1 Gawˇliˬtu 15:34 - Akha

³⁴ Yaw tsaˬ yaw dawˇ jawˇ paw gʼoꞈ kʼoꞈ laˇ-awˇ, iˬ baˇ maˬ mˇ ni byehˇ-awˬ. Naw maꞈ tiˬ paˆ na deuˬ Miˬyehˇ-ahˇ maˬ siˬ nya nga lehˇ, naw maꞈ bi shaꞈ dawˇ ni ngaˇ ehˇ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁴ Nawmaf, tsaq-awr dawr-eu paw uqnoeq beurlar-awr, iqbax taqmr. Aqjeq mirnae aernar-aq, tsawrhaq tiqpavnav deuq Miqyaer-anr siqnya-eu tsawrganr maqanr nga. Ngar, nawmaf bi shafdawr-eu laer heulof-aer aer-eu ma.

1 Gawˇliˬtu 15:34 ပူးပေါင်းရင်းမြစ်များ

Jaceuq 119:11

Nawˬ-ahˇ ngaˇ maˬ ya mˇ bahˬ ni, nawˬ-euˬ zahˇ dawˬ kʼoꞈ dawˬ nui ma laꞈ kʼoeˇ pi ma.

Jaceuq 4:4

Guˆ-awˇyaw dzuˬdzuˬ-eu laꞈkʼoeˇ, iˬbaˇmˇ-eu jeˬ byehˇdzeh-awˬ. Yuꞈ zaˇ-ahˇ ciˬcuˇni yuꞈngeh, gaˇkawˆheu-ahˇ shaˇnoeˬduˬ-awˬ.

Yeˬlaˬmiˇ 9:3

Aˬ yawꞈ maꞈ aˬ myah luꞈ jaˬ myawꞈ myawꞈ-awˇ, yaw sui yaw dawˇ jeˬ uˆ lahˇ-eu dah zaˇ, maˬ sui maˬ dawˇ-eu jeˬ miˇ kʼahˬ heu-ahˇ uˆ lahˇ luꞈ meh. Sahˬpaˬ Miˬyehˇ ehˇ-eu, “Ngaˬ-euˬ tsawˇ haˬ heu deuˬ yaw haiˬ kʼoeˇ taˆ yaw haiˬ jeˬ mˇ daˆ-awˇ, ngaˬ-ahˇ aˬ yawꞈ maꞈ-euˬ Miˬyehˇ lehˇ maˬ sawˇ-a.”

Yawˇlaˆ 1:5

Jiˇ dawˇ kʼaˆ-eu tsawˇ haˬ deuˬ-oˇ, uˬ noeˬ beuˇ laˇ-awˇ neh ngoeˇ-awˬ. Aˬ gaꞈ dzaˇ uiˇ kʼaˇ dawˇ-eu deuˬ, yaw kʼaˆ-ehˇ guˇ guˇ-ehˇ ngoeˇ-awˬ. Aˬ gaꞈ baw duˆ laˆ cawˆ jiˇ-awˇ, aˬ gaꞈ dzaˇ uiˇ maˬ paˇ jaˆ meh.

Yawˇnaˆ 1:6

Saˇ baoˬ kʼoeˇ laˇ kʼoeˇ taˆ aˬ yuiꞈ geuꞈ-eu gʼaˬ aˬ yawꞈ-ahˇ mawˇ-awˇ, “Nawˇ aˬ jeˬ gʼeh-eu lehˇ teu naˆ naˆ-ehˇ yuꞈ sehꞈ taˬ teˬ. Tuˇ-awˇ nawˬ-euˬ miˬ yehˇ-ahˇ guiˬ lahˬ shaˇ-awˬ tawˇ. Aˬ yawꞈ aˬ dui maꞈ-ahˇ gʼawˬ shaˬ haw gaˬ-awˇ shiˇ gaˇ maˬ bi keuˆ law hawˇ maˬ siˬ tawˇ” lehˇ ehˇ-eu meh.

Maꞈtehˬ 22:29

Aˬ yawꞈ maꞈ-ahˇ Yeˬsuˇ ehˇ nehˬ-eu, “Naw maꞈ lehˬ dui dui meh. Aˬ jeˬ miˇ neh ehˇ naˇ, naw maꞈ Jaˇliꞈ maˬ siˬ nya-a.

Yoˇhaˬ 5:14

Kʼoeˇ naˇ kʼah, Uˬ duˬ tahˬ nymˇ nymˇ ma-euˬ lahˇ laꞈ kʼoeˇ tsawˇ haˬ kʼoeˇ gʼaˬ-ahˇ Yeˬsuˇ paˇ tahˬ puˬ-awˇ ehˇ nehˬ-eu, “Naˇ haˬ sheˇ. Nymˬ-mˇ nawˇ jawˇ saˇ doˆ laˇ-euˬ meh. Teu miˇ neh iˬ baˇ taˬ paˇ mˇ. Maˬ ngeuˇ naˇ yaw beh naˆ maˬ tseˇ nawˇ paˇ ya shaˬ tehꞈ-a.”

Yoˇhaˬ 8:11

Aˬ yawꞈ ehˇ-eu, “Sahˬpaˬ-oˇ, tiˬ gʼaˬ-iˬ maˬ paˇ jawˇ meh.” Yeˬsuˇ ehˇ-eu, “Ngaˇ jiˇ nawˬ-ahˇ iˬ baˇ maˬ poˆ. Gʼoꞈ-iˇ-awˬ. Ehˇ kʼawꞈ, iˬ baˇ taˬ paˇ mˇ de.”

Gʼaˬkʼehˇ 26:8

Aˬ jeˬ miˇ neh naw maꞈ heu gaˇ uiˬ laˇ taˬ-euˬ tsawˇ haˬ deuˬ, shiˇ-euˬ tsawˇ haˬ-ahˇ Miˬyehˇ bi gʼoꞈ dehꞈ laˇ nya meh lehˇ ehˇ gaˇ maˬ jah coeˇ te.”

Lormav 1:28

Miˬyehˇ gaˇ kawˆ dawˇ coe ni siˬ nya taˬ paˬ-ehˇ gʼeh-eu jeˬ-ahˇ aˬ yawꞈ maꞈ maˬ shaˇ noeˬ-eu baˬ da neh, aˬ yawꞈ maꞈ maˬ mˇ kʼmˬ-eu jeˬ mˇ ni, bahˬ dui jawꞈ dui dui-eu jeˬ mˇ-eu nui ma jaˆ gaˇ, Miˬyehˇ neh aˬ yawꞈ maꞈ-ahˇ a dzeh nehˬ-euˬ meh.

Lormav 13:11

Naw maꞈ kʼoeˇ loꞈ-ehˇ ya mˇ meh. Aˬ jeˬ miˇ neh ehˇ naˇ, yuꞈ kʼaˆ taˬ-euˬ noeˬ laˇ-eu aˇ yamˬ tsaˬ laˇ-euˬ meh lehˇ naw maꞈ siˬ nya meh. Miˬyehˇ aˬ dui-ahˇ ka kʼoꞈ-eu aˇ yamˬ-aˬ, aˬ dui jah dahˬ beh ngeh naˆ maˬ tseˇ nymˬ-mˇ peh dzehˬ laˇ-euˬ meh.

1 Gawˇliˬtu 4:14

Naw maꞈ bi shaꞈ dawˇ-iˇ-eu lehˇ sahˬ boꞈ heu taꞈ ngaˇ boꞈ-eu maˬ ngeuˇ. Ngaˇ gaˬ dui dui-eu zaˬ deuˬ loꞈ-ehˇ naw maꞈ-ahˇ ngaˇ mehˬ-eu tsoˆ-eu jeˬ pyeuꞈ-eu ma.

1 Gawˇliˬtu 6:5

Naw maꞈ shaꞈ dawˇ dui dui paˬ-ehˇ gʼeh-eu meh. Ka li zaˬ yaw kaˬ ja dzaˬ-eu jeˬ doˆ laˇ ngeh, jahˇ tsaˬ nehˬ nya-eu noeˬ dahˇ doe-eu tsawˇ haˬ naw maꞈ laꞈ kʼoeˇ maˬ jawˇ-ehˇ gʼeh tehꞈ-a loˇ.

1 Gawˇliˬtu 8:7

Ehˇ kʼawꞈ, yawˬ gʼaˬ na luꞈ kʼoeˇ loꞈ-ehˇ siˬ nya-eu zaˬ siˬ tsawˇ gahˇ ahˇ-eu maˬ ngeuˇ-a. Tsawˇ haˬ tiˬ paˆ na deuˬ-aˬ, tahˬ pahˬ aˬ ma mawˇ kawˇ-ahˇ jah sheuˆ taˬ-euˬ miˇ neh, kʼoeˇ loꞈ-ehˇ gʼeh-eu lawˇ dzaˇ-ahˇ dzaˬ ngeh, tahˬ pahˬ aˬ ma mawˇ kawˇ-euˬ dzaˇ meh lehˇ noeˬ luꞈ-eu meh. Aˬ yawꞈ maꞈ-euˬ siˬ nya-eu nui ma gʼaˬ baˬ-eu miˇ neh, dzaˇ kʼoeˇ tsawˇ haˬ-ahˇ laˆ jawꞈ-eu meh lehˇ noeˬ-eu meh.

Eˇpeˇsu 5:14

Aˬ jeˬ miˇ neh ehˇ naˇ, bya cehˆ ni bi mawˇ duˬ laˇ-eu yawˬ jeˬ na luꞈ yaw shehꞈ pyeuꞈ-eu meh. Kʼoeˇ miˇ neh, heu loꞈ-ehˇ ehˇ taˬ-euˬ jaˆ-eu meh. “Yuꞈ kʼaˆ taˬ-euˬ deuˬ noeˬ laˇ-awˇ, shiˇ-euˬ gʼoꞈ dehꞈ laˇ-awˬ. Ka li yaw shehꞈ biꞈ laꞈ tehꞈ-a.” lehˇ ehˇ taˬ-euˬ jaˆ-eu meh.

1 Teˇsaˬloˇni 4:5

Miˬyehˇ-ahˇ maˬ siˬ nya-eu tsawˇ haˬ loꞈ-ehˇ, yawˬ ha-euˬ nui kʼahˇ laˆ shiˇ-eu gʼaˇ duˬ tehꞈ-ehˇ miˬ zaˬ sheuˬ taˬ-euˬ jeˬ maˬ ya bi pyeuꞈ-a.