1 Gawˇliˬtu 6:9 - Akha

⁹ Maˬ tsaˬ maˬ dawˇ-eu tsawˇ haˬ Miˬyehˇ Miˇkʼahˬ laꞈ kʼoeˇ maˬ ya uˇ leˇ-a lehˇ naw maꞈ siˬ duˬ luꞈ meh. Naw maꞈ taˬ noeˬ lehˬ. Aˬ cawˬ nehˬ-ehˇ joe-eu tsawˇ haˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ, aˬ cawˬ-euˬ miˬ zaˬ yo zaˬ-ahˇ bahˬ-eu tsawˇ haˬ, kʼaˬ dzeˇ zaˬ cawˬ cawˬ kʼaˬ miˬ sheu-eu tsawˇ haˬ,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Nawmaf, maqtsaq maqdawr-eu tsawrhaq, Miqyaer uvlanr-eu jeq maqza nya-a laer maq siqnya-eu le lor? Taq noeqlaeq de-eq. Maqtsaq-eu lafkhoer banq-awr joe-eu, tanqpanq aqma mawrkawr-anr uqduq tanq-eu, banq-awr joe-eu, aqli yawkaq aqli maqngeur nar-aq, aqbur yawkaq aqbur banq-awr joe-eu, aqli yawkaq aqli mawrdo anq-eu tsawrhaq deuq,

1 Gawˇliˬtu 6:9 ပူးပေါင်းရင်းမြစ်များ

Aˇ dahˬ 19:5

Lawˇtaˬ-ahˇ aˬ yawꞈ maꞈ kuˇ-awˇ, “Nymˇ ciꞈ nawˬ-euˬ nymˇ-ahˇ yaꞈ laˇ-euˬ daˬ yah kʼoeˇ nyiˬ gʼaˬ aˬ lehˬ. Nga maꞈ jawˇ gaˇ sheuˬ doˆ leꞈ-awˬ” lehˇ ehˇ nehˬ-euˬ meh. Sawˇdoˬ meuˬ-ahˇ jawˇ-eu tsawˇ haˬ kʼoeˇ deuˬ-aˬ, daˬ yah kʼoeˇ nyiˬ gʼaˬ nehˬ-ehˇ kʼaˬ dzeˇ zaˬ yaw kaˬ kʼaˬ miˬ sheu-awˇ, maˬ mˇ kʼmˬ-eu jeˬ mˇ nehˬ-eu lehˇ leh jeh luꞈ-eu meh.

Doˆ-iˇ 23:1

“Aˬ cawˬ gaˇ kawˆ, maˬ ngeuˇ gaˇ keuˆ ni ja bu ja doeˇ-eu jeˬ nawˇ maˬ ya mˇ-a. Maˬ tsaˬ maˬ dawˇ-eu tsawˇ haˬ jawˇ paw pyawˬ-awˇ, maˬ tsaˬ maˬ dawˇ-eu saˇ kiˇ nawˇ maˬ ya kamˬ-a.

Dawqdaq 11:1

Mehˇ shuiˇ shuiˇ dzaˬ-eu paˆ yawˬ-ahˇ Sahˬpaˬ Miˬyehˇ bye-awˇ, tsaˬ-eu byah-eu paˆ yawˬ-ahˇ aˬ yawꞈ nui kʼahˇ shiˇ-eu meh.

Dawqdaq 22:8

Maˬ tsaˬ maˬ dawˇ-eu siˬ yoeˬ sehˬ naˇ, shaˬ zahˬ dehꞈ doˆ laˇ-awˇ, aˬ cawˬ kʼoeˇ taˆ maˬ kʼaˆ dzaˬ nya ni pyeuꞈ laˇ tehꞈ-a.

Dawqdaq 7:27

Aˬ yawꞈ-euˬ nymˇ-aˬ, shiˇ-eu miˇ kʼahˬ gaˇ ma pyeuꞈ-awˇ, shiˇ-eu gaˇ ma gaˇ dawˇ kahˇ meh.

Iˇsaˬyaˇ 55:7

Haiˬ-euˬ tsawˇ haˬ deuˬ dehꞈ jeˬ dehꞈ kawˆ bi paˇ-awˇ, nui noeˬ bi paˇ laˇ-awˬ. Aˬ yawꞈ maꞈ-ahˇ Sahˬpaˬ Miˬyehˇ jawˇ paw bi gʼoꞈ laˇ-awˇ, gʼawˬ shaˬ bi haw gaˬ-awˬ. Aˬ yawꞈ maꞈ Miˬyehˇ jawˇ paw gʼoꞈ laˇ ngeh, iˬ baˇ dawˬ tawˆ luꞈ-ahˇ pyehˬ nehˬ tehꞈ-a.

Yeˬsaˬgeˬlaˇ 18:11

Aˬ da gʼaˬ kʼoeˇ loꞈ-ehˇ gʼeh-eu tiˬ jeˬ-iˬ maˬ mˇ haw-aˬ. Ehˇ kʼawꞈ, aˬ li kʼoeˇ gʼaˬ gawˬ jawˬ gawˬ duˇ doe ni jaˆ-eu uˬ duˬ tahˬ-eu jawˇ duˬ-ahˇ lawˇ-euˬ dzaˇ dzaˬ-awˇ, aˬ cawˬ-euˬ miˬ zaˬ-ahˇ bahˬ-euˬ meh.

Uˬ duˬ 18:20

Aˬ cawˬ-euˬ miˬ zaˬ nehˬ-ehˇ maˬ ya yuꞈ taꞈ-a. Kʼoeˇ loꞈ-ehˇ jahˇ naˇ, yawˬ ha gʼaˬ maˬ shawˇ-eu tsawˇ haˬ pyeuꞈ-iˇ-eu meh.

Uˬ duˬ 18:22

Kʼaˬ dzeˇ zaˬ cawˬ cawˬ maˬ ya yuꞈ taꞈ-a. Kʼoeˇ loꞈ-ehˇ jahˇ gaˇ Miˬyehˇ maˬ haw nahˇ-a.

Uˬ duˬ 19:15

“Naw maꞈ yaˇ kʼaˬ daˇ ngeh, yaw sui yaw dawˇ laꞈ kʼoeˇ, yaw tsaˬ yaw dawˇ dawˇ-ehˇ daˇ-awˬ. Yaw shaˬ zaˬ paw gʼaˬ baꞈ baꞈ-eu maˬ ehˇ, smˇ muiˬ smˇ baw-ahˇ guˆ-eu maˬ ehˇ, taˬ bi pyeuꞈ.

Uˬ duˬ 20:13

Kʼaˬ dzeˇ zaˬ tiˬ gʼaˬ kʼaˬ dzeˇ zaˬ yawˬ gʼaˬ yawˬ nehˬ-ehˇ joe naˇ, jawꞈ dui dui-eu jeˬ mˇ-euˬ miˇ neh, nyiˬ gʼaˬ luꞈ sehꞈ nehˬ gaˇ ya daˬ tehꞈ-a. Aˬ yawꞈ nyaꞈ-aˬ, yawˬ haˇ yawˬ ha ya shiˇ ni mˇ-euˬ meh.

Zaˬkaˬliˇ 5:3

Kʼoeˇ naˇ, aˬ yawꞈ heu loꞈ-ehˇ ehˇ-eu meh. “Miˇ tsaˬ tahˬ kʼawˇ doe ni yaˬ kʼehˇ yaˬ taˬ-euˬ dawˬ deuˬ, sahˬ boꞈ paˇ yoˆ kʼoeˇ yoˆ laꞈ kʼoeˇ boꞈ ahˇ taˬ-euˬ meh. Smˇ kʼoeˬ yawˬ gʼaˬ na luꞈ paˬ tseuˆ tseuˆ dzeh gaˇ ya daˬ-eu gaˇ kawˆ tiˬ paw paˆ boꞈ taˬ-awˇ, jaˬ myawꞈ myawꞈ-awˇ kamˬ-eu tsawˇ haˬ yawˬ gʼaˬ na luꞈ kʼawꞈ, paˬ tseuˆ tseuˆ dzeh gaˇ ya daˬ-eu gaˇ kawˆ tiˬ paw paˆ boꞈ taˬ-euˬ meh.

Maꞈtehˬ 19:29

Ngaˬ-euˬ mehˬ nah caw teh laˇ-eu gʼaˇ duˬ, yawˬ ha-euˬ nymˇ, mehˇ nmˇ, dmˇ ma, aˬ da, aˬ ma, aˬ buˇ aˬ li, myawˬ dahˬ yaˇ dahˬ, heu deuˬ dawˬ tawˆ luꞈ-ahˇ byehˇ dzeh yaꞈ-euˬ tsawˇ haˬ aˬ geu gʼaˬ maˬ kaˬ, yawˬ ha neh kʼaˇ byehˇ yaꞈ-euˬ jeˬ tiˬ yaˇ bymˇ paˇ za dzehˬ-eu uˬ taꞈ, mˬ maˬ maˬ byaˆ zaˇ ziˇ dehꞈ-eu jeˬ za tehꞈ-a.

Maꞈtehˬ 25:34

Kʼoeˇ naˇ, aˬ yawꞈ-euˬ aˇ maˇ paw jawˇ-eu tsawˇ haˬ deuˬ-ahˇ Sahˬ paˬ heu loꞈ-ehˇ ehˇ nehˬ tehꞈ-a. ‘Ngaˬ Da neh guiˬ lahˬ biꞈ taˬ-euˬ tsawˇ haˬ deuˬ-oˇ, laˇ-awˬ. Mˬ beh miˇ beh ngeh neh naw maꞈ gʼaˇ duˬ lehˬ hmˬ taˬ-euˬ miˇ kʼahˬ-ahˇ jawˇ laˇ-awˬ.

Luˇkaꞈ 21:8

Yeˬsuˇ ehˇ-eu, “Aˬ cawˬ neh gaˇ ma maˬ bi sheuˬ bahˬ ni yaw gahˇ gahˇ-ehˇ dehꞈ-awˬ. Aˬ jeˬ miˇ neh ehˇ naˇ, ngaˬ-euˬ gʼaˇ duˬ ngehˬ dah le-euˬ ma lehˇ ehˇ-eu tsawˇ haˬ gʼawˬ mya gʼaˬ doˆ le-awˇ, ‘Ngaˇ aˬ yawꞈ ma. Aˇ nah aˇ yamˬ kʼoeˇ yamˬ keuˆ le-euˬ meh’ lehˇ ehˇ tehꞈ-a. Aˬ yawꞈ maꞈ-euˬ mehˬ nah naw maꞈ taˬ caw teh.

Gʼaˬkʼehˇ 20:32

“Nymˬ-mˇ, Miˬyehˇ-euˬ aˬ laꞈ laꞈ kʼoeˇ hawˇ-eu aˬ yawꞈ-euˬ gʼawˬ shaˬ gaˬ-eu jeˬ laꞈ kʼoeˇ naw maꞈ-ahˇ ngaˇ a nehˬ yaꞈ-eu ma. Guiˬ lahˬ yaw dzahˇ biꞈ-eu dawˬ kʼoeˇ-aˬ, naw maꞈ-ahˇ bi huiˬ bi mahˇ laˇ nya-awˇ, Miˬyehˇ neh aˬ yawꞈ-euˬ tsawˇ haˬ dawˬ tawˆ luꞈ gʼaˇ duˬ lehˬ hmˬ taˬ-euˬ guiˬ lahˬ biꞈ nya-eu meh.

Gʼaˬkʼehˇ 24:25

Ehˇ kʼawꞈ, yaw tsaˬ yaw dawˇ jeˬ gaˇ kawˆ, yawˬ ha-euˬ nui ma-ahˇ nyehꞈ tehˬ gʼaˬ-eu gaˇ kawˆ, Yaˇ kʼaˬ daˇ-eu Aˇ nah keuˆ le luꞈ-eu gaˇ kawˆ heu deuˬ-ahˇ Pawˆluˆ ja keuˆ ngeh, Peˬliˇ noeˬ guˆ laˇ-awˇ ehˇ-eu, “Nawˇ gʼoꞈ-iˇ-awˬ. Aˬ kaˇ dah ngeh nawˬ-ahˇ ngaˇ paˇ bi kuˇ le ma.”

Lormav 1:18

Yaw tsaˬ yaw dawˇ jeˬ-ahˇ aˬ cawˬ maˬ mawˇ nya ni laˆ tsoeˬ-eu tsawˇ haˬ zaˬ-euˬ iˬ baˇ hawˇ-eu yaw haiˬ jeˬ mˇ gaˇ, Miˬyehˇ nui ma pehˇ-eu laꞈ kʼoeˇ tsawˇ haˬ zaˬ-ahˇ yaˇ kʼaˬ daˇ-eu gaˇ kawˆ, mˬ-ahˇ neh pah mehˬ leꞈ-euˬ meh.

1 Gawˇliˬtu 15:33

Taˬ noeˬ lehˬ. “Maˬ muiˬ-eu deuˬ-ahˇ cawˬ cawˬ naˇ, yaw muiˬ jeˬ mˇ mawꞈ-eu nui ma cawˆ-iˇ tehꞈ-a.”

1 Gawˇliˬtu 15:50

Aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ mawꞈ-eu-aˬ heu loꞈ-ehˇ ma. Shiˬ shaˬ jiˇ gʼawˇ mawˇ heu-aˬ, Miˬyehˇ Miˇkʼahˬ-ahˇ jawˇ leˇ nya-eu jeˬ maˬ ngeuˇ-a. Buꞈ-iˇ nya-eu jeˬ-aˬ, maˬ buꞈ-iˇ nya-eu jeˬ-ahˇ maˬ za nya-a.

1 Gawˇliˬtu 3:16

Naw maꞈ-aˬ, Miˬyehˇ-euˬ uˬ duˬ tahˬ nymˇ pyeuꞈ-awˇ, Miˬyehˇ-euˬ Yaw sahˇ naw maꞈ laꞈ kʼoeˇ jawˇ-eu gaˇ kawˆ naw maꞈ siˬ duˬ luꞈ meh.

1 Gawˇliˬtu 5:1

Zaˬ miˬ zaˬ hawˇ-eu kʼaˬ dzeˇ zaˬ yuꞈ taꞈ jawˇ taꞈ-eu gaˇ kawˆ-ahˇ taꞈ leˇ-awˇ, lawˇ ciꞈ zaˬ deuˬ maˬ mˇ peuˬ gaˇ keuˆ ni naw maꞈ mˇ keuˆ luꞈ meh lehˇ ngaˇ ya gaˬ duˬ taˬ-euˬ ma. Tsawˇ haˬ tiˬ gʼaˬ yawˬ ha-euˬ aˬ ma ma nyiˇ nehˬ-ehˇ joe-euˬ gaˇ kawˆ ngaˇ ya gaˬ-euˬ ma.

1 Gawˇliˬtu 5:10

Aˬ cawˬ nehˬ-ehˇ joe-eu, nui kʼahˇ huiˬ-eu, smˇ kʼoeˬ kʼoeˬ-eu, tahˬ pahˬ aˬ ma mawˇ kawˇ-ahˇ uˬ duˬ tahˬ-eu, heu loꞈ-ehˇ gʼeh-eu deuˬ-ahˇ mˇ luꞈ-eu lawˇ ciꞈ zaˬ deuˬ-ahˇ cawˬ taˬ cawˬ lehˇ ngaˇ ehˇ mawꞈ-eu maˬ ngeuˇ. Miˇ tsaˬ heu kʼoeˇ taˆ kʼaˇ dehꞈ kʼoeˇ keuˆ ni kʼoeˇ loꞈ-ehˇ gʼeh-eu deuˬ-ahˇ naw maꞈ maˬ dehꞈ taꞈ-ehˇ maˬ gʼeh nya-aˇ.

1 Gawˇliˬtu 5:11

Ngaˇ ehˇ mawꞈ-eu-aˬ, heu loꞈ-ehˇ ma. Yawˬ haˇ yawˬ ha jah-eu tsawˇ haˬ ma lehˇ ehˇ kʼawꞈ, aˬ cawˬ nehˬ-ehˇ joe-eu, nui kʼahˇ huiˬ-eu, tahˬ pahˬ aˬ ma mawˇ kawˇ-ahˇ uˬ duˬ tahˬ-eu, aˬ cawˬ-ahˇ ja bu ja doeˇ-eu, jiˇ baˬ dawˇ yehꞈ-eu, smˇ kʼoeˬ kʼoeˬ-eu, heu deuˬ-ahˇ mˇ-eu tsawˇ haˬ-ahˇ cawˬ taˬ cawˬ lehˇ ehˇ mawꞈ-eu ma. Kʼoeˇ loꞈ-ehˇ gʼeh-eu tsawˇ haˬ deuˬ nehˬ-ehˇ hawˬ jawˬ jawˬ taꞈ gaˇ keuˆ ni yahˇ-awˬ lehˇ ngaˇ nawꞈ maꞈ-ahˇ boꞈ nehˬ taˬ-euˬ ma.

1 Gawˇliˬtu 6:10

smˇ kʼoeˬ kʼoeˬ-eu tsawˇ haˬ, nui kʼahˇ huiˬ-eu tsawˇ haˬ, jiˇ baˬ dawˇ yehꞈ-eu tsawˇ haˬ, aˬ cawˬ-ahˇ yehˬ bawˬ sehˇ lu-ehˇ ehˇ-eu tsawˇ haˬ, tahˇ joe joe-eu tsawˇ haˬ, heu deuˬ-aˬ, Miˬyehˇ Miˇkʼahˬ laꞈ kʼoeˇ tiˬ gʼaˬ-iˬ maˬ ya uˇ leˇ-a.

1 Gawˇliˬtu 6:18

Aˬ cawˬ nehˬ-ehˇ joe-eu jeˬ-ahˇ gʼawˬ tsehˆ tsehˆ-awˬ. Tsawˇ haˬ zaˬ neh mˇ-euˬ iˬ baˇ nui deuˬ dawˬ tawˆ luꞈ gʼawˇ mawˇ-ahˇ coeˬ-eu ciˆ-eu maˬ ngeuˇ-a. Ehˇ kʼawꞈ, aˬ cawˬ nehˬ-ehˇ joe-eu jeˬ mˇ-euˬ tsawˇ haˬ-aˬ, yawˬ ha-euˬ gʼawˇ mawˇ-ahˇ coeˬ ni ciˆ ni iˬ baˇ mˇ gaˇ duˇ-eu meh.

1 Gawˇliˬtu 6:19

Naw maꞈ-euˬ gʼawˇ mawˇ-aˬ, Miˬyehˇ neh biꞈ leꞈ-awˇ naw maꞈ-euˬ laꞈ kʼoeˇ jawˇ luꞈ-eu Muiˬ-eu Shawˇ-eu Yaw sahˇ Miˬyehˇ-euˬ uˬ duˬ tahˬ nymˇ pyeuꞈ-eu meh lehˇ maˬ siˬ nya te loˇ. Kʼoeˇ uˬ taꞈ, naw maꞈ-aˬ, naw maꞈ-euˬ maˬ ngeuˇ-a. Miˬyehˇ-euˬ meh.

1 Gawˇliˬtu 9:24

Cehˆ ceh ceh ngeh tsawˇ haˬ gʼawˬ mya ni uˇ leˇ-awˇ cehˆ kʼawꞈ, tiˬ gʼaˬ tehꞈ-ehˇ laꞈ sawˬ za-eu maˬ ngeuˇ-a loˇ. Kʼoeˇ miˇ neh, laꞈ sawˬ za nya ni cehˆ-awˬ.

2 Gawˇliˬtu 12:21

Ngaˇ paˇ oe ngeh, ngaˬ-euˬ Miˬyehˇ ngaˬ-ahˇ naw maꞈ-euˬ mehˬ shi tiˬ poˆ paˇ bi shaꞈ dawˇ laꞈ-awˇ, dzeuˇ laˇ ngeh maˬ muiˬ maˬ shawˇ-eu jeˬ hawˇ-eu maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu jeˬ mˇ-euˬ tsawˇ haˬ deuˬ iˬ baˇ maˬ noeˬ poˆ-ehˇ jawˇ-eu baˬ da neh ngaˇ myaˆ biˇ ya doˆ le gaˇ kʼahˬ lahˇ dui dui nya.

Gaˬlaˬtiˆ 6:7

Naw maꞈ taˬ noeˬ lehˬ. Tsawˇ haˬ tiˬ gʼaˬ-iˬ Miˬyehˇ-ahˇ maˬ myawꞈ dzeuˇ nya-a. Yawˬ ha neh kʼaˇ sehˬ-euˬ jeˬ yawˬ ha ya yehˬ-eu meh.

Dawˬmehˬ 22:22

“Tsawˇ haˬ tiˬ gʼaˬ aˬ cawˬ-euˬ miˬ zaˬ nehˬ-ehˇ joe luꞈ-eu ya mawˇ naˇ, nyiˬ gʼaˬ luꞈ-ahˇ ya sehꞈ meh. Kʼoeˇ loꞈ-ehˇ gʼeh-eu maˬ muiˬ maˬ jaˬ-eu jeˬ maˬ ya bi doˆ laˇ ni, naw maꞈ kʼoeˇ loꞈ-ehˇ ya jahˇ meh.

Dawˬmehˬ 22:5

“Zaˬ miˬ zaˬ deuˬ kʼaˬ dzeˇ zaˬ deuˬ-euˬ mehˬ tsoeˬ maˬ ya dm-a. Kʼaˬ dzeˇ zaˬ deuˬ kʼawꞈ zaˬ miˬ zaˬ deuˬ-euˬ mehˬ tsoeˬ maˬ ya dm-a. Kʼoeˇ loꞈ-ehˇ jahˇ-eu tsawˇ haˬ-ahˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ bye-eu meh.

Dawˬmehˬ 23:17

“Iˇsaˬleˬlaˆ tsawˇ haˬ laꞈ kʼoeˇ, zaˬ miˬ zaˬ maˬ ehˇ, kʼaˬ dzeˇ zaˬ maˬ ehˇ, muiˬ-eu shawˇ-eu meh maˬ laˇ geuꞈ-awˇ maˬ ya bi jawˇ-a.

Gawˇlawˇsehˇ 3:5

Naw maꞈ laꞈ kʼoeˇ gaˇ mˇ luꞈ-eu jeˬ pyeuꞈ-eu, miˇ tsaˬ shiˬ shaˬ jiˇ-ahˇ nui kʼahˇ jaˆ-eu laꞈ kʼoeˇ jawꞈ dui dui-eu kʼaˬ miˬ sheu-eu gʼawˬ mya jeˬ mˇ-eu, yaw haiˬ jeˬ mˇ-eu, nui kʼahˇ huiˬ-eu, heu deuˬ-ahˇ naw maꞈ ya laˆ sehꞈ jiˇ meh. (Nui kʼahˇ huiˬ-eu jeˬ-aˬ, tahˬ pahˬ aˬ ma mawˇ kawˇ-ahˇ uˬ duˬ tahˬ gaˇ duˇ-eu meh.)

HeˬByehˇ 12:14

Tsawˇ haˬ yawˬ gʼaˬ na luꞈ nehˬ-ehˇ tsaˬ leˇ tsahˇ leˇ-eu laꞈ kʼoeˇ yaw muiˬ yaw shawˇ shawˇ-ehˇ dehꞈ-awˬ. Kʼoeˇ loꞈ-ehˇ maˬ dehꞈ naˇ, tsawˇ haˬ tiˬ gʼaˬ-iˬ Sahˬpaˬ Miˬyehˇ-ahˇ maˬ mawˇ nya-a.

HeˬByehˇ 12:16

Aˬ li aˬ yuiꞈ-ahˇ oꞈ-eu aˇ yaˬ-ahˇ hawˬ tiˬ byawˇ neh paˇ dzeh-euˬ Iˇsawˇ loꞈ-ehˇ, tsawˇ haˬ tiˬ gʼaˬ-iˬ kʼaˬ miˬ sheu-awˇ Miˬyehˇ-ahˇ yaw zeu maˬ baw-eu tsawˇ haˬ maˬ ya bi pyeuꞈ ni yahˇ-awˬ.

HeˬByehˇ 13:4

Sheuˬ dahˬ dzaˬ taꞈ-eu jeˬ-ahˇ tsawˇ haˬ yawˬ gʼaˬ na luꞈ ya taˬ huiˬ-awˇ, miˬ zaˬ yo zaˬ tiˬ gʼaˬ tiˇ gʼaˬ saˇ jaˇ ya ziꞈ meh. Maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ deuˬ hawˇ-eu, aˬ cawˬ nehˬ-ehˇ joe-eu tsawˇ ha deuˬ-ahˇ Miˬyehˇ yaˇ kʼaˬ daˇ tehꞈ-a.

Yaˬkoˆ 1:16

Ngaˇ gaˬ dui dui-eu aˬ yuiꞈ aˬ nyiˇ Ka li zaˬ deuˬ-oˇ, taˬ noeˬ lehˬ.

1 Yoˇhaˬ 3:7

Ngaˇ gaˬ dui dui-eu zaˬ deuˬ-oˇ, tsawˇ haˬ tiˬ gʼaˬ neh-iˬ naw maꞈ-ahˇ mehˇ shuiˇ taˬ bi shuiˇ tawˆ. Yaw tsaˬ yaw dawˇ jeˬ-ahˇ kʼaˇ mˇ-eu tsawˇ haˬ-aˬ, Ka li tsaˬ-eu dawˇ-eu loꞈ-ehˇ yawˬ ha kʼawꞈ tsaˬ-eu dawˇ-eu meh.

Panmaeq 21:8

Ehˇ kʼawꞈ, guˆ-eu nui ma ahˇ-eu tsawˇ haˬ, saˇ jaˇ puiˬ-eu tsawˇ haˬ, yaw jawꞈ jeˬ mˇ-eu tsawˇ haˬ, tsawˇ haˬ sehꞈ-eu tsawˇ haˬ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, mah loˬ ja maw zmˬ-eu tsawˇ haˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ, jaˬ myawꞈ mehˇ shuiˇ shuiˇ-eu tsawˇ haˬ, heu loꞈ-ehˇ gʼeh-eu deuˬ-ahˇ oꞈ-eu jawˇ duˬ-aˬ, nyiˬ poˆ tiˬ poˆ shiˇ-eu jeˬ pyeuꞈ-eu, miˬ dzaˬ hawˇ-eu miˬ dzaˇ dzaˇ shuiˇ doꞈ luꞈ-eu lah kʼoeˇ lah meh.

Panmaeq 22:15

Ehˇ kʼawꞈ, dehꞈ jawꞈ dui dui-eu tsawˇ haˬ deuˬ, maw loˬ ja maw mˇ-eu tsawˇ haˬ deuˬ, kʼaˬ miˬ sheu-eu tsawˇ haˬ deuˬ, aˬ cawˬ-ahˇ sehꞈ-eu tsawˇ haˬ deuˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ deuˬ, ngehˬ-eu tmˇ-eu mˇ-eu shaˇ-eu laꞈ kʼoeˇ jaˬ myawꞈ myawꞈ-eu tsawˇ haˬ deuˬ, heu deuˬ-aˬ meuˬ-euˬ laꞈ nyiˇ ya jawˇ tehꞈ-a.

Yaˇ kʼaˬ daˇ 19:22

Aˬ yawꞈ maꞈ laˬ kʼaˬ tiˬ cehˇ jawˇ naˬ mˇ luꞈ ngeh, meuˬ kʼoeˇ meuˬ laꞈ kʼoeˇ jawˇ-eu haiˬ dui dui-eu tsawˇ haˬ tiˬ deuˬ nymˇ kʼoeˇ nymˇ-ahˇ loꞈ jawˬ laˇ-euˬ meh. Tsawˇ haˬ kʼoeˇ deuˬ laˇ gʼoˆ-ahˇ teˇ teˇ-ehˇ, “Nawˬ-eu nymˇ-ahˇ yaꞈ laˇ-euˬ tsawˇ haˬ kʼoeˇ gʼaˬ bi doˆ le-awˬ. Aˬ yawꞈ-ahˇ nga maꞈ kʼaˬ miˬ sheu taꞈ la” lehˇ, nymˇ sahˇ aˬ da aˬ bawˇ tsawˇ mawˬ kʼoeˇ gʼaˬ-ahˇ guˇ-euˬ meh.