1 Gawˇliˬtu 3:8 - Akha

⁸ Ka-eu gʼaˬ hawˇ-eu iˇ cuꞈ shehˬ-eu gʼaˬ beu gaˇ duˬ maˬ jaˆ-a. Nyiˬ gʼaˬ luꞈ-ahˇ yawˬ ha neh kʼaˇ mˇ-euˬ loꞈ-ehˇ geuˇ ni Miˬyehˇ laꞈ sawˬ biꞈ nehˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Ka-eu ghaq hawr-eu ircuf shaeq-eu ghaq-aq tiqkawv mae. Yawqghaq navluf yawqha nae mrtaq-euq lof-aer yawqha-euq mrpoeq lafsawq za taef-a.

1 Gawˇliˬtu 3:8 ပူးပေါင်းရင်းမြစ်များ

Jaceuq 62:12

Aˬ yawꞈ-euˬ gʼoeˇ-eu gaˬ-eu jeˬ maˬ tsehˆ leˇ lehˇ ehˇ gaˇ, ngaˇ ya gaˬ haw-euˬ ma. Sahˬpaˬ Miˬyehˇ-oˇ, tsawˇ haˬ yawˬ gʼaˬ na luꞈ yawˬ ha neh kʼaˇ mˇ kʼaˇ shaˇ taˬ-euˬ loꞈ-ehˇ, nawˇ laꞈ sawˬ biꞈ nehˬ-awˬ.

Dawqdaq 27:18

Siˬ guˬ aˇ bawˇ-ahˇ haw piˇ naˇ, siˬ guˬ aˇ siˬ ya dzaˬ-eu loꞈ-ehˇ, baw leˬ-ahˇ mˇ cu nya-eu zaˬ kʼaˆ-ahˇ taˬ huiˬ taˬ mahˇ nehˬ tehꞈ-a.

Daˬyeˬlaˇ 12:3

Zaˬ siˬ tsawˇ gahˇ byah-euˬ aˬ yuiꞈ aˬ tsu deuˬ mˬ loꞈ-ehˇ yaw shehꞈ bya-awˇ, tsawˇ haˬ gʼawˬ mya ni-ahˇ yaw tsaˬ yaw dawˇ jeˬ mˇ ni mehˬ nehˬ-euˬ deuˬ-aˬ, mˬ maˬ maˬ byaˆ zaˇ ziˇ aˬ guiˇ loꞈ-ehˇ yaw shehꞈ bya tehꞈ-a.”

Maꞈtehˬ 16:27

Tsawˇhaˬ-euˬ Zaˬmaˇ-aˬ, aˬ yawꞈ Aˬda-euˬ yaw shehꞈ kʼahˬ sehˇ dm-awˇ, aˬ yawꞈ-euˬ mˬ taˆ gʼaˬ kʼehˇ deuˬ nehˬ-ehˇ zaꞈ le-awˇ, tsawˇ haˬ yawˬ gʼaˬ yawˬ na luꞈ-ahˇ, yawˬ ha neh kʼaˇ mˇ taˬ-euˬ loꞈ-ehˇ tsoeˬ kʼoꞈ nehˬ le tehꞈ-a.

Luˇkaꞈ 19:19

Aˬ yawꞈ ehˇ kʼoꞈ nehˬ-eu, ‘Meuˬ ngaˬ meuˬ-ahˇ uˆ lahˇ-eu baoˬ, ngaˇ nawˬ-ahˇ biꞈ-eu ma.’

Lormav 2:6

Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬ yawˬ gʼaˬ na luꞈ-ahˇ yawˬ ha neh kʼaˇ mˇ taˬ-euˬ loꞈ-ehˇ geuˇ ni daˇ tehꞈ-a.

1 Gawˇliˬtu 15:58

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, gʼaˬ byehˆ maˬ byehˆ-ehˇ ziꞈ dah ni yawꞈ tehˬ taˬ-eu laꞈ kʼoeˇ, Sahˬpaˬ Yeˬsuˇ-euˬ gaˇ mˇ-eu yawꞈ ngehꞈ maˬ ngeuˇ-a lehˇ siˬ nya-awˇ, Sahˬpaˬ Yeˬsuˇ-euˬ gaˇ mˇ-eu leh jeh dui dui-awˬ.

1 Gawˇliˬtu 3:14

Dawˬ pehˬ gawˬ taˬ-euˬ kʼoeˇ taˆ gawˬ daˆ taˬ-euˬ jeˬ-ahˇ miˬ dzaˬ maˬ puiˆ dzaˬ nya naˇ, nymˇ gawˬ-euˬ kʼoeˇ gʼaˬ laꞈ sawˬ za tehꞈ-a.

1 Gawˇliˬtu 3:7

Ka-eu gʼaˬ hawˇ-eu iˇ cuꞈ shehˬ-eu gʼaˬ-aˬ, ehˇ nyaꞈ nyeuˆ-eu maˬ ngeuˇ-a. Ehˇ kʼawꞈ, aˇ bawˬ mehˇ laˇ ni jahˇ-eu gʼaˬ pyeuꞈ-eu Miˬyehˇ-ahˇ ja ceuˬ dui dui paˬ-ehˇ gʼeh-eu meh.

1 Gawˇliˬtu 3:9

Aˬ jeˬ miˇ neh ehˇ naˇ, nga nyaꞈ-aˬ, Miˬyehˇ-euˬ gaˇ-ahˇ tiˬ kawˆ loꞈ-ehˇ mˇ luꞈ-eu gaˇ mˇ cawˬ pyeuꞈ-eu ma. Naw maꞈ-aˬ, Miˬyehˇ-euˬ deh yaˇ meh. Naw maꞈ-aˬ, Miˬyehˇ tsoˆ luꞈ-eu nymˇ meh.

1 Gawˇliˬtu 4:15

Aˬ jeˬ miˇ neh ehˇ naˇ, zaˬ yaw nyiˇ-ahˇ bo saˆ-eu tsawˇ haˬ loꞈ-ehˇ naw maꞈ-ahˇ sheuˬ gʼeh-eu saˬ laˬ deuˬ maˬ gui jiˇ coeˇ ni jawˇ kʼawꞈ, naw maꞈ-euˬ aˬ da tiˬ gʼaˬ tehꞈ meh. Ngaˇ-aˬ, naw maꞈ jawˇ gaˇ Laˬ kʼaˬ cehˇ-eu Guiˬ lahˬ dawˬ hehˇ keuˆ laꞈ-euˬ gʼaˬ pyeuꞈ-eu miˇ neh, ka li laꞈ kʼoeˇ naw maꞈ-euˬ aˬ da pyeuꞈ laˇ-euˬ ma.

1 Gawˇliˬtu 9:7

Yawˬ ha-euˬ pyuˇ yuˇ doˆ-awˇ yehˇ geuꞈ-eu tsawˇ haˬ jawˇ meh loˇ. Aˬ gaꞈ yaˇ kmˇ mˇ-awˇ aˬ gaꞈ aˇ siˬ maˬ pyaˆ dzaˬ-eu tsawˇ haˬ jawˇ ta loˇ. Yawˇ bo-awˇ yawˇ-euˬ aˬ coeˇ maˬ nyehꞈ dawˇ-eu tsawˇ haˬ jawˇ meh loˇ.

Gaˬlaˬtiˆ 6:4

Yawˬ gʼaˬ na luꞈ yawˬ ha aˬ joˆ-ehˇ mˇ luꞈ shaˇ luꞈ-eu gaˇ kawˆ shaˇ noeˬ-eu tsaˬ meh. Yawˬ ha yaw muiˬ jeˬ mˇ-euˬ miˇ neh kʼahˬ sehˇ jehˆ mawꞈ naˇ, aˬ cawˬ neh mˇ taˬ-euˬ jeˬ-ahˇ ciˬ cehˆ maˬ cehˆ ni jehˆ-eu tsaˬ meh.

Gaˬlaˬtiˆ 6:5

Aˬ jeˬ miˇ neh ehˇ naˇ, tsawˇ haˬ yawˬ gʼaˬ na luꞈ yawˬ ha ya pi-eu kʼaˆ behˆ yawˬ ha jaˆ meh.

HeˬByehˇ 6:10

Miˬyehˇ-aˬ, dawˇ coe ni yaˇ kʼaˬ daˇ-eu gʼaˬ meh. Naw maꞈ neh mˇ-euˬ gaˇ deuˬ-ahˇ aˬ yawꞈ maˬ ngehˇ-a. Naw maꞈ neh Ka li zaˬ cawˬ cawˬ caw ba dzeuˇ-euˬ laꞈ kʼoeˇ maˬ ehˇ, nymˬ-mˇ caw ba luꞈ-eu laꞈ kʼoeˇ maˬ ehˇ, aˬ yawꞈ-euˬ gʼoeˇ-eu gaˬ-eu jeˬ aˬ cawˬ mawˇ nya ni naw maꞈ neh mˇ-euˬ jeˬ-ahˇ maˬ ngehˇ-a.

1 Beˬtuˆluˆ 5:4

Yawˇ bo-eu deuˬ dawˬ tawˆ luꞈ kʼoeˇ taˆ uˆ lahˇ-eu Huiˬ-eu Yawˇ bo-eu gʼaˬ oe ngeh, tiˬ jawˇ-iˬ maˬ cehˇ-iˇ nya-eu yaw shehꞈ kʼahˬ sehˇ huiˬ-eu shuiˇ uˬ kʼoˆ-ahˇ naw maꞈ za tehꞈ-a.

2 Yoˇhaˬ 1:8

Kʼoeˇ miˇ neh, naw maꞈ neh yawˬ ha gʼaˇ duˬ mˇ-euˬ shaˇ-euˬ jeˬ yawꞈ ngehꞈ-ehˇ maˬ bi pyeuꞈ-iˇ-ehˇ, Miˬyehˇ neh naw maꞈ-ahˇ biꞈ-eu lehˇ lehˬ hmˬ taˬ-euˬ jeˬ tiˬ byah tiˬ loꞈ za nya ni yaw kʼaˆ kʼaˆ-ehˇ yahˇ-awˬ.

Panmaeq 2:23

Aˬ yawꞈ-euˬ mehˬ nah kʼaˇ caw teh-eu deuˬ-ahˇ ngaˇ sehꞈ ma. Kʼoeˇ ngeh jawˇ, tsawˇ haˬ yawˬ gʼaˬ na luꞈ-euˬ nui noeˬ nui duˇ dawˬ tawˆ luꞈ-ahˇ ngaˇ siˬ nya-eu gaˇ kawˆ, Ka li zaˬ aˇ muˇ dawˬ tawˆ luꞈ-ahˇ siˬ leˇ tehꞈ-a. Naw maꞈ yawˬ gʼaˬ na luꞈ-ahˇ yawˬ ha neh kʼaˇ mˇ taˬ-euˬ loꞈ-ehˇ ngaˇ mˇ kʼoꞈ nehˬ ma.

Panmaeq 22:12

Yeˬsuˇ ehˇ-eu, “Naˇ haˬ-awˬ. Ngaˇ yaw kawˇ-ehˇ oe ma. Tsawˇ haˬ yawˬ gʼaˬ na luꞈ-ahˇ yawˬ ha neh kʼaˇ mˇ kʼaˇ shaˇ dzeuˇ-euˬ loꞈ-ehˇ geuˇ ni laꞈ sawˬ biꞈ-eu gʼaˇ duˬ ngaˇ oe ma.