1 Gawˇliˬtu 13:7 - Akha

⁷ Gʼoeˇ-eu gaˬ-eu jeˬ-aˬ, dawˬ tawˆ luꞈ-ahˇ daˬ coeˇ-eu meh. Dawˬ tawˆ luꞈ-ahˇ jah coeˇ-eu meh. Dawˬ tawˆ luꞈ-ahˇ noeˬ tmˬ coeˇ-eu meh. Dawˬ tawˆ luꞈ-ahˇ oˇ coeˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Gaq-eu jeq-aq, dawqtawv luf-anr orcoer-awr, dawqtawv luf-euq lafkhoer jancoer-eu uqtaf, dawqtawv luf-euq lafkhoer noeqtmq coer-awr, dawqtawv luf-anr daqcoer-eu mae.

1 Gawˇliˬtu 13:7 ပူးပေါင်းရင်းမြစ်များ

Aˇ dahˬ 29:20

Yaˬkoˆ-aˬ, Laˬkeˬlaˇ-ahˇ ya sheuˬ-eu gʼaˇ duˬ, shiꞈ kʼoꞈ keuˆ ni Laˬbaˬ-euˬ gaˇ mˇ nehˬ-euˬ meh. Laˬkeˬlaˇ-ahˇ aˬ yawꞈ gaˬ dui dui-eu miˇ neh, aˇ yamˬ kʼoeˇ myah ni ga-iˇ-euˬ kʼawꞈ, tiˬ kʼehˇ laˇ kʼehˬ tehꞈ nya lehˇ aˬ yawꞈ noeˬ-euˬ meh.

Yawˇbaˆ 13:15

Ngaˇ noeˬ tmˬ duˬ tiˬ jeˬ-iˬ maˬ paˇ jaˆ-eu-aˬ, Miˬyehˇ ngaˬ-ahˇ sehꞈ kʼawꞈ aˬ jeˬ gʼeh nmˇ. Ngaˬ-euˬ gaˇ kawˆ aˬ yawꞈ nehˬ-ehˇ ngaˇ ja ma.

Jaceuq 119:66

Nawˬ-euˬ dawˬ-ahˇ ngaˇ gʼoe-eu miˇ neh, zaˬ siˬ tsawˇ gahˇ hawˇ-eu noeˬ siˬ noeˬ mawˇ nya-eu jeˬ biꞈ laꞈ.

Dawqdaq 10:12

Bye-eu jeˬ iˬ dehˬ iˬ ceh bi doˆ laˇ-awˇ, gʼoeˇ-eu gaˬ-eu jeˬ yaw lehˬ dawˬ tawˆ luꞈ-ahˇ dehˬ kaˬ nya-eu meh.

Maꞈtehˬ 10:22

Naw maꞈ ngaˬ-ahˇ gʼoe-eu baˬ da neh, tsawˇ haˬ dawˬ tawˆ luꞈ naw maꞈ-ahˇ muiˇ tehꞈ-a. Ehˇ kʼawꞈ, aˇ saˬ saˬ ngeh keuˆ ni ziꞈ-eu tsawˇ haˬ-aˬ, ka kʼoꞈ-eu jeˬ za tehꞈ-a.

Maˬkuˆ 9:23

Yeˬsuˇ ehˇ-eu, “Gʼeh nya naˇ lehˇ aˬ jeˬ miˇ neh ehˇ te. Jah-eu tsawˇ haˬ gʼaˇ duˬ yawˬ jeˬ na luꞈ pyeuꞈ laˇ nya meh.”

Lormav 15:1

Aˬ dui jah-eu gʼaˬ kʼaˆ-eu tsawˇ haˬ deuˬ-aˬ, gʼaˬ baˬ-eu deuˬ-euˬ kʼaˆ behˆ caw pi nehˬ-eu tsaˬ meh. Aˬ dui gʼaˇ duˬ muiˬ ni mˇ-eu maˬ tsaˬ-a.

Lormav 8:24

A dui-euˬ noeˬ tmˬ-eu jeˬ baˬ da neh, ka kʼoꞈ-eu jeˬ za-euˬ ma. Noeˬ tmˬ-eu jeˬ-ahˇ ya mawˇ gʼaˬ shaw naˇ, kʼoeˇ-aˬ, noeˬ tmˬ-eu jeˬ maˬ paˇ ngeuˇ meh. Ya mawˇ luꞈ-eu jeˬ-ahˇ noeˬ tmˬ-eu aˬ suˇ gʼaˬ jawˇ ta.

1 Gawˇliˬtu 13:4

Gʼoeˇ-eu gaˬ-eu jeˬ-aˬ, nui ma gʼawˬ mahˇ ni taˬ-awˇ, aˬ cawˬ-ahˇ gʼawˬ shaˬ gaˬ nya-eu meh. Myaˆ maˬ naˆ-a. Maˬ jahˇ gʼeh-a. Huiˬ mawꞈ mahˇ mawꞈ-eu nui ma maˬ ahˇ-a.

1 Gawˇliˬtu 9:12

Naw maꞈ neh kʼoeˇ loꞈ-ehˇ gʼeh-eu jeˬ caw ba nehˬ-euˬ gaˇ aˬ cawˬ za geuˇ naˇ, nga maꞈ kʼoeˇ naˆ maˬ tseˇ maˬ za geuˇ-aˇ loˇ. Ehˇ kʼawꞈ, nga maꞈ kʼaˇ za geuˇ-eu jeˬ nga maꞈ maˬ geuꞈ-aˬ. Ka li gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ gaˇ jaˆ tsoeˬ-eu jeˬ maˬ bi pyeuꞈ-eu gʼaˇ duˬ, yawˬ jeˬ na luꞈ-ahˇ nga maꞈ daˬ dzeuˇ oˇ dzeuˇ yaꞈ-euˬ ma.

Gaˬlaˬtiˆ 6:2

Tiˬ gʼaˬ tiˇ gʼaˬ kʼaˆ behˆ caw pi-eu laꞈ kʼoeˇ, Ka li-euˬ zahˇ dawˬ kʼoꞈ dawˬ-ahˇ mˇ byah-awˬ.

Dawˬmehˬ 1:9

Iˇsaˬleˬlaˆ tsawˇ haˬ deuˬ-ahˇ Moˇseˬ ehˇ nehˬ-eu, “Aˬ dui maꞈ Siˇnaˆ gawˬ jawˬ-ahˇ jawˇ ngeh neh, naw maꞈ-ahˇ ngaˇ heu loꞈ-ehˇ ehˇ nehˬ-euˬ ma. Naw maꞈ kʼoeˇ taˆ aˬ yuiꞈ geuꞈ-eu gaˇ heu-ahˇ ngaˇ maˬ gʼaˬ leˇ nya.

Dawˬmehˬ 22:27

Kʼaˬ dzeˇ zaˬ kʼoeˇ gʼaˬ bawˇ tsahˬ-ahˇ aˬ yawꞈ-ahˇ yehˬ bawˬ sehˇ lu-ehˇ jahˇ-euˬ miˇ neh, caw ba le-awˬ lehˇ aˬ yawꞈ guˇ kʼawꞈ, caw ba nehˬ-eu gʼaˬ maˬ jawˇ-a.

2 Teˇsaˬloˇni 1:4

Kʼoeˇ miˇ neh, Miˬyehˇ-euˬ Ka li zaˬ aˇ muˇ deuˬ mehˬ shi, naw maꞈ gaˇ kawˆ nga maꞈ kʼahˬ sehˇ jehˆ-eu ma. Naw maꞈ ya daˬ luꞈ-eu kʼehˬ-eu kʼaˆ-eu jeˬ hawˇ-eu shaˬ-eu zahˬ-eu jeˬ dawˬ tawˆ luꞈ-ahˇ naw maꞈ daˬ dzeuˇ oˇ dzeuˇ-eu laꞈ kʼoeˇ, naw maꞈ jah luꞈ-eu gaˇ kawˆ nga maꞈ kʼahˬ sehˇ jehˆ-eu ma.

2 Tiˆmoˇseˬ 2:24

Sahˬpaˬ Yeˬsuˇ-euˬ zaˬ kʼaˆ-aˬ, aˬ cawˬ nehˬ-ehˇ maˬ ya ceh dzaˬ-a. Aˬ yawꞈ-aˬ, tsawˇ haˬ yawˬ gʼaˬ na luꞈ-ahˇ gʼawˬ shaˬ ya gaˬ-awˇ, nui ma gʼawˬ mahˇ ni taˬ nya-eu muiˬ dui dui-eu mehˬ-eu tsoˆ-eu saˬ laˬ ya bi pyeuꞈ meh.

2 Tiˆmoˇseˬ 3:11

kʼehˬ-eu kʼaˆ-eu jeˬ-ahˇ ya daˬ-euˬ jeˬ, ya shaˬ ya zahˬ-euˬ jeˬ, heu deuˬ-ahˇ nawˇ dzaw geuꞈ-euˬ meh. Aˬdiˇawˬ meuˬ, Iˇgawˇniˇ meuˬ, Loˇdaˬlaˇ meuˬ, heu deuˬ laꞈ kʼoeˇ ngaˬ-euˬ kʼoeˇ taˆ aˬ joˆ-ehˇ keuˆ le-awˇ, guˆ dui dui laˇ paˬ-ehˇ gʼeh-eu kʼehˬ-eu kʼaˆ-eu jeˬ-ahˇ ngaˇ aˇ naˆ ni daˬ dzeuˇ oˇ dzeuˇ-euˬ gaˇ kawˆ nawˇ siˬ nya meh. Yeˬsuˇ ngaˬ-ahˇ bi buˬ-iˇ laꞈ-euˬ meh.

2 Tiˆmoˇseˬ 4:5

Ehˇ kʼawꞈ nawˇ-aˬ, aˬ jeˬ pyeuꞈ kʼawꞈ yawˬ ha-euˬ nui ma-ahˇ gʼaˬ leˇ-awˇ, shaˬ-eu zahˬ-eu jeˬ-ahˇ daˬ-eu laꞈ koeˇ Laˬ kʼaˬcehˇ-eu Guiˬ lahˬ dawˬ mehˬ mehˬ-ehˇ, Miˬyehˇ-euˬ zaˬ kʼaˆ tiˬ gʼaˬ loꞈ-ehˇ nawˬ-euˬ gaˇ-ahˇ yaw muiˬ paˬ-ehˇ mˇ-awˬ.

HeˬByehˇ 13:13

Kʼoeˇ miˇ neh, aˬ dui kʼawꞈ, pu pu dzeˇ aˬ yawꞈ jawˇ gaˇ iˇ-awˇ, shaꞈ dawˇ-eu jeˬ-ahˇ tiˬ kawˆ loꞈ-ehˇ caw daˬ kaˇ-euˇ.

Yaˬkoˆ 1:12

Lawˬ haw-eu jeˬ-ahˇ ya daˬ ngeh saˇ jaˇ ziꞈ-eu tsawˇ haˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, lawˬ haw-eu jeˬ-ahˇ aˬ yawꞈ daˬ dzeuˇ oˇ dzeuˇ gʼaˬ ngeh jawˇ, Miˬyehˇ-ahˇ gaˬ-eu tsawˇ haˬ deuˬ gʼaˇ duˬ Miˬyehˇ neh lehˬ hmˬ taˬ-euˬ dehꞈ-eu jeˬ-euˬ shuiˇ uˬ kʼoˆ laꞈ sawˬ za tehꞈ-a.

1 Beˬtuˆluˆ 2:24

Iˬ baˇ laꞈ kʼoeˇ aˬ dui maˬ paˇ dehꞈ ni shiˇ tsehˆ yaꞈ-awˇ, yaw tsaˬ yaw dawˇ jeˬ gʼaˇ duˬ yaw dehˬ dehꞈ nya ni aˬ dui-euˬ iˬ baˇ-ahˇ Ka li aˬ yawꞈ-euˬ gʼawˇ mawˇ laꞈ kʼoeˇ pi-awˇ, laꞈ yaꞈ kʼoeˇ taˆ kamˇ shiˇ-euˬ meh. Aˬ yawꞈ ya daˬ-euˬ maˇ kʼehˬ maˇ naˇ baˬ da neh naw maꞈ-euˬ naˇ gawˇ taˬ leˇ-euˬ meh.

1 Beˬtuˆluˆ 4:8

Dawˬ tawˆ luꞈ kʼoeˇ taˆ huiˬ dzehˬ-eu jeˬ-aˬ, naw maꞈ tiˬ gʼaˬ tiˇ gʼaˬ ziꞈ dah ni gaˬ-eu jeˬ pyeuꞈ-eu meh. Aˬ jeˬ miˇ neh ehˇ naˇ, gʼoeˇ-eu gaˬ-eu jeˬ-aˬ, myaˬ dui dui-eu iˬ baˇ-ahˇ dehˬ kaˬ zaꞈ nya-eu meh.