1 Gawˇliˬtu 4:5 - Akha

⁵ Kʼoeˇ miˇ neh, aˇ yamˬ maˬ keuˆ laˇ mi naˆ-ehˇ tsawˇ haˬ tiˬ gʼaˬ-ahˇ-iˬ naw maꞈ yaw lehˬ taˬ poˆ. Aˇ saˬ saˬ-eu yaˇ kʼaˬ daˇ-eu kʼoeˇ-aˬ, Sahˬpaˬ Miˬyehˇ oe keuˆ gaˇ ya dawˬ-eu meh. Yaw zahˇ laꞈ kʼoeˇ zaꞈ taˬ-euˬ jeˬ-ahˇ yaw shehꞈ laꞈ kʼoeˇ aˬ yawꞈ yuˇ doˆ laꞈ-awˇ, tsawˇ haˬ zaˬ-euˬ nui maˬ laꞈ kʼoeˇ zaꞈ taˬ-euˬ nui noeˬ-ahˇ aˬ yawꞈ pah dzeh tehꞈ-a. Kʼoeˇ ngeh jawˇ, tsawˇ haˬ yawˬ gʼaˬ na luꞈ-ahˇ oꞈ-eu geuˇ-eu loꞈ-ehˇ Miˬyehˇ ja ceuˬ nehˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Khoermirnae, aryamq maq keuvlar-euq minav-aer, Sanqpaq Miqyaer maqoe-euq nmrkaq, tiqjeq-anr-iq yarkhaq taqdar siq. Aqyawf oekeuv ngae, yawzanr-euq lafkhoer zaftaq-euq deuq yawbya-anr bi dovlar-awr, tsawrhaq-euq nuima khawf aqyawf panmawrnaeq taef-a. Khoerngae, Miqyaer, tsawrhaq yawqghaq navluf-anr geux-eu lof-aer jaceuqnaeq taef-a.

1 Gawˇliˬtu 4:5 ပူးပေါင်းရင်းမြစ်များ

Yawˇbaˆ 12:22

Naꞈ suiˇ ni gʼeh gaˇ dehˬ kaˬ taˬ-euˬ yaw zahˇ-ahˇ aˬ yawꞈ yuˇ yawˬ-awˇ, zahˇ tsui ni gʼeh gaˇ yaw shehꞈ bi bya laˇ-eu meh.

Dawqdaq 12:8

Bawˬ toˆ muiˬ-eu tsawˇ haˬ-ahˇ aˬ cawˬ ja ceuˬ-awˇ, nui noeˬ doeˇ-eu tsawˇ haˬ-ahˇ aˬ cawˬ noeˬ teˬ-eu meh.

Dawˬ tsoˆ 11:9

Zaˬ guˬ deuˬ-oˇ, zaˬ guˬ aˇ yamˬ-ahˇ nui kʼahˇ shiˇ-awˬ. Zaˬ guˬ guˬ ngeh laˬ kʼaˬ cehˇ-awˬ. Nawˬ-euˬ nui loˆ kʼaˇ jaˆ-eu loꞈ-ehˇ nui kʼahˇ tiˬ shiˇ dehꞈ-awˬ. Ehˇ kʼawꞈ, nawˬ neh kʼaˇ dehꞈ-euˬ loꞈ-ehˇ aˬ kaˇ tiˬ nah Miˬyehˇ yaˇ kʼaˬ daˇ nehˬ laꞈ gaˇ taˬ ngehˇ.

Dawˬ tsoˆ 12:14

Aˬ dui neh kʼaˇ mˇ-euˬ muiˬ muiˬ doeˇ doeˇ dawˬ tawˆ luꞈ, Miˬyehˇ neh yaˇ kʼaˬ ya bi daˇ meh. Ciˬ cuˇ ni baˇ zaꞈ-ahˇ mˇ kʼoeˬ-euˬ jeˬ kʼawꞈ, tiˬ hmˬ-iˬ maˬ dzeuˇ-iˇ nya-a.

Yeˬlaˬmiˇ 16:17

Aˬ yawꞈ maꞈ kʼaˇ mˇ kʼaˇ shaˇ-eu jeˬ ngaˇ mawˇ luꞈ ma. Ngaˬ-euˬ mehˬ shi zaꞈ taˬ-euˬ tiˬ jeˬ-iˬ maˬ jaˆ. Ngaˇ maˬ mawˇ ni aˬ yawꞈ maꞈ iˬ baˇ maˬ mˇ dzeuˇ nya-a.

Yeˬlaˬmiˇ 23:25

Yuꞈ maˆ maˆ-eu laꞈ kʼoeˇ aˬ yawꞈ maꞈ-ahˇ ngaˇ dawˬ biꞈ le-euˬ meh lehˇ ehˇ-awˇ, ngaˬ-euˬ tsawˇ myahˇ pi-awˇ jaˬ myawꞈ myawꞈ-eu Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ neh kʼaˇ ngehˬ-euˬ dawˬ deuˬ, ngaˇ siˬ nya jiˇ ma.

Hawˇseˬ 8:13

Lawˇ gaˇ shehˇ gaˇ gaˬ-eu laꞈ kʼoeˇ, ngaˬ-ahˇ shaˬ jiˇ lawˇ nehˬ laꞈ-awˇ, lawˇ dzaˇ aˬ yawꞈ maꞈ dzaˬ-eu meh. Sahˬpaˬ Miˬyehˇ pyeuꞈ-eu ngaˇ-aˬ, kʼoeˇ loˇ mˇ gaˇ laꞈ kʼaˬ maˬ cehˇ. Aˬ yawꞈ maꞈ neh mˇ-euˬ iˬ baˇ, ngaˇ maˬ ngehˇ ni kʼehˬ poˆ nehˬ-awˇ, Iˇjiˇtuˆ paw bi gʼoꞈ-iˇ ma.

Maˬlaˬkiˇ 3:18

Yaw tsaˬ yaw dawˇ tsawˇ haˬ hawˇ-eu maˬ tsaˬ maˬ dawˇ-eu tsawˇ haˬ aˬ joˆ-ehˇ beu gaˇ-eu gaˇ kawˆ hawˇ-eu, ngaˬ-euˬ ehˇ dawˬ naˇ haˬ-eu tsawˇ haˬ hawˇ-eu maˬ naˇ haˬ-eu tsawˇ haˬ aˬ joˆ-ehˇ paˆ gaˇ-eu gaˇ kawˆ, ngaˬ-euˬ tsawˇ haˬ deuˬ tiˬ poˆ paˇ ya mawˇ duˬ tehꞈ-a.”

Maꞈtehˬ 10:26

“Kʼoeˇ miˇ neh, tsawˇ haˬ kʼoeˇ deuˬ-ahˇ taˬ guˆ. Nymˬ-mˇ kʼaˇ dehˬ kaˬ taˬ-euˬ yawˬ jeˬ na luꞈ pah dzeh-awˇ, kʼaˇ zaꞈ taˬ-euˬ yawˬ jeˬ na luꞈ siˬ duˬ laˇ tehꞈ-a.

Maꞈtehˬ 24:30

Kʼoeˇ ngeh, Tsawˇhaˬ-euˬ Zaˬmaˇ oe luꞈ-eu gaˇ kawˆ mˬ kʼoeˇ taˆ bi siˬ bi mawˇ tehꞈ-a. Tsawˇhaˬ-euˬ Zaˬmaˇ mˬ dmˇ dziˬ-awˇ, baoˬ hawˇ-eu yaw shehꞈ kʼahˬ sehˇ tiˬ byah ni oe luꞈ gaˇ ya mawˇ ngeh, miˇ tsaˬ zaˬ deuˬ ngoeˇ tehꞈ-a.

Maꞈtehˬ 24:46

Baw leˬ gʼaˬ gʼoꞈ le ngeh, zaˬ kʼaˆ kʼoeˇ gʼaˬ kʼoeˇ loꞈ-ehˇ mˇ mˇ-ehˇ jawˇ-eu ya mawˇ naˇ, zaˬ kʼaˆ kʼoeˇ gʼaˬ aˇ naˆ ni guiˬ lahˬ huiˬ nmˇ.

Maꞈtehˬ 25:21

Baw leˬ ehˇ-eu, ‘Saˇ jaˇ ziꞈ-eu muiˬ-eu zaˬ kʼaˆ-oˇ. Nawˇ gaˇ mˇ-euˬ muiˬ dui dui ngaˇ. Nawˇ gaˇ yaw nyiˇ mˇ-euˬ saˇ jaˇ ziꞈ-eu miˇ neh, nawˬ-ahˇ ngaˇ gaˇ yaw huiˬ bi mˇ ma. Nawˬ-euˬ baw leˬ nehˬ-ehˇ tiˬ kawˆ loꞈ-ehˇ laˬ kʼaˬ cehˇ laˇ-awˬ.’

Maꞈtehˬ 25:23

Baw leˬ ehˇ-eu, ‘Saˇ jaˇ ziꞈ-eu, muiˬ-eu zaˬ kʼaˆ-oˇ. Nawˇ gaˇ mˇ-euˬ muiˬ dui dui ngaˇ. Nawˇ gaˇ yaw nyiˇ mˇ-euˬ saˇ jaˇ ziꞈ-eu miˇ neh, nawˬ-ahˇ ngaˇ gaˇ yaw huiˬ bi mˇ ma. Nawˬ-euˬ baw leˬ nehˬ-ehˇ tiˬ kawˆ loꞈ-ehˇ laˬ kʼaˬ cehˇ laˇ-awˬ.’

Luˇkaꞈ 6:37

“Aˬ cawˬ-ahˇ yaw lehˬ taˬ poˆ. Naw maꞈ aˬ cawˬ-ahˇ yaw lehˬ maˬ poˆ naˇ, Miˬyehˇ naw maꞈ-ahˇ yaw lehˬ maˬ poˆ-aˇ. Aˬ cawˬ-ahˇ yaˇ kʼaˬ taˬ daˇ. Naw maꞈ aˬ cawˬ-ahˇ yaˇ kʼaˬ maˬ daˇ naˇ, Miˬyehˇ naw maꞈ-ahˇ yaˇ kʼaˬ maˬ daˇ-aˇ. Aˬ cawˬ-ahˇ iˬ baˇ pyehˬ nehˬ-awˬ. Naw maꞈ aˬ cawˬ-ahˇ iˬ baˇ pyehˬ nehˬ naˇ, Miˬyehˇ naw maꞈ-ahˇ iˬ baˇ pyehˬ nehˬ laꞈ tehꞈ-a.

Yoˇhaˬ 21:22

Yeˬsuˇ ehˇ-eu, “Ngaˇ oe ngeh keuˆ ni aˬ yawꞈ-ahˇ ngaˇ bi dehꞈ keuˆ mawꞈ lawˬ naˇ, nawˇ aˬ jeˬ kʼahˇ kʼoꞈ kʼaˇ za ta. Ngaˬ-euˬ mehˬ nah laˇ gʼeh laꞈ-awˬ.”

Yoˇhaˬ 21:23

Kʼoeˇ ngeh jawˇ, zaˬ lahˇ kʼoeˇ gʼaˬ shiˇ-eu maˬ paˇ baw meh jeˇ lehˇ, Yeˬsuˇ-euˬ mehˬ nah caw teh luꞈ-eu tsawˇ haˬ deuˬ yaw kaˬ ja byah taˬ-euˬ meh. Ehˇ kʼawꞈ, zaˬ lahˇ kʼoeˇ gʼaˬ maˬ shiˇ-a lehˇ Yeˬsuˇ ehˇ mawꞈ-eu maˬ ngeuˇ-a. “Ngaˇ oe ngeh keuˆ ni aˬ yawꞈ-ahˇ bi dehꞈ keuˆ mawꞈ lawˬ naˇ, nawˇ aˬ jeˬ kʼahˇ kʼoꞈ kʼaˇ za ta” lehˇ ehˇ-euˬ tehꞈ meh.

Yoˇhaˬ 5:44

Naw maꞈ tiˬ gʼaˬ tiˇ gʼaˬ ja ceuˬ nehˬ laꞈ-eu jeˬ-ahˇ geuꞈ mawꞈ-eu meh. Ehˇ kʼawꞈ, aˬ yawꞈ tiˬ gʼaˬ tehꞈ-ehˇ Miˬyehˇ pyeuꞈ-eu gʼaˬ neh bi ja ceuˬ ni naw maꞈ maˬ dehꞈ-a. Kʼoeˇ miˇ neh, naw maꞈ ngaˬ-ahˇ aˬ joˆ-ehˇ jah nya nmˇ.

Lormav 14:4

Aˬ cawˬ-euˬ zaˬ kʼaˆ-ahˇ yaw lehˬ poˆ paˬ-ehˇ nawˇ aˬ suˇ gʼaˬ te. Aˬ yawꞈ tsaˬ-eu lehˬ-eu gaˇ kawˆ, aˬ yawꞈ-euˬ baw leˬ gʼaˬ ngehˬ tehꞈ-a. Aˬ yawꞈ-aˬ tsaˬ-eu tsawˇ haˬ pyeuꞈ tehꞈ-a. Aˬ jeˬ miˇ neh ehˇ naˇ, aˬ yawꞈ tsaˬ ni Sahˬpaˬ Miˬyehˇ jahˇ nya-eu meh.

Lormav 2:1

Cawˬ deuˬ-oˇ, naw maꞈ aˬ cawˬ-ahˇ yaw lehˬ poˆ te loˇ. Nawˇ aˬ joˆ-ehˇ gʼeh-eu tsawˇ haˬ ma lehˇ yawˬ haˇ yawˬ ha noeˬ kʼawꞈ, yaw lehˬ maˬ ahˇ-eu tsawˇ haˬ maˬ ngeuˇ-a. Yawˬ ha aˬ cawˬ kʼaˇ dehꞈ-eu loꞈ-ehˇ dehꞈ-awˇ, aˬ cawˬ-ahˇ yaw lehˬ poˆ te lehˇ ngeuˇ naˇ, yawˬ haˇ yawˬ ha yaw lehˬ poˆ gaˇ duˇ-eu tehꞈ meh.

Lormav 2:16

Kʼoeˇ miˇ neh, ngaˇ mehˬ luꞈ-eu Laˬ kʼaˬ cehˇ-eu Guiˬ lahˬ dawˬ heu ehˇ mawꞈ-eu-aˬ, tsawˇ haˬ zaˬ-euˬ nui ma laꞈ kʼoeˇ zaꞈ taˬ-euˬ nui noeˬ kʼoeˇ-ahˇ, Yeˬsuˇ Ka li-ahˇ gʼoe-awˇ Miˬyehˇ yaˇ kʼaˬ daˇ ngeh Nah, kʼoeˇ loꞈ-ehˇ daˇ tehꞈ-a.

Lormav 2:29

Laꞈ kʼoeˇ paw keuˆ ni Yuˇdaˆ tsawˇ haˬ pyeuꞈ-eu gʼaˬ-aˬ, Yuˇdaˆ tsawˇ haˬ maˇ maˇ ni meh. Aˬ yawꞈ-aˬ, nui ma laꞈ kʼoeˇ baˆ kʼoˆ mehˬ dzaˬ yehˬ-euˬ tsawˇ haˬ meh. Kʼoeˇ-aˬ Miˬyehˇ-euˬ Yaw sahˇ neh mˇ-euˬ jeˬ pyeuꞈ-eu meh. Boꞈ doˆ taˬ-euˬ Zahˇ dawˬ kʼoꞈ dawˬ neh mˇ-euˬ jeˬ maˬ ngeuˇ-a. Kʼoeˇ loꞈ-ehˇgʼeh-eu tsawˇ haˬ-ahˇ ja ceuˬ-eu gʼaˬ-aˬ, Miˬyehˇ meh. Tsawˇ haˬ zaˬ maˬ ja ceuˬ-a.

Lormav 2:7

Tsawˇ haˬ tiˬ paˆ na deuˬ-aˬ, yaw muiˬ jeˬ-ahˇ maˬ tsehˆ leˇ ni mˇ-eu laꞈ kʼoeˇ, yaw shehꞈ kʼahˬ sehˇ hawˇ-eu taˬ huiˬ taˬ mahˇ nehˬ-eu jeˬ-ahˇ maˬ ehˇ, mˬ maˬ maˬ byaˆ zaˇ ziˇ maˬ shiˇ ni ya dehꞈ-eu jeˬ-ahˇ maˬ ehˇ, poˆ luꞈ-eu meh. Kʼoeˇ loꞈ-ehˇ gʼeh-eu tsawˇ haˬ deuˬ-ahˇ mˬ maˬ maˬ byaˆ zaˇ ziˇ dehꞈ-eu jeˬ Miˬyehˇ biꞈ nehˬ tehꞈ-a.

1 Gawˇliˬtu 1:7

Kʼoeˇ miˇ neh, Sahˬpaˬ Yeˬsuˇ Ka li gʼoꞈ le gaˇ naw maꞈ loꞈ luꞈ-eu laꞈ kʼoeˇ, guiˬ lahˬ tiˬ hmˬ-iˬ maˬ bi ga ka-iˇ ni naw maꞈ ciˬ kʼmˇ taˬ-euˬ meh.

1 Gawˇliˬtu 11:16

Gaˇ kawˆ heu-ahˇ taꞈ leˇ-awˇ tsawˇ haˬ tiˬ gʼaˬ na dawˬ ja myaˬ mawꞈ naˇ, aˬ dui maꞈ maˬ ehˇ, Miˬyehˇ-euˬ Ka li zaˬ aˇ muˇ deuˬ maˬ ehˇ, uˬ duˬ tahˬ ngeh ya caw teh-eu zahˇ sahˇ kʼoꞈ yawˬ-awˇ yawˬ maˬ paˇ jaˆ ma lehˇ ngaˇ ehˇ mawꞈ-eu ma.

1 Gawˇliˬtu 11:26

Naw maꞈ kaˬ muˇ kʼoeˇ dzaˬ-awˇ kʼmˬ maˬ kʼoeˇ kʼaˇ dawˇ ngeh, Sahˬpaˬ Yeˬsuˇ zaˬ le ngeh keuˆ ni aˬ yawꞈ shiˇ-euˬ gaˇ kawˆ saˇ kiˇ kamˬ luꞈ gaˇ duˇ-eu meh.

1 Gawˇliˬtu 15:23

Ehˇ kʼawꞈ, aˬ yawꞈ gʼaˬ yawꞈ-ahˇ yawˬ ha-euˬ aˇ yamˬ tsaˬ laˇ ngeh bi gʼoꞈ dehꞈ laˇ tehꞈ-a. Ka li-ahˇ aˬ cawˬ jeˬ hu bi gʼoꞈ dehꞈ laˇ gʼaˬ-euˬ meh. Kʼoeˇ jiˇ naˇ, aˬ yawꞈ zaꞈ le ngeh, aˬ yawꞈ-ahˇ taꞈ-eu tsawˇ haˬ deuˬ-ahˇ bi gʼoꞈ dehꞈ laˇ tehꞈ-a.

1 Gawˇliˬtu 3:13

Aˬ yawꞈ gʼaˬ yawꞈ, yawˬ ha neh mˇ-euˬ muiˬ-eu doeˇ-eu gaˇ kawˆ-ahˇ, Ka li-euˬ Aˇ nah keuˆ le-awˇ pah mehˬ le ngeh ya mawˇ duˬ tehꞈ-a. Aˬ jeˬ miˇ neh ehˇ naˇ, Aˇ nah kʼoeˇ nah keuˆ le ngeh, yawˬ gʼaˬ na luꞈ kʼaˇ mˇ taˬ-euˬ jeˬ-ahˇ miˬ dzaˬ neh bi pah mehˬ tehꞈ-a. Muiˬ muiˬ doeˇ doeˇ miˬ dzaˬ neh bi lawˬ haw-awˇ, bi mawˇ duˬ laˇ tehꞈ-a.

1 Gawˇliˬtu 3:14

Dawˬ pehˬ gawˬ taˬ-euˬ kʼoeˇ taˆ gawˬ daˆ taˬ-euˬ jeˬ-ahˇ miˬ dzaˬ maˬ puiˆ dzaˬ nya naˇ, nymˇ gawˬ-euˬ kʼoeˇ gʼaˬ laꞈ sawˬ za tehꞈ-a.

1 Gawˇliˬtu 3:8

Ka-eu gʼaˬ hawˇ-eu iˇ cuꞈ shehˬ-eu gʼaˬ beu gaˇ duˬ maˬ jaˆ-a. Nyiˬ gʼaˬ luꞈ-ahˇ yawˬ ha neh kʼaˇ mˇ-euˬ loꞈ-ehˇ geuˇ ni Miˬyehˇ laꞈ sawˬ biꞈ nehˬ tehꞈ-a.

2 Gawˇliˬtu 10:18

Yawˬ haˇ yawˬ ha maˬ gaˇ ma lehˇ noeˬ-eu tsawˇ haˬ-aˬ, ja ceuˬ paˬ-ehˇ gʼeh-eu tsawˇ haˬ maˬ ngeuˇ-a. Sahˬpaˬ Yeˬsuˇ neh maˬ gaˇ meh lehˇ noeˬ-euˬ tsawˇ haˬ tehꞈ-ehˇ ja ceuˬ paˬ-ehˇ gʼeh-eu tsawˇ haˬ pyeuꞈ-eu meh.

2 Gawˇliˬtu 10:9

Ngaˇ naw maꞈ-ahˇ sahˬ boꞈ boꞈ-awˇ guˆ tsiˬ nyehꞈ-eu nga lehˇ maˬ bi gʼoˆ pyawˆ mawꞈ nya.

2 Gawˇliˬtu 4:2

Shaꞈ dawˇ paˬ-ehˇ gʼeh-eu zaꞈ taˬ-euˬ jeˬ-ahˇ nga maꞈ tiˬ jawˇ-iˬ maˬ mˇ. Mehˇ shuiˇ shuiˇ-eu jeˬ hawˇ-eu Miˬyehˇ dawˬ kawˬ-ahˇ yuˇ pyawˆ-eu jeˬ nga maꞈ maˬ jahˇ. Yaw tsaˬ yaw dawˇ jeˬ-ahˇ bya cehˆ ni mehˬ-awˇ , nga maꞈ-ahˇ aˬ cawˬ jah coeˇ ni Miˬyehˇ-euˬ mehˬ shi dehꞈ luꞈ-eu ma.

2 Gawˇliˬtu 5:10

Aˬ jeˬ miˇ neh ehˇ naˇ, aˬ dui dawˬ tawˆ luꞈ Ka li yaˇ kʼaˬ daˇ-eu nuiˇ mahˬ mehˬ shi ya uiˬ leˇ jiˇ meh. Tsawˇ haˬ yawˬ gʼaˬ na luꞈ shiˬ shaˬ jiˇ gʼawˇ mawˇ heu laꞈ kʼoeˇ kʼaˇ mˇ kʼaˇ shaˇ dzeuˇ-euˬ loꞈ-ehˇ, muiˬ-eu maˬ ehˇ, doeˇ-eu maˬ ehˇ, yawˬ ha-ahˇ kʼaˇ oꞈ-eu jeˬ za tehꞈ-a.

1 Teˇsaˬloˇni 5:2

Aˬ jeˬ miˇ neh ehˇ naˇ, Sahˬpaˬ Yeˬsuˇ-euˬ Aˇ nah-aˬ, uˬ ciꞈ sehˇ gʼahˇ smˇ kʼoeˬ tahˇ joe oe-eu loꞈ-ehˇ maˬ noeˬ maˬ duˇ-ehˇ jawˇ ngeh keuˆ le tehꞈ-a lehˇ naw maꞈ siˬ duˬ taˬ-euˬ meh.

HeˬByehˇ 4:13

Miˬyehˇ-euˬ mehˬ shi dehˬ kaˬ zaꞈ taˬ nya-eu tiˬ jeˬ-iˬ maˬ jaˆ-a. Kʼaˇ beh taˬ-euˬ yawˬ jeˬ na luꞈ aˬ yawꞈ-euˬ myaˆ nuiˆ mehˬ shi bya cehˆ ni pah dzeh taˬ-euˬ gaˇ duˇ-eu meh. Aˬ dui neh kʼaˇ mˇ kʼaˇ shaˇ taˬ-euˬ jeˬ dawˬ tawˆ luꞈ, aˬ yawꞈ mehˬ shi aˬ dui ya dzawˇ mehˬ leˇ-eu meh.

Yaˬkoˆ 4:11

Aˬ yuiꞈ aˬ nyiˇ Ka li zaˬ deuˬ-oˇ, tiˬ gʼaˬ tiˇ gʼaˬ ja bu ja doeˇ-eu jeˬ taˬ mˇ. Ka li zaˬ cawˬ cawˬ ja doeˇ-awˇ yaw lehˬ poˆ-eu tsawˇ haˬ-aˬ, Zahˇ dawˬ kʼoꞈ dawˬ-ahˇ ja doeˇ-awˇ yaw lehˬ poˆ gaˇ duˇ-eu meh. Naw maꞈ Zahˇ dawˬ kʼoꞈ dawˬ-ahˇ yaw lehˬ poˆ naˇ, Zahˇ dawˬ kʼoꞈ dawˬ-ahˇ naˇ haˬ geuꞈ-eu tsawˇ haˬ maˬ paˇ ngeuˇ-ehˇ, Zahˇ dawˬ kʼoꞈ dawˬ-ahˇ yaˇ kʼaˬ daˇ-eu tsawˇ haˬ pyeuꞈ-eu meh.

Yaˬkoˆ 5:7

Aˬ yuiꞈ aˬ nyiˇ Ka li zaˬ deuˬ-oˇ, Sahˬpaˬ Yeˬsuˇ zaꞈ le ngeh keuˆ ni oˇ oˇ-ehˇ jawˇ-awˬ. Deh ma mˇ-eu tsawˇ haˬ tiˬ gʼaˬ aˇ poeˬ kʼaˆ dui dui-eu cehˇ deuˬ keuˆ le ngeh keuˆ ni, aˬ yawꞈ-euˬ deh ma-ahˇ aˬ joˆ-ehˇ dawˬ-eu gaˇ kawˆ shaˇ sawˇ-awˬ. Yehˇ gʼahˇ ahˇ dahˬ beh le ngeh neh yehˇ gʼahˇ jiˇ le ngeh keuˆ ni oˇ oˇ-ehˇ dawˬ-eu meh.

Yaˬkoˆ 5:9

Aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ yaˇ kʼaˬ daˇ gaˇ maˬ ya daˬ-eu gʼaˇ duˬ, tiˬ gʼaˬ tiˇ gʼaˬ iˬ baˇ taˬ-eu dawˬ maˬ ngehˬ ni yahˇ-awˬ. Yaˇ kʼaˬ daˇ le-eu gʼaˬ, laˇ gʼoˆ dawˬ peh oe keuˆ-awˇ yawꞈ luꞈ meh.

1 Beˬtuˆluˆ 1:7

Lawˬ haw-eu kʼoeˇ-aˬ, naw maꞈ-euˬ jah-eu jeˬ maˇ jawˆ ni gʼeh-eu gaˇ kawˆ bi siˬ duˬ laˇ-eu gʼaˇ duˬ meh. Laˆ piˬ laˆ byoˆ nya-eu jeˬ pyeuꞈ-eu shuiˇ-ahˇ kʼawꞈ miˬ dzaˬ neh ya lawˬ haw-eu-aˬ, shuiˇ naˆ maˬ tseˇ poeˬ dui lawˬ dui dui-eu naw maꞈ-euˬ jah-eu jeˬ-ahˇ kʼawꞈ ya bi lawˬ haw tehꞈ-a. Kʼoeˇ naˇ, Yeˬsuˇ Ka li-ahˇ bya cehˆ ni ya mawˇ ngeh nah Miˬyehˇ naw maꞈ-ahˇ ja ceuˬ nehˬ laꞈ-awˇ, yaw shehꞈ kʼahˬ sehˇ bi za-eu uˬ taꞈ, ciˬ huiˬ ciˬ mahˇ nehˬ laꞈ tehꞈ-a.

1 Beˬtuˆluˆ 5:4

Yawˇ bo-eu deuˬ dawˬ tawˆ luꞈ kʼoeˇ taˆ uˆ lahˇ-eu Huiˬ-eu Yawˇ bo-eu gʼaˬ oe ngeh, tiˬ jawˇ-iˬ maˬ cehˇ-iˇ nya-eu yaw shehꞈ kʼahˬ sehˇ huiˬ-eu shuiˇ uˬ kʼoˆ-ahˇ naw maꞈ za tehꞈ-a.

2 Beˬtuˆluˆ 3:12

Mˬ dawˬ tawˆ luꞈ puiˆ byoˆ jiˇ-awˇ, nahˇ ma, ba la, aˬ guiˇ dawˬ tawˆ luꞈ guiˇ byoˆ jiˇ-eu aˇ nah pyeuꞈ-eu Miˬyehˇ-euˬ Aˇ nah kʼoeˇ nah yaw kawˇ-ehˇ keuˆ le ni naw maꞈ dawˬ luꞈ-eu-aˬ, kʼoeˇ loꞈ-ehˇ dehꞈ-eu tsaˬ meh.

2 Beˬtuˆluˆ 3:4

Aˬ yawꞈ maꞈ naw maꞈ-ahˇ heu loꞈ-ehˇ naˇ haˬ laˇ tehꞈ-a. “Aˬ yawꞈ zaꞈ le ma lehˇ saˇ jaˇ dzaˬ taˬ-euˬ maˬ ngeuˇ-a loˇ. Aˬ yawꞈ zaꞈ le-euˬ aˬ lehˬ. Aˬ dui-euˬ aˬ poeˬ aˬ bawˇ deuˬ shiˇ dzeuˇ jiˇ-euˬ kʼawꞈ, miˇ tsaˬ tahˬ kʼawˇ heu tiˬ jeˬ-iˬ maˬ paˇ laˇ nya ni, kʼaˇ beh taˬ-euˬ loꞈ-ehˇ jaˆ luꞈ-eu maˬ ngeuˇ-a loˇ.”

Yuˇdaˆ 1:14

Aˇ hu ba, Aˬdaˬ-ahˇ neh shiꞈ tsuiꞈ tiˬ tsuiꞈ-ahˇ dehꞈ yaꞈ-euˬ Iˇnawˆ neh, aˬ yawꞈ maꞈ-euˬ gaˇ kawˆ heu loꞈ-ehˇ ngehˬ dah yaꞈ-euˬ jaˆ-eu meh. “Sahˬpaˬ Miˬyehˇ-aˬ, muiˬ-eu shawˇ-eu mˬ taˆ gʼaˬ kʼehˇ aˇ muiˇ aˇ seh nehˬ-ehˇ oe tehꞈ-a.

Panmaeq 1:7

Haw yawˬ. Aˬ yawꞈ mˬ dmˇ dziˬ-awˇ oe luꞈ meh. Tsawˇ haˬ yawˬ gʼaˬ na luꞈ aˬ yawꞈ-ahˇ ya mawˇ tehꞈ-a. Aˬ yawꞈ-ahˇ gahˬ neh tsawˆ-euˬ deuˬ kʼawꞈ ya mawˇ tehꞈ-a. Aˬ yawꞈ baˬ da neh miˇ tsaˬ zaˬ dawˬ tawˆ luꞈ tsawˇ ngoeˇ ya ngoeˇ tehꞈ-a. Aˬ diˇ ngeuˇ tehꞈ-a. Aˬ miˬ.

Panmaeq 20:12

Kʼoeˇ naˇ, shiˇ-euˬ tsawˇ haˬ deuˬ huiˬ zaˬ nyiˇ zaˬ dawˬ tawˆ luꞈ, dzoeˬ dzaˬ nuiˇ mahˬ kʼoeˇ-euˬ mehˬ shi yawꞈ luꞈ gaˇ ngaˇ ya mawˇ-euˬ ma. Kʼoeˇ ngeh, sahˬ boꞈ pah-euˬ meh. Kʼoeˇ naˇ, dehꞈ-eu saꞈ laˇ sahˬ boꞈ pah-euˬ meh. Shiˇ-euˬ tsawˇ haˬ deuˬ-aˬ, sahˬ boꞈ kʼoeˇ deuˬ laꞈ kʼoeˇ kʼaˇ boꞈ ahˇ taˬ-euˬ loꞈ-ehˇ, yawˬ ha neh kʼaˇ mˇ yaꞈ-euˬ gaˇ geuˇ ni yaˇ kʼaˬ bi daˇ-euˬ meh.