1 Gawˇliˬtu 14:3 - Akha

³ Ehˇ kʼawꞈ, Miˬyehˇ dawˬ kawˬ mehˬ-eu tsawˇ haˬ-aˬ, tsawˇ haˬ zaˬ-ahˇ ngehˬ cawˬ-eu jeˬ pyeuꞈ-eu miˇ neh, aˬ cawˬ-ahˇ caw ba-eu, gʼaˬ biꞈ-eu, nui ma saˇ laˇ ni gʼaˬ biꞈ-eu dawˬ ngehˬ-eu tmˇ-eu, heu deuˬ mˇ nehˬ nya-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aerkhawf, Miqyaer gharduq ngaeqdan-eu tsawrhaq-aq, tsawrhaq-anr ghaq bif-awr nuima bi sarlar-eu uqtaf, bihuiq bi manrlarni ngaeq-eu mae.

1 Gawˇliˬtu 14:3 ပူးပေါင်းရင်းမြစ်များ

Luˇkaꞈ 3:18

Yoˇhaˬ-aˬ, tsawˇ haˬ kʼoeˇ deuˬ-ahˇ gaˇ kawˆ gʼawˬ mya jeˬ ja mehˬ-eu laꞈ kʼoeˇ gʼaˬ biꞈ-awˇ, Laˬ kʼaˬ cehˇ-eu Guiˬ lahˬ dawˬ mehˬ nehˬ-euˬ meh.

Gʼaˬkʼehˇ 13:15

Moˇseˬ-euˬ Zahˇ dawˬ kʼoꞈ dawˬ sahˬ boꞈ hawˇ-eu Miˬyehˇ gʼaˇ duˬ ngehˬ dah-eu deuˬ neh boꞈ-euˬ sahˬ boꞈ deuˬ-ahˇ gui gʼaˬ ngeh, uˬ duˬ tahˬ nymˇ-ahˇ aˬ yuiꞈ geuꞈ-eu deuˬ aˬ yawꞈ nyaꞈ-ahˇ heu loꞈ-ehˇ bi tsaꞈ gaˬ-iˇ-euˬ meh. “Tsawˇ haˬ heu deuˬ-ahˇ gʼaˬ biꞈ mawꞈ-eu jeˬ jaˆ naˇ, naw nyaꞈ-ahˇ dawˬ ngehˬ-eu aˇ yamˬ biꞈ mawꞈ miˇ-a.”

Gʼaˬkʼehˇ 14:22

Jah-eu jeˬ laꞈ kʼoeˇ ziꞈ ni, jah-eu tsawˇ haˬ deuˬ-ahˇ aˬ yawꞈ nyaꞈ gʼaˬ biꞈ yaꞈ-euˬ meh. “Miˬyehˇ miˇ kʼahˬ-ahˇ uˇ leˇ-eu gʼaˇ duˬ, shaˬ zahˬ gʼawˬ mya jeˬ-ahˇ aˬ dui ya tahˬ puˬ tehꞈ-a” lehˇ mehˬ nehˬ tsoˆ nehˬ yaꞈ-euˬ meh.

Gʼaˬkʼehˇ 15:32

Yuˇdaˆ hawˇ-eu Siˬlaˆ aˬ nyaꞈ kʼawꞈ, Miˬyehˇ gʼaˇ duˬ ngehˬ dah-eu tsawˇ haˬ pyeuꞈ-eu loꞈ-ehˇ, aˬ yawꞈ maꞈ-ahˇ dawˬ gʼawˬ myahˇ ni ngehˬ-awˇ gʼaˬ biꞈ lahˬ nehˬ-euˬ meh.

Gʼaˬkʼehˇ 4:36

Guˇbaˬluˇ iˇ jaw lahˇ miˇ kʼahˬ-ahˇ dehꞈ le-euˬ Leˬbiˇ tsawˇ jeuˬ Yoˇsehˆ lehˇ myahˇ-euˬ tiˬ gʼaˬ jawˇ-eu meh. Gʼaˬ kʼehˇ deuˬ neh aˬ yawꞈ-ahˇ Baˬnaˬbaˇ lehˇ myahˇ paˇ nehˬ-euˬ meh. Baˬnaˬbaˇ lehˇ ehˇ-eu dawˬ tsuiꞈ-aˬ, “Gʼaˬ biꞈ-eu gʼaˬ” lehˇ ehˇ mawꞈ-eu meh.

Gʼaˬkʼehˇ 9:31

Kʼoeˇ ngeh, Yuˇdaˆ miˇ kʼahˬ, Gaˬliˬlehˇ miˇ kʼahˬ hawˇ-eu, Saˬmaˬliˆ miˇ kʼahˬ doe ni jaˆ-eu Ka li zaˬ aˇ muˇ deuˬ, nui saˇ oꞈ-eu laꞈ kʼoeˇ coꞈ ngehˇ ni tiˬ kʼehˬ ya dehꞈ-euˬ meh. SahˬpaˬMiˬyehˇ-ahˇ yaw zeu baw-awˇ dehꞈ-eu loꞈ-ehˇ, Muiˬ-eu shawˇ-eu Yaw sahˇ Miˬyehˇ caw ba-eu laꞈ kʼoeˇ myaˬ laˇ behˇ laˇ luꞈ-eu meh.

Lormav 12:8

Aˬ cawˬ-ahˇ gʼaˬ biꞈ-eu gʼaˇ duˬ laꞈ sawˬ za-euˬ ngeuˇ naˇ, gʼaˬ biꞈ-eu tsaˬ meh. Aˬ cawˬ-ahˇ biꞈ nehˬ damˬ nehˬ-eu laꞈ sawˬ za-euˬ ngeuˇ naˇ, nui ma keuˆ-eu laꞈ kʼoeˇ biꞈ nehˬ-eu tsaˬ meh. Aˬ cawˬ kʼoeˇ taˆ aˬ yuiꞈ aˬ tsu geuꞈ-awˇ uˆ lahˇ-eu laꞈ sawˬ za-euˬ ngeuˇ naˇ, leh jeh dui dui-awˇ mˇ-eu tsaˬ meh. Aˬ cawˬ-ahˇ gʼawˬ shaˬ gaˬ nehˬ-eu laꞈ sawˬ za-euˬ ngeuˇ naˇ, laˬ kʼaˬ tiˬ cehˇ gaˬ nehˬ-eu tsaˬ meh.

Lormav 14:19

Kʼoeˇ miˇ neh, tiˬ gʼaˬ tiˇ gʼaˬ tsaˬ leˇ dzoeˇ leˇ-eu jeˬ hawˇ-eu, tiˬ gʼaˬ tiˇ gʼaˬ caw dehˬ caw toˆ-eu jeˬ-ahˇ aˬ dui noeˬ tsoˆ taˬ-eu tsaˬ meh.

Lormav 15:2

Aˬ dui-euˬ cawˬ Ka li zaˬ deuˬ jah-eu laꞈ kʼoeˇ huiˬ laˇ mahˇ laˇ nya ni, aˬ dui yawˬ gʼaˬ na luꞈ aˬ yawꞈ maꞈ gʼaˇ duˬ muiˬ ni mˇ-eu tsaˬ meh.

1 Gawˇliˬtu 10:23

“Yawˬ jeˬ na luꞈ mˇ kʼmˬ meh.” Ehˇkʼawꞈ, yawˬ jeˬ na luꞈ gaˇ dahˇ tsoeˬ-eu maˬ ngeuˇ-a. “Yawˬ jeˬ na luꞈ mˇ kʼmˬ meh.” Ehˇ kʼawꞈ, yawˬ jeˬ na luꞈ guiˬ lahˬ baw-eu maˬ ngeuˇ-a.

1 Gawˇliˬtu 14:12

Yaw sahˇ Miˬyehˇ neh biꞈ leꞈ-euˬ laꞈ sawˬ deuˬ-ahˇ naw maꞈ za mawꞈ dui dui-eu loꞈ-ehˇ, yawˬ jeˬ na luꞈ kʼoeˇ taˆ Ka li zaˬ aˇ muˇ bi huiˬ bi mahˇ laˇ nya ni gaˇ dahˇ tsoeˬ leˇ dzehˬ-eu jeˬ-ahˇ naw maꞈ leh jeh dzehˬ paˬ-ehˇ gʼeh-eu meh.

1 Gawˇliˬtu 14:17

Nawˬ neh Miˬyehˇ-euˬ guiˬ lahˬ-ahˇ ja ceuˬ-awˇ guiˬ lahˬ shaˇ-euˬ shaˇ dawˬ kʼoeˇ yaw muiˬ kʼawꞈ, yawˬ gʼaˬ yawˬ gʼaˇ duˬ gaˇ dahˇ maˬ tsoeˬ-a.

1 Gawˇliˬtu 14:26

Aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ mawꞈ-eu-aˬ heu loꞈ-ehˇ ma. Naw maꞈ uˬ duˬ tahˬ-eu lehˇ uiˬ leˇ ngeh, caˇ dawˬ caˇ-eu gʼaˬ, mehˬ-eu tsoˆ-eu gʼaˬ, Miˬyehˇ neh pah mehˬ nehˬ-euˬ jeˬ za-euˬ gʼaˬ, dawˬ gʼawˬ mya jeˬ ngehˬ-awˇ mehˬ-eu gʼaˬ, kʼoeˇ loꞈ-ehˇ mehˬ-euˬ gaˇ dawˬ tsuiꞈ yuˇ doˆ nehˬ-eu gʼaˬ lehˇ, gʼawˬ mya jeˬ baw-eu meh. Yawˬ jeˬ na luꞈ Ka li zaˬ aˇ muˇ gʼaˇ duˬ gaˇ dahˇ tsoeˬ-eu jeˬ ya bi pyeuꞈ meh.

1 Gawˇliˬtu 14:31

Naw maꞈ yawˬ gʼaˬ na luꞈ dzaw geuꞈ-awˇ gʼaˬ ahˇ laˇ nya ni, yawˬ gʼaˬ na luꞈ tiˬ gʼaˬ saˇ-iˬ tiˬ gʼaˬ Miˬyehˇ dawˬ kawˬ mehˬ-eu tsaˬ meh.

1 Gawˇliˬtu 8:1

Naw maꞈ neh ngaˬ-ahˇ boꞈ naˇ haˬ laꞈ-euˬ tahˬ pahˬ aˬ ma mawˇ kawˇ-ahˇ lawˇ-euˬ dzaˇ gaˇ kawˆ-ahˇ taꞈ leˇ-awˇ, ngaˇ heu loꞈ-ehˇ ehˇ-eu ma. “Aˬ dui yawˬ gʼaˬ na luꞈ zaˬ siˬ tsawˇ gahˇ ahˇ ma” leˇ siˬ nya ma. Ehˇ kʼawꞈ, zaˬ siˬ tsawˇ gahˇ-aˬ tsawˇ haˬ zaˬ-ahˇ nui ma bi huiˬ laˇ-awˇ, gʼoeˇ-eu gaˬ-eu jeˬ-aˬ, tsawˇ haˬ zaˬ-ahˇ bi huiˬ bi mahˇ laˇ-eu meh.

2 Gawˇliˬtu 1:4

Aˬ yawꞈ neh biꞈ leꞈ-euˬ ngehˬ gʼeh dah teˬ-eu jeˬ-ahˇ aˬ dui gʼoe-awˇ, shaˬ-eu zahˬ-eu yawˬ jeˬ na luꞈ-ahˇ ya tahˬ puˬ-eu tsawˇ haˬ deuˬ-ahˇ aˬ dui ngehˬ gʼeh dah teˬ nehˬ nya ni, aˬ dui ya tahˬ puˬ-eu shaˬ zahˬ dawˬ tawˆ luꞈ laꞈ kʼoeˇ Miˬyehˇ aˬ dui-ahˇ ngehˬ gʼeh dah teˬ nehˬ laꞈ-euˬ meh.

2 Gawˇliˬtu 2:7

Ehˇ kʼawꞈ, aˬ yawꞈ aˇ dzehˬ dzeuˇ ni noeˬ shaˬ-awˇ maˬ ya cawˆ-iˇ ni, nymˬ-mˇ naw maꞈ aˬ yawꞈ-ahˇ iˬ baˇ pyehˬ nehˬ-awˇ gʼaˬ biꞈ nehˬ-eu tsaˬ tehꞈ-a.

Eˇpeˇsu 4:29

Aˬ cawˬ-ahˇ bi coeˬ leˇ-eu dawˬ taˬ ngehˬ. Ehˇ kʼawꞈ, nawˬ neh ngehˬ-euˬ dawˬ aˬ cawˬ gʼaˇ duˬ muiˬ ni, loˬ-eu jeˬ-ahˇ caw ba nya-awˇ bi huiˬ bi mahˇ laˇ nya-eu gaˇ dahˇ tsoeˬ-eu dawˬ ngehˬ-awˬ.

Eˇpeˇsu 6:22

Kʼoeˇ miˇ neh, nga maꞈ dawˬ tawˆ luꞈ aˬ joˆ-ehˇ mˇ luꞈ shaˇ luꞈ-eu gaˇ kawˆ bi ja mehˬ le-awˇ naw maꞈ-ahˇ gʼaˬ bi biꞈ le-eu gʼaˇ duˬ, aˬ yawꞈ-ahˇ ngaˇ kʼehˇ gʼeh leꞈ-eu ma.

Gawˇlawˇsehˇ 4:8

Kʼoeˇ miˇ neh, aˬ yawꞈ-ahˇ naw maꞈ jawˇ gaˇ ngaˇ kʼehˇ gʼeh laꞈ-eu ma. Nga maꞈ aˬ joˆ-ehˇ dehꞈ luꞈ jawˇ luꞈ-eu gaˇ kawˆ naw maꞈ-ahˇ bi dzawˇ mehˬ-awˇ, naw maꞈ laꞈ kʼaˬ bi cehˇ-eu gʼaˇ duˬ kʼehˇ gʼeh laꞈ-eu ma.

1 Teˇsaˬloˇni 2:11

Aˬ da tiˬ gʼaˬ yawˬ ha-euˬ zaˬ deuˬ-ahˇ hehˇ tehˇ-eu loꞈ-ehˇ, naw maꞈ aˬ yawꞈ gʼaˬ yawꞈ-ahˇ nga maꞈ hehˇ tehˇ-euˬ naw maꞈ siˬ nya meh.

1 Teˇsaˬloˇni 2:3

Naw maꞈ Laˬ kʼaˬ cehˇ-eu Guiˬ lahˬ dawˬ-ahˇ jah laˇ ni nga maꞈ mehˬ-eu heu-aˬ, jaˬ myawꞈ myawꞈ-eu laꞈ kʼoeˇ mehˬ-eu maˬ ngeuˇ. Nui ma maˬ shawˇ-eu laꞈ kʼoeˇ mehˬ-eu maˬ ngeuˇ. Mehˇ shuiˇ shuiˇ-eu laꞈ kʼoeˇ mehˬ-eu maˬ ngeuˇ.

1 Teˇsaˬloˇni 3:2

nga maꞈ nehˬ-ehˇ tiˬ kawˆ loꞈ-ehˇ Laˬ kʼaˬ cehˇ-eu Guiˬ lahˬ dawˬ mehˬ-eu gaˇ mˇ luꞈ-eu aˬ nyiˇ Tiˆmoˇseˬ-ahˇ kʼehˇ gʼeh laꞈ-euˬ ma. Naw maꞈ jah-eu nui ma ziꞈ ni gʼaˬ bi biꞈ-eu gʼaˇ duˬ aˬ yawꞈ-ahˇ kʼehˇ gʼeh laꞈ-euˬ jeˬ pyeuꞈ-eu ma.

1 Teˇsaˬloˇni 4:1

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ mawꞈ-eu ma. Miˬyehˇ nui kʼahˇ shiˇ ni aˬ joˆ-ehˇ ya dehꞈ ya jawˇ-eu gaˇ kawˆ, naw maꞈ-ahˇ nga maꞈ dehꞈ mehˬ jawˇ mehˬ gʼaˬ-euˬ ma. Naw maꞈ kʼoeˇ loꞈ-ehˇ dehꞈ luꞈ jawˇ luꞈ-eu meh. Kʼoeˇ naˆ maˬ tseˇ leh jeh-awˇ dehꞈ daˆ leꞈ-eu gʼaˇ duˬ Sahˬpaˬ Yeˬsuˇ-euˬ tsawˇ myahˇ uˬ moˆ naw maꞈ-ahˇ nga maꞈ shaˇ-eu ma.

1 Teˇsaˬloˇni 4:18

Kʼoeˇ miˇ neh, tiˬ gʼaˬ tiˇ gʼaˬ gaˇ kawˆ heu ja ja-ehˇ gʼaˬ biꞈ-awˬ.

2 Teˇsaˬloˇni 3:12

Tsawˇ haˬ kʼoeˇ deuˬ yaw muiˬ muiˬ-ehˇ dehꞈ-awˇ yawˬ ha ya dzaˬ ya dawˇ laˇ ni mˇ-eu shaˇ-eu gʼaˇ duˬ, Sahˬpaˬ Yeˬsuˇ Ka li-euˬ tsawˇ myahˇ uˬ moˆ nga maꞈ dawˬ biꞈ-eu ma.

1 Tiˆmoˇseˬ 1:4

Aˬ poeˬ dawˬ oeˇ kʼoeˇ deuˬ hawˇ-eu aˇ saˬ saˬ-eu maˬ baw-eu tsuiꞈ daˆ gui-eu kʼoeˇ deuˬ-ahˇ byehˇ dzeh-awˬ lehˇ, aˬ yawꞈ maꞈ-ahˇ ehˇ nehˬ-awˬ. Kʼoeˇ-aˬ, dawˬ ja myaˬ-awˇ tsawˇ pyehˇ pyehˇ-eu jeˬ oꞈ-eu tehꞈ meh. Aˬ dui jah-eu baˬ da neh siˬ nya laˇ-eu jeˬ pyeuꞈ-eu Miˬyehˇ-euˬ nui noeˬ maˬ doˆ laˇ-a.

1 Tiˆmoˇseˬ 4:13

Ngaˇ laˇ keuˆ ngeh keuˆ ni, nawˬ-euˬ aˇ yamˬ hawˇ-eu gʼaˬ dawˬ tawˆ luꞈ, tsawˇ haˬ aˇ maꞈ-ahˇ Jaˇliꞈ gui mehˬ-eu, dawˬ mehˬ mehˬ-eu, mehˬ nehˬ tsoˆ nehˬ-eu, heu deuˬ-euˬ gʼaˇ duˬ zmˬ-awˬ.

1 Tiˆmoˇseˬ 6:2

Ka li zaˬ pyeuꞈ-eu baw leˬ deuˬ-euˬ zaˬ kʼaˆ geuꞈ luꞈ-eu deuˬ-aˬ, yaw ha-euˬ baw leˬ-ahˇ yehˬ bawˬ sehˇ lu-ehˇ gʼeh-eu maˬ tsaˬ-a. Aˬ jeˬ miˇ neh ehˇ naˇ, aˬ yawꞈ maꞈ-aˬ, yawˬ ha baw leˬ-euˬ aˬ yuiꞈ aˬ nyiˇ pyeuꞈ laˇ-euˬ meh. Kʼoeˇ uˬ taꞈ, baw leˬ deuˬ-euˬ gaˇ-ahˇ aˬ cawˬ naˆ maˬ tseˇ leh jeh-awˇ mˇ nehˬ paˬ-ehˇ gʼeh-eu meh. Aˬ jeˬ miˇ neh ehˇ naˇ, aˬ yawꞈ maꞈ mˇ cu luꞈ-eu kʼoeˇ-aˬ, aˬ yawꞈ maꞈ gaˬ-eu Ka li-ahˇ jah-eu tsawˇ haˬ deuˬ-ahˇ mˇ cu-eu jeˬ pyeuꞈ-eu meh. Gaˇ kawˆ heu deuˬ nawˇ mehˬ nehˬ tsoˆ nehˬ-awˇ gʼaˬ biꞈ-awˬ.

2 Tiˆmoˇseˬ 4:2

Miˬyehˇ dawˬ kawˬ mehˬ-awˬ. Aˇ yamˬ tsaˬ ngeh maˬ ehˇ, maˬ tsaˬ ngeh maˬ ehˇ, leh jeh-awˇ mehˬ-awˬ. Yaw lehˬ-ahˇ toeˬ mehˬ-awˬ. Yaw kʼaˆ kʼaˆ-ehˇ mehˬ paˇ tsoˆ paˇ-awˬ. Gʼaˬ biꞈ-awˬ. Nui ma gʼawˬ mahˇ ni taˬ-awˇ mehˬ nehˬ tsoˆ nehˬ-awˬ.

Tiˇtuˆ 1:9

Jah-eu jeˬ-ahˇ tsaˬ-eu jah coeˇ paˬ-ehˇ gʼeh-eu Miˬyehˇ dawˬ kawˬ-ahˇ ziꞈ dah ni ya tuˆ tehˬ taˬ-eu meh. Kʼoeˇ loꞈ-ehˇ tuˆ tehˬ taˬ-eu laꞈ kʼoeˇ, maˇ maˇ ni tsaˬ-eu jeˬ mehˬ-awˇ aˬ cawˬ-ahˇ gʼaˬ biꞈ nehˬ nya-eu uˬ taꞈ, maˬ naˇ haˬ geuꞈ-eu tsawˇ haˬ deuˬ-ahˇ aˬ yawꞈ maꞈ-euˬ yaw lehˬ mawˇ leˇ ni toeˬ mehˬ nya-eu tsawˇ haˬ ya bi pyeuꞈ meh.

Tiˇtuˆ 2:15

Gaˇ kawˆ heu deuˬ mehˬ nehˬ tsoˆ nehˬ-awˬ. Gʼaˬ biꞈ ngeh maˬ ehˇ, dehˬ dehˬ-ehˇ mehˬ paˇ tsoˆ paˇ ngeh maˬ ehˇ, baoˬ tiˬ byah ni zmˬ-awˬ. Aˬ cawˬ tiˬ gʼaˬ-iˬ nawˬ-ahˇ ta bi taˬ nyiˇ.

Tiˇtuˆ 2:6

Kʼoeˇ loꞈ-ehˇ duˇ ni, aˇ kʼoꞈ maˬ kʼawˆ laˇ-euˬ aˬ da da kʼaˇ deuˬ-ahˇ kʼawꞈ, yawˬ ha-euˬ nui ma-ahˇ gʼaˬ leˇ nya ni gʼaˬ biꞈ nehˬ-awˬ.

Tiˇtuˆ 2:9

Zaˬ kʼaˆ deuˬ yawˬ ha-euˬ baw leˬ ehˇ dawˬ naˇ haˬ-awˇ, yawˬ jeˬ na luꞈ laꞈ kʼoeˇ baw leˬ deuˬ nui kʼahˇ shiˇ ni ya dehꞈ-awˇ, dawˬ poˆ maˬ ya poˆ-a lehˇ mehˬ nehˬ-awˬ.

HeˬByehˇ 10:25

Aˬ cawˬ loꞈ-ehˇ maˬ gʼeh ni, tiˬ kawˆ loꞈ-ehˇ tahˬ dzoeˇ-awˇ uˬ duˬ tahˬ-eu gaˇ heu hmˬ maˬ byehˇ ni mˇ daˆ leꞈ kaˇ-euˇ. Sahˬpaˬ Miˬyehˇ yaˇ kʼaˬ daˇ le-eu Aˇnah dawˬ peh peh le-euˬ naw maꞈ siˬ luꞈ mawˇ luꞈ-eu loꞈ-ehˇ, tiˬ gʼaˬ tiˇ gʼaˬ gʼaˬ biꞈ tehˇ tehꞈ kaˇ-euˇ.

HeˬByehˇ 13:22

A yuiꞈ aˬ nyiˇ Ka li zaˬ deuˬ-oˇ, naw maꞈ-ahˇ gʼaˬ biꞈ-eu dawˬ heu deuˬ-ahˇ nui ma gʼawˬ mahˇ ni taˬ-awˇ naˇ haˬ geuꞈ-awˬ lehˇ shaˇ-eu ma. Aˬ jeˬ miˇ neh ehˇ naˇ, ngaˬ neh naw maꞈ-ahˇ boꞈ nehˬ laꞈ-euˬ sahˬ boꞈ heu taꞈ-aˬ, yaw mahˇ maˬ ngeuˇ-a.

HeˬByehˇ 3:13

Naw maꞈ tiˬ gʼaˬ-iˬ iˬ baˇ neh mehˇ shuiˇ maˬ bi shuiˇ gʼaˬ-ehˇ, nui ma maˬ ya gʼahˇ laˇ ni, “Iˬnah” lehˇ JaˇLiꞈ laꞈ kʼoeˇ ehˇ taˬ-euˬ dawˬ kʼoeˇ dawˬ aˬ dui-ahˇ kʼaˇ toeˬ ceh luꞈ kʼoeˇ keuˆ ni, yawˬ nah na luꞈ tiˬ gʼaˬ tiˇ gʼaˬ ngehˬ gʼeh-awˬ.

1 Beˬtuˆluˆ 5:12

Ngaˇ jah coeˇ-eu aˬ nyiˇ Siˬlaˇ-ahˇ gʼoe-awˇ, naw maꞈ-ahˇ sahˬ boꞈ heu taꞈ yaw nymˇ nymˇ-ehˇ boꞈ ahˇ laꞈ-eu ma. Naw maꞈ-ahˇ gʼaˬ biꞈ mawꞈ-eu miˇ neh sahˬboꞈ heu taꞈ ngaˇ boꞈ-euˬ ma. Sahˬ boꞈ heu taꞈ-aˬ, maˇ maˇ ni Miˬyehˇ-euˬ guiˬ lahˬ yaw dzahˇ pyeuꞈ-eu ma. Guiˬ lahˬ yaw dzahˇ heu-euˬ laꞈ kʼoeˇ ziꞈ dah ni jawˇ-awˬ.

Yuˇdaˆ 1:20

Ehˇ kʼawꞈ, ngaˇ gaˬ-eu cawˬ deuˬ-oˇ, naw maꞈ-aˬ, yawˬ ha-euˬ muiˬ dui shawˇ dui dui-eu jah-eu jeˬ huiˬ laˇ mahˇ laˇ nya ni leh jeh-awˬ. Muiˬ-eu shawˇ-eu Yaw sahˇ Miˬyehˇ-euˬ baoˬ laꞈ kʼoeˇ guiˬ lahˬ shaˇ-awˬ.