1 Gawˇliˬtu 16:2 - Akha

² Tiˬ jaw laꞈ kʼoeˇ aˇ dahˬ beh-eu nah aˬ yawꞈ nah yawꞈ, naw maꞈ yawˬ gʼaˬ na luꞈ yawˬ ha neh kʼaˇ poˆ za-euˬ loꞈ-ehˇ geuˇ ni pyuˇ daˬ ui cuiˆ yuˇ doˆ-awˇ jeˬ hmˬ taˬ-awˬ. Kʼoeˇ loꞈ-ehˇ jahˇ naˇ, ngaˇ oe ngeh naw maꞈ pyuˇ taꞈ uiˬ-eu maˬ loˬ-aˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Yawqjaw navluf-euq yawbae ngae nan, nawmaf yawqghaq navluf yawqha nae za-euq gar geuxni pyur yurdov-awr jeqhmq taq-awq. Khoerlof-aer janr nar-aq, ngar larkeuv ngae, pyur tafuiq-eu laer maqya ghae-ar.

1 Gawˇliˬtu 16:2 ပူးပေါင်းရင်းမြစ်များ

Aˇ dahˬ 26:12

Miˇ kʼahˬ kʼoeˇ kʼahˬ laꞈ kʼoeˇ Iˇtsaˆ deh yaˇ mˇ-awˇ, kʼoeˇ ngeh kʼoꞈ laꞈ kʼoeˇ, aˬ yawꞈ neh sehˬ-euˬ siˬ yoeˬ naˆ maˬ tseˇ tiˬ yaˇ bymˇ aˬ yawꞈ mˇ za-euˬ meh. Sahˬpaˬ Miˬyehˇ aˬ yawꞈ-ahˇ guiˬ lahˬ biꞈ-euˬ miˇ neh, kʼoeˇ loꞈ-ehˇ mˇ za-euˬ meh.

Aˇ dahˬ 30:27

Laˬbaˬ ehˇ-eu, “Ngaˇ heu loꞈ-ehˇ ehˇ mawꞈ-eu ma. Nawˇ baˬ da neh Sahˬpaˬ Miˬyehˇ ngaˬ-ahˇ guiˬ lahˬ biꞈ laꞈ-euˬ gaˇ kawˆ-ahˇ, ngaˇ ja maw maw haw-awˇ ya siˬ-euˬ ma.

Aˇ dahˬ 30:30

Ngaˇ maˬ laˇ keuˆ mi naˆ-ehˇ nawˬ-euˬ jeˬ zaˬ ui cuiˆ tehꞈ-ehˇ jawˇ-euˬ kʼawꞈ, nymˬ-mˇ myaˬ dui dui laˇ taˬ-euˬ meh. Ngaˇ kʼaˇ iˇ kʼaˇ laˇ, kʼaˇ mˇ kʼaˇ shaˇ-eu jeˬ laꞈ kʼoeˇ, Sahˬpaˬ Miˬyehˇ nawˬ-ahˇ guiˬ lahˬ biꞈ luꞈ-eu meh. Nymˬ-mˇ poˆ jawˇ-aˬ, ngaˇ kʼawꞈ nymˇ dahˬ dahˬ doˆ-iˇ-awˇ, yawˬ ha-euˬ miˬ sawˇ zaˬ deuˬ-ahˇ mˇ cu-eu aˇ yamˬ tsaˬ laˇ-euˬ meh.”

Aˇ dahˬ 32:10

Nawˬ-euˬ zaˬ kʼaˆ pyeuꞈ-eu ngaˇ-aˬ, nawˇ gʼawˬ shaˬ gaˬ-eu jeˬ hawˇ-eu, nawˬ-euˬ saˇ jaˇ ziꞈ-eu jeˬ-ahˇ za-eu maˬ geuˇ-a. Aˇ hu ngaˇ Yawˇdaˬ lawˇ baˬ tsehˆ doˆ ngeh, ngaˬ-euˬ aˬ laꞈ laꞈ kʼoeˇ gawˬ yoeˬ tiˬ yoeˬ tehꞈ-ehˇ ahˇ-euˬ kʼawꞈ, nymˬ-mˇ ngaˇ gʼoꞈ doˆ laˇ ngeh poˆ jawˇ, ngaˬ nehˬ-ehˇ tsawˇ haˬ nyiˬ muˇ ahˇ-eu ma.

Aˇ dahˬ 33:11

Aˬ joˆ-ehˇ gʼeh-awˇ neh kʼawꞈ, ngaˬ neh nawˬ-ahˇ kʼaˇ biꞈ nehˬ laꞈ-euˬ jeˬ-ahˇ ha geuꞈ nehˬ laꞈ-awˬ. Miˬyehˇ ngaˬ-ahˇ gʼawˬ shaˬ gaˬ-eu laꞈ kʼoeˇ, ngaˇ kʼaˇ loˬ-eu jeˬ tiˬ byah tiˬ loꞈ biꞈ laꞈ-euˬ meh” lehˇ ehˇ-awˇ, Iˇsawˇ maˬ geuꞈ kʼoeˇ maˬ juˬ ni, Yaˬkoˆ neh dehˬ ahˇ nehˬ-euˬ meh.

2 Laˬsaˬbaˬ 31:10

Kʼoeˇ ngeh, “Uˬ duˬ tahˬ nymˇ nymˇ ma laꞈ kʼoeˇ laꞈ sawˬ heu deuˬ yuˇ keuˆ laꞈ ngeh tiˬ nah neh, dzaˬ loꞈ dawˇ loꞈ-eu uˬ taꞈ, gʼawˬ mya ni dzehˬ laˇ taˬ-euˬ meh. Sahˬpaˬ Miˬyehˇ neh aˬ yawꞈ-euˬ tsawˇ haˬ deuˬ-ahˇ guiˬ lahˬ biꞈ nehˬ-euˬ miˇ neh heu myaˆ myaˆ-ehˇ dzehˬ laˇ taˬ-euˬ meh” lehˇ, Zaˬdoˆ-euˬ aˬ li Piˇ ma Yaw huiˬ gʼaˬ pyeuꞈ-eu Zaˬkaˬliˇ neh sahˬ paˬ Heˬsaˬgiˇ-ahˇ ehˇ kʼoꞈ nehˬ-euˬ meh.

Maˬkuˆ 14:8

Zaˬ miˬ zaˬ heu gʼaˬ aˬ yawꞈ kʼaˇ gʼeh nya-eu loꞈ-ehˇ mˇ-euˬ meh. Ngaˬ-ahˇ baꞈ pahˬ-eu aˇ yamˬ maˬ keuˆ laˇ mi naˆ-ehˇ, ngaˬ-euˬ gʼawˇ mawˇ-ahˇ tsiˇ yaw saw jeˬ shehˆ daˆ-awˇ, baꞈ pahˬ-eu gʼaˇ duˬ laˆ saˆ nehˬ laꞈ-euˬ meh.

Luˇkaꞈ 16:10

Gaˇ yaw nyiˇ laꞈ kʼoeˇ saˇ jaˇ ziꞈ-eu tsawˇ haˬ-aˬ, gaˇ yaw huiˬ laꞈ kʼoeˇ kʼawꞈ saˇ jaˇ ziꞈ tehꞈ-a. Gaˇ yaw nyiˇ laꞈ kʼoeˇ maˬ sui maˬ dawˇ-eu tsawˇ haˬ-aˬ, gaˇ yaw huiˬ laꞈ kʼoeˇ kʼawꞈ maˬ sui maˬ dawˇ-aˇ.

Luˇkaꞈ 24:1

Tiˬ jaw laꞈ kʼoeˇ aˇ dahˬ beh-eu nah uˬ shawˬ yaw naꞈ-ehˇ, zaˬ miˬ zaˬ kʼoeˇ deuˬ aˬ yawꞈ maꞈ neh lehˬ hmˬ taˬ-euˬ tsiˇ yaw saw deuˬ yuˇ-awˇ, lmˬ bymˇ-ahˇ iˇ-euˬ meh.

Yoˇhaˬ 20:19

Tiˬ jaw laꞈ kʼoeˇ aˇ dahˬ beh-eu aˇ nah pyeuꞈ-eu kʼoeˇ ngeh nah uˬ ciꞈ paw, zaˬ lahˇ deuˬ Yuˇdaˆ tsawˇ haˬ aˬ yuiꞈ aˬ tsu deuˬ-ahˇ guˆ-eu miˇ neh, tiˬ gaˇ uiˬ leˇ jiˇ-awˇ, laˇ gʼoˆ sehˬ sehˬ tehˬ-awˇ jawˇ-eu meh. Kʼoeˇ ngeh, Yeˬsuˇ aˬ yawꞈ maꞈ jawˇ gaˇ yawꞈ le-awˇ, “Naw maꞈ nui saˇ oꞈ luꞈ-uˇ” lehˇ ehˇ le-euˬ meh.

Yoˇhaˬ 20:26

Tiˬ jaw dzeuˇ-iˇ ngeh, zaˬ lahˇ deuˬ nymˇ tiˬ nymˇ laꞈ kʼoeˇ uiˬ leˇ-awˇ jawˇ-eu meh. Toˇmaˆ kʼawꞈ, aˬ yawꞈ maˬ nehˬ-ehˇ jawˇ-eu meh. Aˬ yawꞈ maꞈ laˇ gʼoˆ sehˬ sehˬ tehˬ taˬ-euˬ meh. Ehˇ kʼawꞈ, Yeˬsuˇ aˬ yawꞈ maꞈ jawˇ gaˇ yawꞈ le-awˇ, “Naw maꞈ nui saˇ oꞈ luꞈ-uˇ” lehˇ ehˇ-eu meh.

Gʼaˬkʼehˇ 20:7

Tiˬ jaw laꞈ kʼoeˇ aˇ dahˬ beh-eu nah ngeh nah uˬ ciꞈ paw, dzaˬ taꞈ dawˇ taꞈ-eu gʼaˇ duˬ nga maꞈ uiˬ leˇ-euˬ ma. Pawˇluˆ-aˬ, yawˬ nah yawˬ doˆ-iˇ-eu lehˇ gʼeh-eu miˇ neh, kʼoeˇ ngeh miˇ uˬ ciꞈ sehˇ gʼahˇ keuˆ ni dawˬ mehˬ mehˬ-euˬ meh.

2 Gawˇliˬtu 8:10

Gaˇ kawˆ heu hmˬ-ahˇ taꞈ leˇ-awˇ, ngaˇ naw maꞈ-ahˇ heu loꞈ-ehˇ gʼaˬ biꞈ-eu ma. Miˇ nui kʼoꞈ naw maꞈ neh beh-euˬ gaˇ heu hmˬ nymˬ-mˇ mˇ luiˆ jiˇ-eu tsaˬ meh. Naw maꞈ-aˬ, mˇ beh beh-euˬ deuˬ pyeuꞈ-eu tehꞈ-ehˇ maˬ ngeuˇ ni, mui ma keuˆ beh beh-euˬ deuˬ kʼawꞈ pyeuꞈ-eu meh.

Dawˬmehˬ 8:18

Smˇ muiˬ bi muiˬ laˇ-euˬ baoˬ biꞈ nehˬ-euˬ gʼaˬ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ meh lehˇ tiˬ jawˇ-iˬ maˬ ngehˇ ni noeˬ keuˆ-awˬ. Naw maꞈ-euˬ aˬ poeˬ aˬ bawˇ deuˬ nehˬ-ehˇ dzaˬ taˬ-euˬ saˇ jaˇ-ahˇ, iˬ nah keuˆ ni aˬ yawꞈ ziꞈ luꞈ-eu miˇ neh, kʼoeˇ loꞈ-ehˇ mˇ-eu meh.

Panmaeq 1:10

Sahˬpaˬ Miˬyehˇ-euˬ aˇ nah -ahˇ, Yaw sahˇ Miˬyehˇ ngaˬ-ahˇ uˆ lahˇ le-awˇ, kʼaˆ dui dui-eu teˇ saˇ tiˬ saˇ-ahˇ ngaˇ ya gaˬ-euˬ ma. Teˇ saˇ kʼoeˇ-aˬ, daˇ heh baw-eu teˇ saˇ-ahˇ duˇ-awˇ, ngaˬ-euˬ naˇ kʼah paw dawˬ ngehˬ luꞈ-eu meh.