1 Gawˇliˬtu 14:24 - Akha

²⁴ Ehˇ kʼawꞈ, yawˬ gʼaˬ na luꞈ Miˬyehˇ dawˬ kawˬ mehˬ luꞈ ngeh, Ka li-ahˇ maˬ jah-eu tsawˇ haˬ deuˬ hawˇ-eu maˬ siˬ nya-eu tsawˇ haˬ uˇ laˇ zaˬ naˇ, dawˬ kʼoeˇ-ahˇ ya gaˬ-eu baˬ da neh yawˬ ha-euˬ iˬ baˇ gaˇ kawˆ noeˬ siˬ leˇ-awˇ, aˬ yawꞈ neh kʼaˇ ya gaˬ-euˬ jeˬ aˬ yawꞈ-ahˇ yaˇ kʼaˬ daˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Aerkhawf, yawqghaq navluf, Miqyaer gharduq ngaeqdan luf-eu gar, maqjan-eu tsawrhaq hawr-eu maq siqnya-eu tsawrhaq urlar nar-aq, Miqyaer gharduq ngaeqdan-eu tsawrhaq dawqtawvluf, aqyawf-anr gheupyawr-awr, aqyawfmaf dawqtawvluf, aqyawf-anr iqbax toeqmaeq taef-a.

1 Gawˇliˬtu 14:24 ပူးပေါင်းရင်းမြစ်များ

Yoˇhaˬ 16:8

Aˬ yawꞈ oe ngeh, iˬ baˇ gaˇ kawˆ maˬ ehˇ, yaw tsaˬ yaw dawˇ jeˬ gaˇ kawˆ maˬ ehˇ, Miˬyehˇ yaˇ kʼaˬ daˇ-eu gaˇ kawˆ maˬ ehˇ, miˇ tsaˬ zaˬ deuˬ jah lehˬ-eu meh lehˇ aˬ yawꞈ saˇ kiˇ kamˬ tehꞈ-a.

Yoˇhaˬ 4:29

“Ngaˬ neh kʼaˇ mˇ dzeuˇ yaꞈ-euˬ yawˬ jeˬ na luꞈ ehˇ mehˬ laꞈ nya-eu tsawˇ haˬ tiˬ gʼaˬ-ahˇ haw le sheˇ. Meˬsiˇya maˬ ngeuˇ nga lehˇ maˬ ehˇ nya luꞈ-a.”

Gʼaˬkʼehˇ 2:37

Beˬtuˆluˆ kʼoeˇ loꞈ-ehˇ ehˇ gaˇ tsawˇ haˬ kʼoeˇ deuˬ ya gaˬ ngeh, aˬ yawꞈ maꞈ-euˬ nui ma-ahˇ zaw dui dui leˇ-awˇ, Beˬtuˆluˆ hawˇ-eu gʼaˬ kʼehˇ kʼoeˇ deuˬ-ahˇ ehˇ-eu, “Aˬ yuiꞈ aˬ nyiˇ deuˬ-oˇ, nga maꞈ aˬ joˆ-ehˇ jahˇ paˬ nga.”

1 Gawˇliˬtu 14:1

Gʼoeˇ-eu gaˬ-eu jeˬ-ahˇ naw maꞈ leh jeh dui dui paˬ-ehˇ gʼeh-eu meh. Saꞈ laˇ paw naw maꞈ za taˬ-euˬ laꞈ sawˬ deuˬ-ahˇ nui ma keuˆ-awˬ. Miˬyehˇ dawˬ kawˬ mehˬ nya ni za taˬ-euˬ laꞈ sawˬ-ahˇ, dawˬ tawˆ luꞈ naˆ maˬ tseˇ nui ma keuˆ-awˬ.

1 Gawˇliˬtu 14:16

Nawˬ-euˬ saꞈ laˇ tehꞈ-ehˇ Miˬyehˇ-euˬ guiˬ lahˬ-ahˇ ja ceuˬ naˇ, nawˬ nehˬ-ehˇ tiˬ kawˆ loꞈ-ehˇ uˬ duˬ tahˬ luꞈ-eu maˬ siˬ nya-eu tsawˇ haˬ nawˬ neh guiˬ lah shaˇ-euˬ gaˇ “Aˬ miˬ” lehˇ aˬ joˆ-ehˇ ehˇ caw nya nmˇ. Nawˇ aˬ jeˬ ehˇ luꞈ-eu aˬ yawꞈ tiˬ pawꞈ-iˬ maˬ gʼoˆ siˬ nya-a.

1 Gawˇliˬtu 2:15

Yaw sahˇ Miˬyehˇ kʼaˇ za taˬ-euˬ tsawˇ haˬ-aˬ, yawˬ jeˬ na luꞈ-ahˇ gaˇ dahˇ tsoeˬ-eu maˬ tsoeˬ-eu tseˇ paˆ nya-eu meh. Ehˇ kʼawꞈ, kʼoeˇ loꞈ-ehˇ gʼeh-eu tsawˇ haˬ-ahˇ aˬ cawˬ tiˬ gʼaˬ-iˬ maˬ tseˇ paˆ duˬ nya-a.