1 Gawˇliˬtu 15:5 - Akha

⁵ kʼoeˇ naˇ, Beˬtuˆluˆ hawˇ-eu zaˬ lahˇ tseˇ nyiꞈ gʼaˬ-ahˇ bi mawˇ le-euˬ gaˇ kawˆ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Khoernar-aq, aqyawf-euq mawrdo Geqpar-anr bimawr-awr, ghaqkhaer 12 ghaq-anr khawf bimawr-euq mae.

1 Gawˇliˬtu 15:5 ပူးပေါင်းရင်းမြစ်များ

Maˬkuˆ 16:14

Aˇ saˬ saˬ-eu poˆ, zaˬ lahˇ tseˇ tiꞈ gʼaˬ hawˬ dzaˬ dzaˬ luꞈ gaˇ Yeˬsuˇ gʼawˇ mawˇ bi mawˇ le-euˬ meh. Aˬ yawꞈ maꞈ maˬ jah ni nui ma gʼahˇ gaˇ aˬ yawꞈ dehˬ-euˬ meh. Aˬ jeˬ miˇ neh ehˇ naˇ, aˬ yawꞈ gʼoꞈ dehꞈ laˇ-awˇ jawˇ gaˇ ya mawˇ-euˬ deuˬ neh dzawˇ nehˬ-euˬ dawˬ-ahˇ aˬ yawꞈ maꞈ maˬ jah-a.

Yoˇhaˬ 1:42

Kʼoeˇ naˇ, Siˇmoˬ-ahˇ Yeˬsuˇ jawˇ gaˇ aˬ yawꞈ sheuˬ gʼeh-euˬ meh. Yeˬsuˇ Siˇmoˬ-ahˇ haw-awˇ ehˇ-eu, “Nawˬ-euˬ tsawˇ myahˇ-aˬ, Yoˇhaˬ-euˬ aˬ li Siˇmoˬ meh. Ehˇ kʼawꞈ, nawˬ-ahˇ Geˬpaˇ lehˇ kuˇ tehꞈ-a.” lehˇ ehˇ nehˬ-euˬ meh. (ʼGeˬpaˇʼ hawˇ-eu ʼBeˬtuˆluˆʼ lehˇ ehˇ-eu tsawˇ myahˇ heu nyiˬ myahˇ dawˬ tsuiꞈ duˇ leˇ-awˇ, ʼKʼaˬ loʼ lehˇ ehˇ mawꞈ-eu meh.

Gʼaˬkʼehˇ 10:41

Ehˇ kʼawꞈ, tsawˇ haˬ dawˬ tawˆ luꞈ-ahˇ bi mawˇ le-euˬ maˬ ngeuˇ-a. Gaˇ kawˆ heu saˇ kiˇ bi kamˬ-eu gʼaˇ duˬ yaw duˬ duˬ-ehˇ bi mawˇ duˬ-eu lehˇ, yaw beh neh Miˬyehˇ neh tseˇ doˆ taˬ-euˬ tsawˇ haˬ deuˬ pyeuꞈ-eu nga maꞈ heu myaˆ gʼaˬ-ahˇ bi mawˇ laꞈ-euˬ tehꞈ meh. Aˬ yawꞈ gʼoꞈ dehꞈ laˇ gʼaˬ miˇ tsa, nga maꞈ aˬ yawꞈ nehˬ-ehˇ dzaˬ taꞈ dawˇ taꞈ-euˬ ma.

1 Gawˇliˬtu 1:12

Ngaˇ ehˇ mawꞈ-euˬ-aˬ, naw maꞈ yaw kaˬ “Ngaˇ-aˬ, Pawˇluˆ-ahˇ taꞈ-eu ma.” “Ngaˇ-aˬ, Aˬpawˇluˆ-ahˇ taꞈ-eu ma.” “Ngaˇ-aˬ, Beˬtuˆluˆ-ahˇ taꞈ-eu ma.” “Ngaˇ-aˬ, Ka li-ahˇ taꞈ-eu ma” lehˇ, tiˬ gʼaˬ tiˬ jeˬ ehˇ-eu meh.

1 Gawˇliˬtu 3:22

Pawˇluˆ maˬ ehˇ, Aˬpawˇluˆ maˬ ehˇ, Beˬtuˆluˆ maˬ ehˇ, miˇ tsaˬ tahˬ kʼawˇ maˬ ehˇ, dehꞈ-eu hawˇ-eu shiˇ-eu maˬ ehˇ, heu ziˇ hawˇ-eu aˬ kaˇ kaˇ ziˇ maˬ ehˇ, dawˬ tawˆ luꞈ naw maꞈ-ahˇ oꞈ-eu meh.

1 Gawˇliˬtu 9:5

Gʼaˬ kʼehˇ nui deuˬ pyeuꞈ-eu Sahˬpaˬ Yeˬsuˇ-euˬ mehˇ nmˇ deuˬ hawˇ-eu Beˬtuˆluˆ maꞈ loꞈ-ehˇ, ngaˇ gʼeh Ka li-ahˇ jah-eu miˬ zaˬ tiˬ gʼaˬ sheuˬ-awˇ cah-eu aˬ kawˬ-aˬ maˬ jaˆ ta loˇ.