1 Gawˇliˬtu 5:3 - Akha

^3-4 Ngaˬ-euˬ gʼawˇ mawˇ naw maꞈ nehˬ-ehˇ maˬ jawˇ kʼawꞈ, ngaˬ-euˬ nui ma naw maꞈ nehˬ-ehˇ jawˇ luꞈ ma. Ngaˇ naw maꞈ nehˬ-ehˇ jawˇ luꞈ gaˇ duˇ-eu loꞈ-ehˇ, kʼoeˇ loꞈ-ehˇ gʼeh-eu jeˬ mˇ-euˬ gʼaˬ-ahˇ aˬ dui-euˬ Sahˬpaˬ Yeˬsuˇ-euˬ tsawˇ myahˇ uˬ moˆ ngaˇ yaˇ kʼaˬ daˇ gʼaˬ-euˬ ma. Naw maꞈ tiˬ gaˇ uiˬ leˇ dzoeˇ leˇ ngeh, ngaˬ-euˬ nui ma kʼawꞈ naw maꞈ nehˬ-ehˇ jawˇ ma. Kʼoeˇ loꞈ-ehˇ uiˬ lehˇ ngeh, aˬ dui nehˬ-ehˇ jawˇ luꞈ-eu aˬ dui-euˬ Sahˬpaˬ Yeˬsuˇ-euˬ baoˬ-ahˇ gʼoe-awˇ heu loꞈ-ehˇ jahˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Ngaq-euq mawrdo nawmaf naeq-aer maqjawr-eu khawf, ngaq-euq nuima nawmaf jawr-eu gar javluf ma. Ngar, nawmaf naeq-aer jawr-eu lof-aer, khoerlof-aer mr-eu tsawrhaq-anr yarkhaq darnaeq dzeur-euq ma.

1 Gawˇliˬtu 5:3 ပူးပေါင်းရင်းမြစ်များ

1 Gawˇliˬtu 5:12

Laꞈ nyiˇ paw-euˬ tsawˇ haˬ-ahˇ ngaˇ yaˇ kʼaˬ daˇ-eu maˬ loˬ. Ehˇ kʼawꞈ, Ka li zaˬ aˇ muˇ laꞈ kʼoeˇ uˇ-eu deuˬ-ahˇ naw maꞈ yaˇ kʼaˬ maˬ daˇ-ehˇ aˬ joˆ-ehˇ byehˇ nya ta.

2 Gawˇliˬtu 10:1

Naw maꞈ nehˬ-ehˇ jawˇ naˇ nui ma nahˬ jawˆ ni gʼeh-awˇ, naw maꞈ-ahˇ gaˇ mahˇ kaˬ gaˇ jawˇ naˇ nui ma huiˬ-eu gʼaˬ lehˇ naw maꞈ kuˇ-eu ngaˇ Pawˇluˆ naw maꞈ-ahˇ heu loꞈ-ehˇ shaˇ-eu ma. Ka li-euˬ nui nahˬ nui yu hawˇ-eu gʼawˬ shaˬ gaˬ-eu jeˬ laꞈ kʼoeˇ shaˇ-eu jeˬ pyeuꞈ-eu ma.

2 Gawˇliˬtu 10:11

Kʼoeˇ loꞈ-ehˇ ehˇ-eu deuˬ bi gʼoˆ shaw mawꞈ-eu-aˬ, nga maꞈ gaˇ mahˇ jawˇ ngeh naw maꞈ jawˇ gaˇ boꞈ ahˇ leꞈ-euˬ sahˬ boꞈ laꞈ kʼoeˇ ehˇ taˬ-euˬ jeˬ hawˇ-eu, nga maꞈ naw maꞈ jawˇ gaˇ oe keuˆ-awˇ mˇ le-eu jeˬ-aˬ, nyiˬ jeˬ maˬ ngeuˇ de. Tiˬ jeˬ tehꞈ ma.

2 Gawˇliˬtu 13:2

Naw maꞈ laꞈ kʼoeˇ dzeuˇ laˇ ngeh iˬ baˇ mˇ-euˬ deuˬ hawˇ-eu nui deuˬ dawˬ tawˆ luꞈ-ahˇ ngaˇ heu loꞈ-ehˇ ehˇ mawꞈ-eu ma. Ngaˇ naw maꞈ jawˇ gaˇ nyiˬ poˆ tiˬ poˆ oe ngeh, gaˇ kawˆ heu naw maꞈ-ahˇ ehˇ nehˬ gʼaˬ-euˬ ma. Nymˬ-mˇ ngaˇ naw maꞈ nehˬ-ehˇ maˬ jawˇ ngeh kʼawꞈ, tiˬ poˆ paˇ ehˇ poˆ-eu ma. Ngaˇ yawˬ poˆ yawˬ paˇ oe ngeh, tiˬ gʼaˬ-ahˇ-iˬ maˬ paˇ taˬ nehˬ ma lehˇ ehˇ taˬ-euˬ ma.

Gawˇlawˇsehˇ 2:5

Ngaˬ-euˬ gʼawˇ mawˇ naw maꞈ nehˬ-ehˇ maˬ jawˇ kʼawꞈ, ngaˬ-euˬ nui ma naw maꞈ nehˬ-ehˇ jawˇ luꞈ-awˇ, naw maꞈ Ka li-ahˇ jah-eu jeˬ laꞈ kʼoeˇ tiˬ kawˆ loꞈ-ehˇ ziꞈ dah ni jawˇ luꞈ gaˇ ya mawˇ-eu miˇ neh, laˬ kʼaˬ cehˇ dui dui nya.

1 Teˇsaˬloˇni 2:17

Aˬ yuiꞈ aˬ nyiˇ Ka li zaˬ deuˬ-oˇ, nga maꞈ naw maꞈ-ahˇ tiˬ kʼehˬ tiˬ yamˬ tehꞈ-ehˇ ya gʼawˬ-iˇ-euˬ kʼawꞈ, naw maꞈ-ahˇ noeˬ mawˇ luꞈ-awˇ, paˇ ya mawˇ dzoeˇ ni leh jeh dui dui luꞈ ma. Gʼawˇ mawˇ naw maꞈ-ahˇ ya gʼawˬ-iˇ-euˬ kʼawꞈ, nui ma naw maꞈ jawˇ gaˇ jaˆ luꞈ ma.