1 Gawˇliˬtu 13:9 - Akha

⁹ Aˬ jeˬ miˇ neh ehˇ naˇ, aˬ dui za taˬ-euˬ zaˬ siˬ tsawˇ gahˇ hawˇ-eu Miˬyehˇ gʼaˇ duˬ ngehˬ dah nya-eu jeˬ-aˬ, maˬ byah maˬ loꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aqjeq mirnae aernar-aq, nymq-mr aqdui siqnya-eu maqbyan-aer, Miqyaer gharduq ngaeqdan-eu khawf maqbyan-a.

1 Gawˇliˬtu 13:9 ပူးပေါင်းရင်းမြစ်များ

Yawˇbaˆ 26:14

Ehˇ kʼawꞈ, heu deuˬ-aˬ aˬ yawꞈ-euˬ baoˬ aˇ kʼawꞈ tehꞈ-a siˬ. Aˬ yawꞈ jaˬ cehˇ cehˇ-eu ya gaˬ-eu naˆ ni tehꞈ-a siˬ. Aˬ diˇ aˬ maˇ Miˬyehˇ aˇ naˆ ni huiˬ-eu mahˇ-eu aˬ suˇ gʼaˬ siˬ nya nmˇ.”

Jaceuq 139:6

Nawˇ ngaˬ-euˬ gaˇ kawˆ siˬ nya-eu naꞈ dui dui-awˇ, ngaˇ maˬ noeˬ keuˆ coeˇ gaˇ keuˆ ni siˬ nya-eu meh.

Jaceuq 40:5

Nga maꞈjah-eu Miˬyehˇpyeuꞈ-eu, nga maꞈ-euˬSahˬpaˬMiˬyehˇ-oˇ, kʼaˆjeˬ-ehˇgʼeh-eu gʼawˬmya jeˬ, nga maꞈgʼaˇduˬnawˇmˇ-euˬmeh. Nawˇloꞈ-ehˇgaˇkawˆkawˆnya-eu, nawˬ-ahˇduˇ-eu gʼaˬmaˬjawˇ-a. Nawˬneh mˇnehˬlaꞈ-euˬgaˇdeuˬ, kʼaˬmeh neh maˬja jiˇcoeˇnya.

Dawqdaq 30:4

Mˬ taˆ tsawˇ gahˇ dawˬ tawˆ luꞈ tuˆ tehˬ taˬ-euˬ aˬ suˇ gʼaˬ-a. Jaˬ lehˇ-ahˇ nyehꞈ tehˬ taˬ-euˬ aˬ suˇ gʼaˬ-a. Iˇ cuꞈ-ahˇ saˬ paˇ neh paꞈ cu cu taˬ-euˬ aˬ suˇ gʼaˬ-a. Miˇ tsaˬ tahˬ kʼawˇ-euˬ miˇ kaˬ dehˬ biˇ-euˬ aˬ suˇ gʼaˬ-a. Nawˇ siˬ nya-eu jeˬ maˇ-iˬ, aˬ yawꞈ aˬ suˇ gʼaˬ-a. Aˬ yawꞈ-euˬ aˬ li aˬ suˇ gʼaˬ-a.

Maꞈtehˬ 11:27

“Yawˬ jeˬ na luꞈ, ngaˬ Da neh ngaˬ-ahˇ a nehˬ jiˇ laꞈ-euˬ meh. Aˬda maˬ ngeuˇ naˇ, Zaˬmaˇ-ahˇ siˬ nya-eu tiˬ gʼaˬ-iˬ maˬ jawˇ-a. Zaˬmaˇ hawˇ-eu Zaˬmaˇ neh tseˇ doˆ-awˇ pah mehˬ nehˬ-euˬ tsawˇ haˬ deuˬ maˬ ngeuˇ naˇ, Aˬda-ahˇ siˬ nya-eu tiˬ gʼaˬ-iˬ maˬ jawˇ-a.

Lormav 11:34

Jaˇliꞈ laꞈ kʼoeˇ ehˇ taˬ-euˬ, “Sahˬpaˬ Miˬyehˇ-euˬ nui noeˬ-ahˇ, aˬ suˇ gʼaˬ siˬ nya-eu jawˇ ta. Aˬ yawꞈ-ahˇ ja noeˬ ja duˇ-eu, aˬ suˇ gʼaˬ mˇ nya-eu jawˇ ta.

1 Gawˇliˬtu 13:10

Byah-eu loꞈ-eu jeˬ keuˆ le ngeh, maˬ byah maˬ loꞈ-eu jeˬ byoˆ-iˇ jiˇ tehꞈ-a.

1 Gawˇliˬtu 13:12

Nymˬ-mˇ aˬ dui ya mawˇ luꞈ-eu heu-aˬ, pyawˬ haw-ahˇ haw-eu loꞈ-ehˇ duˇ-awˇ, maˬ mawˇ shawˇ laˇ-a. Aˇ yamˬ kʼoeˇ keuˆ le ngeh, myaˆ pyawˬ ciˬ daˬ-awˇ ya mawˇ duˬ tehꞈ-a. Nymˬ-mˇ ngaˇ siˬ nya-eu heu-aˬ, maˬ byah maˬ loꞈ-a siˬ. Ehˇ kʼawꞈ, aˇ yamˬ kʼoeˇ keuˆ le ngeh, byah laˇ loꞈ laˇ tehꞈ-a. Miˬyehˇ ngaˬ-ahˇ tiˬ byah tiˬ loꞈ siˬ nya-eu loꞈ-ehˇ byah laˇ loꞈ laˇ tehꞈ-a.

1 Gawˇliˬtu 2:9

Ehˇ kʼawꞈ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ jaˆ-eu meh. “Myaˆ nuiˆ maˬ mawˇ haw-ehˇ, naˬ bawˇ maˬ gaˬ haw-euˬ, maˬ noeˬ doˆ coeˇ-eu jeˬ, Miˬyehˇ-ahˇ gaˬ-euˬ deuˬ gʼaˇ duˬ, Miˬyehˇ lehˬ hmˬ laˆ saˆ-euˬ meh.”

1 Gawˇliˬtu 8:2

Yawˬ haˇ yawˬ ha zaˬ siˬ tsawˇ gahˇ ahˇ ma lehˇ noeˬ-eu tsawˇ haˬ-aˬ, yawˬ ha siˬ geuˇ nya geuˇ-eu loꞈ-ehˇ maˬ siˬ maˬ nya keuˆ-eu tsawˇ haˬ pyeuꞈ-eu meh.

Eˇpeˇsu 3:8

Miˬyehˇ-euˬ tsawˇ haˬ deuˬ laꞈ kʼoeˇ aˬ cawˬ taꞈ-ehˇ nyiˇ teˬ dzehˬ-eu gʼaˬ ngaˇ ma. Ehˇ kʼawꞈ, maˬ ehˇ jiˇ coeˇ gaˇ keuˆ ni byah dui kuꞈ dui dui-eu Ka li-euˬ guiˬ lahˬ gaˇ kawˆ aˬ cawˬ tsawˇ jeuˬ-ahˇ mehˬ-eu gʼaˬ bi geuꞈ laꞈ-euˬ meh.

1 Yoˇhaˬ 3:2

Ngaˇ gaˬ dui dui-eu cawˬ deuˬ-oˇ, nymˬ-mˇ aˬ dui Miˬyehˇ-euˬ zaˬ ma. Ehˇ kʼawꞈ, aˬ dui mehˬ hu paw aˬ joˆ-ehˇ pyeuꞈ laˇ-eu maˬ duˬ-a siˬ. Ehˇ kʼawꞈ, Yeˬsuˇ Ka li-ahˇ bya cehˆ ni ya mawˇ ngeh, aˬ dui aˬ yawꞈ loꞈ-ehˇ pyeuꞈ laˇ tehꞈ-a lehˇ siˬ duˬ taˬ-euˬ ma. Aˬ jeˬ miˇ neh ehˇ naˇ, aˬ yawꞈ kʼaˇ ngeuˇ-eu loꞈ-ehˇ aˬ dui aˬ yawꞈ-ahˇ ya mawˇ duˬ ma.