Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Gawˇliˬtu 2:6 - Akha

6 Guiˬ lahˬ saꞈ laˇ paw gʼaˬ kʼaˆ loꞈ laˇ-euˬ tsawˇ haˬ deuˬ-ahˇ-aˬ, zaˬ siˬ tsawˇ gahˇ-euˬ dawˬ mehˬ-euˬ ma. Ehˇ kʼawꞈ, zaˬ siˬ tsawˇ gahˇ kʼoeˇ-aˬ, miˇ tsaˬ heu-ahˇ taꞈ-eu zaˬ siˬ tsawˇ gahˇ maˬ ngeuˇ-a. Piˬ-iˇ byoˆ-iˇ luꞈ-eu miˇ tsaˬ heu kʼoeˇ taˆ uˆ lahˇ luꞈ-eu baoˬ kʼoeˇ deuˬ-euˬ zaˬ siˬ tsawˇ gahˇ kʼawꞈ maˬ ngeuˇ-a.

အခန်းကိုကြည့်ပါ။ ကော်ပီ

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

6 Nga’maf saflar paw tsawrkhav khavlar-euq deuq-euq ghanrcae zaqsiq tsawrganr-euq garkawv ja-eu ma. Aerkhawf, heuzir-anr taf-eu zaqsiq tsawrganr maqngeur-eu, piq-ir byov-ir luf-eu heuzir-euq khoertav uvlanr-eu deuq-euq zaqsiq tsawrganr khawf maqngeur-a.

အခန်းကိုကြည့်ပါ။ ကော်ပီ




1 Gawˇliˬtu 2:6
36 ပူးပေါင်းရင်းမြစ်များ  

Uˇzaˆ miˇ kʼahˬ laꞈ kʼoeˇ Yawˇbaˆ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Aˬ yawꞈ-aˬ, Miˬyehˇ-ahˇ saˇ jaˇ ziꞈ-eu laꞈ kʼoeˇ uˬ duˬ tahˬ-eu meh. Yaw lehˬ jeˬ maˬ mˇ ni yahˇ yahˇ-ehˇ dehꞈ luꞈ-eu muiˬ-eu jaˬ-eu tsawˇ haˬ tiˬ gʼaˬ kʼawꞈ pyeuꞈ-eu meh.


Piˇ ma deuˬ hawˇ-eu baoˬ jaˆ-eu tsawˇ haˬ deuˬ-ahˇ aˬ yawꞈ dehˬ awˆ-eu meh.


Baoˬ jaˆ-eu tsawˇ haˬ deuˬ-ahˇ aˬ yawꞈ baoˬ bi byoˆ-iˇ-awˇ, uˆ lahˇ-eu tsawˇ haˬ deuˬ-ahˇ gʼaˬ bi juˬ-iˇ-eu meh.


Aˬ yawꞈ maꞈ shiˇ ngeh miˇ tsaˬ-ahˇ paˇ ya gʼoꞈ uˇ-iˇ-awˇ, aˬ yawꞈ maꞈ neh kʼaˇ noeˬ tmˬ-euˬ jeˬ, shiˇ ngeh nah byoˆ jiˇ-eu meh.


Miˇkʼahˬtsawˇjeuˬmehˬbawˬmˇ-euˬ, SahˬpaˬMiˬyehˇlaˆngehꞈnehˬ-awˇ, tsawˇhaˬzaˬneh bawˬtoˆtoˆ-euˬ, aˬyawꞈlaˆcawˆjiˇnehˬ-eu meh.


Tsawˇshawˇtiˬgʼaˬ-ahˇnoeˬtaˬ-awˇ, tsawˇmuiˬtiˬgʼaˬ-ahˇhaw taˬ-awˬ. tsaˬleˇdzoeˇleˇ-eu tsawˇhaˬdeuˬ, zaˬoeˬsahˇgaˇya mawˇtehꞈ-a.


Dzoeˬ dzaˬ sahˬ paˬ-ahˇ aˬ yawꞈ gʼeu ka-awˇ, zaˬ coeˬ zaˬ bi pyeuꞈ-iˇ-euˬ meh.


Aˬ gah gah yaˇ-ahˇ ga-iˇ-euˬ siˬ yoeˬ lehˇ ehˇ-eu-aˬ, dawˬ kʼoeˇ deuˬ-ahˇ ya gaˬ-euˬ kʼawꞈ, shiˬ shaˬ jiˇ gaˇ kawˆ kʼahˬ lahˇ-eu jeˬ hawˇ-eu, pyuˇ shuiˇ myawˬ gahˬ-ahˇ gaˬ-eu nui ma neh bi uˆ tehˬ-awˇ, aˇ siˬ maˬ siˬ le nya-eu tsawˇ haˬ deuˬ-ahˇ ehˇ mawꞈ-eu meh.


Yeˬsuˇ ehˇ-eu, “Nawˇ ehˇ kʼaˇ maˬ za ni byah-eu tsawˇ haˬ pyeuꞈ mawꞈ naˇ, nawˇ kʼaˇ jaˆ-eu jeˬ dawˬ tawˆ luꞈ ahˬ-iˇ-awˇ, ahˬ za-euˬ pyuˇ kʼoeˇ yuˇ-awˇ shaˬ zaˬ zahˬ zaˬ deuˬ-ahˇ biˇ nehˬ-awˬ. Mˬ kʼoeˇ taˆ nawˬ-euˬ pyuˇ shuiˇ myawˬ gahˬ jaˆ laˇ tehꞈ-a. Kʼoeˇ naˇ, paˇ gʼoꞈ poˆ laˇ-awˇ ngaˬ-euˬ mehˬ nah caw teh laˇ-awˬ.”


Kʼoeˇ miˇ neh, mˬ kʼoeˇ taˆ jawˇ-eu naw maꞈ-euˬ Aˬ da byah-eu loꞈ-ehˇ, naw maꞈ kʼawꞈ bi byah laˇ-awˬ.


Maˬ sui maˬ dawˇ-eu myawˬ jeˬ hmˬ-eu tsawˇ haˬ kʼoeˇ gʼaˬ kʼoeˇ loꞈ-ehˇ yaw gahˇ zmˬ gaˇ, baw leˬ gʼaˬ ja ceuˬ nehˬ-euˬ meh. Miˇ tsaˬ shiˬ shaˬ jiˇ-ahˇ gaˬ-eu tsawˇ haˬ deuˬ-aˬ, yaw shehꞈ zaˬ deuˬ naˆ maˬ tseˇ yaw gahˇ zmˬ nya dzehˬ-eu meh.


Miˇ tsaˬ zaˬ deuˬ neh gaˇ dahˇ tsoeˬ meh lehˇ noeˬ-euˬ jeˬ-ahˇ gaˇ dahˇ maˬ tsoeˬ-ehˇ bi pyeuꞈ-iˇ-eu gʼaˇ duˬ, miˇ tsaˬ zaˬ neh gaˇ dahˇ maˬ tsoeˬ-a lehˇ taˬ nyiˇ dui dui-euˬ jeˬ-ahˇ aˬ yawꞈ tseˇ doˆ-euˬ meh.


Tiˬ gʼaˬ-ahˇ yaw muiˬ yaw doeˇ tseˇ paˆ geuꞈ-eu nui gahˇ ahˇ-eu dawˬ mehˬ nya-eu jeˬ biꞈ-awˇ, tiˬ gʼaˬ-ahˇ zaˬ siˬ tsawˇ gahˇ ahˇ-eu dawˬ mehˬ nya-eu jeˬ biꞈ taˬ-euˬ meh. Kʼoeˇ nyiˬ jeˬ luꞈ-ahˇ Yaw sahˇ Miˬyehˇ tiˬ gʼaˬ neh tehꞈ-ehˇ biꞈ taˬ-euˬ meh.


Aˬ yuiꞈ aˬ nyiˇ Ka li zaˬ deuˬ-oˇ, naw maꞈ shaˇ noeˬ shaˇ sawˇ-eu paw dzeˇ zaˬ yaw nyiˇ loꞈ-ehˇ taˬ bi pyeuꞈ. Yaw haiˬ jeˬ mˇ-eu paw dzeˇ-aˬ, iˬ baˇ mˇ-eu maˬ siˬ nya-eu zaˬ yaw nyiˇ loꞈ-ehˇ bi pyeuꞈ-awˇ, shaˇ noe shaˇ sawˇ-eu paw dzeˇ-aˬ, tsawˇ mawˬ tsawˇ kʼaˆ loꞈ-ehˇ bi pyeuꞈ-awˬ.


Aˬ yuiꞈ aˬ nyiˇ Ka li zaˬ deuˬ-oˇ, ngaˇ naw maꞈ jawˇ gaˇ oe-awˇ Miˬyehˇ-euˬ zaꞈ taꞈ-euˬ yaw tsaˬ yaw dawˇ jeˬ gaˇ kawˆ mehˬ le ngeh, za siˬ tsawˇ gahˇ naꞈ dui dui-eu dawˬ yaw huiˬ ngehˬ le-euˬ maˬ ngeuˇ.


Kʼoeˇ miˇ neh, tsawˇ haˬ zaˬ-euˬ zaˬ siˬ tsawˇ gahˇ neh mehˬ nehˬ laꞈ-euˬ dawˬ aˬ dui ngehˬ-eu tmˇ-eu maˬ ngeuˇ. Yaw sahˇ Miˬyehˇ neh mehˬ nehˬ tsoˆ nehˬ laꞈ-euˬ dawˬ ngehˬ-eu tmˇ-eu ma. Kʼoeˇ loꞈ-ehˇ ngehˬ-eu tmˇ-eu laꞈ kʼoeˇ, Yaw sahˇ miˬyehˇ za taˬ-euˬ tsawˇ haˬ deuˬ saꞈ laˇ paw taꞈ leˇ-eu yaw tsaˬ yaw dawˇ jeˬ-ahˇ gʼoˆ shaw nya ni ja mehˬ-eu ma.


Miˇ tsaˬ heu kʼoeˇ taˆ uˆ lahˇ-eu sahˬ paˬ sahˬ ma deuˬ zaˬ siˬ tsawˇ gahˇ kʼoeˇ-ahˇ tiˬ gʼaˬ-iˬ maˬ siˬ nya-aˬ. Siˬ nya law nmˇ-aˬ, yaw shehꞈ kʼahˬ sehˇ huiˬ dui dui-eu Sahˬpaˬ-ahˇ laꞈ yaꞈ kʼoeˇ taˆ maꞈ taꞈ sehꞈ-aˇ.


Aˬ yuiꞈ aˬ nuiˇ Ka li zaˬ deuˬ-oˇ, Yaw sahˇ Miˬyehˇ za-euˬ tsawˇ haˬ deuˬ-ahˇ mehˬ-eu loꞈ-ehˇ naw maꞈ-ahˇ ngaˇ maˬ mehˬ nya-a. Miˇ tsaˬ zaˬ deuˬ hawˇ-eu Ka li zaˬ-euˬ jah-eu paw zaˬ yaw nyiˇ-ahˇ duˇ-eu deuˬ-ahˇ mehˬ-eu loꞈ-ehˇ tehꞈ-ehˇ naw maꞈ-ahˇ ngaˇ ya mehˬ-eu meh.


Miˇ tsaˬ heu kʼoeˇ taˆ nga maꞈ yaw dehꞈ dehꞈ luꞈ-eu heu hawˇ-eu, kʼaˆ kʼaˆ ni naw maꞈ nehˬ-ehˇ cawˬ ya cawˬ taꞈ luꞈ-eu heu-aˬ, Miˬyehˇ neh biꞈ leꞈ-euˬ myaˆ pyawˬ bya cehˆ ni taˬ nya-eu jeˬ hawˇ-eu, nui ma dawˇ coe ni gʼeh-eu jeˬ laꞈ kʼoeˇ ya dehꞈ luꞈ-eu baˬ da neh maˬ ehˇ, tsawˇ haˬ zaˬ-euˬ zaˬ siˬ tsawˇ gahˇ-ahˇ maˬ gʼoe-ehˇ Miˬyehˇ-euˬ guiˬ lahˬ yaw dzahˇ-euˬ baoˬ-ahˇ gʼoe-awˇ ya dehꞈ luꞈ-eu baˬ da neh maˬ ehˇ, nga maꞈ kʼahˬ sehˇ jehˆ kʼaˇ za-eu ma.


Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ ma. Laˬ kʼaˬ cehˇ-eu jeˬ oꞈ luꞈ-uˇ. Naw maꞈ dehꞈ paˇ-awˬ. Ngaˬ-euˬ shaˇ dawˬ naˇ haˬ nehˬ laꞈ-awˬ. Tiˬ gʼaˬ tiˇ gʼaˬ tsaˬ leˇ dzoeˇ leˇ-awˬ. Gʼoeˇ-eu gaˬ-eu jeˬ hawˇ-eu nui saˇ oꞈ-eu jeˬ biꞈ-eu Miˬyehˇ naw maꞈ nehˬ-ehˇ jawˇ tehꞈ-a.


Nga maꞈ mehˬ luꞈ-eu Laˬ kʼaˬ cehˇ-eu Guiˬ lahˬ dawˬ heu dehˬ kaˬ taˬ-euˬ ngeuˇ lawˬ naˇ, luˬ-iˇ seˇ-iˇ luꞈ-eu tsawˇ haˬ deuˬ-euˬ gʼaˇ duˬ tehꞈ-ehˇ dehˬ kaˬ taˬ-euˬ jeˬ pyeuꞈ-eu ma.


Miˇ tsaˬ heu-ahˇ uˆ lahˇ luꞈ-eu miˬyehˇ pyeuꞈ-eu nehꞈ Saˬdaˬ neh aˬ yawꞈ maꞈ-euˬ nui ma-ahˇ yaw zahˇ laꞈ kʼoeˇ piˬ lahˇ taˬ-euˬ miˇ neh, aˬ yawꞈ maꞈ maˬ jah-a. Kʼoeˇ miˇ neh, Miˬyehˇ-ahˇ duˇ duˇ dehꞈ dehꞈ pyeuꞈ-eu Ka li-euˬ gaˇ kawˆ Laˬ kʼaˬ cehˇ-eu Guiˬ lahˬ dawˬ-euˬ yaw shehꞈ kʼahˬ sehˇ aˬ yawꞈ maꞈ kʼoeˇ taˆ bya luꞈ gaˇ aˬ yawꞈ maꞈ maˬ mawˇ nya-a.


Kʼoeˇ ngeh, miˇ tsaˬ heu-ahˇ taꞈ-eu maˬ muiˬ maˬ jaˬ-eu jeˬ mehˬ nah naw maꞈ caw teh-awˇ, mˬ hawˇ-eu miˇ yaw kaˬ-ahˇ uˆ lahˇ-eu yaw sahˇ-euˬ mehˬ nah caw teh-euˬ meh. Yaw sahˇ kʼoeˇ-aˬ, nymˬ-mˇ Miˬyehˇ-euˬ dawˬ-ahˇ maˬ naˇ haˬ-eu deuˬ-ahˇ uˆ lahˇ luꞈ-eu meh.


Kʼoeˇ miˇ neh, tsawˇ haˬ yawˬ gʼaˬ na luꞈ-ahˇ Ka li gaˇ kawˆ nga maꞈ mehˬ-eu ma. Yawˬ gʼaˬ na luꞈ-ahˇ Ka li laꞈ kʼoeˇ tsawˇ kʼaˆ kʼaˆ laˇ-euˬ tsawˇ haˬ loꞈ-ehˇ Miˬyehˇ mehˬ shi sheuˬ ha nehˬ leˇ nya-eu gʼaˇ duˬ, aˬ yawꞈ maꞈ ya mˇ-eu jeˬ hawˇ-eu ya yahˇ-eu jeˬ-ahˇ kʼaˇ siˬ kʼaˇ nya-eu loꞈ-ehˇ mehˬ-eu ma.


Naw maꞈ-euˬ aˇ muˇ zaˬ tiˬ gʼaˬ pyeuꞈ-eu Yeˬsuˇ Ka li-euˬ gaˇ mˇ luꞈ-eu Iˇbaˬpaˬlaˇ kʼawꞈ, naw maꞈ-ahˇ dawˬ cawˬ puˬ ahˇ laꞈ-euˬ meh. Naw maꞈ gʼaˇ duˬ aˬ yawꞈ aˬ myah luꞈ guiˬ lahˬ shaˇ dui dui luꞈ meh. Naw maꞈ jah-eu laꞈ kʼoeˇ ziꞈ dah ni yawꞈ nya-eu gʼaˇ duˬ maˬ ehˇ, Ka li-ahˇ jah-eu paw ehˇ kʼaˇ maˬ za ni bi byah laˇ-eu gʼaˇ duˬ maˬ ehˇ, Miˬyehˇ-euˬ nui kʼahˇ-ahˇ tiˬ byah tiˬ loꞈ bi caw teh-eu gʼaˇ duˬ maˬ ehˇ, aˬ yawꞈ Miˬyehˇ-ahˇ guiˬ lahˬ shaˇ-eu maˬ tsehˆ leˇ-a.


Dzaˇ yaw gʼahˇ-aˬ, yaw muiˬ yaw doeˇ tseˇ paˆ geuꞈ nya-eu huiˬ loˆ laˇ-euˬ tsawˇ haˬ deuˬ-euˬ gʼaˇ duˬ meh.


Ka li-euˬ gaˇ kawˆ aˇ dahˬ beh gaˇ tehꞈ-ehˇ aˬ dui dzaw dzaw-ehˇ maˬ paˇ jawˇ ni, jah-eu laꞈ kʼoeˇ huiˬ loˆ laˇ-euˬ tsawˇ haˬ deuˬ loꞈ-ehˇ mehˬ hu paw dzaw daˆ leꞈ kaˇ-euˇ. Gaˇ dahˇ maˬ tsoeˬ-eu jeˬ-ahˇ maˬ mˇ ni byehˇ dzeh-eu hawˇ-eu, Miˬyehˇ-ahˇ jah-eu jeˬ-ahˇ aˇ dahˬ beh poˆ beh poˆ-ehˇ jawˇ yamˬ maˬ paˇ ngeuˇ meh.


Kʼoeˇ loꞈ-ehˇ gʼeh-eu zaˬ siˬ tsawˇ gahˇ-aˬ, mˬ-ahˇ eh doˆ le-euˬ jeˬ maˬ ngeuˇ-a. Kʼoeˇ-aˬ, miˇ tsaˬ heu-ahˇ taꞈ-eu zaˬ siˬ tsawˇ gahˇ pyeuꞈ-awˇ, guiˬ lahˬ saꞈ laˇ-ahˇ taꞈ-eu jeˬ maˬ ngeuˇ-ehˇ, nehꞈ-ahˇ taꞈ-eu jeˬ pyeuꞈ-eu meh.


Aˬ dui dawˬ tawˆ luꞈ tiˬ kʼehˬ maˬ taˬ ni mˇ lehˬ-eu meh. Ehˇ kʼawꞈ, tsawˇ haˬ tiˬ gʼaˬ na ngehˬ lehˬ tmˇ lehˬ-eu maˬ baw naˇ, byah-eu loꞈ-eu tsawˇ haˬ pyeuꞈ-awˇ, yawˬ ha-euˬ nui ma gʼawˇ mawˇ dawˬ tawˆ luꞈ-ahˇ yaw muiˬ paˬ-ehˇ gʼaˬ leˇ-eu tsawˇ haˬ pyeuꞈ-eu meh.


Ehˇ kʼawꞈ, naw maꞈ ti kʼehˬ tiˬ yamˬ kʼoeˇ loꞈ-ehˇ ya daˬ gʼaˬ ngeh jawˇ, Ka li laꞈ koeˇ aˬ yawꞈ-euˬ mˬ maˬ maˬ byaˆ zaˇ ziˇ ziꞈ-eu yaw shehꞈ kʼahˬ sehˇ bi za-eu gʼaˇ duˬ naw maꞈ-ahˇ kuˇ-euˬ gʼaˬ pyeuꞈ-eu aˬ dui-ahˇ gaˬ dui dui-eu Miˬyehˇ-aˬ, naw maꞈ-ahˇ bi byah laˇ tehꞈ-a. Aˬ yawꞈ naw maꞈ-ahˇ bi ziꞈ laˇ, bi kʼaˆ laˇ-eu uˬ taꞈ, Ka li-ahˇ jah-eu dawˬ pehˬ ziꞈ dah ni bi pyeuꞈ laˇ tehꞈ-a.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ