬ-ehˇ laˆ tsaˬ laˆ tsahˇ-awˇ paˇ jawˇ kʼoꞈ-eu tsaˬ meh. Kʼaˬ dzeˇ zaˬ deuˬ kʼawꞈ, miˬ zaˬ maˬ ya kʼoꞈ-a lehˇ ngaˇ ehˇ-eu ma.

1 Gawˇliˬtu 7:13

Ka li zaˬ tiˬ gʼaˬ, Ka li zaˬ maˬ ngeuˇ-eu kʼaˬ dzeˇ zaˬ-ahˇ dahˬ dzaˬ-iˇ-awˇ, kʼaˬ dzeˇ zaˬ kʼoeˇ gʼaˬ aˬ yawꞈ nehˬ-ehˇ dehꞈ daˆ leꞈ mawꞈ-eu nui ma ahˇ naˇ, maˬ ya kʼoꞈ nehˬ-a.

1 Gawˇliˬtu 7:25

Naw maꞈ neh ngaˬ-ahˇ boꞈ naˇ haˬ laꞈ-euˬ smˇ miˇ maˬ iˇ ni jawˇ-eu zaˬ miˬ zaˬ deuˬ-euˬ gaˇ kawˆ-ahˇ taꞈ leˇ-awˇ, Sahˬpaˬ Miˬyehˇ-euˬ dawˬ ngaˇ maˬ za-aˬ. Ehˇ kʼawꞈ, Miˬyehˇ guiˬ lahˬ baˬ da neh jah coeˇ paˬ-ehˇ gʼeh-eu ngaˬ-euˬ nui noeˬ naw maꞈ-ahˇ biꞈ-eu ma.

1 Gawˇliˬtu 7:27

Miˬ zaˬ sheuˬ-euˬ ngeuˇ naˇ, byehˇ-eu taˬ paˇ leh jeh. Maˬ sheuˬ-euˬ ngeuˇ naˇ kʼawꞈ, sheuˬ-eu taˬ paˇ leh jeh.

1 Gawˇliˬtu 7:6

Ngaˇ heu loꞈ-ehˇ ehˇ-eu heu-aˬ, ngaˇ kʼaˇ ehˇ-eu loꞈ-ehˇ maˬ geuꞈ-ehˇ maˬ gʼeh nya-a lehˇ dawˬ biꞈ-eu jeˬ-ehˇ ehˇ-eu maˬ ngeuˇ. Ngaˬ neh ehˇ-euˬ loꞈ-ehˇ mˇ-eu gʼaˇ duˬ aˬ kawˬ-aˬ biꞈ-eu jeˬ-ehˇ ehˇ-eu ma.

2 Gawˇliˬtu 11:17

Nymˬ-mˇ ngaˇ ehˇ luꞈ-eu heu-aˬ, Sahˬpaˬ Miˬyehˇ ngaˬ-ahˇ bi ngehˬ mawꞈ-eu jeˬ law nmˇ-aˬ maˬ ngeuˇ-a. Kʼahˬ sehˇ jehˆ-eu gaˇ kawˆ heu-ahˇ taꞈ leˇ-awˇ, maˇ maˇ ni aˬ dzawˬ aˇ gah tiˬ gʼaˬ loꞈ-ehˇ ngaˇ ngehˬ luꞈ-eu ma.