1 Gawˇliˬtu 16:18 - Akha

¹⁸ Aˬ yawꞈ maꞈ naw maꞈ-euˬ nui ma-ahˇ laˆ saˆ nehˬ-euˬ loꞈ-ehˇ, ngaˬ-euˬ nui ma-ahˇ kʼawꞈ laˆ saˆ nehˬ laꞈ-euˬ meh. Heu loꞈ-ehˇ gʼeh-eu tsawˇ haˬ deuˬ-ahˇ taˬ huiˬ-eu tsaˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Aqyawf maf-aq, ngaq-euq nuima-anr khawf, nawmaf-euq nuima-anr khawf bi sarlar-euq mae. Khoermirnae, heulof-aer ghae-eu tsawrhaq-anr noeqpoeq-awq.

1 Gawˇliˬtu 16:18 ပူးပေါင်းရင်းမြစ်များ

Dawqdaq 25:13

Nui kʼahˇ shiˇ coeˇ-eu dawˬ tsaꞈ dawˬ dzawˇ mˇ-eu zaˬ kʼaˆ tiˬ gʼaˬ-aˬ, nahˇ tsaˇ kʼaˆ gaˇ cehˇ diˬ luꞈ ngeh tsehꞈ ngeuˇ ni gʼeh-eu iˇ cuꞈ ya dawˇ-eu loꞈ-ehˇ, yaw sahˇ gʼaˬ nui ma-ahˇ shiˬ deuˬ ni jaˆ-eu meh.

Dawqdaq 25:25

Gaˇ mahˇ kaˬ-eu miˇ kʼahˬ-ahˇ neh gaˬ saˬ saˬ le-euˬ dawˬ muiˬ-aˬ, kuˬ byahˬ gui ngeh ya dawˇ aˬ-euˬ iˇ cuꞈ iˇ tsehꞈ tiˬ kʼmˬ-ahˇ duˇ-eu meh.

Lormav 15:32

Miˬyehˇ nui ma tsaˬ naˇ, ngaˇ naw maꞈ jawˇ gaˇ laˬ kʼaˬ tiˬ cehˇ ya laˇ keuˆ-awˇ, naw maꞈ nehˬ-ehˇ jawˇ-awˇ laˬ kʼaˬ cehˇ-eu laꞈ kʼoeˇ gʼaˬ doeˇ naˬ dah nya ni guiˬ lahˬ caw shaˇ nehˬ laꞈ-awˬ.

2 Gawˇliˬtu 7:13

Kʼoeˇ baˬ da neh, nga maꞈ-euˬ nui ma gʼaˬ tiˬ tiˆ lahˬ laˇ-euˬ ma. Nga maꞈ-euˬ nui ma gʼaˬ tiˬ tiˆ lahˬ laˇ-euˬ tehꞈ maˬ ngeuˇ-a siˬ. Tiˇ tuˆ-euˬ nui ma gʼaˬ doeˇ dah kʼaˇ za ni naw maꞈ dawˬ tawˆ luꞈ caw ba nehˬ-euˬ miˇ neh Tiˇtuˆ laˬ kʼaˬ cehˇ-eu kʼoeˇ, nga maꞈ-ahˇ laˬ kʼaˬ cehˇ-eu jeˬ bi lahˬ laˇ gaˇ duˇ miˇ-a.

Gawˇlawˇsehˇ 4:8

Kʼoeˇ miˇ neh, aˬ yawꞈ-ahˇ naw maꞈ jawˇ gaˇ ngaˇ kʼehˇ gʼeh laꞈ-eu ma. Nga maꞈ aˬ joˆ-ehˇ dehꞈ luꞈ jawˇ luꞈ-eu gaˇ kawˆ naw maꞈ-ahˇ bi dzawˇ mehˬ-awˇ, naw maꞈ laꞈ kʼaˬ bi cehˇ-eu gʼaˇ duˬ kʼehˇ gʼeh laꞈ-eu ma.

1 Teˇsaˬloˇni 5:12

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ-ahˇ Ka li zaˬ-euˬ dehꞈ jeˬ dehꞈ kawˆ laꞈ kʼoeˇ sheuˬ gʼeh-awˇ mehˬ nehˬ tsoˆ nehˬ luꞈ-eu naw maꞈ nehˬ-ehˇ Miˬyehˇ gaˇ mˇ luꞈ-eu tsawˇ haˬ deuˬ-ahˇ yaw zeu baw-awˬ lehˇ, naw maꞈ-ahˇ nga maꞈ shaˇ-eu ma.

Piˇleˇmoˬ 1:20

Kʼoeˇ miˇ neh, ngaˬ-euˬ aˬ nyiˇ-oˇ, Sahˬpaˬ Yeˬsuˇ-euˬ myaˆ pyawˬ-ahˇ haw-awˇ, ngaˇ nui ma saˇ ni tiˬ poˆ mˇ nehˬ laꞈ sheˇ.

Piˇleˇmoˬ 1:7

Gaˬ-eu aˬ nyiˇ Piˇleˇmoˬ-oˇ, nawˬ-euˬ gʼoeˇ-eu gaˬ-eu jeˬ baˬ da neh, ngaˇ laˬ kʼaˬ cehˇ dui dui-awˇ, nui ma laꞈkʼoeˇ gʼaˬ paˇ ahˇ dzehˬ laˇ-eu miˇ-a. Nawˇ baˬ da neh Miˬyehˇ-euˬ tsawˇ haˬ dawˬ tawˆ luꞈ laˬ kʼaˬ cehˇ-eu meh.

HeˬByehˇ 13:7

Naw maꞈ-ahˇ Miˬyehˇ dawˬ kawˬ mehˬ-euˬ aˬ yuiꞈ aˬ tsu deuˬ-ahˇ taˬ ngehˇ. Aˬ yawꞈ maꞈ aˬ joˆ-ehˇ dehꞈ yaꞈ jaˇ yaꞈ-awˇ shiˇ-euˬ gaˇ kawˆ-ahˇ shaˇ noeˬ-awˇ, aˬ yawꞈ maꞈ-euˬ jah-eu jeˬ-ahˇ dzaw geuꞈ-awˬ.

3 Yoˇhaˬ 1:4

Ngaˬ-euˬ zaˬ deuˬ yaw tsaˬ yaw dawˇ jeˬ laꞈ kʼoeˇ dehꞈ luꞈ meh lehˇ ya gaˬ-eu naˆ maˬ tseˇ, ngaˇ laˬ kʼaˬ cehˇ-eu nui jeˬ maˬ paˇ jaˆ ma.