1 Gawˇliˬtu 16:7 - Akha

⁷ Ngaˇ iˇ tsehˆ laˇ tsehˆ-eu laꞈ kʼoeˇ, naw maꞈ-ahˇ tiˬ kʼehˬ tiˬ yamˬ tehꞈ-ehˇ tahˬ puˬ-eu jeˬ maˬ geuꞈ mawꞈ nya. Sahˬpaˬ Yeˬsuˇ nui ma tsaˬ naˇ, naw maꞈ jawˇ gaˇ ui cuiˆ gʼawˬ myahˇ ni jawˇ ma lehˇ noeˬ tmˬ taˬ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Nymq-mr ngar irtsaev lartsaevluf ngae, nawmaf-anr maq mawrmawf nya siq. Aerkhawf, Sanqpaq Miqyaer nuima tsaq nar-aq, ngar, nawmaf naeq-aer tiqkhaeq jawr ma laer noeqtmq taq-euq ma.

1 Gawˇliˬtu 16:7 ပူးပေါင်းရင်းမြစ်များ

Dawqdaq 19:21

Tsawˇ haˬ zaˬ gaˇ kawˆ aˬ joˆ-ehˇ kawˆ kʼawꞈ, Sahˬpaˬ Miˬyehˇ-euˬ nui kʼahˇ uˬ duˬ duˬ leˇ-eu meh.

Yeˬlaˬmiˇ 10:23

Sahˬpaˬ Miˬyehˇ-oˇ, tsawˇ haˬ zaˬ yaw dehꞈ dehꞈ-eu-aˬ, yawˬ ha gaˇ kawˆ yawˬ ha maˬ gʼaˬ leˇ-ehˇ, yawˬ ha saꞈ laˇ-ahˇ maˬ tuˆ tehˬ nya-eu ngaˇ siˬ nya ma.

Maꞈtehˬ 3:15

Ehˇ kʼawꞈ, Yeˬsuˇ ehˇ-eu, “Miˬyehˇ-euˬ nui kʼahˇ byah laˇ ni, nymˬ-mˇ aˇ nyaꞈ heu loꞈ-ehˇ ya mˇ meh.” Kʼoeˇ ngeh, Yeˬsuˇ-ahˇ iˇ cuꞈ shawˇ nehˬ-eu gʼaˇ duˬ Yoˇhaˬ nui ma tsaˬ-euˬ meh.

Gʼaˬkʼehˇ 18:21

Aˬ yawꞈ doˆ-iˇ ngeh, “Miˬyehˇ nui ma tsaˬ naˇ, naw maꞈ jawˇ gaˇ ngaˇ tiˬ poˆ paˇ laˇ keuˆ ma” lehˇ ehˇ nehˬ yaꞈ-awˇ, saˇ baoˬ dziˬ-awˇ Eˇpeˇsu meuˬ-ahˇ neh doˆ-iˇ-euˬ meh.

Lormav 1:10

Ngaˇ guiˬ lahˬ kʼaˇ shaˇ ngeh, naw maꞈ jawˇ gaˇ dawˬ deh gʼa keuˆ laˇ nya ni gʼawˬ shaˬ gaˬ-awˇ gaˇ ma bi dahˇ laˇ laꞈ lehˇ, Miˬyehˇ-ahˇ shaˇ-eu ma.

1 Gawˇliˬtu 4:19

Sahˬ paˬ Miˬyehˇ nui ma tsaˬ naˇ, gʼawˬ myahˇ maˬ gʼeh-ehˇ naw maꞈ jawˇ gaˇ ngaˇ oe-awˇ nui ma huiˬ-eu kʼoeˇ deuˬ ngehˬ-eu dawˬ-ahˇ naˇ haˬ-eu tehꞈ-ehˇ maˬ ngeuˇ ni, aˬ yawꞈ maꞈ baoˬ aˇ naˆ ni ahˇ nga lehˇ ngaˇ haw ma.

2 Gawˇliˬtu 1:15

Nga maꞈ gʼaˇ duˬ naw maꞈ kʼahˬ sehˇ jehˆ kʼaˇ za meh lehˇ ngaˇ siˬ duˬ-eu miˇ neh, naw maꞈ laˬ kʼaˬ nyiˬ poˆ bi cehˇ-eu gʼaˇ duˬ, naw maꞈ jawˇ gaˇ oe ma lehˇ yaw beh ngaˇ lehˬ hmˬ taˬ-euˬ ma.

Yaˬkoˆ 4:15

“Miˬyehˇ nui ma tsaˬ-awˇ aˬ dui yaw dehꞈ ya dehꞈ naˇ, heu loꞈ-ehˇ mˇ ma, kʼoeˇ Loꞈ-ehˇ mˇ ma” lehˇ, naw maꞈ ehˇ-eu tsaˬ meh.