1 Gawˇliˬtu 3:10 - Akha

¹⁰ Miˬyehˇ neh biꞈ laꞈ-euˬ guiˬ lahˬ-ahˇ gʼoe-awˇ, nymˇ tsoˆ nya dui dui-eu tsawˇ haˬ-euˬ gaˇ ngaˇ mˇ-awˇ, dawˬ pehˬ gawˬ dahˬ beh-awˇ, yawˬ gʼaˬ yawˬ neh paˇ gawˬ daˆ gʼeh leꞈ-euˬ meh. Nyiˬ gʼaˬ luꞈ yaw muiˬ paˬ-ehˇ shaˇ noeˬ-awˇ ya gawˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Ngar, Miqyaer nae ngaq-anr bifnaeq laf-euq guiqlanq yawdzanr-anr ghoe-awr, tsawrganr anr-eu nymr tsov-eu yawsanr lof-aer gawrdanq baetaq-euq ma. Heunar-aq, yawqghaqyawq khoergar nae ya tsovdavlef taef-a. Aerkhawf, yawqghaq navluf aqjox-aer tsovdav lef-eu le laer yawmuiq-aer sharnoeq-awr tsovdav lef-eu tsaq taef-a.

1 Gawˇliˬtu 3:10 ပူးပေါင်းရင်းမြစ်များ

2 Laˬsaˬbaˬ 2:12

Mˬ hawˇ-eu miˇ-ahˇ beh-euˬ Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Noeˬ siˬ noeˬ mawˇ nya-eu jeˬ hawˇ-eu mˇ nya shaˇ nya-eu jeˬ tiˬ byah ni ahˇ-eu gʼaˬ pyeuꞈ-awˇ, Sahˬpaˬ Miˬyehˇ-euˬ uˬ duˬ tahˬ nymˇ hawˇ-eu, yawˬ ha jawˇ-eu gʼaˇ duˬ sahˬ paˬ-euˬ hawˇ nymˇ tsoˆ-eu lehˇ lehˬ hmˬ luꞈ-eu tsawˇ gahˇ ahˇ dui dui-eu aˬ li tiˬ li, Daˬbiˇ-ahˇ Miˬyehˇ biꞈ nehˬ-euˬ meh.

Doˆ-iˇ 36:4

Kʼoeˇ naˇ, gaˇ mˇ luꞈ-eu laꞈ myawˬ laꞈ muˆ nya-eu tsawˇ haˬ kʼoeˇ deuˬ Moˇseˬ jawˇ gaˇ le-awˇ,

Dawqdaq 12:8

Bawˬ toˆ muiˬ-eu tsawˇ haˬ-ahˇ aˬ cawˬ ja ceuˬ-awˇ, nui noeˬ doeˇ-eu tsawˇ haˬ-ahˇ aˬ cawˬ noeˬ teˬ-eu meh.

Dawqdaq 9:1

Zaˬ siˬ tsawˇ gahˇ-aˬ, aˬ yawꞈ-euˬ nymˇ tsoˆ-euˬ meh. Aˬ yawꞈ kʼawˇ zeuˇ shiꞈ zeuˇ ka tuˇ-euˬ meh.

Dawˬ tsoˆ 12:9

Dawˬ mehˬ dawˬ tsoˆ tsoˆ-eu gʼaˬ zaˬ siˬ tsawˇ gahˇ ahˇ-eu tehꞈ maˬ ngeuˇ-a. Aˬ yawꞈ siˬ nya-eu jeˬ aˬ tsawˬ-ahˇ mehˬ nehˬ tsoˆ nehˬ-eu meh. Aˇ hu-euˬ dawˬ daˬ deuˬ-ahˇ aˬ yawꞈ poˆ tseˇ doˆ-awˇ, tsaˬ-eu maˬ tsaˬ-eu pyehˆ tseˇ duˬ taˬ-euˬ meh.

Daˬyeˬlaˇ 12:3

Zaˬ siˬ tsawˇ gahˇ byah-euˬ aˬ yuiꞈ aˬ tsu deuˬ mˬ loꞈ-ehˇ yaw shehꞈ bya-awˇ, tsawˇ haˬ gʼawˬ mya ni-ahˇ yaw tsaˬ yaw dawˇ jeˬ mˇ ni mehˬ nehˬ-euˬ deuˬ-aˬ, mˬ maˬ maˬ byaˆ zaˇ ziˇ aˬ guiˇ loꞈ-ehˇ yaw shehꞈ bya tehꞈ-a.”

Zaˬkaˬliˇ 4:9

“Zeˬluˇbaˬbeˬlaˇ Uˬ duˬ tahˬ nymˇ nymˇ ma gawˬ-eu aˇ dahˬ beh-euˬ meh. Aˇ saˬ saˬ ngeh keuˆ ni aˬ yawꞈ mˇ pyeuꞈ nya tehꞈ-a. Kʼoeˇ loꞈ-ehˇ gawˬ gʼaˬ ngeh, ngaˬ neh nawˬ-ahˇ pyehˬ gʼeh leꞈ-euˬ nga lehˇ, miˇ kʼahˬ zaˬ deuˬ siˬ duˬ tehˬ-a.

Maꞈtehˬ 24:45

“Saˇ jaˇ ziꞈ-awˇ noeˬ dahˇ doe-eu zaˬ kʼaˆ aˬ geu gʼaˬ-a. Aˬ yawꞈ-aˬ, zaˬ kʼaˆ nui deuˬ-ahˇ aˇ yamˬ tsaˬ tsaˬ ni bi dzaˬ bi dawˇ-awˇ bi haw bi pyaˆ-eu gʼaˇ duˬ, baw leˬ neh kʼehˇ taˬ-euˬ zaˬ kʼaˆ kʼoeˇ gʼaˬ meh.

Maꞈtehˬ 7:24

“Ngaˬ neh mehˬ-euˬ dawˬ-ahˇ ya gaˬ-awˇ naˇ haˬ geuꞈ-eu tsawˇ haˬ yawˬ gʼaˬ na luꞈ, kʼaˬ lo kʼoeˇ taˆ nymˇ tsoˆ-eu noeˬ dahˇ doe-eu tsawˇ haˬ-ahˇ duˇ-eu meh.

Luˇkaꞈ 11:35

Kʼoeˇ miˇ neh, nawˬ-euˬ laꞈ kʼoeˇ ahˇ-eu yaw shehꞈ zahˇ tsui ni maˬ bi pyeuꞈ-iˇ-eu gʼaˇ duˬ yahˇ-awˬ.

Luˇkaꞈ 21:8

Yeˬsuˇ ehˇ-eu, “Aˬ cawˬ neh gaˇ ma maˬ bi sheuˬ bahˬ ni yaw gahˇ gahˇ-ehˇ dehꞈ-awˬ. Aˬ jeˬ miˇ neh ehˇ naˇ, ngaˬ-euˬ gʼaˇ duˬ ngehˬ dah le-euˬ ma lehˇ ehˇ-eu tsawˇ haˬ gʼawˬ mya gʼaˬ doˆ le-awˇ, ‘Ngaˇ aˬ yawꞈ ma. Aˇ nah aˇ yamˬ kʼoeˇ yamˬ keuˆ le-euˬ meh’ lehˇ ehˇ tehꞈ-a. Aˬ yawꞈ maꞈ-euˬ mehˬ nah naw maꞈ taˬ caw teh.

Gʼaˬkʼehˇ 18:27

Kʼoeˇ naˇ, Aˬgaˬyaˇ miˇ kʼahˬ-ahˇ iˇ-eu gʼaˇ duˬ Aˬpawˇluˆ noeˬ tsehˆ-euˬ meh. Kʼoeˇ miˇneh, Aˬgaˬyaˇ miˇ kʼahˬ-ahˇ jawˇ-eu jah-eu tsawˇ haˬ deuˬ aˬ yawꞈ-ahˇ ha geuꞈ ni, Eˇpeˇsu meuˬ-ahˇ jawˇ-eu jah-eu tsawˇ haˬ deuˬ neh sahˬ boꞈ boꞈ ahˇ nehˬ-awˇ, aˬ yawꞈ-ahˇ caw ba nehˬ-euˬ meh. Aˬ yawꞈ kʼoeˇ gaˇ iˇ keuˆ ngeh, Miˬyehˇ-euˬ guiˬ lahˬ baˬ da neh jah-eu tsawˇ haˬ pyeuꞈ laˇ-euˬ deuˬ gʼaˇ duˬ gaˇ dahˇ tsoeˬ dui dui leˇ-euˬ meh.

Lormav 1:5

Tsawˇ jeuˬ dawˬ tawˆ luꞈ jah laˇ-awˇ naˇ haˬ geuꞈ ni sheuˬ gʼeh-eu gʼaˇ duˬ, Ka li-euˬ gʼaˬ kʼehˇ bi geuꞈ-eu lehˇ, Ka li-ahˇ gʼoe-awˇ Miˬyehˇ ngaˬ-ahˇ aˬ kawˬ-aˬ biꞈ laꞈ-euˬ meh.

Lormav 12:3

Miˬyehˇ neh ngaˬ-ahˇ gʼawˬ shaˬ gaˬ-eu laꞈ kʼoeˇ biꞈ laꞈ-euˬ laꞈ sawˬ baˬ da neh, naw maꞈ yawˬ gʼaˬ na luꞈ-ahˇ ngaˇ heu loꞈ-ehˇ ehˇ-eu ma. Naw maꞈ yawˬ haˇ yawˬ ha aˇ dzehˬ dzeuˇ ni taˬ noeˬ huiˬ. Tsaˬ tsaˬ ni tehꞈ-ehˇ noeˬ-awˬ. Miˬyehˇ neh biꞈ laꞈ-euˬ jah-eu jeˬ aˇ myaˆ ni ahˇ-eu nya lehˇ shaˇ sawˇ-awˇ, yawˬ haˇ yawˬ ha siˬ nya-awˬ.

Lormav 15:15

Ehˇ kʼawꞈ, yaw beh ngaˇ naw maꞈ-ahˇ ehˇ-euˬ gaˇ kawˆ deuˬ-ahˇ sahˬ boꞈ heu taꞈ laꞈ kʼoeˇ kʼaˬ duˬ ni boꞈ-eu ma. Miˬyehˇ neh ngaˬ-ahˇ aˬ yawꞈ-euˬ zaˬ kʼaˆ bi geuꞈ-eu gʼaˇ duˬ taˬ huiˬ nehˬ laꞈ-euˬ baˬ da neh, ngaˇ heu loꞈ-ehˇ kʼaˬ duˬ ni boꞈ-euˬ ma.

Lormav 15:20

Ngaˬ-euˬ nui kʼahˇ-aˬ, a cawˬ neh dawˬ pehˬ gawˬ gʼaˬ taˬ-euˬ gaˇ gawˬ tsaꞈ daˆ leꞈ-eu jeˬ maˬ mˇ ni, Ka li gaˇ kawˆ maˬ gaˬ haw-euˬ jawˇ duˬ-ahˇ iˇ-awˇ Laˬ kʼaˬ cehˇ-eu Guiˬ lahˬ dawˬ mehˬ-eu jeˬ-ahˇ nui ma keuˆ dzehˬ-eu ma.

1 Gawˇliˬtu 3:11

Aˬ jeˬ miˇ neh ehˇ naˇ, Miˬyehˇ neh Yeˬsuˇ Ka li-ahˇ tehꞈ-ehˇ dawˬ pehˬ gawˬ taˬ-euˬ meh. Dawˬ pehˬ yawˬ hmˬ yawˬ maˬ gawˬ paˇ nya-a.

1 Gawˇliˬtu 9:2

Aˬ cawˬ ngaˬ-ahˇ Miˬyehˇ-euˬ gʼaˬ kʼehˇ lehˇ maˬ sawˇ kʼawꞈ, naw maꞈ sawˇ-eu tsaˬ meh. Naw maꞈ Sahˬpaˬ Miˬyehˇ laꞈ kʼoeˇ dehꞈ luꞈ-eu kʼoeˇ-aˬ, ngaˇ gʼaˬ kʼehˇ pyeuꞈ-eu saˇ kiˇ meh.

2 Gawˇliˬtu 10:15

Kʼoeˇ miˇ neh, nga maꞈ-ahˇ bi mˇ laꞈ-euˬ taꞈ-ehˇ aˬ cawˬ mˇ dzehˬ gʼeh-eu gaˇ nga maꞈ kʼahˬ sehˇ maˬ jehˆ. Nga maꞈ-aˬ, naw maꞈ-euˬ jah-eu jeˬ huiˬ laˇ mahˇ laˇ gaˇ noeˬ tmˬ-awˇ, Miˬyehˇ neh bi mˇ laꞈ-euˬ laꞈ kʼoeˇ tehꞈ-ehˇ naw maꞈ jawˇ gaˇ kʼoeˇ naˆ maˬ tseˇ huiˬ-eu gaˇ deuˬ-ahˇ ya mˇ gaˇ noeˬ tmˬ-eu ma.

Eˇpeˇsu 2:20

Naw maꞈ kʼawꞈ, gʼaˬ kʼehˇ deuˬ hawˇ-eu Miˬyehˇ gʼaˇ duˬ ngehˬ dah-eu deuˬ neh gawˬ dahˬ beh taˬ-euˬ gaˇ gawˬ tsaꞈ daˆ leꞈ-euˬ nymˇ pyeuꞈ-awˇ, Yeˬsuˇ Ka li-aˬ, laꞈ coeˇ lo ziꞈ pyeuꞈ-eu meh.

Gawˇlawˇsehˇ 1:29

Ngaˬ-euˬ laꞈ kʼoeˇ gaˇ mˇ luꞈ-eu Ka li neh biꞈ laꞈ-euˬ huiˬ dui dui-eu gʼaˬ-ahˇ gʼoe-eu laꞈ kʼoeˇ, kʼoeˇ loꞈ-ehˇ mˇ nya ni shaˬ shaˬ-ehˇ leh jeh luꞈ-eu ma.

Gawˇlawˇsehˇ 4:17

Aˬgiˇpuˆ-ahˇ kʼawꞈ, “Sahˬpaˬ Yeˬsuˇ-euˬ gaˇ laꞈ kʼoeˇ nawˇ mˇ-eu gaˇ deuˬ-ahˇ yaw muiˬ paˬ-ehˇ mˇ luiˆ jiˇ-awˬ” lehˇ tiˬ poˆ tsaꞈ gaˬ nehˬ-awˬ.

1 Teˇsaˬloˇni 3:2

nga maꞈ nehˬ-ehˇ tiˬ kawˆ loꞈ-ehˇ Laˬ kʼaˬ cehˇ-eu Guiˬ lahˬ dawˬ mehˬ-eu gaˇ mˇ luꞈ-eu aˬ nyiˇ Tiˆmoˇseˬ-ahˇ kʼehˇ gʼeh laꞈ-euˬ ma. Naw maꞈ jah-eu nui ma ziꞈ ni gʼaˬ bi biꞈ-eu gʼaˇ duˬ aˬ yawꞈ-ahˇ kʼehˇ gʼeh laꞈ-euˬ jeˬ pyeuꞈ-eu ma.

1 Tiˆmoˇseˬ 4:16

Yawˬ ha-euˬ gʼawˇ mawˇ gaˇ kawˆ maˬ ehˇ, yawˬ ha mehˬ-eu tsoˆ-eu jeˬ gaˇ kawˆ maˬ ehˇ, yaw muiˬ-ehˇ yahˇ-awˬ. Gaˇ heu deuˬ-ahˇ maˬ byehˇ ni mˇ daˆ leꞈ-awˬ. Aˬ jeˬ miˇ neh ehˇ naˇ, nawˇ kʼoeˇ loꞈ-ehˇ mˇ-eu kʼoeˇ-aˬ, nawˬ-euˬ gʼawˇ mawˇ-ahˇ maˬ ehˇ, nawˬ neh mehˬ nehˬ tsoˆ nehˬ-euˬ tsawˇ haˬ deuˬ-ahˇ maˬ ehˇ, ka kʼoꞈ-eu jeˬ pyeuꞈ-eu meh.

2 Tiˆmoˇseˬ 2:15

Yawˬ ha-euˬ gaˇ mˇ-eu gʼaˇ duˬ maˬ shaꞈ dawˇ-eu gaˇ mˇ zaˬ loꞈ-ehˇ maˬ ehˇ, Miˬyehˇ-euˬ yaw tsaˬ yaw dawˇ jeˬ gaˇ kawˆ dawˇ coe ni mehˬ-eu tsawˇ haˬ loꞈ-ehˇ maˬ ehˇ, Miˬyehˇ nui kʼahˇ shiˇ dui dui-eu tsawˇ haˬ tiˬ gʼaˬ pyeuꞈ laˇ ni leh jeh dui dui-awˬ.

Yaˬkoˆ 3:1

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ mehˬ-eu tsoˆ-eu saˬ laˬ gʼawˬ mya gʼaˬ geuꞈ-eu maˬ tsaˬ-a. Naw maꞈ siˬ nya-eu loꞈ-ehˇ, mehˬ-eu tsoˆ-eu saˬ laˬ deuˬ-aˬ, aˬ cawˬ naˆ maˬ tseˇ bi pyehˆ tseˇ-awˇ yaˇ kʼaˬ daˇ nehˬ gaˇ ya daˬ tehꞈ-a.

1 Beˬtuˆluˆ 4:11

Mˬ maˬ maˬ byaˆ zaˇ ziˇ yaw shehꞈ kʼahˬ sehˇ hawˇ-eu baoˬ ahˇ-eu gʼaˬ pyeuꞈ-eu Miˬyehˇ-ahˇ, yawˬ jeˬ na luꞈ laꞈ kʼoeˇ Yeˬsuˇ Ka li-ahˇgʼoe-awˇ aˬ cawˬ ja ceuˬ ni, dawˬ mehˬ mehˬ-eu tsawˇ haˬ deuˬ Miˬyehˇ dawˬ kawˬ mehˬ-awˇ, aˬ cawˬ-ahˇ caw ba-eu tsawˇ haˬ deuˬ kʼawꞈ, Miˬyehˇ neh biꞈ-euˬ baoˬ-ahˇ gʼoe-awˇ caw ba-awˬ. Aˬ miˬ

2 Beˬtuˆluˆ 3:15

Miˬyehˇ neh biꞈ-euˬ zaˬ siˬ nui gahˇ-ahˇ gʼoe-awˇ, aˬ dui gaˬ dui dui-eu aˬ yuiꞈ aˬ nyiˇ pyeuꞈ-eu Pawˇluˆ neh naw maꞈ-ahˇ sahˬ boꞈ boꞈ ahˇ laꞈ-euˬ loꞈ-ehˇ, naw maꞈ ka kʼoꞈ-eu jeˬ bi za-eu gʼaˇ duˬ Sahˬpaˬ Yeˬsuˇ oˇ oˇ-ehˇ dawˬ luꞈ meh lehˇ noeˬ siˬ noeˬ mawˇ-awˬ.

Panmaeq 21:14

Lahˇ kʼoeˇ lahˇ-aˬ, kʼaˬ lo lo ma tseˇ nyiꞈ siˬ kʼoeˇ taˆ gawˬ taˬ-euˬ meh. Kʼaˬ lo kʼoeˇ deuˬ kʼoeˇ taˆ, Yawˇzaˬ-euˬ gʼaˬ kʼehˇ tseˇ nyiꞈ gʼaˬ-euˬ tsawˇ myahˇ boꞈ taˬ-euˬ meh.

Panmaeq 21:19

Meuˬ lahˇ dawˬ dah gawˬ taˬ-euˬ kʼaˬ lo kʼoeˇ deuˬ-aˬ, aˇ poeˬ kʼaˆ-eu kʼaˬ lo sehˇ gʼawˬ mya jeˬ neh laˆ saˆ taˬ -euˬ meh. Yaw beh siˬ-ahˇ yaw shehꞈ gʼawˬ mya jeˬ ahˇ-eu kʼaˬ lo sehˇ, nyiˬ siˬ tiˬ siˬ-ahˇ nyoeˇ leuˬ leuˬ-eu kʼaˬ lo sehˇ, smˇ siˬ tiˬ siˬ-ahˇ pyuˇ deuˬ ni gʼeh-eu kʼaˬ lo sehˇ, oeˬ siˬ tiˬ siˬ-ahˇ nyoeˇ naˆ naˆ-eu kʼaˬ lo sehˇ,