1 Gawˇliˬtu 15:18 - Akha

¹⁸ Ka li-ahˇ jah-eu shiˇ dzeuˇ-euˬ tsawˇ haˬ deuˬ kʼawꞈ, piˬ-iˇ byoˆ-iˇ jiˇ-euˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Khoeruqtaf, Kali-euq lafkhoer yufkhav dzeur-euq tsawrhaq deuq khawf cawv-ir jirdzeur-euq taef-a.

1 Gawˇliˬtu 15:18 ပူးပေါင်းရင်းမြစ်များ

Gʼaˬkʼehˇ 7:60

Aˬ yawꞈ pawˬ tsuiꞈ pawˬ dmˬ ga dmˬ-awˇ, “Sahˬpaˬ-oˇ, aˬ yawꞈ maꞈ neh mˇ-euˬ yaw lehˬ heu, aˬ yawꞈ maꞈ-ahˇ iˬ baˇ taˬ taˬ nehˬ.” lehˇ ehˇ-eu meh. Aˬ yawꞈ kʼoeˇ loꞈ-ehˇ ehˇ gʼaˬ-awˇ shiˇ tsehˆ-euˬ meh.

1 Gawˇliˬtu 15:6

Kʼoeˇ naˇ, aˬ yawꞈ mehˬ nah caw teh-eu tsawˇ haˬ ngaˬ heˇ gʼaˬ dzehˬ ni-ahˇ, aˬ yawꞈ tiˬ yamˬ-ahˇ tehꞈ-ehˇ tsaˬ ni bi mawˇ le-euˬ meh. Tsawˇ haˬ kʼoeˇ deuˬ tiˬ paˆ na deuˬ shiˇ dzeuˇ-euˬ kʼawꞈ, myaˬ tiˬ paˆ iˬ nah keuˆ ni dehꞈ luꞈ-a siˬ.

1 Teˇsaˬloˇni 4:15

Nymˬ-mˇ naw maꞈ-ahˇ nga maꞈ mehˬ luꞈ tsoˆ luꞈ-eu dawˬ heu-aˬ, Sahˬpaˬ Yeˬsuˇ-euˬ dawˬ ma. Sahˬpaˬ Yeˬsuˇ oe ngeh dehꞈ luꞈ-eu aˬ dui maꞈ-aˬ, shiˇ dzeuˇ-euˬ tsawˇ haˬ deuˬ-euˬ aˬ hu aˬ yawꞈ nehˬ-ehˇ ya jawˇ-eu maˬ ngeuˇ-a.

1 Teˇsaˬloˇni 4:16

Miˬyehˇ guˇ-awˇ dawˬ biꞈ-eu teˇ saˇ maˬ ehˇ, mˬ taˆ gʼaˬ kʼehˇ yaw huiˬ gʼaˬ-euˬ teˇ saˇ maˬ ehˇ, Miˬyehˇ-euˬ daˇ heh teˇ saˇ maˬ ehˇ, ya gaˬ-awˇ, Sahˬpaˬ Yeˬsuˇ mˬ-ahˇ neh zaꞈ le tehꞈ-a. Kʼoeˇ ngeh, Ka li-ahˇ jah jah-ehˇ shiˇ-euˬ tsawˇ haˬ deuˬ aˬ hu gʼoꞈ dehꞈ laˇ tehꞈ-a.

Panmaeq 14:13

Kʼoeˇ naˇ, mˬ kʼoeˇ taˆ heu loꞈ-ehˇ ehˇ-eu teˇ saˇ ngaˇ ya gaˬ-euˬ ma. “Heu loꞈ-ehˇ boꞈ taˬ-awˬ. Nymˬ-mˇ neh dahˬ beh-awˇ, Sahˬpaˬ Miˬyehˇ-euˬ gaˇ laꞈ kʼoeˇ shiˇ-eu tsawˇhaˬ deuˬ guiˬ lahˬ huiˬ-eu meh.” Yaw sahˇ Miˬyehˇ ehˇ-eu, “Ngeuˇ meh. Aˬ yawꞈ maꞈ gaˇ yaw kʼaˆ-ehˇ mˇ-euˬ baˬ da neh gʼaˬ naˬ ya naˬ tehꞈ-a. Aˬ jeˬ miˇ neh ehˇ naˇ, aˬ yawꞈ maꞈ neh mˇ-euˬ jeˬ aˬ yawꞈ maꞈ-euˬ mehˬ nah caw teh gʼeh leꞈ tehꞈ-a.