1 Gawˇliˬtu 15:28 - Akha

²⁸ Ehˇ kʼawꞈ, dawˬ tawˆ luꞈ-ahˇ Ka li uˆ lahˇ-eu uˬ moˆ bi jawˇ gʼaˬ ngeh, Zaˬmaˇ pyeuꞈ-eu aˬ yawꞈ-aˬ, dawˬ tawˆ luꞈ-ahˇ aˬ yawꞈ-euˬ uˬ moˆ bi jawˇ ni jahˇ-eu gʼaˬ pyeuꞈ-eu Miˬyehˇ-euˬ uˬ moˆ jawˇ tehꞈ-a. Kʼoeˇ ngeh jawˇ, dawˬ tawˆ luꞈ kʼoeˇ taˆ Miˬyehˇ uˆ lahˇ jiˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Yawqjeq navluf Kali-euq uqmov bijawr bijav-euq nar-aq, yawqjeq navluf Kali-euq uqmov bijawr bijav-euq ghaq-euq uqmov, Zaqyo khawf jawr taef-a. Khoerngae, Miqyaer, dawqtawv luf-euq lafkhoer yawqjeq navluf pyeuf taef-a.

1 Gawˇliˬtu 15:28 ပူးပေါင်းရင်းမြစ်များ

Jaceuq 18:39

Muiˇ-eu deuˬ-ahˇdeuˆgʼaˬnya ni, nawˇngaˬ-ahˇgʼaˬbiꞈnehˬlaꞈ-awˇ, aˬyawꞈmaꞈ-ahˇngaˇdzoeˬ-euˬma.

Jaceuq 18:47

muiˇ-eu deuˬ-ahˇlaꞈpoˆpoˆ-awˇ, aˬcawˬtsawˇjeuˬdawˬtawˆkʼoeˇtaˆ, ngaˬ-ahˇbi dzoeˬpoˆlaꞈ-euˬmeh.

Yoˇhaˬ 14:28

‘Ngaˇ naw maꞈ-ahˇ byehˇ yaꞈ-euˬ kʼawꞈ, tiˬ poˆ paˇ oe ma’ lehˇ, naw maꞈ-ahˇ ehˇ nehˬ gʼaˬ-euˬ ma. Naw maꞈ ngaˬ-ahˇ gaˬ law nmˇ-aˬ, ngaˇ Aˬda jawˇ gaˇ gʼoꞈ leˇ ngeh, naw maꞈ laˬ kʼaˬ cehˇ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, ngaˇ naˆ maˬ tseˇ huiˬ dzehˬ mahˇ dzehˬ-eu meh.

1 Gawˇliˬtu 11:3

Ehˇ kʼawꞈ, Ka li-aˬ, tsawˇ haˬ yawˬ gʼaˬ na luꞈ-euˬ uˬ duˬ pyeuꞈ-eu gaˇ kawˆ maˬ ehˇ, kʼaˬ dzeˇ zaˬ-aˬ miˬ zaˬ-euˬ uˬ duˬ pyeuꞈ-eu gaˇ kawˆ maˬ ehˇ, Miˬyehˇ-aˬ Ka li-euˬ uˬ duˬ pyeuꞈ-eu gaˇ kawˆ maˬ ehˇ, naw maꞈ bi gʼoˆ shaw mawꞈ miˇ-a.

1 Gawˇliˬtu 12:6

Miˬyehˇ gaˇ mˇ ngeh, tiˬ gʼaˬ tiˇ gʼaˬ mˇ nya-eu jeˬ maˬ duˇ leˇ-a. Ehˇ kʼawꞈ, aˬ yawꞈ gʼaˬ yawꞈ-ahˇ geuˇ-eu bym-eu nya-eu jeˬ, Miˬyehˇ tiˬ gʼaˬ neh tehꞈ-ehˇ biꞈ taˬ-euˬ meh

1 Gawˇliˬtu 15:29

Nymˬ-mˇ poˆ jawˇ-aˬ, shiˇ dzeuˇ-euˬ tsawˇ haˬ deuˬ-euˬ dah zaˇ iˇ cuꞈ bi shawˇ-eu deuˬ-euˬ gaˇ kawˆ aˬ joˆ-ehˇ ehˇ nmˇ. Aˬ yawꞈ maꞈ aˬ jeˬ-ahˇ noeˬ tmˬ-awˇ kʼoeˇ loꞈ-ehˇ mˇ ta. Shiˇ-euˬ tsawˇ haˬ-ahˇ maˬ bi gʼoꞈ dehꞈ laˇ nya-aˇ lehˇ tsawˇ haˬ tiˬ paˆ na deuˬ ehˇ-eu kʼoeˇ tsaˬ-eu ngeuˇ naˇ, aˬ jeˬ miˇ neh tsawˇ haˬ kʼoeˇ deuˬ shiˇ dzeuˇ-euˬ deuˬ-euˬ dah zaˇ iˇ cuꞈ bi shawˇ ta.

1 Gawˇliˬtu 3:23

Naw maꞈ-aˬ, Ka li-euˬ pyeuꞈ-awˇ, Ka liˬaˬ, Miˬyehˇ-euˬ pyeuꞈ-eu meh.

Eˇpeˇsu 1:23

Ka li zaˬ aˇ muˇ-aˬ, Ka li tiˬ byah ni jawˇ-eu Ka li-euˬ gʼawˇ mawˇ meh. Ka li-aˬ, yawˬ jeˬ na luꞈ-ahˇ yawˬ gaˇ na luꞈ bi byah laˇ-eu gʼaˬ meh.

Piˇliˇpiˆ 3:21

Kʼaˇ jawˇ kʼaˇ jaˆ-eu jeˬ dawˬ tawˆ luꞈ, aˬ yawꞈ uˆ lahˇ-eu uˬ moˆ bi jawˇ ni jahˇ nya-eu aˬ yawꞈ-euˬ baoˬ kʼoeˇ-ahˇ gʼoe-awˇ, buꞈ-iˇ cehˇ-iˇ nya-eu aˬ dui-euˬ gʼawˇ mawˇ heu-ahˇ, yaw shehꞈ kʼahˬ sehˇ byah-eu aˬ yawꞈ-euˬ gʼawˇ mawˇ-ahˇ duˇ leˇ ni beˬ paˇ nehˬ laꞈ tehꞈ-a.

Gawˇlawˇsehˇ 3:11

Kʼoeˇ miˇ neh, Yuˇdaˆ tsawˇ haˬ maˬ ngeuˇ-eu deuˬ hawˇ-eu Yuˇdaˆ tsawˇ haˬ yaw kaˬ maˬ ehˇ, baˆ kʼoˆ mehˬ dzaˬ yehˬ-euˬ deuˬ hawˇ-eu maˬ yehˬ-euˬ deuˬ yaw kaˬ maˬ ehˇ, yawˬ kʼahˬ yaw miˇ yawˬ-ahˇ-euˬ tsawˇ haˬ deuˬ maˬ ehˇ, zahˇ sahˇ kʼoꞈ maˬ baw-eu tsawˇ haˬ deuˬ maˬ ehˇ, zaˬ kʼaˆ maˬ ehˇ, zaˬ kʼaˆ maˬ ngeuˇ-eu deuˬ maˬ ehˇ, beu gaˇ duˬ tiˬ pawꞈ-iˬ maˬ paˇ jaˆ meh. Dawˬ tawˆ luꞈ Ka li-ahˇ uˬ duˬ duˬ leˇ-awˇ, dawˬ tawˆ luꞈ Ka li laꞈ kʼoeˇ jawˇ-eu meh.