1 Gawˇliˬtu 4:17 - Akha

¹⁷ Ngaˇ kʼoeˇ loꞈ-ehˇ noeˬ-awˇ, Sahˬpaˬ Miˬyehˇ laꞈ kʼoeˇ ngaˇ gaˬ dui dui-eu saˇ jaˇ ziꞈ-eu aˬ li pyeuꞈ-eu Tiˆmoˇseˬ-ahˇ naw maꞈ jawˇ gaˇ kʼehˇ gʼeh leꞈ-euˬ ma. Ngaˇ caw teh luꞈ-eu gaˇ ma pyeuꞈ-eu Ka li laꞈ kʼoeˇ aˬ joˆ-ehˇ ya dehꞈ ya jawˇ-eu gaˇ kawˆ kʼoeˇ hmˬ-ahˇ naw maꞈ maˬ ya ngehˇ ni aˬ yawꞈ sheuˬ gʼeh nehˬ laꞈ tehꞈ-a. Gaˇ kawˆ kʼoeˇ hmˬ-ahˇ ka li zaˬ aˇ muˇ kʼaˇ jaˆ gaˇ ngaˇ mehˬ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Khoer baqda’nae, Sanqpaq Miqyaer-euq lafkhoer sarjax zif-awr, ngar zawr gaq-eu zaqyo Tivmorseq-anr nawmaf jawr-eu gar bilar-euq ma. Ngar, yawqgar navluf jawr-eu Kalizaq armur dawqtawv luf-anr maeqnaeq tsovnaeq-eu lof-aer, ngar, Kali-anr ghoe-awr mr-eu mrjeq sharkawv aqyawf, nawmaf-anr ja’noeq naeqlaf taef-a.

1 Gawˇliˬtu 4:17 ပူးပေါင်းရင်းမြစ်များ

Dawqdaq 13:17

Dawˬ tsaꞈ maˬ nya-eu deuˬ gaˇ kawˆ laˆ doˆ-awˇ, dawˬ dzawˇ nya-eu deuˬ laˆ tsaˬ laˆ tsahˇ-eu meh.

Bawˇtsahˬ 12:7

Ehˇ kʼawꞈ, ngaˬ-euˬ zaˬ kʼaˆ Moˇseˬ-ahˇ ngaˇ dawˬ ngehˬ cawˬ ngeh, kʼoeˇ loꞈ-ehˇ maˬ ngeuˇ. Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ dawˬ tawˆ luꞈ-ahˇ haw-eu pyaˆ-eu gaˇ heu, aˬ yawꞈ-ahˇ ngaˇ a nehˬ taˬ-euˬ ma.

Maꞈtehˬ 24:45

“Saˇ jaˇ ziꞈ-awˇ noeˬ dahˇ doe-eu zaˬ kʼaˆ aˬ geu gʼaˬ-a. Aˬ yawꞈ-aˬ, zaˬ kʼaˆ nui deuˬ-ahˇ aˇ yamˬ tsaˬ tsaˬ ni bi dzaˬ bi dawˇ-awˇ bi haw bi pyaˆ-eu gʼaˇ duˬ, baw leˬ neh kʼehˇ taˬ-euˬ zaˬ kʼaˆ kʼoeˇ gʼaˬ meh.

Maꞈtehˬ 25:21

Baw leˬ ehˇ-eu, ‘Saˇ jaˇ ziꞈ-eu muiˬ-eu zaˬ kʼaˆ-oˇ. Nawˇ gaˇ mˇ-euˬ muiˬ dui dui ngaˇ. Nawˇ gaˇ yaw nyiˇ mˇ-euˬ saˇ jaˇ ziꞈ-eu miˇ neh, nawˬ-ahˇ ngaˇ gaˇ yaw huiˬ bi mˇ ma. Nawˬ-euˬ baw leˬ nehˬ-ehˇ tiˬ kawˆ loꞈ-ehˇ laˬ kʼaˬ cehˇ laˇ-awˬ.’

Maꞈtehˬ 25:23

Baw leˬ ehˇ-eu, ‘Saˇ jaˇ ziꞈ-eu, muiˬ-eu zaˬ kʼaˆ-oˇ. Nawˇ gaˇ mˇ-euˬ muiˬ dui dui ngaˇ. Nawˇ gaˇ yaw nyiˇ mˇ-euˬ saˇ jaˇ ziꞈ-eu miˇ neh, nawˬ-ahˇ ngaˇ gaˇ yaw huiˬ bi mˇ ma. Nawˬ-euˬ baw leˬ nehˬ-ehˇ tiˬ kawˆ loꞈ-ehˇ laˬ kʼaˬ cehˇ laˇ-awˬ.’

Gʼaˬkʼehˇ 16:1

Kʼoeˇ naˇ, Deˬbeˬ meuˬ hawˇ-eu Luˇdaˬlaˇ meuˬ-ahˇ Pawˇluˆ iˇ-euˬ meh. Luˇdaˬlaˇ meuˬ-ahˇ Tiˆmoˇseˬ lehˇ myahˇ-euˬ Ka li zaˬ tiˬ gʼaˬ jawˇ-eu meh. Aˬ yawꞈ-euˬ aˬ ma-aˬ, Yuˇdaˆ tsawˇ jeuˬ Ka li zaˬ pyeuꞈ-eu meh. Ehˇ kʼawꞈ, aˬ yawꞈ-euˬ aˬ da-aˬ Heˬlaˬsaˇ tsawˇ jeuˬ meh.

1 Gawˇliˬtu 11:16

Gaˇ kawˆ heu-ahˇ taꞈ leˇ-awˇ tsawˇ haˬ tiˬ gʼaˬ na dawˬ ja myaˬ mawꞈ naˇ, aˬ dui maꞈ maˬ ehˇ, Miˬyehˇ-euˬ Ka li zaˬ aˇ muˇ deuˬ maˬ ehˇ, uˬ duˬ tahˬ ngeh ya caw teh-eu zahˇ sahˇ kʼoꞈ yawˬ-awˇ yawˬ maˬ paˇ jaˆ ma lehˇ ngaˇ ehˇ mawꞈ-eu ma.

1 Gawˇliˬtu 11:2

Naw maꞈ ngaˬ-ahˇ aˬ myah luꞈ noeˬ keuˆ-awˇ, ngaˬ neh mehˬ taˬ tsoˆ taˬ yaꞈ-euˬ dawˬ deuˬ-ahˇ caw teh-eu miˇ neh, naw maꞈ-ahˇ ngaˇ ja ceuˬ-eu ma.

1 Gawˇliˬtu 11:34

Naw maꞈ kʼoeˇ loꞈ-ehˇ uiˬ leˇ ngeh Miˬyehˇ yaˇ kʼaˬ daˇ gaˇ maˬ ya daˬ-eu gʼaˇ duˬ, tsawˇ haˬ tiˬ gʼaˬ na hawˬ mehꞈ mehꞈ naˇ, iˇ kahˇ-ahˇ dzaˬ-eu tsaˬ meh. Gaˇ kawˆ nui deuˬ-aˬ, ngaˇ naw maꞈ jawˇ gaˇ oe keuˆ ngeh jahˇ jiˇ nehˬ ma.

1 Gawˇliˬtu 14:33

Aˬ jeˬ miˇ neh ehˇ naˇ, aˬ dui maˬ tsaˬ maˬ dzoeˇ leˇ-eu jeˬ-ahˇ Miˬyehˇ maˬ geuꞈ mawꞈ-a. Tsaˬ leˇ dzoeˇ leˇ-eu jeˬ-ahˇ aˬ yawꞈ geuꞈ mawꞈ-eu meh. Miˬyehˇ-euˬ tsawˇ haˬ deuˬ-euˬ Ka li zaˬ aˇ muˇ yawˬ muˇ na luꞈ mˇ luꞈ-eu loꞈ-ehˇ,

1 Gawˇliˬtu 16:1

Nymˬ-mˇ poˆ jawˇ-aˬ, Yuˇdaˆ miˇ kʼahˬ-ahˇ jawˇ-eu aˬ yuiꞈ aˬ nyiˇ Ka li zaˬ deuˬ-ahˇ caw ba nehˬ-eu gʼaˇ duˬ pyuˇ daˬ gʼoˆ uiˬ-eu gaˇ kawˆ naw maꞈ neh ngaˇ jawˇ gaˇ boꞈ ahˇ laꞈ-euˬ gaˇ kawˆ-ahˇ taꞈ leˇ-awˇ, ngaˇ heu loꞈ-ehˇ ehˇ-eu ma. Gaˬlaˬtiˆ miˇ kʼahˬ-ahˇ jawˇ-eu Ka li zaˬ aˇ muˇ deuˬ-ahˇ ngaˬ neh ehˇ nehˬ-euˬ loꞈ-ehˇ naw maꞈ mˇ-awˬ.

1 Gawˇliˬtu 16:10

Tiˆmoˇseˬ naw maꞈ jawˇ gaˇ oe doˆ lawˬ naˇ, yaw muiˬ paˬ-ehˇ ha nehˬ-awˬ. Aˬ jeˬ miˇ neh ehˇ naˇ, aˬ yawꞈ kʼawꞈ ngaˬ loꞈ-ehˇ Sahˬpaˬ Yeˬsuˇ-euˬ gaˇ mˇ luꞈ-eu tsawˇ haˬ meh.

1 Gawˇliˬtu 4:14

Naw maꞈ bi shaꞈ dawˇ-iˇ-eu lehˇ sahˬ boꞈ heu taꞈ ngaˇ boꞈ-eu maˬ ngeuˇ. Ngaˇ gaˬ dui dui-eu zaˬ deuˬ loꞈ-ehˇ naw maꞈ-ahˇ ngaˇ mehˬ-eu tsoˆ-eu jeˬ pyeuꞈ-eu ma.

1 Gawˇliˬtu 4:15

Aˬ jeˬ miˇ neh ehˇ naˇ, zaˬ yaw nyiˇ-ahˇ bo saˆ-eu tsawˇ haˬ loꞈ-ehˇ naw maꞈ-ahˇ sheuˬ gʼeh-eu saˬ laˬ deuˬ maˬ gui jiˇ coeˇ ni jawˇ kʼawꞈ, naw maꞈ-euˬ aˬ da tiˬ gʼaˬ tehꞈ meh. Ngaˇ-aˬ, naw maꞈ jawˇ gaˇ Laˬ kʼaˬ cehˇ-eu Guiˬ lahˬ dawˬ hehˇ keuˆ laꞈ-euˬ gʼaˬ pyeuꞈ-eu miˇ neh, ka li laꞈ kʼoeˇ naw maꞈ-euˬ aˬ da pyeuꞈ laˇ-euˬ ma.

1 Gawˇliˬtu 4:2

Zaˬ kʼaˆ tiˬ gʼaˬ-aˬ, yawˬ ha-euˬ baw leˬ-ahˇ saˇ jaˇ maˬ ziꞈ-ehˇ maˬ gʼeh nya-a.

1 Gawˇliˬtu 7:17

Yawˬ gʼaˬ na luꞈ Miˬyehˇ neh kʼaˇ biˇ oꞈ nehˬ-euˬ loꞈ-ehˇ dehꞈ-awˇ, Miˬyehˇ neh bi kuˇ ngeh kʼaˇ pyeuꞈ luꞈ-eu loꞈ-ehˇ dehꞈ gʼeh-eu tsaˬ meh.

1 Gawˇliˬtu 7:25

Naw maꞈ neh ngaˬ-ahˇ boꞈ naˇ haˬ laꞈ-euˬ smˇ miˇ maˬ iˇ ni jawˇ-eu zaˬ miˬ zaˬ deuˬ-euˬ gaˇ kawˆ-ahˇ taꞈ leˇ-awˇ, Sahˬpaˬ Miˬyehˇ-euˬ dawˬ ngaˇ maˬ za-aˬ. Ehˇ kʼawꞈ, Miˬyehˇ guiˬ lahˬ baˬ da neh jah coeˇ paˬ-ehˇ gʼeh-eu ngaˬ-euˬ nui noeˬ naw maꞈ-ahˇ biꞈ-eu ma.

2 Gawˇliˬtu 8:18

Laˬ kʼaˬ cehˇ-eu Guiˬ lahˬ dawˬ mehˬ-eu gaˇ laꞈ kʼoeˇ Ka li zaˬ aˇ muˇ dawˬ tawˆ luꞈ yaw zeu baw dui dui-eu nga maꞈ-euˬ aˬ nyiˇ tiˬ gʼaˬ-ahˇ kʼawꞈ, aˬ yawꞈ nehˬ-ehˇ bi oe caw-euˬ ma.

Eˇpeˇsu 6:21

Ngaˇ aˬ joˆ-ehˇ mˇ luꞈ shaˇ luꞈ-eu gaˇ kawˆ naw maꞈ ya siˬ ni, aˬ dui-euˬ aˬ nyiˇ Duˇjiˇ naw maꞈ-ahˇ ja mehˬ jiˇ nehˬ laꞈ tehꞈ-a. Aˬ yawꞈ-aˬ, Sahˬpaˬ Yeˬsuˇ-euˬ gaˇ mˇ-eu saˇ jaˇ ziꞈ-eu zaˬ kʼaˆ tiˬ gʼaˬ pyeuꞈ-eu meh.

Piˇliˇpiˆ 2:19

Naw maꞈ-euˬ gaˇ kawˆ ya gaˬ-awˇ ngaˬ-euˬ nui ma gʼaˬ tiˬ tiˆ paˇ ahˇ laˇ ni, Sahˬpaˬ Yeˬsuˇ nui ma tsaˬ naˇ gʼawˬ myahˇ maˬ gʼeh-ehˇ Tiˆmoˇseˬ-ahˇ naw maꞈ jawˇ gaˇ bi laˇ ma lehˇ ngaˇ noeˬ tmˬ taˬ-euˬ ma.

Piˇliˇpiˆ 2:22

Aˬ yawꞈ aˇ naˆ ni gaˇ dahˇ tsoeˬ-eu gaˇ kawˆ maˬ ehˇ, Laˬ kʼaˬ cehˇ-eu Guiˬ lahˬ dawˬ gʼaˇ duˬ aˬ yawꞈ ngaˬ nehˬ-ehˇ aˬ da hawˇ-eu zaˬ loꞈ-ehˇ mˇ daˆ shaˇ daˆ laꞈ-euˬ gaˇ kawˆ maˬ ehˇ, naw maꞈ siˬ nya meh.

Gawˇlawˇsehˇ 1:7

Nga maꞈ-euˬ dah zaˇ Ka li-euˬ gaˇ-ahˇ saˇ jaˇ ziꞈ-awˇ mˇ luꞈ-eu gaˇ mˇ cawˬ Iˇbaˬpaˬlaˇ neh Miˬyehˇ gʼawˬ shaˬ gaˬ-eu guiˬ lahˬ yaw dzahˇ gaˇ kawˆ naw maꞈ-ahˇ mehˬ nehˬ-euˬ meh.

Gawˇlawˇsehˇ 4:9

Nga maꞈ gaˬ dui dui-awˇ jah coeˇ-eu naw maꞈ-euˬ aˇ muˇ zaˬ tiˬ gʼaˬ pyeuꞈ-eu aˬ nyiˇ Awˬneˬsiˬmuˇ-ahˇ kʼawꞈ, aˬ yawꞈ nehˬ-ehˇ bi laˇ caw-eu ma. Heu gaˇ kʼaˇ pyeuꞈ luꞈ-eu yawˬ jeˬ na luꞈ aˬ nyaꞈ dzawˇ nehˬ laꞈ tehˬ-a.

1 Tiˆmoˇseˬ 1:18

Ngaˬ li Tiˇmoˇseˬ-oˇ, aˇ hu ba Miˬyehˇ gʼaˇ duˬ ngehˬ dah-eu deuˬ neh nawˬ-euˬ gaˇ kawˆ ehˇ taˬ-euˬ jeˬ-ahˇ tsaˬ-eu dawˬ heu dawˬ nawˬ-ahˇ ngaˇ biꞈ-eu ma. Yaw muiˬ jeˬ gʼaˇ duˬ nawˇ guiˇ deuˆ nya ni, dawˬ kʼoeˇ deuˬ-ahˇ guiˇ deuˆ-eu keu ka loꞈ-ehˇ zmˬ-awˬ.

1 Tiˆmoˇseˬ 1:2

Jah-eu jeˬ laꞈ kʼoeˇ maˇ maˇ ni ngaˬ li-ahˇ duˇ-eu Tiˆmoˇseˬ jawˇ gaˇ sahˬ boꞈ boꞈ ahˇ laꞈ-eu ma. Aˬ da Miˬyehˇ hawˇ-eu aˬ dui-euˬ Sahˬpaˬ Yeˬsuˇ Ka li-euˬ guiˬ lahˬ yaw dzahˇ maˬ ehˇ, gʼawˬ shaˬ gaˬ-eu jeˬ maˬ ehˇ, nui saˇ oꞈ-eu jeˬ maˬ ehˇ, nawˬ-euˬ kʼoeˇ taˆ jaˆ luꞈ-uˇ.

2 Tiˆmoˇseˬ 1:2

Ngaˇ gaˬ-eu aˬ li Tiˆmoˇseˬ jawˇ gaˇ sahˬ boꞈ boꞈ ahˇ leꞈ-eu ma. Aˬda Miˬyehˇ hawˇ-eu aˬ dui-euˬ Sahˬpaˬ Yeˬsuˇ Ka li-euˬ guiˬ lahˬ yaw dzahˇ maˬ ehˇ, gʼawˬ shaˬ gaˬ-eu jeˬ maˬ ehˇ, nui saˇ oꞈ-eu jeˬ maˬ ehˇ, nawˬ-euˬ kʼoeˇ taˆ jaˆ luꞈ-uˇ.

2 Tiˆmoˇseˬ 2:2

Tsawˇ kaˬ gʼawˬ mya ni-euˬ mehˬ shi ngaˬ neh nawˬ-ahˇ mehˬ nehˬ tsoˆ nehˬ-euˬ dawˬ kʼoeˇ deuˬ yuˇ-awˇ, aˬ cawˬ-ahˇ mehˬ nehˬ tsoˆ nehˬ nya-eu jah coeˇ paˬ-ehˇ gʼeh-eu tsawˇ haˬ deuˬ-ahˇ a nehˬ-awˬ.

2 Tiˆmoˇseˬ 3:10

Ehˇ kʼawꞈ nawˇ-aˬ, ngaˬ-euˬ mehˬ nah caw teh-awˇ dzaw geuꞈ luꞈ-eu tsawˇ haˬ pyeuꞈ-eu meh. Ngaˬ neh mehˬ-euˬ tsoˆ-euˬ jeˬ, ngaˬ neh dehꞈ mehˬ jawˇ mehˬ-euˬ jeˬ, ngaˬ neh noeˬ-euˬ jeˬ, ngaˬ-euˬ jah-eu jeˬ, ngaˬ-euˬ nui ma mahˇ-eu jeˬ, ngaˬ-euˬ gʼoeˇ-eu gaˬ-eu jeˬ, ngaˇ daˬ coeˇ oˇ coeˇ-eu jeˬ,

Tiˇtuˆ 1:5

Maˬ mˇ luiˆ dah-euˬ gaˇ deuˬ mˇ luiˆ-eu gʼaˇ duˬ maˬ ehˇ, iˇ jaw lahˇ laꞈ kʼoeˇ jaˆ-eu meuˬ yawˬ meuˬ na luꞈ laꞈ kʼoeˇ Ka li zaˬ aˇ muˇ-ahˇ sheuˬ gʼeh nehˬ-eu aˬ yuiꞈ aˬ tsu deuˬ tseˇ doˆ nehˬ-eu gʼaˇ duˬ maˬ ehˇ, Gaˬlaˬdeˬ iˇ jaw lahˇ laꞈ kʼoeˇ nawˬ-ahˇ ngaˇ bi jawˇ yaꞈ-euˬ ma.

Panmaeq 2:10

Nawˇ ya daˬ-eu lehˇ gʼeh-eu kʼehˬ-eu kʼaˆ-eu jeˬ-ahˇ taˬ guˆ. Nehꞈ sahˬ paˬ-aˬ, nawˬ-euˬ tsawˇ haˬ tiˬ paˆ na deuˬ-ahˇ tawˬ-ahˇ dawˆ-eu laꞈ kʼoeˇ lawˬ haw-awˇ, tseˇ nah byah ni nawˇ shaˬ zahˬ ya mˇ tehꞈ-a. Shiˇ gaˇ keuˆ kʼawꞈ, ngaˬ-ahˇ saˇ jaˇ ziꞈ-awˬ. Kʼoeˇ loꞈ-ehˇ saˇ jaˇ ziꞈ naˇ, gʼaˬ leˇ-euˬ laꞈ sawˬ pyeuꞈ-eu dehꞈ-eu jeˬ ngaˇ nawˬ-ahˇ biꞈ ma.

Panmaeq 2:13

Nawˇ aˬ gaˇ jawˇ-eu ngaˇ siˬ nya ma. Nehꞈ Saˬdaˬ-euˬ dzoeˬ dzaˬ nuiˇ mahˬ jaˆ gaˇ nawˇ jawˇ-eu meh. Nawˇ ngaˬ-ahˇ saˇ jaˇ ziꞈ-eu meh. Saˇ jaˇ ziꞈ-eu ngaˬ-euˬ gaˇ kawˆ saˇ kiˇ kamˬ-eu gʼaˬ pyeuꞈ-eu Aˬdiˇpaˆ-ahˇ nehꞈ Saˬdaˬ jawˇ gaˇ sehꞈ ngeh kʼawꞈ, ngaˬ-ahˇ jah-eu jeˬ-ahˇ nawˇ maˬ byehˇ dzeh-aˬ.