1 Gawˇliˬtu 15:15 - Akha

¹⁵ Kʼoeˇ naˆ tehꞈ maˬ ngeuˇ ni, Miˬyehˇ neh Ka li-ahˇ bi gʼoꞈ dehꞈ laˇ-euˬ miˇ neh, Miˬyehˇ gaˇ kawˆ aˬ dui jaˬ myawꞈ paˇ myawꞈ gaˇ duˇ-a siˬ. Ehˇ kʼawꞈ, shiˇ-euˬ tsawˇ haˬ-ahˇ maˬ bi gʼoꞈ dehꞈ laˇ nya-a lehˇ ehˇ-eu kʼoeˇ ngeuˇ law nmˇ-aˬ, Ka li-ahˇ aˬ yawꞈ maˬ bi gʼoꞈ dehꞈ laˇ-aˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Khoeruqtaf, nga’maf-aq, Miqyaer-euq tsawrkaq jaqmyawf pyeuf-ir taef-a. Aqjeq mirnae aernar-aq, Miqyaer, Kali-anr bi ghofdaef lar-euq mae laer nga’maf sarkir kamqluf-eu ma. Aqdir shir-euq tsawrhaq ghofdaef lar-eu maqbaw nar-aq, Miqyaer khawf Kali-anr maqbi ghofdaef lar-ar.

1 Gawˇliˬtu 15:15 ပူးပေါင်းရင်းမြစ်များ

Doˆ-iˇ 23:3

Shaˬ-eu zahˬ-eu tsawˇ haˬ-ahˇ gʼawˬ shaˬ haw gaˬ-eu laꞈ kʼoeˇ, aˬ yawꞈ jawˇ paw pyawˬ-awˇ yaˇ kʼaˬ maˬ ya ja-a.

Gʼaˬkʼehˇ 2:24

Ehˇ kʼawꞈ, aˬ yawꞈ-ahˇ Miˬyehˇ neh paˇ bi gʼoꞈ dehꞈ laˇ-eu laꞈ kʼoeˇ, shiˇ-eu jeˬ-euˬ baoˬ uˬ moˆ bi dzeuˇ-iˇ-euˬ meh. Aˬ jeˬ miˇ neh ehˇ naˇ, shiˇ-eu jeˬ aˬ yawꞈ-ahˇ maˬ paꞈ tawꞈ nya-a.

Gʼaˬkʼehˇ 2:32

Yeˬsuˇ heu gʼaˬ-ahˇ Miˬyehˇ neh bi gʼoꞈ dehꞈ laˇ-euˬ meh. Gaˇ kawˆ heu aˬ diˇ aˬ maˇ pyeuꞈ laˇ-euˬ aˬ dui yawˬ gʼaˬ na luꞈ siˬ duˬ mawˇ duˬ-euˬ saˇ kiˇ pyeuꞈ-eu ma.

Gʼaˬkʼehˇ 20:21

Yawˬ ha-euˬ iˬ baˇ noeˬ poˆ-awˇ Miˬyehˇ jawˇ paw gʼoꞈ laˇ-eu laꞈ kʼoeˇ aˬ dui-euˬ Sahˬpaˬ Yeˬsuˇ-ahˇ ya jah meh lehˇ, Yuˇdaˆ tsawˇ haˬ-ahˇ maˬ ehˇ, aˬ cawˬ tsawˇ jeuˬ-ahˇ maˬ ehˇ, tiˬ kawˆ loꞈ-ehˇ ngaˇ mehˬ-euˬ ma.

Gʼaˬkʼehˇ 4:10

naw maꞈ neh laꞈ yaꞈ kʼoeˇ taˆ taꞈ sehꞈ nehˬ-awˇ, Miˬyehˇ neh bi gʼoꞈ dehꞈ laˇ-euˬ Naˬzaˬlehˇ tsawˇ haˬ Yeˬsuˇ Ka li-euˬ tsawˇ myahˇ baoˬ baˬ da neh , nymˬ-mˇ naw maꞈ mehˬ shi yawꞈ luꞈ-eu tsawˇ haˬ heu gʼaˬ muiˬ laˇ-euˬ meh lehˇ naw maꞈ dawˬ tawˆ luꞈ siˬ duˬ-eu uˬ taꞈ, Iˇsaˬleˬlaˇ tsawˇ haˬ dawˬ tawˆ luꞈ siˬ duˬ-eu tsaˬ meh.

Gʼaˬkʼehˇ 4:33

Gʼaˬ kʼehˇ deuˬ baoˬ tiˬ byah ni ahˇ-eu laꞈ kʼoeˇ, Sahˬpaˬ Yeˬsuˇ gʼoꞈ dehꞈ laˇ-euˬ gaˇ kawˆ saˇ kiˇ kamˬ-awˇ, muiˬ dui dui-eu guiˬ lahˬ deuˬ, aˬ yawꞈ maꞈ dawˬ tawˆ luꞈ kʼoeˇ taˆ Miˬyehˇ shehˬ nehˬ lawˇ nehˬ-euˬ meh.

1 Gawˇliˬtu 15:13

Naw maꞈ ehˇ-eu loꞈ-ehˇ ngeuˇ naˇ, Ka li-ahˇ bi gʼoꞈ dehꞈ laˇ-euˬ meh lehˇ ehˇ-eu kʼoeˇ kʼawꞈ maˬ ngeuˇ-aˇ.

1 Gawˇliˬtu 15:16

Aˬ jeˬ miˇ neh ehˇ naˇ, shiˇ-euˬ tsawˇ haˬ-ahˇ maˬ bi gʼoꞈ dehꞈ laˇ law nmˇ-aˬ, Ka li-ahˇ kʼawꞈ maˬ bi gʼoꞈ dehꞈ laˇ-aˇ.

1 Gawˇliˬtu 15:20

Ehˇ kʼawꞈ, maˇ maˇ ni ehˇ naˇ, Ka li-ahˇ aˬ diˇ aˬ maˇ bi gʼoꞈ dehꞈ laˇ-euˬ meh. Aˬ yawꞈ-ahˇ bi gʼoꞈ dehꞈ laˇ-euˬ kʼoeˇ-aˬ, shiˇ dzeuˇ-euˬ tsawˇ haˬ deuˬ-ahˇ bi gʼoꞈ dehꞈ laˇ-eu gaˇ kawˆ yaw duˬ yaw ciˇ bi baw laˇ-euˬ meh.