1 Gawˇliˬtu 16:13 - Akha

¹³ Yaw beuˇ beuˇ-ehˇ jawˇ-awˬ. Jah-eu jeˬ laꞈ kʼoeˇ ziꞈ dah ni yawꞈ tehˬ taˬ-awˬ. Nui ma kʼaˬ duˬ ni taˬ-awˬ. Gʼaˬ tiˬ byah ni bi ahˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Nawmaf yawbeur beur-aer jawr-awr, jan-eu lafkhoer zifdanni yawf-awq. Nuima khaqduqni ghae-awr, ghaq khavlar-awq.

1 Gawˇliˬtu 16:13 ပူးပေါင်းရင်းမြစ်များ

2 Saˬmeuˬlaˆ 10:12

Gʼaˬ byehˆ maˬ byehˆ ni nui ma kʼaˬ duˬ ni taˬ-awˬ. Aˬ dui-euˬ tsawˇ jeuˬ hawˇ-eu, aˬ dui Miˬyehˇ-euˬ meuˬ deuˬ gʼaˇ duˬ, yaw kʼaˆ kʼaˆ-ehˇ guiˇ deuˆ kaˇ-euˇ. Sahˬpaˬ Miˬyehˇ nui ma tsaˬ-eu jeˬ keuˆ le luꞈ-uˇ.”

1 Sahˬpaˬ 2:2

“Ngaˇ ziˇ dehꞈ jiˇ-eu aˇ yamˬ dawˬ peh peh laˇ-euˬ miˇ-a. Nawˇ yawˬ haˇ yawˬ ha nui jah ahˇ-eu laꞈ kʼoeˇ, nui ma ziꞈ dah ni taˬ-awˬ.

1 Laˬsaˬbaˬ 19:13

Gʼaˬ maˬ baˬ ni nui ma ziꞈ dah ni taˬ-awˬ. Aˬ dui tsawˇ jeuˬ hawˇ-eu aˬ dui Miˬyehˇ-euˬ meuˬ deuˬ gʼaˇ duˬ guiˇ deuˆ dui dui kaˇ-euˇ. Sahˬpaˬ Miˬyehˇ nui ma tsaˬ-eu jeˬ keuˆ le luꞈ-uˇ.”

1 Laˬsaˬbaˬ 28:10

Aˬ yawꞈ-euˬ Uˬ duˬ tahˬ nymˇ nymˇ ma bi tsoˆ-eu gʼaˇ duˬ, Sahˬpaˬ Miˬyehˇ neh nawˬ-ahˇ tseˇ doˆ taˬ-euˬ gaˇ kawˆ, nawˇ yaw muiˬ paˬ-ehˇ siˬ duˬ-eu tsaˬ meh. Nymˬ-mˇ tsoˆ-awˬ. Yaw muiˬ paˬ-ehˇ noeˬ tsehˆ-awˇ tsoˆ-awˬ.”

Jaceuq 27:14

SahˬpaˬMiˬyehˇ-ahˇnoeˬtmˬ-awˬ. Gʼaˬbyehˆtaˬbyehˆ, nui ma taˬcawˆ. SahˬpaˬMiˬyehˇ-ahˇnoeˬtmˬ-awˬ.

Jaceuq 31:24

SahˬpaˬMiˬyehˇ-ahˇdawˬ-eu deuˬ, guˆ-eu tiˬpawꞈ-iˬ maˬ ahˇ ni, nui ma kʼaˬduˬni bi jaˆ-awˬ.

Iˇsaˬyaˇ 35:4

Nui ma gʼaˬ baˬ luꞈ-eu tsawˇ haˬ deuˬ-ahˇ, “Gʼaˬ byehˆ maˬ byehˆ-ehˇ maˬ guˆ ni jawˇ-awˬ. Naw maꞈ-ahˇ ka kʼoꞈ nehˬ-awˇ, muiˇ-eu deuˬ-ahˇ kʼehˬ-eu gʼaˇ duˬ, Miˬyehˇ oe luꞈ meh” lehˇ ehˇ nehˬ-awˬ.

Daˬyeˬlaˇ 10:19

“Miˬyehˇ nawˬ-ahˇ gaˬ-eu meh. Kʼoeˇ miˇ neh, nawˇ tiˬ jeˬ-ahˇ-iˬ noeˬ shaˬ-awˇ taˬ guˆ” lehˇ aˬ yawꞈ ehˇ-eu meh. Aˬ yawꞈ kʼoeˇ loꞈ-ehˇ ehˇ gʼaˬ ngeh, ngaˇ gʼaˬ paˇ ahˇ dzehˬ laˇ-awˇ, heu loꞈ-ehˇ ehˇ-euˬ ma. “Yaw huiˬ yaw mahˇ gʼaˬ-oˇ, nawˇ ngaˬ-ahˇ dzawˇ nehˬ paˬ-ehˇ gʼeh-eu jeˬ dzawˇ nehˬ laꞈ-awˬ. Nawˬ neh ngaˬ-ahˇ gʼaˬ bi ahˇ dzehˬ laˇ-euˬ miˇ-a.”

Daˬyeˬlaˇ 11:32

Miˬyehˇ-ahˇ uˬ duˬ tahˬ-eu zahˇ sahˇ kʼoꞈ-ahˇ byehˇ dzeh-euˬ tsawˇ haˬ deuˬ-ahˇ aˬ yawꞈ mehˇ shuiˇ shuiˇ gʼaˬ nya kʼawꞈ, Miˬyehˇ-ahˇ maˬ byehˇ dzeh-eu tsawˇ haˬ deuˬ aˬ yawꞈ-ahˇ ziꞈ dah ni ciˬ daˬ tehꞈ-a.

Haˬgaiˇ 2:4

Ehˇ kʼawꞈ, naw maꞈ tiˬ gʼaˬ-iˬ nui ma taꞈ cawˆ. Zeˬluˇbaˬbeˬlaˇ-oˇ, Piˇ ma yaw huiˬ gʼaˬ pyeuꞈ-eu Yeˬhawˇzaˬdaˆ-euˬ aˬ li Yawˇshuˆ-oˇ, Miˇ kʼahˬ zaˬ dawˬ tawˆ luꞈ-oˇ, nui ma taˬ cawˆ. Naw maꞈ nehˬ-ehˇ ngaˇ jawˇ ma.

Zaˬkaˬliˇ 8:13

Yuˇdaˆ tsawˇ haˬ hawˇ-eu Iˇsaˬleˬlaˆ tsawˇ haˬ deuˬ-oˇ, dzeuˇ laˇ-euˬ aˇ yamˬ laꞈ kʼoeˇ aˬ cawˬ tsawˇ jeuˬ deuˬ tiˬ gʼaˬ tiˇ gʼaˬ yaˬ kʼehˇ yaˬ ngeh, ‘Yuˇdaˆ tsawˇ haˬ hawˇ-eu Iˇsaˬleˬlaˆ tsawˇ haˬ loꞈ-ehˇ guiˬ lahˬ doeˇ luꞈ-uˇʼ lehˇ ehˇ-awˇ yaˬ-euˬ meh. Ehˇ kʼawꞈ, naw maꞈ-ahˇ ngaˇ ka kʼoꞈ nehˬ ma. Kʼoeˇ ngeh jawˇ, ‘Yuˇdaˆ tsawˇ haˬ hawˇ-eu Iˇsaˬleˬlaˆ tsawˇ haˬ loꞈ-ehˇ guiˬ lahˬ za luꞈ-uˇʼ lehˇ, aˬ cawˬ tsawˇ jeuˬ kʼoeˇ deuˬ tiˬ gʼaˬ tiˇ gʼaˬ ehˇ tehꞈ-a. Teu miˇ neh, gʼaˬ byehˆ maˬ byehˆ-ehˇ, maˬ guˆ ni dehꞈ-awˬ.”

Zaˬkaˬliˇ 8:9

“Naw maꞈ gʼaˬ byehˆ taˬ byehˆ. Uˬ duˬ tahˬ nymˇ nymˇ ma tsoˆ muiˬ-eu lehˇ kʼaˬ lo gawˬ dahˬ beh ngeh, Miˬyehˇ gʼaˇ duˬ ngehˬ dah-euˬ deuˬ neh ehˇ-euˬ dawˬ kʼoeˇ, iˬ nah naw maꞈ paˇ ya gaˬ poˆ luꞈ-eu meh.

Maꞈtehˬ 25:13

“Tsawˇhaˬ-euˬ Zaˬmaˇ zaꞈ ka le-eu aˇ nah aˇ yamˬ naw maꞈ maˬ siˬ duˬ nya-eu miˇ neh, yaw beuˇ beuˇ-ehˇ dehꞈ-awˬ.

Maꞈtehˬ 26:41

Muˇ juˇ juˇ-eu mehˬ nah naw maꞈ maˬ ya caw teh gʼeh ni, guiˬ lahˬ shaˇ-awˇ yaw beuˇ beuˇ-ehˇ jawˇ-awˬ. Nui ma keuˆ kʼawꞈ, gʼawˇ mawˇ gʼaˬ baˬ meh.”

Luˇkaꞈ 21:36

Keuˆ le teuˇ le-eu gaˇ kawˆ kʼoeˇ deuˬ dawˬ tawˆ luꞈ-ahˇ, naw maꞈ dehꞈ dzeuˇ jawˇ dzeuˇ nya ni gʼaˬ tiˬ byah ahˇ-awˇ, Tsawˇhaˬ-euˬ Zaˬmaˇ mehˬ shi ya yawꞈ gaˇ dehꞈ keuˆ nya ni, aˬ myah luꞈ yaw beuˇ beuˇ-ehˇ jawˇ-awˇ guiˬ lahˬ shaˇ-awˬ.”

1 Gawˇliˬtu 14:20

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ shaˇ noeˬ shaˇ sawˇ-eu paw dzeˇ zaˬ yaw nyiˇ loꞈ-ehˇ taˬ bi pyeuꞈ. Yaw haiˬ jeˬ mˇ-eu paw dzeˇ-aˬ, iˬ baˇ mˇ-eu maˬ siˬ nya-eu zaˬ yaw nyiˇ loꞈ-ehˇ bi pyeuꞈ-awˇ, shaˇ noe shaˇ sawˇ-eu paw dzeˇ-aˬ, tsawˇ mawˬ tsawˇ kʼaˆ loꞈ-ehˇ bi pyeuꞈ-awˬ.

1 Gawˇliˬtu 15:58

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, gʼaˬ byehˆ maˬ byehˆ-ehˇ ziꞈ dah ni yawꞈ tehˬ taˬ-eu laꞈ kʼoeˇ, Sahˬpaˬ Yeˬsuˇ-euˬ gaˇ mˇ-eu yawꞈ ngehꞈ maˬ ngeuˇ-a lehˇ siˬ nya-awˇ, Sahˬpaˬ Yeˬsuˇ-euˬ gaˇ mˇ-eu leh jeh dui dui-awˬ.

2 Gawˇliˬtu 1:24

Naw maꞈ-euˬ jah-eu jeˬ-ahˇ nga maꞈ tuˆ tehˬ-awˇ uˆ lahˇ-eu lehˇ maˬ ngeuˇ. Jah-eu jeˬ laꞈ kʼoeˇ naw maꞈ ziꞈ dah ni yawꞈ luꞈ meh lehˇ nga maꞈ siˬ nya ma. Nga maꞈ-aˬ, naw maꞈ laˬ kʼaˬ cehˇ ni mˇ luꞈ-eu naw maꞈ-euˬ gaˇ mˇ cawˬ deuˬ pyeuꞈ-eu ma.

Gaˬlaˬtiˆ 5:1

Aˬ dui buˬ-iˇ-euˬ tsawˇ haˬ pyeuꞈ laˇ ni, Ka li neh aˬ dui-ahˇ bi buˬ-iˇ laꞈ-euˬ meh. Kʼoeˇ miˇ neh, buˬ-iˇ-euˬ tsawˇ haˬ loꞈ-ehˇ ziꞈ dah ni jawˇ-awˬ. Zaˬ kʼaˆ taˬ paˇ geuꞈ.

Eˇpeˇsu 3:16

Naw maꞈ-euˬ nui ma laꞈ kʼoeˇ gʼaˬ bi ahˇ laˇ ni, Yaw sahˇ Miˬyehˇ-ahˇ gʼoe-eu laꞈ kʼoeˇ aˬ yawꞈ-euˬ byah dui kuꞈ dui dui-eu yaw shehꞈ kʼahˬ sehˇ-euˬ baoˬ naw maꞈ-ahˇ biꞈ-eu gʼaˇ duˬ Miˬyehˇ-ahˇ ngaˇ shaˇ-eu ma.

Eˇpeˇsu 6:10

Aˇ saˬ saˬ-eu dawˬ heu loꞈ-ehˇ ehˇ-eu ma. Sahˬpaˬ Yeˬsuˇ-euˬ huiˬ-eu baoˬ-ahˇ gʼoe-awˇ, aˬ yawꞈ laꞈ kʼoeˇ gʼaˬ ahˇ laˇ-awˬ.

Piˇliˇpiˆ 1:27

Huiˬ-eu tiˬ jeˬ-aˬ, ngaˇ naw maꞈ-ahˇ haw keuˆ laˇ-eu maˬ kaˬ, maˬ haw keuˆ laˇ-eu maˬ kaˬ, naw maꞈ nui ma tiˬ siˬ tehꞈ-ehˇ taˬ-awˇ ziꞈ dah ni jawˇ luꞈ-eu gaˇ kawˆ hawˇ-eu, La kʼaˬ cehˇ-eu Guiˬ lahˬ dawˬ-ahˇ taꞈ-eu jah-eu jeˬ gʼaˇ duˬ naw maꞈ nui ma gm-awˇ deuˆ ceh ceh luꞈ-eu gaˇ kawˆ-ahˇ ngaˇ ya gaˬ ni, Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ tsaˬ ni dehꞈ gʼeh jawˇ gʼeh-awˬ.

Piˇliˇpiˆ 4:1

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, ngaˇ naw maꞈ-ahˇ gaˬ dui dui-awˇ, noeˬ mawˇ dui dui luꞈ ma. Naw maꞈ baˬ da neh ngaˇ laˬ kʼaˬ cehˇ dui dui-awˇ, naw maꞈ gaˇ kawˆ ngaˇ kʼahˬ sehˇ jehˆ luꞈ ma. Ngaˇ gaˬ-eu aˬ yuiꞈ aˬ nyiˇ deuˬ-oˇ, Sahˬpaˬ Yeˬsuˇ laꞈ kʼoeˇ, kʼoeˇ loꞈ-ehˇ ziꞈ dah ni dehꞈ-awˬ.

Piˇliˇpiˆ 4:13

Aˬ geu jeˬ keuˆ le-eu maˬ kaˬ, Ka li neh ngaˬ-ahˇ biꞈ laꞈ-euˬ baoˬ-ahˇ gʼoe-awˇ ciˬ daˬ coeˇ ma.

Gawˇlawˇsehˇ 1:23

Naw maꞈ jah-eu jeˬ laꞈ kʼoeˇ ziꞈ dah ni ya dehꞈ daˆ gʼeh-awˇ, Laˬ kʼaˬ cehˇ-eu Guiˬ lahˬ dawˬ ya gaˬ ngeh za taˬ-euˬ noeˬ tmˬ-eu jeˬ poˆ poˆ laˆ laˆ-ehˇ maˬ ya bi gʼeh-a. Ngaˇ Pawˇluˆ zaˬ kʼaˆ geuꞈ luꞈ-eu heu-aˬ, miˇ tsaˬ kʼoeˇ taˆ kʼaˇ jawˇ-eu tsawˇ haˬ yawˬ gʼaˬ na luꞈ-ahˇ mehˬ nehˬ-euˬ Laˬ kʼaˬ cehˇ-eu Guiˬ lahˬ dawˬ heu-euˬ gʼaˇ duˬ ma.

Gawˇlawˇsehˇ 4:12

Naw maꞈ-euˬ aˇ muˇ zaˬ tiˬ gʼaˬ pyeuꞈ-eu Yeˬsuˇ Ka li-euˬ gaˇ mˇ luꞈ-eu Iˇbaˬpaˬlaˇ kʼawꞈ, naw maꞈ-ahˇ dawˬ cawˬ puˬ ahˇ laꞈ-euˬ meh. Naw maꞈ gʼaˇ duˬ aˬ yawꞈ aˬ myah luꞈ guiˬ lahˬ shaˇ dui dui luꞈ meh. Naw maꞈ jah-eu laꞈ kʼoeˇ ziꞈ dah ni yawꞈ nya-eu gʼaˇ duˬ maˬ ehˇ, Ka li-ahˇ jah-eu paw ehˇ kʼaˇ maˬ za ni bi byah laˇ-eu gʼaˇ duˬ maˬ ehˇ, Miˬyehˇ-euˬ nui kʼahˇ-ahˇ tiˬ byah tiˬ loꞈ bi caw teh-eu gʼaˇ duˬ maˬ ehˇ, aˬ yawꞈ Miˬyehˇ-ahˇ guiˬ lahˬ shaˇ-eu maˬ tsehˆ leˇ-a.

Gawˇlawˇsehˇ 4:2

Aˬ myah luꞈ maˬ tsehˆ leˇ ni guiˬ lahˬ shaˇ-awˬ. Naw maꞈ guiˬ lahˬ shaˇ ngeh, Miˬyehˇ-euˬ guiˬ lahˬ-ahˇ ja ceuˬ ja ceuˬ-ehˇ, yaw beuˇ beuˇ-ehˇ shaˇ-awˬ.

1 Teˇsaˬloˇni 3:8

Naw maꞈ Sahˬpaˬ Yeˬsuˇ laꞈ kʼoeˇ ziꞈ dah ni jawˇ luꞈ naˇ, nga maꞈ yaw dehꞈ dehꞈ mahˇ tsahˇ ma.

1 Teˇsaˬloˇni 5:6

Kʼoeˇ miˇ neh, aˬ cawˬ yuꞈ kʼaˆ-eu loꞈ-ehˇ maˬ yuꞈ kʼaˆ ni jawˇ kaˇ-euˇ.

2 Teˇsaˬloˇni 2:15

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, jah-eu laꞈ kʼoeˇ ziꞈ dah ni dehꞈ-awˇ, nga maꞈ dawˬ mehˬ mehˬ-awˇ maˬ ehˇ, sahˬ boꞈ boꞈ-awˇ maˬ ehˇ, naw maꞈ-ahˇ mehˬ nehˬ tsoˆ nehˬ-euˬ yaw tsaˬ yaw dawˇ dawˬ-ahˇ ziꞈ dah ni tuˆ tehˬ taˬ-awˬ.

1 Tiˆmoˇseˬ 6:12

Yawˬ ha-euˬ gʼaˇ duˬ mˬ maˬ maˬ byaˆ zaˇ ziˇ dehꞈ-eu jeˬ-ahˇ za nya ni, jah-eu jeˬ laꞈ kʼoeˇ kʼaˇ gʼeh nya-eu loꞈ-ehˇ deuˆ ceh ceh-awˬ. Miˬyehˇ neh nawˬ-ahˇ kuˇ-awˇ, tsawˇ haˬ gʼawˬ mya ni mehˬ shi, nawˬ-euˬ jah-eu jeˬ-ahˇ nawˇ ziꞈ dah ni dehꞈ mehˬ-euˬ kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ gʼaˇ duˬ meh.

2 Tiˆmoˇseˬ 2:1

Ngaˬ li-oˇ, Yeˬsuˇ Ka li laꞈ kʼoeˇ aˬ dui za taˬ-euˬ guiˬ lahˬ yaw dzahˇ baˬ da neh gʼaˬ ahˇ-awˬ.

2 Tiˆmoˇseˬ 4:5

Ehˇ kʼawꞈ nawˇ-aˬ, aˬ jeˬ pyeuꞈ kʼawꞈ yawˬ ha-euˬ nui ma-ahˇ gʼaˬ leˇ-awˇ, shaˬ-eu zahˬ-eu jeˬ-ahˇ daˬ-eu laꞈ koeˇ Laˬ kʼaˬcehˇ-eu Guiˬ lahˬ dawˬ mehˬ mehˬ-ehˇ, Miˬyehˇ-euˬ zaˬ kʼaˆ tiˬ gʼaˬ loꞈ-ehˇ nawˬ-euˬ gaˇ-ahˇ yaw muiˬ paˬ-ehˇ mˇ-awˬ.

2 Tiˆmoˇseˬ 4:7

Cehˆ ceh ceh-eu heu laꞈ kʼoeˇ, ngaˇ kʼaˇ gʼeh nya-eu loꞈ-ehˇ cehˆ-euˬ ma. Aˇ saˬ saˬ ngeh keuˆ ni cehˆ-awˇ, jah-eu jeˬ-ahˇ ziꞈ dah ni tuˆ tehˬ luꞈ-eu ma.

Yawˇshuˆ 1:18

Nawˇ uˆ lahˇ-eu uˬ moˆ maˬ jawˇ mawꞈ-ehˇ, nawˬ-euˬ ehˇ dawˬ-ahˇ maˬ naˇ haˬ geuꞈ-eu tsawˇ haˬ aˬ geu gʼaˬ maˬ kaˬ, sehꞈ gaˇ ya daˬ tehꞈ-a.Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ.”

Yawˇshuˆ 1:9

Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ lehˇ, ngaˇ nawˬ-ahˇ ehˇ-eu dawˬ heu dawˬ-ahˇ taˬ ngehˇ. Guˆ-eu jeˬ maˬ ehˇ, gʼaˬ baˬ-eu jeˬ maˬ ehˇ, nawˬ-euˬ nui ma laꞈ kʼoeˇ taˬ bi pyeuꞈ doˆ laˇ. Aˬ jeˬ miˇ neh ehˇ naˇ, nawˬ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ gʼaˬ, nawˇ kʼaˇ iˇ kʼaˇ laˇ gaˇ nawˬ nehˬ-ehˇ jawˇ ma.”

1 Beˬtuˆluˆ 4:7

Yawˬ jeˬ na luꞈ laꞈ kʼoeˇ aˇ saˬ saˬ-eu aˇ yamˬ peh le-euˬ meh. Kʼoeˇ miˇ neh, naw maꞈ guiˬ lahˬ shaˇ nya-eu gʼaˇ duˬ yawˬ ha-euˬ nui ma-ahˇ gʼaˬ leˇ ni nyehꞈ tehˬ-awˇ, yaw beuˇ beuˇ-ehˇ dehꞈ-awˬ.

1 Beˬtuˆluˆ 5:8

Yaw beuˇ beuˇ-ehˇ dehꞈ-awˇ, yaw zoˇ zoˇ-ehˇ haw tsoˆ taˬ-awˬ. Naw maꞈ-ahˇmuiˇ-eu Nehꞈ sahˬ paˬ-aˬ, tsawˇ haˬ-ahˇ kawꞈ sehꞈ dzaˬ-eu lehˇ joeˬ joeˬ-ehˇ cah-eu aˇ laˬ jaˬ shiˇ loꞈ-ehˇ naw maꞈ-ahˇ shahˇ luꞈ meh.

Panmaeq 16:15

“Naˇ haˬ-awˬ. smˇ kʼoeˬ tahˇ joe oe-eu loꞈ-ehˇ ngaˇ oe luꞈ-eu ma. Neˇ myawˆ ni maˬ ya cah-ehˇ aˬ cawˬ mehˬ shi maˬ ya shaꞈ dawˇ ni, yaw beuˇ beuˇ-ehˇ dehꞈ-awˇ mehˬ tsoeˬ yaw muiˬ-ehˇ dm gʼoeˬ-eu tsawˇ haˬ guiˬ lahˬ huiˬ-eu meh.”

1 Saˬmeuˬlaˆ 4:9

Piˇliˇtiˆ tsawˇ haˬ deuˬ-oˇ, nui ma kʼaˬ duˬ ni taˬ-eu laꞈ kʼoeˇ, kʼaˬ dzeˇ zaˬ-euˬ nui ma pi-awˇ guiˇ deuˆ-awˬ. Kʼoeˇ loꞈ-ehˇ noeˬ tsehˆ-awˇ maˬ deuˆ naˇ, Heˬbyehˇ tsawˇ haˬ deuˬ aˬ dui-euˬ zaˬ kʼaˆ geuꞈ-euˬ loꞈ-ehˇ, aˬ dui maꞈ kʼawꞈ aˬ yawꞈ maꞈ-euˬ zaˬ kʼaˆ paˇ ya geuꞈ poˆ tehꞈ-a. Teu miˇ neh kʼaˬ dzeˇ zaˬ-euˬ nui ma pi-awˇ guiˇ deuˆ kaˇ-euˇ.”