1 Gawˇliˬtu 14:37 - Akha

³⁷ Tsawˇ haˬ tiˬ gʼaˬ na, yawˬ ha Miˬyehˇ gʼaˇ duˬ ngehˬ dah-eu tsawˇ haˬ ma lehˇ noeˬ-eu maˬ kaˬ, saꞈ laˇ paw-euˬ laꞈ sawˬ za taˬ-euˬ tsawˇ ma lehˇ noeˬ-eu maˬ kaˬ, ngaˬ neh naw maꞈ-ahˇ boꞈ ahˇ laꞈ-euˬ sahˬ boꞈ heu Miˬyehˇ neh biꞈ-euˬ dawˬ meh lehˇ siˬ duˬ-eu tsaˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁷ Tsawrhaq tiqghaqnav, yawqha-aq, Miqyaer gharduq ngaeqdan-eu, maqngeur nar-aq, saflar paw-euq tsawrhaq ma laer noeq nar-aq, ngaq nae nawmaf-anr bofanr laf-euq jeq-aq, Sanqpaq Miqyaer nae bif-euq dawq ngar-a laer siqnya-eu tsaq mae.

1 Gawˇliˬtu 14:37 ပူးပေါင်းရင်းမြစ်များ

Bawˇtsahˬ 24:16

Miˬyehˇ-euˬ dawˬ-ahˇ gaˬ nya-awˇ, dawˬ tawˆ luꞈ kʼoeˇ taˆ huiˬ dzehˬ mahˇ dzehˬ-eu gʼaˬ jawˇ gaˇ neh oe-euˬ zaˬ siˬ nui gahˇ za-euˬ gʼaˬ-euˬ dawˬ heu loˇ ma. Baoˬ huiˬ-eu Miˬyehˇ neh mehˬ nehˬ laꞈ-euˬ jeˬ-ahˇ, yaw sahˇ laꞈ kʼoeˇ maˇ jawˆ ni ngaˇ mawˇ-euˬ ma.

Luˇkaꞈ 10:16

Kʼoeˇ naˇ, zaˬ lahˇ deuˬ-ahˇ Yeˬsuˇ ehˇ nehˬ-eu, “Naw maꞈ neh mehˬ-euˬ dawˬ-ahˇ naˇ haˬ geuꞈ-eu tsawˇ haˬ-aˬ, ngaˬ-euˬ dawˬ-ahˇ naˇ haˬ geuꞈ gaˇ duˇ-eu meh. Naw maꞈ neh mehˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-aˬ, ngaˬ-euˬ dawˬ-ahˇ maˬ naˇ haˬ geuꞈ gaˇ duˇ-eu meh. Ngaˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-aˬ, ngaˬ-ahˇ kʼehˇ gʼeh leꞈ-euˬ gʼa-euˬ dawˬ-ahˇ maˬ naˇ haˬ geuꞈ gaˇ duˇ-eu meh.”

Lormav 12:3

Miˬyehˇ neh ngaˬ-ahˇ gʼawˬ shaˬ gaˬ-eu laꞈ kʼoeˇ biꞈ laꞈ-euˬ laꞈ sawˬ baˬ da neh, naw maꞈ yawˬ gʼaˬ na luꞈ-ahˇ ngaˇ heu loꞈ-ehˇ ehˇ-eu ma. Naw maꞈ yawˬ haˇ yawˬ ha aˇ dzehˬ dzeuˇ ni taˬ noeˬ huiˬ. Tsaˬ tsaˬ ni tehꞈ-ehˇ noeˬ-awˬ. Miˬyehˇ neh biꞈ laꞈ-euˬ jah-eu jeˬ aˇ myaˆ ni ahˇ-eu nya lehˇ shaˇ sawˇ-awˇ, yawˬ haˇ yawˬ ha siˬ nya-awˬ.

1 Gawˇliˬtu 14:29

Miˬyehˇ dawˬ kawˬ mehˬ-eu tsawˇ haˬ nyiˬ gʼaˬ smˇ gʼaˬ bi ngehˬ bi tmˇ-eu tsaˬ meh. Nui deuˬ-aˬ, aˬ yawꞈ maꞈ neh ngehˬ-euˬ jeˬ-ahˇ shaˇ sawˇ-eu tsaˬ meh.

1 Gawˇliˬtu 14:36

Miˬyehˇ dawˬ kawˬ-aˬ, naw maꞈ laꞈ kʼoeˇ neh doˆ le-euˬ jeˬ pyeuꞈ ta loˇ. Maˬ ngeuˇ naˇ, naw maꞈ jawˇ gaˇ tehꞈ-ehˇ Miˬyehˇ dawˬ kawˬ keuˆ le ta loˇ.

1 Gawˇliˬtu 14:38

Ehˇ kʼawꞈ, sahˬ boꞈ heu-ahˇ aˬ yawꞈ maˬ haw cawˬ naˇ, naw maꞈ kʼawꞈ aˬ yawꞈ-ahˇ taˬ haw cawˬ.

1 Gawˇliˬtu 2:15

Yaw sahˇ Miˬyehˇ kʼaˇ za taˬ-euˬ tsawˇ haˬ-aˬ, yawˬ jeˬ na luꞈ-ahˇ gaˇ dahˇ tsoeˬ-eu maˬ tsoeˬ-eu tseˇ paˆ nya-eu meh. Ehˇ kʼawꞈ, kʼoeˇ loꞈ-ehˇ gʼeh-eu tsawˇ haˬ-ahˇ aˬ cawˬ tiˬ gʼaˬ-iˬ maˬ tseˇ paˆ duˬ nya-a.

1 Gawˇliˬtu 3:1

Aˬ yuiꞈ aˬ nuiˇ Ka li zaˬ deuˬ-oˇ, Yaw sahˇ Miˬyehˇ za-euˬ tsawˇ haˬ deuˬ-ahˇ mehˬ-eu loꞈ-ehˇ naw maꞈ-ahˇ ngaˇ maˬ mehˬ nya-a. Miˇ tsaˬ zaˬ deuˬ hawˇ-eu Ka li zaˬ-euˬ jah-eu paw zaˬ yaw nyiˇ-ahˇ duˇ-eu deuˬ-ahˇ mehˬ-eu loꞈ-ehˇ tehꞈ-ehˇ naw maꞈ-ahˇ ngaˇ ya mehˬ-eu meh.

1 Gawˇliˬtu 7:25

Naw maꞈ neh ngaˬ-ahˇ boꞈ naˇ haˬ laꞈ-euˬ smˇ miˇ maˬ iˇ ni jawˇ-eu zaˬ miˬ zaˬ deuˬ-euˬ gaˇ kawˆ-ahˇ taꞈ leˇ-awˇ, Sahˬpaˬ Miˬyehˇ-euˬ dawˬ ngaˇ maˬ za-aˬ. Ehˇ kʼawꞈ, Miˬyehˇ guiˬ lahˬ baˬ da neh jah coeˇ paˬ-ehˇ gʼeh-eu ngaˬ-euˬ nui noeˬ naw maꞈ-ahˇ biꞈ-eu ma.

1 Gawˇliˬtu 7:40

Ngaˬ neh noeˬ-euˬ loꞈ-ehˇ ya ehˇ naˇ, maˬ dahˬ dzaˬ-iˇ ni jawˇ-eu-aˬ, aˬ yawꞈ gʼaˇ duˬ zaˬ dzehˬ meh. Ngaˬ neh noeˬ-euˬ heu Miˬyehˇ-euˬ Yaw sahˇ-ahˇ tsaˬ ma lehˇ ngaˇ jah-eu ma.

1 Gawˇliˬtu 8:2

Yawˬ haˇ yawˬ ha zaˬ siˬ tsawˇ gahˇ ahˇ ma lehˇ noeˬ-eu tsawˇ haˬ-aˬ, yawˬ ha siˬ geuˇ nya geuˇ-eu loꞈ-ehˇ maˬ siˬ maˬ nya keuˆ-eu tsawˇ haˬ pyeuꞈ-eu meh.

2 Gawˇliˬtu 10:12

Yawˬ haˇ yawˬ ha maˬ gaˇ ma lehˇ noeˬ-eu tsawˇ haˬ kʼoeˇ deuˬ naˆ ni nga maꞈ kʼawꞈ maˬ gaˇ ma lehˇ maˬ ehˇ peuˬ-eu uˬ taꞈ, aˬ yawꞈ maꞈ-ahˇ maˬ ciˬ cehˆ leˇ peuˬ nya. Aˬ yawꞈ maꞈ aˇ naˆ ni dzawˬ-eu nga. Yawˬ haˇ yawˬ ha daˇ dza dza-awˇ, yawˬ haˇ yawˬ ha sawˇ poeˬ-eu meh.

2 Gawˇliˬtu 10:7

Naw maꞈ-aˬ, myaˆ-ahˇ mawˇ laˇ-eu kʼoeˇ taˆ paw-euˬ gaˇ kawˆ-ahˇ tehꞈ-ehˇ haw-eu meh. Ngaˇ Ka li-euˬ tsawˇ haˬ ma lehˇ kʼaˬ duˬ ni ehˇ tsehˆ peuˬ-eu tsawˇ haˬ jawˇ-eu ngeuˇ naˇ, yawˬ ha gaˇ kawˆ yawˬ ha yaw muiˬ paˬ-ehˇ paˇ bi shaˇ noeˬ duˬ-awˬ. Aˬ jeˬ miˇ neh ehˇ naˇ, nga maꞈ kʼawꞈ aˬ yawꞈ loꞈ-ehˇ Ka liˬ-euˬ tsawˇ haˬ pyeuꞈ-eu ma.

2 Gawˇliˬtu 11:4

Naw maꞈ jawˇ gaˇ kʼaˇ laˇ-eu tsawˇ haˬ-ahˇ naw maꞈ ha geuꞈ-awˇ, nga maꞈ neh mehˬ-euˬ Yeˬsuˇ maˬ ngeuˇ-eu Yeˬsuˇ yawˬ gʼaˬ yawˬ-euˬ gaˇ kawˆ mehˬ gaˇ naˇ haˬ-eu laꞈ kʼoeˇ, nga maꞈ neh naw maꞈ-ahˇ biꞈ-euˬ Yaw sahˇ Miˬyehˇ hawˇ-eu Laˬ kʼaˬ cehˇ-eu Guiˬ lahˬ dawˬ-ahˇ beu gaˇ dui dui-eu yaw sahˇ yawˬ gʼaˬ yawˬ hawˇ-eu laˬ kʼaˬ cehˇ-eu guiˬ lahˬ dawˬ yawˬ jeˬ yawˬ-ahˇ naw maꞈ laˬ kʼaˬ cehˇ taˆ ni ha geuꞈ-euˬ meh.

Gaˬlaˬtiˆ 6:8

Shiˬ shaˬ jiˇ nui kʼahˇ-ahˇ taꞈ-eu siˬ yoeˬ sehˬ naˇ, shiˇ-eu jeˬ ya yehˬ tehꞈ-a. Yaw sahˇ Miˬyehˇ-ahˇ taꞈ-eu siˬ yoeˬ sehˬ naˇ, mˬ maˬ maˬ byaˆ zaˇ ziˇ dehꞈ-eu jeˬ ya yehˬ tehꞈ-a.

2 Beˬtuˆluˆ 3:2

Aˇ hu ba Miˬyehˇ gʼaˇ duˬ ngehˬ dah yaꞈ-euˬ muiˬ-eu shawˇ-eu tsawˇ haˬ deuˬ-euˬ dawˬ hawˇ-eu, naw maꞈ-ahˇ mehˬ-eu gʼaˬ kʼehˇ deuˬ neh biꞈ-euˬ ka kʼoꞈ-eu gʼaˬ pyeuꞈ-eu SahˬpaˬYeˬsuˇ-euˬ dawˬ-ahˇ naw maꞈ bi noeˬ mawˇ mawꞈ miˇ-a.

1 Yoˇhaˬ 4:6

Ehˇ kʼawꞈ, aˬ dui-aˬ, Miˬyehˇ-ahˇ taꞈ-eu ma. Miˬyehˇ-ahˇ kʼaˇ siˬ nya-eu tsawˇ haˬ-aˬ, nga maꞈ-euˬ ehˇ dawˬ naˇ haˬ geuꞈ-eu meh. Miˬyehˇ-ahˇ maˬ kʼaˇ taꞈ-eu tsawˇ haˬ-aˬ, nga maꞈ-euˬ ehˇ dawˬ maˬ naˇ haˬ geuꞈ-a. Kʼoeˇ gaˇ haw-awˇ, ngeuˇ-eu Yaw sahˇ hawˇ-eu maˬ ngeuˇ-eu yaw sahˇ-ahˇ aˬ dui tseˇ paˆ geuꞈ nya tehꞈ-a.

Yuˇdaˆ 1:17

Ehˇ kʼawꞈ ngaˇ gaˬ-eu cawˬ deuˬ-oˇ, dzeuˇ laˇ ngeh aˬ dui-euˬ Sahˬpaˬ Yeˬsuˇ Ka li-euˬ gʼaˬ kʼehˇ deuˬ neh naw maꞈ-ahˇ ehˇ nehˬ-euˬ dawˬ kʼoeˇ deuˬ-ahˇ taˬ ngehˇ.