1 Gawˇliˬtu 13:5 - Akha

⁵ Gʼoeˇ-eu gaˬ-eu jeˬ-aˬ, aˬ cawˬ-ahˇ yehˬ bawˬ sehˇ lu-ehˇ maˬ gʼeh-a. Yawˬ ha-euˬ nui kʼahˇ maˬ poˆ-a. Nui ma pehˇ laˇ-eu maˬ kawˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Gaq-eu jeq-aq, aqcawq-anr yaeqbawq-aer maqghae-aer, yawqha-anr muiqni taef-aer maqtov-eu uqtaf, nuima paerlar-eu maqkawr-aer, yawdoer jeq maqnoeq-a.

1 Gawˇliˬtu 13:5 ပူးပေါင်းရင်းမြစ်များ

2 Saˬmeuˬlaˆ 10:3

Aˬmoˬ tsawˇ haˬ aˬ yuiꞈ aˬ tsu deuˬ aˬ yawꞈ maꞈ-euˬ sahˬ paˬ-ahˇ heu loꞈ-ehˇ ehˇ nehˬ-euˬ meh. “Nawˬ da shiˇ-euˬ miˇ neh aˬ yawꞈ nui ma maˬ saˇ-eu gaˇ kawˆ bi tsaꞈ gaˬ le-eu gʼaˇ duˬ, tsawˇ haˬ heu deuˬ-ahˇ Daˬbiˇ neh pyehˬ gʼeh leꞈ-euˬ nga lehˇ nawˇ noeˬ te loˇ. Kʼoeˇ loꞈ-ehˇ maˬ ngeuˇ-a. Aˬ yawꞈ aˬ dui-ahˇ guiˇ deuˆ gʼaˬ nya ni, tsawˇ haˬ pyehˬ leꞈ-awˇ meuˬ heu meuˬ-ahˇ bi kʼoeˬ sho haw le-euˬ meh.”

Yawˇbaˆ 21:27

Ngaˬ-euˬ kʼoeˇ taˆ naw maꞈ nui gʼoꞈ ahˇ-eu ngaˇ siˬ nya ma.

Dawqdaq 14:17

Nui ma yaw suˬ deuˬ aˬ laꞈ kawˇ-awˇ, tsawˇ gahˇ byah-eu deuˬ nui ma yaw mahˇ meh.

Iˇsaˬyaˇ 3:5

Miˇ kʼahˬ zaˬ tiˬ gʼaˬ tiˇ gʼaˬ kʼehˬ tehꞈ-a. Yawˬ ha-euˬ cawˬ-ahˇ yawˬ ha nawˬ dzaˬ-awˇ, yawˬ ha nehˬ-ehˇ jawˇ-eu deuˬ-ahˇ yawˬ ha kʼaˆ dzaˬ tehꞈ-a. Zaˬ guˬ deuˬ tsawˇ mawˬ tsawˇ kʼaˆ-ahˇ yaw zeu maˬ baw-ehˇ, zaˬ coeˬ zaˬ, yaw huiˬ yaw mahˇ-ahˇ yehˬ bawˬ-ehˇ gʼeh tehꞈ-a.

Yeˬlaˬmiˇ 11:19

Ngaˇ-aˬ aˬ cawˬ neh bi sehꞈ dzaˬ-eu lehˇ gʼeh-eu nahˬ jawˆ ni gʼeh-eu yawˇ zaˬ-ahˇ duˇ-eu ma. Aˬ yawꞈ maꞈ ngaˬ-ahˇ yaw doeˇ jahˇ mawꞈ law hawˇ ngaˬ lehˇ ngaˇ maˬ siˬ-aˬ. Aˬ yawꞈ maꞈ heu loꞈ-ehˇ ehˇ-eu meh. “Aˇ siˬ siˬ-eu aˇ bawˇ heu bawˇ tuˇ dzeh kaˇ-euˇ. Tsawˇ haˬ tiˬ gʼaˬ-iˬ maˬ noeˬ mawˇ coeˇ ni, bi ngehˇ jiˇ-eu gʼaˇ duˬ sehꞈ byoˆ kaˇ-euˇ.”

Bawˇtsahˬ 12:3

(Moˇseˬ-aˬ, nui ma nahˬ yu ni gʼeh-awˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ laꞈ kʼoeˇ, aˬ cawˬ naˆ maˬ tseˇ nui nahˬ nui yu ahˇ-eu tsawˇ haˬ tiˬ gʼaˬ pyeuꞈ-eu meh.)

Bawˇtsahˬ 16:15

Moˇseˬ nui ma pehˇ laˇ-awˇ, Sahˬpaˬ Miˬyehˇ-ahˇ ehˇ nehˬ-eu, “Tsawˇ haˬ heu deuˬ neh yuˇ laꞈ-euˬ lawˇ-eu jeˬ-ahˇ taˬ ha geuꞈ. Aˬ yawꞈ maꞈ kʼoeˇ taˆ yaw lehˬ tiˬ jeˬ-iˬ ngaˇ maˬ mˇ haw-aˬ. Aˬ yawꞈ maꞈ-euˬ mahˬ tahˬ laˆ tiˬ mawˇ tsahˇ geuꞈ taˬ-euˬ kʼawꞈ maˬ jaˆ.”

Bawˇtsahˬ 32:6

Moˇseˬ ehˇ-eu, “Naw maꞈ-euˬ cawˬ Iˇsaˬleˬlaˆ tsawˇ haˬ deuˬ guiˇ deuˆ leˇ ngeh naw maꞈ heu gaˇ jawˇ yaꞈ mawꞈ-eu nya loˇ.

Maꞈtehˬ 5:22

Ehˇ kʼawꞈ, naw maꞈ-ahˇ ngaˇ heu loꞈ-ehˇ ehˇ-eu ma. Yawˬ ha-euˬ mehˇ nmˇ -ahˇ nui ma pehˇ-eu tsawˇ haˬ aˬ geu gʼaˬ maˬ kaˬ, yaˇ kʼaˬ daˇ gaˇ ya daˬ tehꞈ-a. Yawˬ ha-euˬ mehˇ nmˇ-ahˇ yaˬ kʼehˇ yaˬ-eu tsawˇ haˬ-aˬ, yaˇ kʼaˬ daˇ-eu deuˬ-euˬ mehˬ shi bi sheuˬ keuˆ gʼeh tehꞈ-a. Yawˬ ha-euˬ mehˇ nmˇ-ahˇ, ‘Miˬyehˇ-ahˇ maˬ siˬ nya-eu tsawˇ cawˆ’ lehˇ ehˇ-eu tsawˇ haˬ-aˬ, shiˬ buiˇ lah ma-ahˇ ya shaˬ tehꞈ-a.

Maꞈtehˬ 9:4

Ehˇ kʼawꞈ, aˬ yawꞈ maꞈ-euˬ nui ma laꞈ kʼoeˇ noeˬ luꞈ-eu jeˬ-ahˇ Yeˬsuˇ siˬ nya-awˇ, heu loꞈ-ehˇ ehˇ nehˬ-euˬ meh. “Aˬ jeˬ miˇ neh naw maꞈ-euˬ nui ma laꞈ kʼoeˇ maˬ muiˬ-eu jeˬ shaˇ noeˬ luꞈ te.

Maˬkuˆ 3:5

Tsawˇ haˬ kʼoeˇ deuˬ-ahˇ Yeˬsuˇ haw-awˇ nui ma pehˇ-eu meh. Ehˇ kʼawꞈ, aˬ yawꞈ maꞈ nui ma gʼahˇ-awˇ lehˬ dui dui gaˇ aˬ yawꞈ gʼawˬ shaˬ gaˬ-euˬ meh. Kʼoeˇ naˇ, tsawˇ haˬ kʼoeˇ gʼaˬ-ahˇ “Aˬ laꞈ cawˬ ja-awˬ” lehˇ Yeˬsuˇ ehˇ nehˬ-awˇ, aˬ yawꞈ aˬ laꞈ caw ja ngeh, laꞈ shiˇ shiˇ-eu taˬ leˇ-euˬ meh.

Luˇkaꞈ 7:39

Paˬliˬsehˇ kʼoeˇ gʼaˬ kʼoeˇ gaˇ ya mawˇ ngeh, nui ma laꞈ kʼoeˇ ciˬ cuˇ ni heu loꞈ-ehˇ ehˇ kʼoeˬ-euˬ meh. “Tsawˇ haˬ heu gʼaˬ aˬ diˇ aˬ maˇ Miˬyehˇ gʼaˇ duˬ ngehˬ dah-eu tsawˇ haˬ ngeuˇ naˇ, aˬ yawꞈ-ahˇ toeˬ ciˆ luꞈ-eu zaˬ miˬ zaˬ teu gʼaˬ aˬ joˆ-ehˇ gʼeh-eu tsawˇ haˬ pyeuꞈ-eu aˬ yawꞈ si nya tehꞈ-a. Zaˬ miˬ zaˬ teu gʼaˬ iˬ baˇ zaˬ meh lehˇ aˬ yawꞈ siˬ nya tehꞈ-a.”

1 Gawˇliˬtu 10:24

Tsawˇ haˬ tiˬ gʼaˬ-iˬ yawˬ ha gʼaˇ duˬ muiˬ-eu jeˬ-ahˇ maˬ poˆ ni, aˬ cawˬ gʼaˇ duˬ muiˬ-eu jeˬ-ahˇ poˆ-eu tsaˬ meh.

1 Gawˇliˬtu 10:33

Ngaˬ neh kʼaˇ mˇ-euˬ loꞈ-ehˇ mˇ-awˬ. Ngaˇ kʼaˇ mˇ-eu jeˬ laꞈ kʼoeˇ, tsawˇ haˬ yawˬ gʼaˬ na luꞈ nui kʼahˇ shiˇ ni mˇ-eu ma. Aˬ yawꞈ maꞈ ka kʼoꞈ-eu jeˬ za nya ni, ngaˬ-euˬ gʼaˇ duˬ muiˬ-eu jeˬ-ahˇ maˬ shaˇ noeˬ-ehˇ, aˬ cawˬ gʼaˇ duˬ muiˬ-eu jeˬ-ahˇ shaˇ noeˬ-awˇ mˇ-eu ma.

1 Gawˇliˬtu 11:18

Yaw beh tiˬ jeˬ ya ehˇ naˇ, naw maꞈ maˬ tsaˬ leˇ-ehˇ aˇ muˇ muˇ paˆ-euˬ gaˇ kawˆ ngaˇ ya gaˬ taˬ-euˬ ma. Ngaˬ neh kʼaˇ ya gaˬ-euˬ loꞈ-ehˇ tiˬ paˆ paˆ tsaˬ-eu duˇ lehˇ ngaˇ jah-eu ma.

1 Gawˇliˬtu 12:25

Kʼoeˇ miˇ neh, gʼawˇ mawˇ laꞈ kʼoeˇ gʼawˬ-iˇ gʼehˇ-iˇ-eu jeˬ maˬ jaˆ-ehˇ, maˬ duˇ leˇ-eu aˇ sehˇ kʼoeˇ deuˬ dawˬ tawˆ luꞈ tiˬ sehˇ tiˇ sehˇ ya bo saˆ-eu meh.

1 Gawˇliˬtu 7:36

Tsawˇ haˬ nyiˬ gʼaˬ ngehˬ cawˬ tsehˆ gʼaˬ taˬ-euˬ kʼawꞈ, maˬ sheuˬ dahˬ dzaˬ ni byehˇ-euˬ ehˇ-awˬ. Kʼaˬ dzeˇ zaˬ gʼaˬ zaˬ miˬ zaˬ kʼoeˇ gʼaˬ-ahˇ maˬ sheuˬ nehˬ-euˬ gaˇ noeˬ kʼahˇ mahˇ-eu uˬ taꞈ, aˬ yawꞈ-euˬ nui loˆ-ahˇ aˬ yawꞈ maˬ gʼaˬ leˇ-ehˇ sheuˬ mawꞈ-eu nui ma ahˇ naˇ, sheuˬ-eu tsaˬ tehꞈ-a. Kʼoeˇ loꞈ-ehˇ sheuˬ-euˬ kʼoeˇ-aˬ, iˬ baˇ mˇ-eu maˬ ngeuˇ-a.

2 Gawˇliˬtu 5:19

Nga maꞈ ehˇ mawꞈ-eu-aˬ, miˇ tsaˬ zaˬ dawˬ tawˆ luꞈ Miˬyehˇ-ahˇ tsaˬ leˇ tsahˇ leˇ nya ni, Ka li-ahˇ gʼoe-awˇ Miˬyehˇ mˇ luꞈ-eu meh. Aˬ yawꞈ maꞈ-euˬ iˬ baˇ-ahˇ Miˬyehˇ maˬ juiˇ uiˬ taˬ ni, aˬ yawꞈ maꞈ aˬ yawꞈ-ahˇ tsaˬ leˇ tsahˇ leˇ nya ni mehˬ nehˬ-iˇ-eu gʼaˇ duˬ, aˬ yawꞈ-euˬ dawˬ nga maꞈ-ahˇ biꞈ laꞈ-euˬ meh.

Gaˬlaˬtiˆ 5:13

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ-aˬ, bi buˬ-iˇ-eu gʼaˇ duˬ kuˇ doˆ gʼaˬ-euˬ tsawˇ haˬ meh. Ehˇ kʼawꞈ, buˬ-iˇ-euˬ kʼoeˇ-aˬ, naw maꞈ-euˬ shiˬ shaˬ jiˇ nui loˆ mˇ-eu gʼaˇ duˬ taˬ bi pyeuꞈ. Gʼoeˇ-eu gaˬ-eu laꞈ kʼoeˇ tiˬ gʼaˬ tiˇ gʼaˬ ngehˬ gʼeh-awˬ.

Piˇliˇpiˆ 2:21

Yawˬ gʼaˬ na luꞈ yawˬ ha gʼaˇ duˬ shaˇ noeˬ-eu tehꞈ meh. Yeˬsuˇ Ka li gʼaˇ duˬ maˬ shaˇ noeˬ-a.

Piˇliˇpiˆ 4:8

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ-eu ma. Yaw muiˬ jeˬ hawˇ-eu ja ceuˬ paˬ-ehˇ gʼeh-eu jeˬ pyeuꞈ-eu, tsaˬ-eu dawˇ-eu jeˬ, aˬ cawˬ yaw zeu baw paˬ-ehˇ gʼeh-eu jeˬ, aˬ cawˬ-ahˇ dehꞈ tsaˬ dehꞈ tsahˇ-eu jeˬ, muiˬ-eu shawˇ-eu jeˬ, aˬ cawˬ haw gaˬ paˬ-ehˇ gʼeh-eu jeˬ, aˬ cawˬ taˬ huiˬ taˬ mahˇ paˬ-ehˇ gʼeh-eu jeˬ, heu deuˬ naw maꞈ laꞈ kʼoeˇ bi ahˇ-awˬ.

2 Teˇsaˬloˇni 3:7

Nga maꞈ kʼaˇ mˇ-euˬ loꞈ-ehˇ naw maꞈ kʼawꞈ ya mˇ meh lehˇ naw maꞈ siˬ duˬ luꞈ meh. Nga maꞈ naw maꞈ nehˬ-ehˇ jawˇ ngeh yaw doeˇ maˬ doeˇ-aˬ.

2 Tiˆmoˇseˬ 2:10

Kʼoeˇ miˇ neh, Miˬyehˇ neh tseˇ doˆ-euˬ tsawˇ haˬ deuˬ gʼaˇ duˬ, yawˬ jeˬ na luꞈ-ahˇ ngaˇ daˬ-eu ma. Yeˬsuˇ Ka li baˬ da neh aˬ dui za-euˬ ka kʼoꞈ-eu jeˬ-ahˇ aˬ yawꞈ maꞈ za-awˇ, mˬ maˬ maˬ byaˆ zaˇ ziˇ yaw shehꞈ kʼahˬ sehˇ bi doˆ laˇ nya ni, kʼoeˇ loꞈ-ehˇ daˬ-eu ma.

2 Tiˆmoˇseˬ 4:16

Yaˇ kʼaˬ daˇ duˬ-ahˇ ngaˬ-euˬ gaˇ kawˆ yaw beh poˆ ngaˇ ciˬ daˬ leˇ ngeh, yawˬ gʼaˬ na luꞈ ngaˬ-ahˇ byehˇ dzeh nehˬ laꞈ-euˬ meh. Aˬ yawꞈ maꞈ-ahˇ Miˬyehˇ iˬ baˇ pyehˬ luꞈ-uˇ.

Yaˬkoˆ 1:19

Ngaˇ gaˬ dui dui-eu aˬ yuiꞈ aˬ nyiˇ Ka li zaˬ deuˬ-oˇ, gaˇ kawˆ heu deuˬ-ahˇ yaw muiˬ paˬ-ehˇ noeˬ taˬ-awˬ. Tsawˇ haˬ yawˬ gʼaˬ na luꞈ aˬ cawˬ ehˇ gaˇ yaw kawˇ-ehˇ naˇ haˬ-awˬ. Ehˇ kʼawꞈ, dawˬ ngehˬ-eu taˬ tehˬ. Nui ma pehˇ-eu aˬ huˬ taˬ huˬ.