1 Gawˇliˬtu 15:56 - Akha

⁵⁶ Shiˇ-eu jeˬ-euˬ byaˬ iˬ-aˬ, iˬ baˇ meh. Iˬ baˇ-euˬ baoˬ-aˬ, Zahˇ dawˬ kʼoꞈ dawˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵⁶ Shir-eu jeq-euq byaqiq-aq, iqbax mae. Iqbax-euq baoq-aq, zanrdawq mae.

1 Gawˇliˬtu 15:56 ပူးပေါင်းရင်းမြစ်များ

Dawqdaq 14:32

Yaw haiˬ deuˬ-euˬ bawˬ toˆ yawˬ haˇ yawˬ ha paꞈ lah-awˇ, yaw tsaˬ yaw dawˇ mˇ-eu guiˬ lahˬ, tsawˇ shiˇ uˬ kʼawˇ dzeuˇ-iˇ-eu meh.

Yoˇhaˬ 8:21

Yeˬsuˇ aˬ yawꞈ maꞈ-ahˇ heu loꞈ-ehˇ ehˇ nehˬ-euˬ meh. “Ngaˇ le ma. Naw maꞈ ngaˬ-ahˇ poˆ tehꞈ-a. Ehˇ kʼawꞈ, naw maꞈ-euˬ iˬ baˇ laꞈ kʼoeˇ naw maꞈ ya shiˇ tehꞈ-a. ngaˇ le-eu jawˇ duˬ-ahˇ naw maꞈ maˬ le nya-a.”

Yoˇhaˬ 8:24

Kʼoeˇ miˇ neh, naw maꞈ-euˬ iˬ baˇ laꞈ kʼoeˇ naw maꞈ ya shiˇ meh lehˇ ngaˇ ehˇ-eu ma. ‘Ngaˇ ehˇ luꞈ-eu kʼoeˇ gʼaˬ ngaˇ meh’ lehˇ naw maꞈ maˬ jah naˇ, naw maꞈ yawˬ ha-euˬ iˬ baˇ laꞈ kʼoeˇ ya shiˇ tehꞈ-a.”

Lormav 4:15

Zahˇ dawˬ kʼoꞈ dawˬ-aˬ, Miˬyehˇ nui ma pehˇ-eu jeˬ bi keuˆ le-eu meh. Ehˇ kʼawꞈ, zahˇ dawˬ kʼoꞈ dawˬ maˬ jaˆ gaˇ-aˬ, zahˇ dawˬ kʼoꞈ dawˬ-ahˇ mˇ bahˬ-eu jeˬ kʼawꞈ maˬ jaˆ-aˇ.

Lormav 5:15

Ehˇ kʼawꞈ, tsawˇ haˬ kʼoeˇ nyiˬ gʼaˬ beu gaˇ duˬ jaˆ-eu meh. Aˬ jeˬ miˇ neh ehˇ naˇ, Miˬyehˇ neh yawꞈ ngehꞈ-ehˇ biꞈ laꞈ-euˬ laꞈ sawˬ kʼoeˇ-aˬ, Aˬdaˬ neh iˬ baˇ mˇ-euˬ gaˇ maˬ duˇ leˇ-a. Tsawˇ haˬ kʼoeˇ tiˬ gʼaˬ-euˬ iˬ baˇ baˬ da neh tsawˇ haˬ gʼawˬ mya ni ya shiˇ-euˬ ngeuˇ meh. Ehˇ kʼawꞈ, Miˬyehˇ-euˬ guiˬ lahˬ yaw dzahˇ gʼaˬ kʼaˆ dzehˬ-awˇ, Yeˬsuˇ Ka li lehˇ kuˇ-eu tsawˇ haˬ tiˬ gʼaˬ-ahˇ gʼoe-eu laꞈ kʼoeˇ tsawˇ haˬ gʼawˬ mya ni-ahˇ yawꞈ ngehꞈ-ehˇ biꞈ nehˬ-euˬ meh.

Lormav 5:17

Tsawˇ haˬ tiˬ gʼaˬ iˬ baˇ mˇ-euˬ miˇ neh, tsawˇ haˬ kʼoeˇ gʼaˬ baˬ da neh miˇ tsaˬ kʼoeˇtaˆ shiˇ-eu jeˬ uˆ lahˇ le-euˬ meh. Ehˇ kʼawꞈ, Yeˬsuˇ Ka li lehˇ kuˇ-eu tsawˇ haˬ tiˬ gʼaˬ neh mˇ-euˬ jeˬ-aˬ, kʼoeˇ naˆ maˬ tseˇ gʼaˬ kʼaˆ dzehˬ-eu meh. Huiˬ dui myaˬ dui dui-eu Miˬyehˇ-euˬ guiˬ lahˬ hawˇ-eu, Miˬyehˇ-ahˇ tsaˬ leˇ tsahˇ leˇ-eu jeˬ yawꞈ ngehꞈ-ehˇ za taˬ-euˬ tsawˇ haˬ dawˬ tawˆ luꞈ, Yeˬsuˇ Ka li baˬ da neh yaw dehꞈ-ehˇ ya uˆ lahˇ tehꞈ-a.

Lormav 5:20

Zahˇ dawˬ kʼoꞈ dawˬ biꞈ leꞈ-euˬ-aˬ, yaw lehˬ mˇ-eu bi myaˬ laˇ-eu gʼaˇ duˬ meh. Ehˇ kʼawꞈ, iˬ baˇ kʼaˇ myaˬ laˇ gaˇ Miˬyehˇ-euˬ guiˬ lahˬ kʼoeˇ myaˆ maˬ tseˇ myaˬ laˇ luꞈ-eu meh.

Lormav 6:23

Aˬ jeˬ miˇ neh ehˇ naˇ, iˬ baˇ-euˬ aˇ poeˬ-aˬ, shiˇ-eu jeˬ pyeuꞈ-eu meh. Ehˇ kʼawꞈ, Miˬyehˇ neh yawꞈ ngehꞈ-ehˇ biꞈ nehˬ laꞈ-euˬ laꞈ sawˬ-aˬ, aˬ dui-euˬ Sahˬpaˬ Yeˬsuˇ Ka li laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ pyeuꞈ-eu meh.

HeˬByehˇ 9:27

Tsawˇ haˬ yawˬ gʼaˬ na luꞈ tiˬ poˆ ya shiˇ-awˇ, shiˇ gʼaˬ ngeh Miˬyehˇ neh yaˇ kʼaˬ ya bi daˇ tehꞈ-a.