1 Gawˇliˬtu 3:17 - Akha

¹⁷ Kʼoeˇ miˇ neh, tsawˇ haˬ tiˬ gʼaˬ na Miˬyehˇ-euˬ uˬ duˬ tahˬ nymˇ-ahˇ laˆ cawˆ naˇ, aˬ yawꞈ-ahˇ Miˬyehˇ laˆ cawˆ tehꞈ-a. Aˬ jeˬ miˇ neh ehˇ naˇ, Miˬyehˇ-euˬ uˬ duˬ tahˬ nymˇ-aˬ, muiˬ-eu shawˇ-eu jeˬ pyeuꞈ-awˇ, naw maꞈ-aˬ, uˬ duˬ tahˬ nymˇ kʼoeˇ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Tsawrhaq tiqghaqnav Miqyaer-euq uqduq tanqnymr nymrma-anr lavcawv nar-aq, Miqyaer, aqyawf-anr lavcawv taef-a. Aqjeq mirnae aernar-aq, Miqyaer-euq uqduq tanqnymr nymrma-aq yawshawr mae. Nawmaf-aq, uqduq tanqnymr nymrma mae.

1 Gawˇliˬtu 3:17 ပူးပေါင်းရင်းမြစ်များ

Aˇ dahˬ 28:17

Kʼoeˇ ngeh, aˬ yawꞈ guˆ laˇ-awˇ, “Jawˇ duˬ heu tsahˇ-aˬ, guˆ dui dui laˇ paˬ-ehˇ gʼeh-eu jawˇ duˬ tiˬ tsahˇ law hawˇ nga. Heu-aˬ, Miˬyehˇ-euˬ nymˇ pyeuꞈ-awˇ, mˬ kʼoeˇ taˆ daˆ leˇ-eu laˇ gʼoˆ pyeuꞈ-eu nga” lehˇ paˇ ehˇ-eu meh.

1 Laˬsaˬbaˬ 29:3

Ngaˬ neh biꞈ taˬ-euˬ heu deuˬ dawˬ tawˆ luꞈ uˬ taꞈ, Miˬyehˇ-euˬ Uˬ duˬ tahˬ nymˇ nymˇ ma-ahˇ ngaˇ gaˬ-eu miˇ neh, ngaˬ-euˬ shuiˇ hawˇ-eu pyuˇ deuˬ kʼawꞈ ngaˇ biꞈ-euˬ ma.

Jaceuq 74:3

Luˬ-iˇ seˇ-iˇ taˬ-euˬ kʼoeˇ taˆ cah haw le-awˬ. Uˬ duˬ tahˬ nymˇ nymˇ ma laꞈ kʼoeˇ kʼaˇ jaˆ-eu jeˬ dawˬ tawˆ luꞈ-ahˇ, nga maꞈ-ahˇ muiˇ-eu deuˬ neh laˆ cawˆ jiˇ taˬ-eu meh.

Jaceuq 79:1

Miˬyehˇ-oˇ, aˬ cawˬ tsawˇ jeuˬ nawˬ-euˬ miˇ kʼahˬ-ahˇ uˇ le-euˬ meh. Muiˬ-eu shawˇ-eu nawˬ-euˬ Uˬ duˬ tahˬ nymˇ nymˇ ma-ahˇ aˬ yawꞈ maꞈ laˆ jawꞈ-awˇ, Yeˬluˇsaˬlehˬ meuˬ-ahˇ laˆ cawˆ yaꞈ-euˬ meh.

Jaceuq 93:5

Sahˬpaˬ Miˬyehˇ-oˇ, nawˬ-euˬ zahˇ dawˬ kʼoꞈ dawˬ mˬ maˬ maˬ byaˆ zaˇ ziˇ gmˬ-awˇ, nawˬ-euˬ Uˬ duˬ tahˬ nymˇ nymˇ ma mˬ maˬ maˬ byaˆ zaˇ ziˇ ziꞈ-eu meh.

Jaceuq 99:9

Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˇ, aˬ yawꞈ-euˬ muiˬ-euˬ shawˇ-eu gawˬ jawˬ-ahˇ, aˬ yawꞈ-ahˇ uˬ duˬ tahˬ leˇ-awˬ. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, muiˬ dui shawˇ dui dui-eu gʼaˬ meh.

Doˆ-iˇ 3:5

Kʼoeˇ ngeh, Miˬyehˇ Moˇseˬ-ahˇ ehˇ nehˬ-eu, “Dawˬ peh taˬ paˇ jiˆ peh laˇ. Aˬ jeˬ miˇ neh ehˇ naˇ, muiˬ-eu shawˇ-eu jawˇ duˬ-ahˇ nawˇ yawꞈ luꞈ-eu meh.

Iˇsaˬyaˇ 64:11

Nga maꞈ-euˬ aˬ poeˬ aˬ bawˇ deuˬ nawˬ-ahˇ ja ceuˬ-euˬ jawˇ duˬ, muiˬ-eu shawˇ-eu Uˬ duˬ tahˬ nymˇ nymˇ ma kʼoeˇ nymˇ, miˬ dzaˬ neh bi puiˆ byoˆ-euˬ meh. Nga maꞈ nui ma saˇ-eu jawˇ duˬ dawˬ tawˆ, luˬ-iˇ seˇ-iˇ jiˇ taˬ-euˬ meh.

Yeˬsaˬgeˬlaˇ 43:12

Uˬ duˬ tahˬ nymˇ nymˇ ma-ahˇ taꞈ-eu zahˇ dawˬ kʼoꞈ dawˬ-aˬ, heu loꞈ-ehˇ meh. Uˬ duˬ tahˬ nymˇ nymˇ ma jawˬ jawˬ-ehˇ jaˆ-eu gawˬ jawˬ uˬ du miˇ tsaˬ dawˬ tawˆ luꞈ, muiˬ-eu shawˇ-eu pehˇ tsahˇ meh.”

Yeˬsaˬgeˬlaˇ 5:11

“Kʼoeˇ miˇ neh, ngaˇ dehꞈ luꞈ-eu Miˬyehˇ pyeuꞈ-eu loꞈ-ehˇ, heu-aˬ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˬ-euˬ dawˬ ma. Ngaˬ-euˬ Uˬ duˬ tahˬ nymˇ nymˇ ma-ahˇ yaw haiˬ jeˬ neh nawˇ laˆ jawꞈ-euˬ miˇ neh, nawˬ neh mˇ-euˬ nuiˇ daˆ daˆ laˇ paˬ-ehˇ gʼeh-eu jeˬ aˇ poeˬ, nawˬ-ahˇ ngaˇ gʼawˬ shaˬ maˬ gaˬ ni deuˆ tsehˆ ma.

Yeˬsaˬgeˬlaˇ 7:22

Ngaˬ-euˬ Uˬ duˬ tahˬ nymˇ nymˇ ma -ahˇ yehˬ bawˬ sehˇ lu-ehˇ gʼeh-awˇ, tahˇ joe deuˬ uˇ leˇ-awˇ laˆ jawꞈ leˇ ngeh, ngaˇ ngehˬ maˬ gʼeh ni bi jaˆ ma.

Uˬ duˬ 15:31

Iˇsaˬleˬlaˆ tsawˇ haˬ deuˬ-euˬ pu gʼahˇ ceh jaˆ-eu ngaˇ jawˇ-eu sehˬ gʼawˆ-ahˇ laˆ jawꞈ-eu baˬ da neh maˬ ya shiˇ-eu gʼaˇ duˬ, Iˇsaˬleˬlaˆ tsawˇ haˬ deuˬ-ahˇ, yawˬ ha-euˬ maˬ muiˬ maˬ shawˇ-eu jeˬ-ahˇ yahˇ yahˇ-ehˇ bi dehꞈ-awˬ lehˇ Moˇseˬ-ahˇ Sahˬpaˬ Miˬyehˇ ehˇ nehˬ-euˬ meh.

Uˬ duˬ 20:3

Tsawˇ haˬ tiˬ gʼaˬ na, yawˬ ha-euˬ zaˬ tiˬ gʼaˬ Moˇlehˆ miˬ yehˇ-ahˇ biꞈ-eu laꞈ kʼoeˇ, muiˬ-eu shawˇ-eu ngaˬ-euˬ Sehˬ gʼawˆ-ahˇ laˆ jawꞈ-awˇ, muiˬ-eu shawˇ-eu ngaˬ-euˬ tsawˇ myahˇ-ahˇ yehˬ bawˬ sehˇ lu-ehˇ gʼeh naˇ, aˬ yawꞈ-ahˇ ngaˇ byehˇ tsehˆ tsehˆ-awˇ, ngaˬ-euˬ tsawˇ haˬ lehˇ maˬ paˇ sawˇ ma.

Zeˬpaˬniˇ 3:4

Miˬyehˇ gʼaˇ duˬ ngehˬ dah-eu deuˬ, saˇ jaˇ maˬ ziꞈ-eu deuˬ pyeuꞈ-awˇ, aˬ yawꞈ-euˬ piˇ ma geuꞈ-eu deuˬ, yaw muiˬ yaw shawˇ jeˬ laˆ jawꞈ-awˇ, zahˇ dawˬ kʼoꞈ dawˬ laˆ cawˆ-eu meh.

Bawˇtsahˬ 19:20

“Tsawˇ haˬ tiˬ gʼaˬ na zahˇ sahˇ kʼoꞈ-ahˇ taꞈ leˇ-eu laꞈ kʼoeˇ maˬ shawˇ-eu tsawˇ haˬ pyeuꞈ laˇ ngeh, yawˬ haˇ yawˬ ha maˬ mˇ shawˇ naˇ, maˬ shawˇ-a. Aˬ jeˬ miˇ neh ehˇ naˇ, bi shawˇ laˇ-eu iˇ cuꞈ aˬ yawꞈ kʼoeˇ taˆ maˬ shehˆ daˆ-euˬ miˇ neh meh. Aˬ yawꞈ-aˬ, Sahˬpaˬ Miˬyehˇ-euˬ Sehˬ gʼawˆ-ahˇ laˆ jawꞈ-euˬ tsawˇ haˬ pyeuꞈ-eu miˇ neh, aˬ yawꞈ-ahˇ Miˬyehˇ-euˬ tsawˇ haˬ lehˇ maˬ paˇ sawˇ nehˬ nya meh.

1 Gawˇliˬtu 3:16

Naw maꞈ-aˬ, Miˬyehˇ-euˬ uˬ duˬ tahˬ nymˇ pyeuꞈ-awˇ, Miˬyehˇ-euˬ Yaw sahˇ naw maꞈ laꞈ kʼoeˇ jawˇ-eu gaˇ kawˆ naw maꞈ siˬ duˬ luꞈ meh.

1 Gawˇliˬtu 3:18

Tsawˇ haˬ tiˬ gʼaˬ-iˬ yawˬ haˇ yawˬ ha jaˬ myawꞈ myawꞈ-eu maˬ tsaˬ-a. Tsawˇ haˬ tiˬ gʼaˬ na miˇ tsaˬ heu kʼoeˇ taˆ zaˬ siˬ tsawˇ gahˇ ahˇ ma lehˇ noeˬ naˇ, aˬ diˇ aˬ maˇ tsawˇ gahˇ ahˇ-eu tsawˇ haˬ pyeuꞈ laˇ nya ni, tsawˇ gahˇ maˬ ahˇ-eu tsawˇ haˬ jeˬ huˬ pyeuꞈ-iˇ-eu tsaˬ meh.