1 Gawˇliˬtu 4:10 - Akha

¹⁰ Nga maꞈ-aˬ, Ka li gʼaˇ duˬ aˬ dzawˬ aˇ gah pyeuꞈ-eu ma. Ehˇ kʼawꞈ, naw maꞈ-aˬ, Ka li laꞈ kʼoeˇ zaˬ siˬ tsawˇ gahˇ ahˇ-eu tsawˇ haˬ meh. Nga maꞈ gʼaˬ baˬ-awˇ, naw maꞈ gʼaˬ kʼaˆ-eu meh. Nga maꞈ-ahˇ aˬ cawˬ taˬ nyiˇ dui dui-awˇ, naw maꞈ-ahˇ taˬ huiˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Nga’maf, Kali-euq gharduq aqdzawq argan pyeuf-eu khawf, nawmaf-aq, Kali-euq lafkhoer tsawrganr anr-eu tsawrhaq ngar-a! Nga’maf ghaq baq-eu khawf, nawmaf ghaq khav-eu ngar-a! Nga’maf-aq, hawteq hawdoer-eu gar yadaq-eu khawf, nawmaf-aq, myavpyawq narmaer jav-eu ngar-a!

1 Gawˇliˬtu 4:10 ပူးပေါင်းရင်းမြစ်များ

2 Sahˬpaˬ 9:11

Aˬ yawꞈ-euˬ cawˬ yaw huiˬ yaw mahˇ kʼoeˇ deuˬ jawˇ gaˇ Yeˬhuˇ gʼoꞈ leˇ ngeh, “Aˬ jeˬ gʼeh ta. Tsawˇ haˬ kʼoeˇ gʼaˬ nawˬ-ahˇ aˬ jeˬ ehˇ laˇ taˬ” lehˇ aˬ yawꞈ-ahˇ naˇ haˬ-euˬ meh. “Tsawˇ haˬ kʼoeˇ gʼaˬ aˬ jeˬ ehˇ-eu naw maꞈ siˬ nya meh” lehˇ aˬ yawꞈ ehˇ kʼoꞈ nehˬ-euˬ meh.

Dawqdaq 11:12

Aˬ cawˬ-ahˇ ja bu ja doeˇ-eu tsawˇ haˬ gaˇ dahˇ maˬ tsoeˬ-a. Tsawˇ gahˇ ahˇ-eu tsawˇ haˬ ciˬ cuˇ ni jawˇ-eu meh.

Iˇsaˬyaˇ 53:3

Aˬ dui aˬ yawꞈ-ahˇ maˬ haw nahˇ-ehˇ byehˇ dzeh-euˬ ma. Shaˬ zahˬ dawˬ tawˆ luꞈ-ahˇ aˬ yawꞈ awˆ daˬ-euˬ meh. Tsawˇ haˬ tiˬ gʼaˬ-iˬ aˬ yawꞈ-ahˇ maˬ haw cawˬ nehˬ-a. Tiˬ jeˬ-iˬ gaˇ dahˇ maˬ tsoeˬ-eu tsawˇ haˬ loꞈ-ehˇ, aˬ yawꞈ-ahˇ aˬ dui yaw zeu maˬ baw-aˬ.

Hawˇseˬ 9:7

Oꞈ-eu geuˇ-eu loꞈ-ehˇ kʼehˬ-eu, kʼehˬ nah kʼaˆ nah keuˆ le luꞈ meh. Aˇ nah aˇ yamˬ kʼoeˇ keuˆ le ngeh, Iˇsaˬleˬlaˆ siˬ le tehꞈ-a. “Bawˇlawˇpeh heu gʼaˬ tsawˇ uˬ nga.” “Shaˆ ma heu gʼaˬ aˬ dzawˬ nga” lehˇ, naw maꞈ dawˬ doeˇ ngehˬ daˆ-euˬ meh. Naw maꞈ iˬ baˇ myaˬ-eu miˇ neh, naw maꞈ ngaˬ-ahˇ bye dui dui meh.

Maꞈtehˬ 24:9

Kʼoeˇ naˇ, naw maꞈ-ahˇ paꞈ-awˇ, bi kʼehˬ bi kʼaˆ-eu gʼaˇ duˬ hawˇ-eu, bi sehꞈ-eu gʼaˇ duˬ a nehˬ gaˇ ya daˬ tehꞈ-a. Naw maꞈ ngaˬ-ahˇ jah-eu baˬ ba neh, tsawˇ jeuˬ dawˬ tawˆ luꞈ naw maˬ-ahˇ muiˇ tehꞈ-a.

Maꞈtehˬ 5:11

“Naw maꞈ ngaˬ-euˬ mehˬ nah caw teh-eu baˬ da neh, aˬ cawˬ yehˬ bawˬ sehˇ lu-ehˇ ehˇ-eu, kʼehˬ-eu kʼaˆ-eu, maˬ ngeuˇ gaˇ keuˆ ni gʼawˬ mya jeˬ ja bu ja doeˇ-eu, heu deuˬ-ahˇ naw maꞈ ya daˬ ngeh, guiˬ lahˬ huiˬ-eu meh.

Luˇkaꞈ 10:16

Kʼoeˇ naˇ, zaˬ lahˇ deuˬ-ahˇ Yeˬsuˇ ehˇ nehˬ-eu, “Naw maꞈ neh mehˬ-euˬ dawˬ-ahˇ naˇ haˬ geuꞈ-eu tsawˇ haˬ-aˬ, ngaˬ-euˬ dawˬ-ahˇ naˇ haˬ geuꞈ gaˇ duˇ-eu meh. Naw maꞈ neh mehˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-aˬ, ngaˬ-euˬ dawˬ-ahˇ maˬ naˇ haˬ geuꞈ gaˇ duˇ-eu meh. Ngaˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-aˬ, ngaˬ-ahˇ kʼehˇ gʼeh leꞈ-euˬ gʼa-euˬ dawˬ-ahˇ maˬ naˇ haˬ geuꞈ gaˇ duˇ-eu meh.”

Luˇkaꞈ 18:9

Yawˬ haˇ yawˬ ha yaw tsaˬ yaw dawˇ ma lehˇ sawˇ-awˇ, aˬ cawˬ-ahˇ taˬ nyiˇ-eu tsawˇ haˬ deuˬ-ahˇ, Yeˬsuˇ yaw jeˬ ma jeˬ heu hmˬ ja mehˬ nehˬ-euˬ meh.

Luˇkaꞈ 6:22

“Tsawˇhaˬ-euˬ Zaˬmaˇ mehˬ nah naw maꞈ caw teh-eu baˬ da neh, aˬ cawˬ naw maꞈ-ahˇ muiˇ-eu, naw maꞈ-ahˇ sawˇ dzeh-awˇ yehˬ bawˬ sehˇ lu-ehˇ ehˇ-eu, naw maꞈ-euˬ tsawˇ myahˇ cawˆ-iˇ ni jahˇ-eu, heu loꞈ-ehˇ gʼeh-eu deuˬ-ahˇ naw maꞈ ya daˬ ngeh, naw maꞈ guiˬ lahˬ huiˬ-eu meh.

Gʼaˬkʼehˇ 17:18

Iˇbiˇguˇlu zahˇ mehˬ-eu saˬ laˬ deuˬ hawˇ-eu, Saˬdawˇiˇ zahˇ mehˬ-eu saˬ laˬ deuˬ kʼawꞈ, aˬ yawꞈ nehˬ-ehˇ ja sawˇ haw-euˬ meh. Aˬ yawꞈ maꞈ tiˬ paˆ na deuˬ ehˇ-eu, “Yaw gahˇ jahˇ geuꞈ-eu dawˇ ga teu gʼaˬ aˬ jeˬ ehˇ-eu nga teu.” Tiˬ paˆ na deuˬ-aˬ, “Yawˬ kʼahˬ yaw miˇ yawˬ-ahˇ-euˬ miˬ yehˇ deuˬ-euˬ gaˇ kawˆ mehˬ-eu tsawˇ haˬ ngeuˇ-eu jeˬ nga” lehˇ ehˇ-eu meh. Yeˬsuˇ-euˬ gaˇ kawˆ hawˇ-eu gʼoꞈ dehꞈ laˇ-eu jeˬ gaˇ kawˆ Pawˇluˆ dawˬ mehˬ mehˬ-eu miˇ neh, aˬ yawꞈ maꞈ kʼoeˇ loꞈ-ehˇ ehˇ-eu meh.

Gʼaˬkʼehˇ 17:32

Shiˇ-euˬ tsawˇ haˬ-ahˇ paˇ bi gʼoꞈ dehꞈ laˇ-eu gaˇ kawˆ Pawˇluˆ ehˇ gaˇ ya gaˬ ngeh, tsawˇ haˬ tiˬ paˆ na deuˬ aˬ yawꞈ-ahˇ yehˬ bawˬ sehˇ lu-ehˇ ehˇ niˇ gʼa-awˇ uiˇ-eu meh. Ehˇ kʼawꞈ, tiˬ paˆ na deuˬ-aˬ, “Gaˇ kawˆ teu nawˇ ja gaˇ tiˬ poˆ paˇ naˇ haˬ mawꞈ nya siˬ” lehˇ ehˇ-eu meh.

Gʼaˬkʼehˇ 26:24

Pawˇluˆ aˬ yawꞈ-euˬ gaˇ kawˆ ngehˬ kʼoꞈ-awˇ kʼoeˇ loꞈ-ehˇ dzawˇ luꞈ ngeh, sahˬ paˬ Beˬtuˇ aˬ yawꞈ-ahˇ guˇ-awˇ ehˇ-eu, “Pawˇluˆ-oˇ, nawˇ uˬ tsehˆ-euˬ ngaˇ. Nawˇ tsawˇ gahˇ aˇ dzehˬ dzaw dzeuˇ-awˇ dzaw uˬ-euˬ ngaˇ.”

Gʼaˬkʼehˇ 9:16

Ngaˬ-euˬ tsawˇ myahˇ gʼaˇ duˬ kʼehˬ-eu kʼaˆ-eu jeˬ-ahˇ aˬ yawꞈ aˇ naˆ ni ya daˬ paˬ-ehˇ jaˆ-eu gaˇ kawˆ, aˬ yawꞈ-ahˇ ngaˇ bi mawˇ ma.”

1 Gawˇliˬtu 1:21

Aˬ jeˬ miˇ neh ehˇ naˇ, tsawˇ haˬ zaˬ deuˬ yawˬ ha-euˬ zaˬ siˬ tsawˇ gahˇ-ahˇ gʼoe-awˇ Miˬyehˇ-ahˇ maˬ bi siˬ maˬ bi mawˇ nya ni, Miˬyehˇ neh aˬ yawꞈ-euˬ zaˬ siˬ tsawˇ gahˇ-ahˇ gʼoe-awˇ jahˇ taˬ-euˬ meh. Ehˇ kʼawꞈ, aˬ dzawˬ-euˬ dawˬ lehˇ aˬ cawˬ kuˇ-eu nymˬ-mˇ aˬ dui maꞈ dawˬ mehˬ mehˬ luꞈ-eu gaˇ kawˆ heu-ahˇ gʼoe-awˇ, jah-eu tsawˇ haˬ deuˬ-ahˇ ka kʼoꞈ nehˬ-eu gʼaˇ duˬ Miˬyehˇ noeˬ tsehˆ-euˬ meh.

1 Gawˇliˬtu 1:23

Aˬ dui maꞈ-aˬ, laꞈ yaꞈ kʼoeˇ taˆ kamˇ shiˇ-euˬ Ka li gaˇ kawˆ mehˬ-eu ma. Aˬ dui mehˬ-eu dawˬ heu-ahˇ Yuˇdaˆ tsawˇ haˬ deuˬ gʼoˆ coeˬ -eu meh. Aˬ cawˬ tsawˇ jeuˬ deuˬ-aˬ, gaˇ dahˇ maˬ tsoeˬ-eu dawˬ lehˇ sawˇ-eu meh.

1 Gawˇliˬtu 1:25

Aˬ jeˬ miˇ neh ehˇ naˇ, Miˬyehˇ dawˇ ga ga-eu jeˬ-aˬ, tsawˇ haˬ zaˬ-euˬ zaˬ siˬ tsawˇ gahˇ naˆ maˬ tseˇ gahˇ dzehˬ-awˇ, Miˬyehˇ gʼaˬ baˬ-eu jeˬ-aˬ, tsawˇ haˬ zaˬ gʼaˬ kʼaˆ-eu naˆ maˬ tseˇ deuˇ dzehˬ-eu meh.

1 Gawˇliˬtu 10:12

Ziꞈ dah ni yawꞈ luꞈ ma lehˇ noeˬ-eu tsawˇ haˬ aˬ geu gʼaˬ maˬ kaˬ, maˬ ya coˬ-iˇ ni yahˇ-eu tsaˬ tehꞈ-a.

1 Gawˇliˬtu 2:14

Yaw sahˇ Miˬyehˇ maˬ za-euˬ tsawˇ haˬ aˬ geu gʼaˬ maˬ kaˬ, Miˬyehˇ-euˬ Yaw sahˇ neh biꞈ-euˬ jeˬ-ahˇ maˬ za nya-a. Kʼoeˇ loꞈ-ehˇ gʼeh-eu tsawˇ haˬ-aˬ, Miˬyehˇ-euˬ Yaw sahˇ neh biꞈ-euˬ jeˬ-ahˇ maˬ siˬ nya-ehˇ, aˬ yawꞈ-euˬ gʼaˇ duˬ tiˬ pawꞈ-iˬ gaˇ dahˇ maˬ tsoeˬ-a. Aˬ jeˬ miˇ neh ehˇ naˇ, kʼoeˇ-aˬ, gaˇ dahˇ tsoeˬ-eu meh lehˇ guiˬ lahˬ saꞈ laˇ paw neh tehꞈ-ehˇ ehˇ tsehˆ nya-eu meh.

1 Gawˇliˬtu 2:3

Kʼoeˇ miˇ neh, naw maꞈ jawˇ gaˇ ngaˇ oe ngeh, ngaˇ nui ma baˬ dui dui-awˇ, guˆ dui dui-eu laꞈ kʼoeˇ yaw dzuˬ dzuˬ-euˬ ma.

1 Gawˇliˬtu 3:18

Tsawˇ haˬ tiˬ gʼaˬ-iˬ yawˬ haˇ yawˬ ha jaˬ myawꞈ myawꞈ-eu maˬ tsaˬ-a. Tsawˇ haˬ tiˬ gʼaˬ na miˇ tsaˬ heu kʼoeˇ taˆ zaˬ siˬ tsawˇ gahˇ ahˇ ma lehˇ noeˬ naˇ, aˬ diˇ aˬ maˇ tsawˇ gahˇ ahˇ-eu tsawˇ haˬ pyeuꞈ laˇ nya ni, tsawˇ gahˇ maˬ ahˇ-eu tsawˇ haˬ jeˬ huˬ pyeuꞈ-iˇ-eu tsaˬ meh.

1 Gawˇliˬtu 3:2

Naw maꞈ-ahˇ dzaˇ yaw gʼahˇ maˬ bi dzaˬ ni, mawˇ neˇ aˬ coeˇ tehꞈ-ehˇ bi dawˇ-eu ma. Aˬ jeˬ miˇ neh ehˇ naˇ, naw maꞈ dzaˇ yaw gʼahˇ maˬ dzaˬ nya laˇ-aˬ siˬ. Nymˬ-mˇ keuˆ ni maˬ dzaˬ nya laˇ-aˬ siˬ.

1 Gawˇliˬtu 4:8

Naw maꞈ kʼaˇ loˬ-eu jeˬ dawˬ tawˆ luꞈ jaˆ jiˇ ma loˇ. Naw maꞈ smˇ muiˬ muiˬ laˇ gʼaˬ-euˬ ma loˇ. Nga maꞈ sahˬ paˬ sahˬ ma maˬ pyeuꞈ laˇ-euˬ kʼawꞈ, naw maꞈ sahˬ paˬ sahˬ ma pyeuꞈ laˇ-euˬ te loˇ. Muiˬ tehꞈ-a. Nga maꞈ gʼeh naw maꞈ nehˬ-ehˇ tiˬ kawˆ loꞈ-ehˇ sahˬ paˬ sahˬ ma ya geuꞈ ni, naw maꞈ-ahˇ sahˬ paˬ sahˬ ma bi pyeuꞈ laˇ mawꞈ miˇ-a.

2 Gawˇliˬtu 10:10

“Pawˇluˆ neh boꞈ-euˬ sahˬ boꞈ-aˬ, kah dui dui-awˇ gʼaˬ kʼaˆ dui dui meh. Ehˇ kʼawꞈ, aˬ yawꞈ-euˬ gʼawˇ mawˇ nga maꞈ nehˬ-ehˇ jawˇ naˇ, nahˬ jawˆ ni gʼeh-awˇ, aˬ yawꞈ neh ngehˬ-euˬ dawˬ baoˬ tiˬ pawꞈ-iˬ maˬ ahˇ-a” lehˇ, tsawˇ haˬ tiˬ paˆ na deuˬ ehˇ tehꞈ-a.

2 Gawˇliˬtu 11:19

Naw maꞈ-aˬ, zaˬ siˬ tsawˇ gahˇ ahˇ-eu miˇ neh aˬ dzawˬ aˇ gah deuˬ-euˬ dawˬ-ahˇ daˬ coeˇ oˇ coeˇ meh ehˇ lawˬ laˬ.

2 Gawˇliˬtu 11:29

Tsawˇ haˬ tiˬ gʼaˬ na gʼaˬ baˬ ngeh, ngaˬ-ahˇ gʼaˬ baˬ laˇ-eu miˇ-a. Tsawˇ haˬ tiˬ gʼaˬ na iˬ baˇ laꞈ kʼoeˇ coˬ-iˇ ngeh, ngaˬ-ahˇ noeˬ shaˬ miˇ-a.

2 Gawˇliˬtu 13:9

Nga maꞈ gʼaˬ baˬ-awˇ naw maꞈ gʼaˬ kʼaˆ gaˇ nga maꞈ laˬ kʼaˬ cehˇ-eu ma. Nga maꞈ guiˬ lahˬ shaˇ-eu-aˬ, naw maꞈ bi huiˬ bi mahˇ dzehˬ laˇ-eu gʼaˇ duˬ ma.

2 Gawˇliˬtu 4:12

Ehˇ mawꞈ-eu-aˬ, saꞈ laˇ dehꞈ-eu jeˬ-ahˇ naw maꞈ siˬ nya laˇ ni, shiˬ shaˬ jiˇ shiˇ-eu jeˬ-ahˇ nga maꞈ maˬ tsehˆ leˇ ni ya tahˬ puˬ luꞈ ma.

2 Gawˇliˬtu 6:8

Yaw zeu baw nehˬ laꞈ-euˬ jeˬ-ahˇ maˬ ehˇ, daˬ laˆ ga nehˬ laꞈ-euˬ jeˬ-ahˇ maˬ ehˇ, yehˬ bawˬ sehˇ lu-ehˇ ehˇ nehˬ laꞈ-euˬ jeˬ-ahˇ maˬ ehˇ, ja ceuˬ nehˬ laꞈ-euˬ jeˬ-ahˇ maˬ ehˇ, nga maꞈ ya daˬ-euˬ ma. Nga maꞈ yaw tsaˬ yaw dawˇ jeˬ ngehˬ-euˬ kʼawꞈ, jaˬ myawꞈ myawꞈ-eu tsawˇ haˬ ngaˇ lehˇ ehˇ laˇ gaˇ ya daˬ-euˬ ma.

1 Teˇsaˬloˇni 4:8

Kʼoeˇ miˇ neh, mehˬ-eu tsoˆ-eu dawˬ heu-ahˇ maˬ naˇ haˬ geuꞈ-eu tsawˇ haˬ-aˬ, tsawˇ haˬ zaˬ-euˬ dawˬ maˬ naˇ haˬ geuꞈ-eu maˬ ngeuˇ-a. Naw maꞈ-ahˇ Muiˬ-eu shawˇ-eu Yaw sahˇ Miˬyehˇ biꞈ nehˬ laꞈ-euˬ gʼaˬ pyeuꞈ-eu Miˬyehˇ-euˬ ehˇ dawˬ maˬ naˇ haˬ geuꞈ-eu jeˬ pyeuꞈ-eu meh.

1 Beˬtuˆluˆ 4:14

Naw maꞈ Ka li-euˬ mehˬ nah caw teh-eu baˬ da neh aˬ cawˬ naw maꞈ-ahˇ ja bu ja doeˇ naˇ, naw maꞈ guiˬ lahˬ huiˬ-eu meh. Aˬ cawˬ kʼoeˇ loꞈ-ehˇ ehˇ laˇ-eu kʼoeˇ-aˬ, Miˬyehˇ-euˬ Yaw sahˇ pyeuꞈ-eu yaw shehꞈ kʼahˬ sehˇ huiˬ-eu Yaw sahˇ Miˬyehˇ naw maꞈ kʼoeˇ taˆ jawˇ luꞈ-eu saˇ kiˇ meh.