1 Gawˇliˬtu 2:11 - Akha

¹¹ Tsawˇ haˬ tiˬ gʼaˬ-euˬ nui noeˬ-ahˇ yawˬ ha laꞈ kʼoeˇ jawˇ-eu yaw sahˇ maˬ ngeuˇ naˇ maˬ siˬ jiˇ nya-eu loꞈ-ehˇ, Miˬyehˇ-euˬ nui noeˬ-ahˇ kʼawꞈ, Miˬyehˇ-euˬ Yaw sahˇ maˬ ngeuˇ naˇ maˬ siˬ jiˇ nya-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Tsawrhaq tiq ghaq-anr taf-eu garkawv, aqyawf-euq lafkhoer jawr-eu saflar maqngeur nar-aq, aqsur ghaq siqnya-eu? Khoerlof-aer durni, Miqyaer-euq Saflar maqngeur nar-aq, Miqyaer-anr taf-eu deuq-anr tiqghaq-iq maq siqnya-a.

1 Gawˇliˬtu 2:11 ပူးပေါင်းရင်းမြစ်များ

Yawˇbaˆ 15:8

Miˬyehˇ gaˇ mˇ-eu lehˇ gaˇ kawˆ kawˆ-euˬ nawˇ ya gaˬ te loˇ. Tsawˇ haˬ zaˬ-euˬ zaˬ siˬ tsawˇ gahˇ nawˇ tehꞈ-ehˇ jaˆ jiˇ te loˇ.

Dawqdaq 14:10

Noeˬ shaˬ kʼawꞈ yawˬ ha kʼaˆ behˆ, noeˬ saˇ kʼawꞈ yawˬ ha shaˬ bymˇ meh. Suˇ ngehˬ gʼeh-ehˇ yawˬ kʼawˇ maˬ piˇ-a.

Dawqdaq 20:27

Sahˬpaˬ Miˬyehˇ-euˬ tsiˇ kʼmˬ tsawˇ haˬ zaˬ-euˬ nui ma-ahˇ keuˬ haw-awˇ, tiˬ jeˬ-iˬ zaꞈ taˬ-euˬ maˬ baw-a.

Dawqdaq 20:5

Tsawˇ haˬ nui noeˬ tmˬ naꞈ dawˬ dah pahˬ kʼawꞈ, zaˬ siˬ tsawˇ siˬ beuˬ doˆ laꞈ nya-eu meh.

Yeˬlaˬmiˇ 17:9

Tsawˇ haˬ zaˬ-euˬ nui ma aˬ suˇ gʼaˬ siˬ nya ta. Nui ma loꞈ-ehˇ laꞈ gʼoꞈ baw-eu tiˬ jeˬ-iˬ maˬ jaˆ-a. Yaw cawˆ myaˬ-eu miˇ neh maˬ laˆ muiˬ geuꞈ nya-a.

1 Gawˇliˬtu 12:8

Tiˬ gʼaˬ-ahˇ yaw muiˬ yaw doeˇ tseˇ paˆ geuꞈ-eu nui gahˇ ahˇ-eu dawˬ mehˬ nya-eu jeˬ biꞈ-awˇ, tiˬ gʼaˬ-ahˇ zaˬ siˬ tsawˇ gahˇ ahˇ-eu dawˬ mehˬ nya-eu jeˬ biꞈ taˬ-euˬ meh. Kʼoeˇ nyiˬ jeˬ luꞈ-ahˇ Yaw sahˇ Miˬyehˇ tiˬ gʼaˬ neh tehꞈ-ehˇ biꞈ taˬ-euˬ meh.

1 Gawˇliˬtu 2:10

Ehˇ kʼawꞈ, Miˬyehˇ aˬ yawꞈ neh zaꞈ taˬ-euˬ jeˬ, aˬ yawꞈ-euˬ Yaw sahˇ Miˬyehˇ-ahˇ gʼoe-awˇ aˬ dui-ahˇ bi siˬ bi mawˇ laꞈ-euˬ meh. Aˬ jeˬ miˇ neh ehˇ naˇ, Yaw sahˇ Miˬyehˇ-aˬ, yawˬ jeˬ na luꞈ-ahˇ poˆ tseˇ-eu meh. Naꞈ dui dui gaˇ zaꞈ taˬ-euˬ Miˬyehˇ-euˬ nui kʼahˇ-ahˇ kʼawꞈ, poˆ tseˇ doˆ-eu meh.