1 Gawˇliˬtu 14:16 - Akha

¹⁶ Nawˬ-euˬ saꞈ laˇ tehꞈ-ehˇ Miˬyehˇ-euˬ guiˬ lahˬ-ahˇ ja ceuˬ naˇ, nawˬ nehˬ-ehˇ tiˬ kawˆ loꞈ-ehˇ uˬ duˬ tahˬ luꞈ-eu maˬ siˬ nya-eu tsawˇ haˬ nawˬ neh guiˬ lah shaˇ-euˬ gaˇ “Aˬ miˬ” lehˇ aˬ joˆ-ehˇ ehˇ caw nya nmˇ. Nawˇ aˬ jeˬ ehˇ luꞈ-eu aˬ yawꞈ tiˬ pawꞈ-iˬ maˬ gʼoˆ siˬ nya-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Nawq-euq saflar nae taef-aer Miqyaer-anr jaceuqluf nar-aq, khoergar jawrluf-eu dawqbav maq siqnya-eu tsawrhaq, nawr jaceuq luf-eu dawq-anr maq ghovshawnya nar-aq, nawr jaceuq luf-eu gar, “Aqmeq” laer aqjox-aer aernya nmr-mq?

1 Gawˇliˬtu 14:16 ပူးပေါင်းရင်းမြစ်များ

1 Sahˬpaˬ 1:36

Yeˬhawˇyaˬdaˬ-euˬ aˬ li Baˬnaˇyaˬ ehˇ-eu, “Sahˬ paˬ neh kʼaˇ ehˇ-euˬ loꞈ-ehˇ pyeuꞈ laˇ luꞈ-uˇ. Kʼoeˇ loꞈ-ehˇ bi pyeuꞈ laˇ ni, nawˬ-euˬ Miˬyehˇ pyeuꞈ-eu Sahˬpa miˬyehˇ mˇ luꞈ-uˇ.

1 Laˬsaˬbaˬ 16:36

Iˇsaˬleˬlaˆ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ yawˬ. Mˬ maˬ maˬ byaˆ zaˇ ziˇ jiˇ ni yawꞈ-ahˇ maˬ byehˇ ni ja ceuˬ yawˬ. Kʼoeˇ naˇ, tsawˇ haˬ dawˬ tawˆ luꞈ “Aˬmiˬ” lehˇ ehˇ-awˇ, Sahˬpaˬ Miˬyehˇ-ahˇ ja ceuˬ-euˬ meh.

Neˬhaˬmiˇ 5:13

Kʼoeˇ naˇ, ngaˬ-euˬ joꞈ-ahˇ paꞈ luꞈ-eu pawˬ behˆ ngaˇ lehˆ doˆ-awˇ, aˬ yawꞈ maꞈ mehˬ shi byuˬ kʼaˇ mehˬ nehˬ-awˇ heu loꞈ-ehˇ ehˇ nehˬ-euˬ ma. “Yawˬ ha neh saˇ jaˇ dzaˬ taˬ-euˬ loꞈ-ehˇ maˬ mˇ-eu tsawˇ haˬ-ahˇ Miˬyehˇ heu loꞈ-ehˇ byuˬ kʼaˇ nehˬ tehꞈ-a. Naw maꞈ-euˬ nymˇ deuˬ hawˇ-eu naw maꞈ kʼaˇ jaˆ-eu yawˬ jeˬ na luꞈ-ahˇ Miˬyehˇ yuˇ kʼoꞈ jiˇ-awˇ, tiˬ jeˬ-iˬ maˬ jaˆ ni bi jawˇ nehˬ laꞈ tehꞈ-a.” Kʼoeˇ ngeh, kʼoeˇ gaˇ kʼaˇ uiˬ laˇ-euˬ yawˬ gʼaˬ na luꞈ, “Aˬmiˬ” lehˇ ehˇ-awˇ, Sahˬpaˬ miˬyehˇ-euˬ guiˬ lahˬ-ahˇ ja ceuˬ-euˬ meh. Aˬ yuiꞈ aˬ tsu deuˬ kʼawꞈ yawˬ ha neh saˇ jaˇ kʼaˇ dzaˬ taˬ-euˬ loꞈ-ehˇ mˇ-euˬ meh.

Neˬhaˬmiˇ 8:6

“Huiˬ dui mahˇ dui dui-eu Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ” lehˇ Eˇzaˬlaˬ ehˇ ngeh, tsawˇ haˬ dawˬ tawˆ luꞈ aˬ laꞈ baꞈ diˇ-awˇ, “Aˬ miˬ, aˬ miˬ” lehˇ ehˇ-eu meh. Aˬ yawꞈ maꞈ baˬ ba miˇ tsa tuˆ ni pawˬ tsuiꞈ pawˬ dmˬ dmˬ-awˇ uˬ duˬ tahˬ-euˬ meh.

Jaceuq 106:48

Iˇsaˬleˬlaˆ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Nymˬ-mˇ hawˇ-eu mˬ maˬ maˬ byaˆ zaˇ ziˇ ja ceuˬ-awˬ. Tsawˇ haˬ yawˬ gʼaˬ na luꞈ “Aˬ miˬ” lehˇ ehˇ-awˬ. Sahˬpaˬ Miˬyehˇ-ahˇ ja ceuˬ-awˬ.

Jaceuq 41:13

IˇsaˬleˬlaˆMiˬyehˇpyeuꞈ-eu, SahˬpaˬMiˬyehˇ-ahˇja ceuˬ-awˬ. Mˬmaˬmaˬbyaˆzaˇziˇjiˇni, aˬyawꞈ-ahˇciˬhuiˬciˬmahˇ-awˬ.

Jaceuq 72:19

Yaw shehꞈ kʼahˬ sehˇ huiˬ-eu aˬ yawꞈ-euˬ tsawˇ myahˇ-ahˇ, mˬ maˬ maˬ byaˆ zaˇ ziˇ ja ceuˬ-awˬ. Aˬ yawꞈ-euˬ yaw shehꞈ kʼahˬ sehˇ miˇ tsaˬ kʼoeˇ taˆ byah luꞈ-uˇ. Aˬmiˬ. Aˬmiˬ.

Jaceuq 89:52

Sahˬpaˬ Miˬyehˇ-ahˇ mˬ maˬ maˬ byaˆ zaˇ ziˇ ja ceuˬ-awˬ. Aˬmiˬ. Aˬmiˬ.

Yeˬlaˬmiˇ 11:5

Kʼoeˇ naˇ, aˬ yawꞈ maꞈ-euˬ aˬ poeˬ aˬ bawˇ deuˬ nehˬ-ehˇ, ngaˬ neh dzaˬ taˬ-euˬ saˇ jaˇ-ahˇ ngaˇ ziꞈ-awˇ, nymˬ-mˇ aˬ yawꞈ maꞈ jawˇ luꞈ-eu miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ heu kʼahˬ, aˬ yawꞈ maꞈ-ahˇ ngaˇ biꞈ ma lehˇ ehˇ nehˬ-euˬ ma.” Kʼoeˇ ngeh, “Sahˬpaˬ Miˬyehˇ nawˇ kʼaˇ ehˇ-eu loꞈ-ehˇ ngaˇ mˇ ma” lehˇ, ngaˇ ehˇ kʼoꞈ nehˬ-euˬ ma.

Yeˬlaˬmiˇ 28:6

“Yaw zawˇ-ehˇ zahˬ leˇ paˬ-ehˇ gʼeh nya. Sahˬpaˬ Miˬyehˇ kʼoeˇ loꞈ-ehˇ mˇ luꞈ-uˇ lehˇ ngaˇ noeˬ tmˬ-eu ma. Nawˬ neh kʼaˇ ehˇ-euˬ loꞈ-ehˇ pyeuꞈ laˇ ni aˬ yawꞈ jahˇ-eu laꞈ kʼoeˇ, Baˬbuˇloˬ miˇ kʼahˬ-ahˇ pi daˆ gʼeh-euˬ Uˬ duˬ tahˬ nymˇ nymˇ ma laꞈ kʼoeˇ jaˆ-eu pyuˇ shuiˇ myawˬ gahˬ deuˬ paˇ pi kʼoꞈ keuˆ leꞈ jiˇ-awˇ, bi nyehꞈ daˆ gʼeh-euˬ tsawˇ haˬ deuˬ kʼawꞈ, gʼoꞈ keuˆ le jiˇ luꞈ-uˇ.

Bawˇtsahˬ 5:22

Iˇ cuꞈ heu nawˬ-euˬ uˬ maˆ laꞈ kʼoeˇ uˇ keuˆ-iˇ-awˇ, nawˬ-eu uˬ maˆ puˬ laˇ-awˇ, nawˬ-euˬ pyaˬ kaˬ liˬ-iˇ koˆ-iˇ-eu jeˬ bi keuˆ le luꞈ-uˇ.” Zaˬ miˬ zaˬ kʼoeˇ gʼaˬ gʼeh, “Ngaˇ nui ma tsaˬ ma. Sahˬpaˬ Miˬyehˇ kʼoeˇ loꞈ-ehˇ mˇ nehˬ laꞈ luꞈ-uˇ” lehˇ ya ehˇ meh.

Maꞈtehˬ 15:36

Kʼoeˇ naˇ, kaˬ muˇ kʼoeˇ shiꞈ yaˆ hawˇ-eu ngaˬ shaˬ kʼoeˇ deuˬ aˬ yawꞈ yuˇ-awˇ, Miˬyehˇ-euˬ guiˬ lahˬ-ahˇ ja ceuˬ gʼaˬ miˇ tsa, ngawˬ pyehˬ-awˇ, zaˬ lahˇ deuˬ-ahˇ biꞈ-awˇ, tsawˇ haˬ aˇ maꞈ-ahˇ bi biˇ nehˬ-euˬ meh.

Maꞈtehˬ 28:20

Ngaˬ neh naw maꞈ-ahˇ dawˬ kʼaˇ biꞈ taˬ-euˬ yawˬ jeˬ na luꞈ, aˬ yawꞈ maꞈ naˇ haˬ-awˇ caw teh ni mehˬ nehˬ tsoˆ nehˬ-awˬ. Miˇ tsaˬ heu aˇ saˬ saˬ ngeh keuˆ ni, naw maꞈ nehˬ-ehˇ aˬ myah luꞈ ngaˇ jawˇ ma.”

Maꞈtehˬ 6:13

Iˬ baˇ muˇ juˇ mehˬ nah, taˬ bi iˇ laꞈ, Yaw haiˬ laꞈ kʼoeˇ, bi dzeuˇ-iˇ laꞈ.’

Maˬkuˆ 16:20

Zaˬ lahˇ deuˬ yawˬ paw na luꞈ iˇ-awˇ, dawˬ mehˬ mehˬ-iˇ-euˬ meh. Sahˬpaˬ Yeˬsuˇ aˬ yawꞈ maꞈ nehˬ-ehˇ gaˇ mˇ-awˇ, aˬ yawꞈ maꞈ dawˬ mehˬ mehˬ-euˬ aˬ diˇ aˬ maˇ tsaˬ-eu gaˇ kawˆ, zahˬ leˇ paˬ-ehˇ gʼeh-eu jeˬ mˇ mehˬ-awˇ bi siˬ bi mawˇ duˬ-euˬ meh.)

Yoˇhaˬ 21:25

Yeˬsuˇ neh mˇ-euˬ gaˇ gʼawˬ mya ni jaˆ-a siˬ. Aˬ yawꞈ neh kʼaˇ mˇ-euˬ gaˇ deuˬ tiˬ jeˬ saˇ-iˬ tiˬ jeˬ boꞈ doˆ jiˇ naˇ, boꞈ doˆ-euˬ sahˬ boꞈ paˇ dmˬ kʼoeˇ deuˬ miˇ tsaˬ heu kʼoeˇ taˆ maˬ deˇ leˇ-aˇ lehˇ ngaˇ noeˬ-eu ma.

Yoˇhaˬ 7:15

Yuˇdaˆ tsawˇ haˬ aˬ yuiꞈ aˬ tsu deuˬ zahˬ leˇ-awˇ ehˇ-eu, “Tsawˇ haˬ heu gʼaˬ tiˬ jeˬ-iˬ maˬ ya dzaw haw-euˬ gaˇ, aˇ naˆ naˆ-ehˇ siˬ nya-eu nga teu.”

Gʼaˬkʼehˇ 4:13

Beˬtuˆluˆ hawˇ-eu Yoˇhaˬ aˬ nyaꞈ zaˬ siˬ tsawˇ gahˇ maˬ ya dzaw haw-euˬ dahˇ taˆ zaˬ pyeuꞈ kʼawꞈ, kʼoeˇ loꞈ-ehˇ kʼaˬ duˬ ni ngehˬ gaˇ tmˇ gaˇ, Baꞈ dzah aˇ muˇ laꞈ kʼoeˇ uˇ-eu aˬ yuiꞈ aˬ tsu deuˬ zahˬ leˇ-euˬ meh. Kʼoeˇ mi neh, aˬ yawꞈ nyaꞈ Yeˬsuˇ nehˬ-ehˇ jawˇ haw-euˬ tsawˇ haˬ pyeuꞈ-eu ngaˇ lehˇ aˬ yawꞈ maꞈ siˬ duˬ-euˬ meh.

1 Gawˇliˬtu 11:24

Miˬyehˇ-euˬ guiˬ lahˬ-ahˇ ja ceuˬ-euˬ meh. Kʼoeˇ naˇ, kaˬ muˇ kʼoeˇ ngawˬ pyehˬ-awˇ, “Heu-aˬ, naw maꞈ-euˬ gʼaˇ duˬ pyeuꞈ-eu ngaˬ-euˬ gʼawˇ mawˇ ma. Ngaˬ-ahˇ noeˬ keuˆ-eu laꞈ kʼoeˇ heu loꞈ-ehˇ mˇ-awˬ” lehˇ ehˇ-euˬ meh.

1 Gawˇliˬtu 14:14

Ngaˇ dawˬ gʼawˬ mya jeˬ ngehˬ-awˇ guiˬ lahˬ shaˇ naˇ, ngaˬ-euˬ saꞈ laˇ guiˬ lahˬ shaˇ luꞈ kʼawꞈ, ngaˬ-euˬ nui ma maˬ keuˆ-a.

1 Gawˇliˬtu 14:2

Dawˬ gʼawˬ mya jeˬ ngehˬ-eu kʼoeˇ-aˬ, tsawˇ haˬ zaˬ-ahˇ ngehˬ cawˬ-eu maˬ ngeuˇ-a. Miˬyehˇ-ahˇ ngehˬ cawˬ-eu meh. Aˬ jeˬ miˇ neh ehˇ naˇ, aˬ yawꞈ ngehˬ-eu dawˬ kʼoeˇ-ahˇ tiˬ gʼaˬ-iˬ maˬ gʼoˆ shaw nya-a. Yaw sahˇ Miˬyehˇ-euˬ baoˬ-ahˇ gʼoe-eu laꞈ kʼoeˇ zaꞈ taˬ-euˬ yaw tsaˬ yaw dawˇjeˬ aˬ yawꞈ ngehˬ-eu meh.

1 Gawˇliˬtu 16:24

Yeˬsuˇ Ka li laꞈ kʼoeˇ ngaˬ-euˬ gʼoeˇ-eu gaˬ-eu jeˬ naw maꞈ dawˬ tawˆ luꞈ kʼoeˇ taˆ jaˆ luꞈ-uˇ.

2 Gawˇliˬtu 1:20

Aˬ jeˬ miˇ neh ehˇ naˇ, Miˬyehˇ neh saˇ jaˇ kʼaˇ dzaˬ taˬ-euˬ jeˬ dawˬ tawˆ luꞈ, aˬ yawꞈ-euˬ laꞈ kʼoeˇ “Ngeuˇ meh” lehˇ ya mawˇ-eu meh. Kʼoeˇ miˇ neh, Miˬyehˇ-euˬ yaw shehꞈ kʼahˬ sehˇ-ahˇ taˬ huiˬ-eu laꞈ kʼoeˇ “Aˬ miˬ” lehˇ aˬ dui ehˇ ngeh, Yeˬsuˇ Ka li laꞈ kʼoeˇ aˬ dui ehˇ-eu ma.

Panmaeq 22:20

Gaˇ kawˆ heu deuˬ dawˬ tawˆ luꞈ saˇ kiˇ kamˬ-eu gʼaˬ ehˇ-eu, “Ngaˇ yaw kawˇ-ehˇ oe ma. Maˇ maˇ ni yaw kawˇ-ehˇ oe ma.” Aˬ miˬ. Sahˬpaˬ Yeˬsuˇ-oˇ, oe-awˬ.

Panmaeq 5:14

Kʼoeˇ ngeh, dehꞈ luꞈ-eu jeˬ zaˬ kʼoeˇ oeˬ mawˇ “Aˬ miˬ” lehˇ ehˇ kʼoꞈ nehˬ-euˬ meh. Kʼoeˇ naˇ, aˬ yuiꞈ aˬ tsu kʼoeˇ deuˬ awˆ byaˆ-awˇ uˬ duˬ tahˬ-euˬ meh.

Panmaeq 7:12

Aˬ yawꞈ maꞈ ehˇ-eu, “Aˬ miˬ. Ja ceuˬ-eu jeˬ, yaw shehꞈ kʼahˬ sehˇ, zaˬ siˬ tsawˇ gahˇ, guiˬ lahˬ-ahˇ ja ceuˬ-eu jeˬ, taˬ huiˬ taˬ mahˇ-eu jeˬ, baoˬ hawˇ-eu gʼaˬ dawˬ tawˆ luꞈ, mˬ maˬ maˬ byaꞈ zaˇ ziˇ aˬ dui-euˬ Miˬyehˇ-ahˇ oꞈ-eu meh. Aˬ miˬ.”