1 Gawˇliˬtu 14:31 - Akha

³¹ Naw maꞈ yawˬ gʼaˬ na luꞈ dzaw geuꞈ-awˇ gʼaˬ ahˇ laˇ nya ni, yawˬ gʼaˬ na luꞈ tiˬ gʼaˬ saˇ-iˬ tiˬ gʼaˬ Miˬyehˇ dawˬ kawˬ mehˬ-eu tsaˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³¹ Aqjeq mirnae aernar-aq, tsawrhaq dawqtawvluf dzawgeuf-awr ghaq za’ni, nawmaf yawqghaq navluf tiqghaq sair tiqghaq Miqyaer gharduq ngaeqdannya taef-a.

1 Gawˇliˬtu 14:31 ပူးပေါင်းရင်းမြစ်များ

Dawqdaq 1:5

Dawˬ daˬ heu deuˬ-aˬ, nui gahˇ ahˇ-eu deuˬ-ahˇ bi gahˇ dzehˬ laˇ-awˇ, zaˬ siˬ tsawˇ gahˇ byah-eu tsawˇ haˬ deuˬ-ahˇ bi byah dzehˬ laˇ-eu miˇ neh,

Dawqdaq 9:9

Tsawˇ gahˇ ahˇ-eu tsawˇ haˬ-ahˇ mehˬ nehˬ tsoˆ nehˬ naˇ, tsawˇ gahˇ ahˇ dzehˬ laˇ tehꞈ-a. Yaw tsaˬ yaw dawˇ tsawˇ haˬ-ahˇ mehˬ nehˬ tsoˆ nehˬ naˇ, siˬ laˇ gahˇ laˇ dzehˬ tehꞈ-a.

Lormav 1:12

Ngaˇ ehˇ mawꞈ-eu-aˬ, ngaˬ-euˬ jah-eu jeˬ baˬ da neh naw maꞈ gʼaˬ ahˇ dzehˬ laˇ-eu uˬ taꞈ, naw maꞈ-euˬ jah-eu jeˬ baˬ da neh ngaˇ gʼaˬ ahˇ dzehˬ laˇ-awˇ, nyiˬ paw luꞈ guiˬ lahˬ baw-eu jeˬ-ahˇ ehˇ mawꞈ-eu ma.

1 Gawˇliˬtu 14:19

Ehˇ kʼawꞈ, Ka li zaˬ aˇ muˇ uiˬ leˇ-awˇ uˬ duˬ tahˬ ngeh, dawˬ gʼawˬ mya jeˬ tiˬ muiˇ dawˬ ngehˬ-eu naˆ maˬ tseˇ, aˬ cawˬ gʼoˆ shaw nya-eu mehˬ-eu tsoˆ-eu dawˬ ngaˬ dawˬ ngaˇ ngehˬ ma.

1 Gawˇliˬtu 14:3

Ehˇ kʼawꞈ, Miˬyehˇ dawˬ kawˬ mehˬ-eu tsawˇ haˬ-aˬ, tsawˇ haˬ zaˬ-ahˇ ngehˬ cawˬ-eu jeˬ pyeuꞈ-eu miˇ neh, aˬ cawˬ-ahˇ caw ba-eu, gʼaˬ biꞈ-eu, nui ma saˇ laˇ ni gʼaˬ biꞈ-eu dawˬ ngehˬ-eu tmˇ-eu, heu deuˬ mˇ nehˬ nya-eu meh.

1 Gawˇliˬtu 14:30

Ehˇ kʼawꞈ, kʼoeˇ gaˇ nuiˇ-awˇ uˬ duˬ tahˬ luꞈ-eu tsawˇ haˬ tiˬ gʼaˬ na Miˬyehˇ neh pah mehˬ nehˬ-euˬ dawˬ za-euˬ ngeuˇ naˇ, dawˬ ngehˬ luꞈ-eu gʼaˬ ciˬ cuˇ ni bi naˬ-eu tsaˬ meh.

1 Gawˇliˬtu 14:32

Miˬyehˇ dawˬ kawˬ mehˬ-eu gʼaˬ-aˬ, yawˬ ha neh za taˬ-euˬ Miˬyehˇ dawˬ kawˬ mehˬ-eu laꞈ sawˬ-ahˇ yaw muiˬ paˬ-ehˇ nyehꞈ tehˬ gʼaˬ nya-eu tsaˬ meh.

1 Gawˇliˬtu 14:35

Aˬ yawꞈ maꞈ tiˬ jeˬ paˬ siˬ duˬ mawꞈ-eu jaˆ naˇ, iˇ kahˇ-ahˇ jawˇ ngeh yawˬ ha-euˬ kʼaˬ dzeˇ zaˬ-ahˇ ya naˇ haˬ-eu meh. Zaˬ miˬ zaˬ deuˬ Ka li zaˬ aˇ muˇ laꞈ kʼoeˇ dawˬ ngehˬ ngehˬ-eu-aˬ, shaꞈ dawˇ paˬ-ehˇ gʼeh-eu tiˬ jeˬ meh.

2 Gawˇliˬtu 1:4

Aˬ yawꞈ neh biꞈ leꞈ-euˬ ngehˬ gʼeh dah teˬ-eu jeˬ-ahˇ aˬ dui gʼoe-awˇ, shaˬ-eu zahˬ-eu yawˬ jeˬ na luꞈ-ahˇ ya tahˬ puˬ-eu tsawˇ haˬ deuˬ-ahˇ aˬ dui ngehˬ gʼeh dah teˬ nehˬ nya ni, aˬ dui ya tahˬ puˬ-eu shaˬ zahˬ dawˬ tawˆ luꞈ laꞈ kʼoeˇ Miˬyehˇ aˬ dui-ahˇ ngehˬ gʼeh dah teˬ nehˬ laꞈ-euˬ meh.

Eˇpeˇsu 6:22

Kʼoeˇ miˇ neh, nga maꞈ dawˬ tawˆ luꞈ aˬ joˆ-ehˇ mˇ luꞈ shaˇ luꞈ-eu gaˇ kawˆ bi ja mehˬ le-awˇ naw maꞈ-ahˇ gʼaˬ bi biꞈ le-eu gʼaˇ duˬ, aˬ yawꞈ-ahˇ ngaˇ kʼehˇ gʼeh leꞈ-eu ma.

Gawˇlawˇsehˇ 2:2

Aˬ yawꞈ maꞈ-euˬ nui ma kʼaˬ duˬ ni pyeuꞈ laˇ-awˇ, gʼoeˇ-eu gaˬ-eu jeˬ laꞈ kʼoeˇ nui ma tiˬ siˬ tehꞈ-ehˇ taˬ nya laˇ-awˇ, yaw muiˬ paˬ-ehˇ gʼoˆ siˬ gʼoˆ shaw nya-eu baˬ da neh yaw duˬ yaw ciˇ baw laˇ ni, ngaˇ kʼoeˇ loꞈ-ehˇ mˇ luꞈ-eu ma. Kʼoeˇ loꞈ-ehˇ mˇ-eu baˬ da neh, Miˬyehˇ neh zaꞈ taˬ-eu jeˬ pyeuꞈ-eu Ka li-ahˇ aˬ yawꞈ maꞈ siˬ nya laˇ tehꞈ-a.

1 Teˇsaˬloˇni 4:18

Kʼoeˇ miˇ neh, tiˬ gʼaˬ tiˇ gʼaˬ gaˇ kawˆ heu ja ja-ehˇ gʼaˬ biꞈ-awˬ.

1 Teˇsaˬloˇni 5:11

Kʼoeˇ miˇ neh, nymˬ-mˇ naw maꞈ tiˬ gʼaˬ tiˇ gʼaˬ gʼaˬ biꞈ-awˇ caw dehˬ caw toˆ luꞈ-eu loꞈ-ehˇ, mehˬ hu paw kʼawꞈ kʼoeˇ loꞈ-ehˇ dehꞈ daˆ le-awˬ.

1 Teˇsaˬloˇni 5:14

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ-ahˇ nga maꞈ heu loꞈ-ehˇ gʼaˬ biꞈ-eu ma. Maˬ mˇ maˬ shaˇ nahˇ-eu tsawˇ haˬ-ahˇ yaw kʼaˆ kʼaˆ-ehˇ mehˬ nehˬ tsoˆ nehˬ-awˬ. Nui ma baˬ-eu tsawˇ haˬ-ahˇ gʼaˬ biꞈ nehˬ-awˬ. Gʼaˬ byehˆ byehˆ-eu tsawˇ haˬ-ahˇ caw ba nehˬ-awˬ. Tsawˇ haˬ yawˬ gʼaˬ na luꞈ kʼoeˇ taˆ nui ma gʼawˬ mahˇ ni taˬ-awˬ.

1 Teˇsaˬloˇni 5:20

Miˬyehˇ neh bi mehˬ-euˬ loꞈ-ehˇ dawˬ mehˬ mehˬ gaˇ yehˬ bawˬ sehˇ lu-ehˇ taˬ ehˇ.