1 Gawˇliˬtu 14:26 - Akha

²⁶ Aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ mawꞈ-eu-aˬ heu loꞈ-ehˇ ma. Naw maꞈ uˬ duˬ tahˬ-eu lehˇ uiˬ leˇ ngeh, caˇ dawˬ caˇ-eu gʼaˬ, mehˬ-eu tsoˆ-eu gʼaˬ, Miˬyehˇ neh pah mehˬ nehˬ-euˬ jeˬ za-euˬ gʼaˬ, dawˬ gʼawˬ mya jeˬ ngehˬ-awˇ mehˬ-eu gʼaˬ, kʼoeˇ loꞈ-ehˇ mehˬ-euˬ gaˇ dawˬ tsuiꞈ yuˇ doˆ nehˬ-eu gʼaˬ lehˇ, gʼawˬ mya jeˬ baw-eu meh. Yawˬ jeˬ na luꞈ Ka li zaˬ aˇ muˇ gʼaˇ duˬ gaˇ dahˇ tsoeˬ-eu jeˬ ya bi pyeuꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Tox-aer mar-iq, aqyuif aqnyir deuq-or! Aqjox-aer janr-eu tsaq la? Nawmaf uiqler ngae, yawqghaq navluf tiqghaq tiqjeq-aer car-awr jaceuq-eu, maeqnaeq tsovnaeq-eu, dawqbav bav-eu, panmaeq naeq-eu, dawqtsuif yurdov-eu, heudeuq mr-eu mae. Yawqjeq navluf aqcawq huiqlar manrlarni mr-awq.

1 Gawˇliˬtu 14:26 ပူးပေါင်းရင်းမြစ်များ

Lormav 1:13

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ jawˇ gaˇ laˇ-eu gʼaˇ duˬ ngaˇ gʼawˬ mya poˆ lehˬ hmˬ-euˬ gaˇ naw maꞈ noeˬ mawˇ-eu tsaˬ meh. Ehˇ kʼawꞈ, tiˬ poˆ tiˬ jeˬ gʼeu tehˬ-eu jaˆ-eu miˇ neh, maˬ laˇ doˆ nya nya. Nui gaˇ jawˇ-eu aˬ cawˬ tsawˇ jeuˬ deuˬ-ahˇ ngaˬ neh mehˬ-awˇ, jah-eu tsawˇ haˬ bi pyeuꞈ laˇ-euˬ loꞈ-ehˇ, naw maꞈ jawˇ gaˇ kʼawꞈ, jah-eu tsawˇ haˬ bi pyeuꞈ laˇ ni ngaˇ mehˬ laˇ mawꞈ miˇ-a.

Lormav 12:7

Jah-eu aˇ muˇ-euˬ gaˇ mˇ-eu gʼaˇ duˬ laꞈ sawˬ za-euˬ ngeuˇ naˇ, mˇ-eu tsaˬ meh. Mehˬ-eu tsoˆ-eu gʼaˇ duˬ laꞈ sawˬ za-euˬ ngeuˇ naˇ, mehˬ-eu tsaˬ meh.

Lormav 14:19

Kʼoeˇ miˇ neh, tiˬ gʼaˬ tiˇ gʼaˬ tsaˬ leˇ dzoeˇ leˇ-eu jeˬ hawˇ-eu, tiˬ gʼaˬ tiˇ gʼaˬ caw dehˬ caw toˆ-eu jeˬ-ahˇ aˬ dui noeˬ tsoˆ taˬ-eu tsaˬ meh.

Lormav 15:2

Aˬ dui-euˬ cawˬ Ka li zaˬ deuˬ jah-eu laꞈ kʼoeˇ huiˬ laˇ mahˇ laˇ nya ni, aˬ dui yawˬ gʼaˬ na luꞈ aˬ yawꞈ maꞈ gʼaˇ duˬ muiˬ ni mˇ-eu tsaˬ meh.

1 Gawˇliˬtu 14:15

Toˆ-ehˇ ngeuˇ naˇ, ngaˇ aˬ joˆ-ehˇ jahˇ paˬ nga. Ngaˬ-euˬ saꞈ laˇ guiˬ lahˬ shaˇ ma. Ngaˬ-euˬ nui ma kʼawꞈ guiˬ lahˬ shaˇ ma. Ngaˬ-euˬ saꞈ laˇ ja ceuˬ-awˇ caˇ ma. Ngaˬ-euˬ nui ma kʼawꞈ ja ceuˬ-awˇ caˇ ma.

1 Gawˇliˬtu 14:2

Dawˬ gʼawˬ mya jeˬ ngehˬ-eu kʼoeˇ-aˬ, tsawˇ haˬ zaˬ-ahˇ ngehˬ cawˬ-eu maˬ ngeuˇ-a. Miˬyehˇ-ahˇ ngehˬ cawˬ-eu meh. Aˬ jeˬ miˇ neh ehˇ naˇ, aˬ yawꞈ ngehˬ-eu dawˬ kʼoeˇ-ahˇ tiˬ gʼaˬ-iˬ maˬ gʼoˆ shaw nya-a. Yaw sahˇ Miˬyehˇ-euˬ baoˬ-ahˇ gʼoe-eu laꞈ kʼoeˇ zaꞈ taˬ-euˬ yaw tsaˬ yaw dawˇjeˬ aˬ yawꞈ ngehˬ-eu meh.

1 Gawˇliˬtu 14:27

Dawˬ gʼawˬ mya jeˬ ngehˬ ngeh, nyiˬ gʼaˬ smˇ gʼaˬ uˬ taꞈ-ehˇ bi ngehˬ-eu maˬ tsaˬ-a. Tiˬ gʼaˬ saˇ-iˬ tiˬ gʼaˬ ngehˬ-awˇ, kʼoeˇ loꞈ-ehˇ ngehˬ-euˬ gaˇ dawˬ tsuiꞈ yuˇ doˆ nehˬ-eu gʼaˬ kʼawꞈ ya bi jawˇ meh.

1 Gawˇliˬtu 14:40

Yawˬ jeˬ na luꞈ aˬ yawꞈ gaˇ yawꞈ tsaˬ ni bi jaˆ-awˬ.

2 Gawˇliˬtu 12:19

Naw maꞈ-euˬ mehˬ shi nga maꞈ yawˬ haˇ yawˬ ha ja muiˬ-eu nga lehˇ tehꞈ-ehˇ naw maꞈ noeˬ luꞈ te loˇ. Gaˬ-eu aˬ yuiꞈ aˬ nyiˇ deuˬ-oˇ, kʼoeˇ loꞈ-ehˇ maˬ ngeuˇ. Miˬyehˇ-euˬ mehˬ shi Ka li bi ngehˬ mawꞈ-eu dawˬ tehꞈ-ehˇ nga maꞈ ngehˬ-awˇ, nga maꞈ kʼaˇ mˇ kʼaˇ shaˇ-euˬ jeˬ dawˬ tawˆ luꞈ, naw maꞈ bi huiˬ bi mahˇ laˇ-eu gʼaˇ duˬ tehꞈ-ehˇ pyeuꞈ-eu ma.

2 Gawˇliˬtu 13:10

Ngaˇ naw maꞈ jawˇ gaˇ oe keuˆ ngeh, Sahˬpaˬ Ka li neh ngaˬ-ahˇ biꞈ laꞈ-euˬ baoˬ zmˬ-awˇ, naw maꞈ-ahˇ yaw kʼaˆ kʼaˆ-ehˇ maˬ ya jahˇ nehˬ-eu gʼaˇ duˬ, gaˇ mahˇ kaˬ gaˇ jawˇ ngeh neh heu loꞈ-ehˇ boꞈ ahˇ leꞈ-euˬ jeˬ pyeuꞈ-eu ma. Baoˬ kʼoeˇ-aˬ, naw maꞈ-ahˇ bi laˆ cawˆ-eu gʼaˇ duˬ biꞈ laꞈ-euˬ maˬ ngeuˇ-a. Naw maꞈ bi huiˬ bi mahˇ laˇ ni mˇ-eu gʼaˇ duˬ biꞈ laˬ-euˬ meh.

Eˇpeˇsu 4:12

Ka li-euˬ gʼawˇ mawˇ huiˬ laˇ mahˇ laˇ ni Miˬyehˇ-euˬ gaˇ bi mˇ-eu gʼaˇ duˬ, Miˬyehˇ-euˬ tsawˇ haˬ dawˬ tawˆ luꞈ-ahˇ lehˬ hmˬ laˆ saˆ dah nehˬ-eu lehˇ aˬ yawꞈ kʼoeˇ loꞈ-ehˇ laꞈ sawˬ biꞈ-euˬ meh.

Eˇpeˇsu 4:16

Uˬ duˬ kʼoeˇ siˬ uˆ lahˇ-eu uˬ moˆ gʼawˇ mawˇ aˇ sehˇ dawˬ tawˆ luꞈ tiˬ gaˇ tsaˬ leˇ-awˇ, uˬ duˬ-ahˇ gʼaˬ yuˇ taˬ-euˬ yoeˬ tsuiꞈ yoeˬ laꞈ deuˬ neh tiˬ sehˇ tiˇ sehˇ tsoꞈ tsaꞈ jiˇ taˬ-euˬ meh. Aˇ sehˇ aˬ yawꞈ sehˇ yawꞈ yawˬ ha-euˬ gaˇ mˇ ngeh, gʼawˇ mawˇ mawˇ lah-ehˇ huiˬ laˇ-awˇ, gʼoeˇ-eu gaˬ-eu jeˬ laꞈ kʼoeˇ gʼaˬ kʼaˆ dzehˬ laˇ-eu meh.

Eˇpeˇsu 4:29

Aˬ cawˬ-ahˇ bi coeˬ leˇ-eu dawˬ taˬ ngehˬ. Ehˇ kʼawꞈ, nawˬ neh ngehˬ-euˬ dawˬ aˬ cawˬ gʼaˇ duˬ muiˬ ni, loˬ-eu jeˬ-ahˇ caw ba nya-awˇ bi huiˬ bi mahˇ laˇ nya-eu gaˇ dahˇ tsoeˬ-eu dawˬ ngehˬ-awˬ.

Eˇpeˇsu 5:19

Ja ceuˬ-eu sahˬ boꞈ gaˇ kawˆ, Miˬyehˇ-ahˇ ja ceuˬ-eu caˇ dawˬ gaˇ kawˆ hawˇ-eu, guiˬ lahˬ saꞈ laˇ paw-euˬ caˇ dawˬ gaˇ kawˆ tiˬ gʼaˬ tiˇ gʼaˬ ja uˇ-awˬ. Nui ma laꞈ kʼoeˇ Sahˬpaˬ Yeˬsuˇ-ahˇ ja ceuˬ-awˇ, ja ceuˬ-eu caˇ dawˬ deuˬ-ahˇ caˇ-awˬ.

1 Teˇsaˬloˇni 5:11

Kʼoeˇ miˇ neh, nymˬ-mˇ naw maꞈ tiˬ gʼaˬ tiˇ gʼaˬ gʼaˬ biꞈ-awˇ caw dehˬ caw toˆ luꞈ-eu loꞈ-ehˇ, mehˬ hu paw kʼawꞈ kʼoeˇ loꞈ-ehˇ dehꞈ daˆ le-awˬ.