1 Gawˇliˬtu 6:13 - Akha

¹³ “Dzaˬ-eu jeˬ-aˬ, uˬ maˆ gʼaˇ duˬ pyeuꞈ-awˇ, uˬ maˆ-aˬ, dzaˬ-eu jeˬ-euˬ gʼaˇ duˬ meh.” Ehˇ kʼawꞈ, nyiˬ jeˬ luꞈ-ahˇ Miˬyehˇ laˆ cawˆ tehꞈ-a. Gʼawˇ mawˇ-aˬ, aˬ cawˬ nehˬ-ehˇ joe-eu gʼaˇ duˬ maˬ ngeuˇ-a. Sahˬpaˬ Yeˬsuˇ-euˬ gaˇ mˇ-eu gʼaˇ duˬ meh. Gʼawˇ mawˇ-ahˇ bi dzaˬ bi dawˇ-eu gʼaˬ-aˬ, Sahˬpaˬ Yeˬsuˇ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Dzaqdzaq dawrdawr-aq, uqmav-euq gharduq pyeuf-awr, uqmav-aq, dzaqdzaq dawrdawr-euq gharduq mae. Aerkhawf, Miqyaer heu nyiq jeq luf-anr lavcawv taef-a. Mawrdo-aq, banq-awr khaqmiq sheu-eu gharduq maqngeur-a, Sanqpaq Yeqsur-euq gharduq mae. Sanqpaq Yeqsur khawf mawrdo-euq gharduq mae.

1 Gawˇliˬtu 6:13 ပူးပေါင်းရင်းမြစ်များ

Maꞈtehˬ 15:17

Kʼaˬ meh laꞈ kʼoeˇ kʼaˇ ahˇ-iˇ-eu jeˬ baw ma laꞈ kʼoeˇ ahˇ-iˇ-awˇ, kʼoeˇ gaˇ neh tiˬ tiˇ saˇ-iˬ tiˬ tiˆ, laꞈ nyiˇ iˇ doˆ gʼeh-eu naw maꞈ maˬ siˬ nya te loˇ.

Maꞈtehˬ 15:20

Gaˇ kawˆ heu deuˬ-aˬ, tsawˇ haˬ zaˬ-ahˇ maˬ tsaˬ maˬ dawˇ ni bi pyeuꞈ-iˇ-eu gaˇ kawˆ deuˬ meh. Ehˇ kʼawꞈ, aˬ yawꞈ maꞈ naw maꞈ-ahˇ ehˇ-eu loꞈ-ehˇ, a laꞈ maˬ dzuiꞈ-ehˇ hawˬ dzaˬ-eu jeˬ-aˬ, tsawˇ haˬ zaˬ-ahˇ maˬ shawˇ ni maˬ bi pyeuꞈ-iˇ nya-a.”

Maˬkuˆ 7:19

Aˬ jeˬ miˇ neh ehˇ naˇ, nui ma-ahˇ maˬ ahˇ-iˇ-ehˇ, baw ma-ahˇ ahˇ-iˇ-awˇ, laꞈ nyiˇ paw iˇ doˆ dzeh-eu meh.” (Kʼoeˇ loꞈ-ehˇ ehˇ-eu laꞈ kʼoeˇ, dzaˬ dzaˬ dawˇ dawˇ dawˬ tawˆ luꞈ yaw shawˇ meh lehˇ, Yeˬsuˇ ehˇ mawꞈ-eu meh.)

Yoˇhaˬ 6:27

Buꞈ-iˇ cehˇ-iˇ nya-eu dzaˬ dzaˬ dawˇ dawˇ gʼaˇ duˬ maˬ leh jeh ni, mˬ maˬ maˬ byaˆ zaˇ ziˇ bi dehꞈ-eu dzaˬ dzaˬ dawˇ dawˇ gʼaˇ duˬ leh jeh-awˬ. Tsawˇ haˬ-euˬ Zaˬmaˇ pyeuꞈ-eu ngaˇ naw maꞈ-ahˇ dzaˬ dzaˬ dawˇ dawˇ kʼoeˇ jeˬ biꞈ ma. Aˬ jeˬ miˇ neh ehˇ naˇ, Aˬda Miˬyehˇ ngaˬ-ahˇ nui ma tsaˬ-awˇ juˬ diˬ taˬ-euˬ meh.”

Yoˇhaˬ 6:49

Naw maꞈ-euˬ aˬ poeˬ aˬ bawˇ deuˬ bawˇ tsahˬ bawˇ dahˇ kʼaˇ shuiꞈ deh yaˇ-ahˇ cah ngeh, maˬ naˆ kaˬ muˇ ya dzaˬ-euˬ ngeuˇ meh. Ehˇ kʼawꞈ, aˬ yawꞈ maꞈ tiˬ jawˇ-iˬ maˬ shiˇ ni dehꞈ-euˬ maˬ ngeuˇ-a.

Lormav 12:1

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ-euˬ huiˬ dui myaˬ dui dui-eu gʼawˬ shaˬ gaˬ-eu jeˬ baˬ da neh naw maꞈ-ahˇ ngaˇ heu loꞈ-ehˇ shaˇ-eu ma. Dehꞈ luꞈ-eu lawˇ-eu jeˬ loꞈ-ehˇ, naw maꞈ-euˬ gʼawˇ mawˇ Miˬyehˇ-ahˇ damˬ nehˬ-awˬ. Aˬ yawꞈ-euˬ gaˇ mˇ-eu gʼaˇ duˬ a nehˬ-awˇ, aˬ yawꞈ nui ma tsaˬ ni dehꞈ-awˬ. Heu-aˬ, naw maꞈ mˇ paˬ-ehˇ gʼeh-eu maˇ maˇ ni gʼeh-eu uˬ duˬ tahˬ-eu jeˬ pyeuꞈ-eu meh.

Lormav 14:17

Aˬ jeˬ miˇ neh ehˇ naˇ, Miˬyehˇ Miˇkʼahˬ-aˬ, dzaˬ-eu dawˇ-eu jeˬ maˬ ngeuˇ-a. Kʼoeˇ-aˬ, yaw tsaˬ yaw dawˇ jeˬ, Miˬyehˇ laꞈ kʼoeˇ nui saˇ oꞈ-eu jeˬ hawˇ-eu, Muiˬ-eu Shawˇ-eu Yaw sahˇ Miˬyehˇ neh biꞈ-euˬ laˬ kʼaˬ cehˇ-eu jeˬ pyeuꞈ-eu meh.

Lormav 6:12

Naw maꞈ-euˬ shiˬ shaˬ jiˇ nui kʼahˇ mehˬ nah maˬ ya caw teh ni, shiˇ nya-eu naw maꞈ-euˬ shiˬ shaˬ jiˇ gʼawˇ mawˇ-ahˇ iˬ baˇ neh taˬ paˇ bi uˆ lahˇ.

Lormav 7:4

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ kʼawꞈ kʼoeˇ gaˇ duˇ leˇ-eu meh. Zahˇ dawˬ kʼoꞈ dawˬ-ahˇ taꞈ leˇ-eu jeˬ laꞈ kʼoeˇ, naw maꞈ shiˇ dzeuˇ jiˇ-euˬ gaˇ duˇ-eu meh. Aˬ jeˬ miˇ neh ehˇ naˇ, naw maꞈ Yeˬsuˇ Ka liˬ-euˬ gʼawˇ mawˇ-ahˇ taꞈ leˇ gʼaˬ-euˬ meh. Miˬyehˇ-euˬ gaˇ laꞈ kʼoeˇ aˬ dui gaˇ dahˇ tsoeˬ-eu tsawˇ haˬ pyeuꞈ laˇ ni, naw maꞈ-aˬ, shiˇ dzeuˇ-euˬ gaˇ Miˬyehˇ neh paˇ bi gʼoꞈ dehꞈ laˇ-euˬ tsawˇ haˬ pyeuꞈ laˇ-euˬ meh.

1 Gawˇliˬtu 3:16

Naw maꞈ-aˬ, Miˬyehˇ-euˬ uˬ duˬ tahˬ nymˇ pyeuꞈ-awˇ, Miˬyehˇ-euˬ Yaw sahˇ naw maꞈ laꞈ kʼoeˇ jawˇ-eu gaˇ kawˆ naw maꞈ siˬ duˬ luꞈ meh.

1 Gawˇliˬtu 6:15

Naw maꞈ-euˬ gʼawˇ mawˇ-aˬ, Ka li-euˬ gʼawˇ mawˇ-ahˇ tsoꞈ-eu aˇ sehˇ deuˬ pyeuꞈ-eu meh lehˇ maˬ siˬ nya te loˇ. Ka li-euˬ gʼawˇ mawˇ-ahˇ tsoꞈ-eu aˇ sehˇ tiˬ sehˇ ngaˇ yuˇ-awˇ, meh maˬlaˇ-euˬ gʼawˇ mawˇ-ahˇ taꞈ-eu aˇ sehˇ bi pyeuꞈ-iˇ kʼmˬ ta loˇ. Tiˬ jeˬ gʼeh-awˇ neh-iˬ maˬ bi pyeuꞈ-iˇ kʼmˬ-aˇ.

1 Gawˇliˬtu 6:19

Naw maꞈ-euˬ gʼawˇ mawˇ-aˬ, Miˬyehˇ neh biꞈ leꞈ-awˇ naw maꞈ-euˬ laꞈ kʼoeˇ jawˇ luꞈ-eu Muiˬ-eu Shawˇ-eu Yaw sahˇ Miˬyehˇ-euˬ uˬ duˬ tahˬ nymˇ pyeuꞈ-eu meh lehˇ maˬ siˬ nya te loˇ. Kʼoeˇ uˬ taꞈ, naw maꞈ-aˬ, naw maꞈ-euˬ maˬ ngeuˇ-a. Miˬyehˇ-euˬ meh.

2 Gawˇliˬtu 11:2

Miˬyehˇ naw maꞈ-ahˇ nui ma maˬ shiˇ-eu loꞈ-ehˇ, ngaˇ kʼawꞈ naw maꞈ-ahˇ nui ma maˬ shiˇ nya. Naw maꞈ miˬ shuiꞈ tiˬ gʼaˬ loꞈ-ehˇ Ka li tiˬ gʼaˬ-ahˇ tehꞈ-ehˇ bi dahˬ dzaˬ-iˇ-eu gʼaˇ duˬ saˇ jaˇ dzaˬ nehˬ-euˬ gʼaˬ ngaˇ ma.

2 Gawˇliˬtu 5:15

Dehꞈ luꞈ-eu tsawˇ haˬ deuˬ kʼawꞈ yawˬ ha gʼaˇ duˬ dehꞈ luꞈ-eu jeˬ maˬ bi pyeuꞈ-ehˇ, aˬ yawꞈ maꞈ gʼaˇ duˬ shiˇ dah-awˇ paˇ bi gʼoꞈ dehꞈ laˇ-euˬ gʼaˬ-euˬ gʼaˇ duˬ tehꞈ-ehˇ dehꞈ luꞈ-eu jeˬ bi pyeuꞈ ni, dawˬ tawˆ luꞈ gʼaˇ duˬ aˬ yawꞈ shiˇ dah-euˬ meh.

Gaˬlaˬtiˆ 5:24

Yeˬsuˇ Ka li-ahˇ taꞈ-eu tsawˇ haˬ deuˬ-aˬ, shiˬ shaˬ jiˇ nui kʼahˇ hawˇ-eu shiˬ shaˬ jiˇ-euˬ nui noeˬ nui loˆ dawˬ tawˆ luꞈ-ahˇ laˆ sehꞈ jiˇ-euˬ meh.

Eˇpeˇsu 5:23

Aˬ jeˬ miˇ neh ehˇ naˇ, Ka li zaˬ aˇ muˇ kʼoeˇ taˆ Ka li uˆ lahˇ-eu baoˬ jaˆ-eu loꞈ-ehˇ, miˬ zaˬ kʼoeˇ taˆ kʼaˬ dzeˇ zaˬ uˆ lahˇ-eu baoˬ jaˆ meh. Ka li-aˬ, Ka li zaˬ aˇ muˇ pyeuꞈ-eu aˬ yawꞈ-euˬ gʼawˇ mawˇ-ahˇ Ka kʼoꞈ-eu yaw sahˇ pyeuꞈ-eu meh.