1 Gawˇliˬtu 13:4 - Akha

⁴ Gʼoeˇ-eu gaˬ-eu jeˬ-aˬ, nui ma gʼawˬ mahˇ ni taˬ-awˇ, aˬ cawˬ-ahˇ gʼawˬ shaˬ gaˬ nya-eu meh. Myaˆ maˬ naˆ-a. Maˬ jahˇ gʼeh-a. Huiˬ mawꞈ mahˇ mawꞈ-eu nui ma maˬ ahˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Gaq-eu jeq-aq, nuinoeq ghawqmanrni noeq-awr, ghawqshaq gaqnya-eu mae. Gaq-eu jeq-aq, myav maqnav-aer, maq janrghae-eu uqtaf, nuima maqhuiq-a.

1 Gawˇliˬtu 13:4 ပူးပေါင်းရင်းမြစ်များ

Aˇ dahˬ 30:1

Laˬkeˬlaˇ-aˬ, Yaˬkoˆ gʼaˇ duˬ zaˬ tiˬ gʼaˬ-iˬ maˬ bi jawˇ le nya-eu miˇ neh aˬ yawꞈ-euˬ aˬ yuiꞈ Leˇaˬ-ahˇ myaˆ naˆ-awˇ, “Ngaˬ-ahˇ zaˬ bi jawˇ le nehˬ laꞈ. Zaˬ maˬ jawˇ le naˇ, shiˇ-eu maˬ ngeuˇ naˇ maˬ paˇ dzeˇ miˇ-a” lehˇ Yaˬkoˆ-ahˇ ehˇ nehˬ-euˬ meh.

Aˇ dahˬ 37:11

Aˬ yawꞈ-euˬ aˇ doˆ deuˬ aˬ yawꞈ-ahˇ myaˆ naˆ laˇ taˬ-euˬ meh. Ehˇ kʼawꞈ, aˬ yawꞈ-euˬ aˬ da-aˬ, aˬ yawꞈ neh yuꞈ maˆ maˆ-euˬ gaˇ kawˆ-ahˇ shaˇ noeˬ shaˇ noeˬ-ehˇ jawˇ-eu meh.

Neˬhaˬmiˇ 9:17

Nawˬ neh mˇ-euˬ gaˇ-ahˇ aˬ yawꞈ maꞈ ngehˇ jiˇ-awˇ, nawˬ-euˬ dawˬ-ahˇ maˬ naˇ haˬ ni, nawˇ mˇ-euˬ kʼaˆ jeˬ-ehˇ gʼeh-eu gaˇ-ahˇ, aˬ yawꞈ maꞈ ngehˇ byoˆ jiˇ-euˬ meh. Aˬ yawꞈ maꞈ nui ma huiˬ-eu mahˇ-eu jeˬ laꞈ kʼoeˇ, Iˇjiˇtuˆ miˇ kʼahˬ-ahˇ zaˬ kʼaˆ geuꞈ poˆ-iˇ-eu gʼaˇ duˬ, sheuˬ gʼeh-eu aˬ yuiꞈ tseˇ-euˬ meh. Ehˇ kʼawꞈ nawˇ iˬ baˇ pyehˬ nehˬ-eu Miˬyehˇ pyeuꞈ-awˇ, gʼoeˇ-eu gaˬ-eu jeˬ byah-eu uˬ taꞈ, nawˇ nui ma pehˇ-eu maˬ kawˇ-a. Nawˇ gʼawˬ shaˬ gaˬ-eu jeˬ huiˬ dui myaˬ dui dui-awˇ, aˬ yawꞈ maꞈ-ahˇ nawˇ maˬ byehˇ dzeh-aˬ.

Jaceuq 10:5

Haiˬ-eu tsawˇhaˬdehꞈdzaˬlaˇ-awˇ, Miˬyehˇyaˇkʼaˬdaˇ-eu gaˇkawˆ, noeˬsiˬnoeˬmawˇ-eu maˬbaw-ehˇ. Aˬyawꞈ-ahˇmuiˇ-eu tsawˇhaˬ-ahˇ, cehꞈlehꞈ ka niˇgʼa haw-eu meh.

Dawqdaq 10:12

Bye-eu jeˬ iˬ dehˬ iˬ ceh bi doˆ laˇ-awˇ, gʼoeˇ-eu gaˬ-eu jeˬ yaw lehˬ dawˬ tawˆ luꞈ-ahˇ dehˬ kaˬ nya-eu meh.

Dawqdaq 13:10

Naˬ bawˇ maˬ tsoꞈ-eu iˬ dehˬ iˬ ceh laˆ doˆ-awˇ, aˬ cawˬ mehˬ gaˇ naˇ haˬ geuꞈ-eu deuˬ tsawˇ gahˇ za-eu meh.

Dawqdaq 17:14

Yaˇ kʼaˬ mehˬ dzaˬ iˇ tsahˇ daˬ paˆ gaˇ duˇ-eu miˇ neh, naꞈ ngeh neh ya dehˬ tsoeˬ-eu meh.

Dawqdaq 17:9

Yaw lehˬ jeˬ-ahˇ iˬ baˇ pyehˬ nya-eu tsawˇ haˬ, gʼoeˇ-eu tsawˇ haˬ bi myaˬ laˇ-awˇ, yaw lehˬ ja poˆ poˆ-eu tsawˇ haˬ, gʼawˬ-iˇ gʼehˇ-iˇ ni mˇ-eu meh.

Dawqdaq 19:22

Tsawˇ haˬ zaˬ saˇ jaˇ ziꞈ gaˇ nui kʼahˇ jaˆ-awˇ, jaˬ myawꞈ zaˬ iˇ shaˬ maˬ tawˬ-a.

Dawqdaq 31:20

Shaˬ-eu zahˬ-eu tsawˇ haˬ-ahˇ aˬ yawꞈ caw ba nehˬ-awˇ, mehꞈ-eu shuꞈ-eu tsawˇ haˬ-ahˇ aˬ yawꞈ bi dzaˬ bi dawˇ-eu meh.

Dawqdaq 31:26

Zaˬ siˬ tsawˇ gahˇ ahˇ-eu nahˬ yu ni gʼeh-eu dawˬ aˬ yawꞈ ngehˬ-eu meh.

Dawˬ tsoˆ 10:4

Sahˬ paˬ sahˬ ma nawˬ-ahˇ nui ma maˬ saˇ ngeh, nawˬ-ahˇ biꞈ taˬ-euˬ gaˇ maˬ mˇ ni taˬ byehˇ dzeh. Ciˬ cuˇ ni jawˇ-eu jeˬ-aˬ, huiˬ-eu iˬ baˇ bi buˬ-iˇ nya-eu meh.

Maꞈtehˬ 27:18

Yuˇdaˆ tsawˇ haˬ aˬ yuiꞈ aˬ tsu deuˬ Yeˬsuˇ-ahˇ myaˆ naˆ-eu miˇ neh, aˬ yawꞈ jawˇ gaˇ nyehꞈ ha laˇ-euˬ gaˇ kawˆ sahˬ paˬ Piˇlaˆ siˬ duˬ taˬ-euˬ meh.

Gʼaˬkʼehˇ 7:9

“Yaˬkoˆ-euˬ aˬ li deuˬ-aˬ, aˬ yawꞈ ha mehˇ nmˇ-euˬ aˬ nyiˇ Yoˇsehˆ-ahˇ myaˆ naˆ-eu miˇ neh, aˬ cawˬ-ahˇ ahˬ nehˬ-awˇ, aˬ cawˬ neh Iˇjiˇtuˆ miˆ kʼahˬ-ahˇ zaˬ kʼaˆ bi geuꞈ-iˇ-eu gʼaˇ duˬ ahˬ dzaˬ-euˬ meh. Ehˇ kʼawꞈ, Yoˇsehˆ-ahˇ Miˬyehˇ maˬ byehˇ dzeh-ehˇ,

Lormav 1:29

Aˬ yawꞈ maꞈ laꞈ kʼoeˇ maˬ muiˬ maˬ jaˬ-eu jeˬ, yaw haiˬ jeˬ, mehˇ juiˇ juiˇ-eu jeˬ, yaw doeˇ jahˇ-eu jeˬ, heu deuˬ tiˬ byah ni ahˇ-eu meh. Aˬ yawꞈ maꞈ laꞈ kʼoeˇ, myaˆ naˆ-eu, sehꞈ mawꞈ-eu, diˬ mawꞈ ceh mawꞈ-eu, mehˇ shuiˇ shuiˇ-eu, aˬ cawˬ-ahˇ noeˬ doeˇ-eu, heu deuˬ tiˬ byah ni ahˇ-eu meh. Aˬ cawˬ gaˇ kawˆ maˬ ngeuˇ-eu jeˬ ja kʼoeˬ-eu meh.

Lormav 13:13

Nah gʼahˇ yaw bya-ahˇ dehꞈ-eu tsawˇ haˬ deuˬ loꞈ-ehˇ, yaw muiˬ muiˬ-ehˇ dehꞈ gʼeh kaˇ-euˇ. Dzaˬ yehꞈ dawˇ yehꞈ dzaˬ boˆ dawˇ boˆ-eu jeˬ, aˬ cawˬ-euˬ miˬ zaˬ yo zaˬ-ahˇ bahˬ-eu jeˬ, kʼaˬ miˬ sheu-eu jeˬ, iˬ dehˬ iˬ ceh hawˇ-eu myaˆ naˆ-eu jeˬ, heu deuˬ-ahˇ byehˇ dzeh yaꞈ-awˇ dehꞈ daˆ jawˇ daˆ gʼeh kaˇ-euˇ.

1 Gawˇliˬtu 3:3

Aˬ jeˬ miˇ neh ehˇ naˇ, miˇ tsaˬ zaˬ deuˬ dehꞈ-eu loꞈ-ehˇ naw ma dehꞈ luꞈ-a siˬ. Naw maꞈ yaw kaˬ myaˆ naˆ-awˇ iˬ dehˬ iˬ ceh jaˆ-eu kʼoeˇ-aˬ, naw maꞈ miˇ tsaˬ heu-ahˇ taꞈ-awˇ miˇ tsaˬ zaˬ deuˬ dehꞈ-eu aˇ tiˆ-ahˇ dehꞈ luꞈ-eu gaˇ kawˆ saˇ kiˇ pyeuꞈ-eu meh.

1 Gawˇliˬtu 4:18

Naw maꞈ jawˇ gaˇ ngaˇ maˬ oe-aˇ lehˇ noeˬ-awˇ, naw maꞈ tiˬ paˆ na deuˬ nui ma huiˬ luꞈ meh.

1 Gawˇliˬtu 4:6

Aˬpawˇluˆ nga nyaꞈ-euˬ gaˇ kawˆ-ahˇ taꞈ leˇ-awˇ, naw maꞈ gʼaˇ duˬ shaˇ noeˬ-eu laꞈ kʼoeˇ ngaˇ heu loꞈ-ehˇ ehˇ-eu jeˬ pyeuꞈ-eu ma. Nga nyaꞈ-ahˇ haw-awˇ, Jaˇliꞈ laꞈ kʼoeˇ kʼaˇ boꞈ taˬ-euˬ loꞈ-ehˇ tehꞈ-ehˇ naw maꞈ caw teh-awˇ dehꞈ nya ni ehˇ-eu jeˬ pyeuꞈ-eu ma. Tiˬ gʼaˬ-ahˇ ja ceuˬ-awˇ tiˬ gʼaˬ-ahˇ ja doeˇ-eu jeˬ naw maꞈ jahˇ-eu maˬ tsaˬ-a.

1 Gawˇliˬtu 5:2

Ehˇ kʼawꞈ naw maꞈ nui ma paˇ huiˬ-eu la. Noeˬ shaˬ dui dui paˬ-ehˇ gʼeh-awˇ, kʼoeˇ loꞈ-ehˇ mˇ-euˬ tsawˇ haˬ-ahˇ Ka li zaˬ aˇ muˇ laꞈ kʼoeˇ neh teh doˆ-eu tsaˬ meh.

1 Gawˇliˬtu 8:1

Naw maꞈ neh ngaˬ-ahˇ boꞈ naˇ haˬ laꞈ-euˬ tahˬ pahˬ aˬ ma mawˇ kawˇ-ahˇ lawˇ-euˬ dzaˇ gaˇ kawˆ-ahˇ taꞈ leˇ-awˇ, ngaˇ heu loꞈ-ehˇ ehˇ-eu ma. “Aˬ dui yawˬ gʼaˬ na luꞈ zaˬ siˬ tsawˇ gahˇ ahˇ ma” leˇ siˬ nya ma. Ehˇ kʼawꞈ, zaˬ siˬ tsawˇ gahˇ-aˬ tsawˇ haˬ zaˬ-ahˇ nui ma bi huiˬ laˇ-awˇ, gʼoeˇ-eu gaˬ-eu jeˬ-aˬ, tsawˇ haˬ zaˬ-ahˇ bi huiˬ bi mahˇ laˇ-eu meh.

2 Gawˇliˬtu 12:20

Ngaˇ naw maꞈ jawˇ gaˇ oe keuˆ ngeh, ngaˇ bi dehꞈ mawꞈ-eu loꞈ-ehˇ naw maꞈ maˬ dehꞈ-ehˇ, naw maꞈ bi dehꞈ mawꞈ-eu loꞈ-ehˇ ngaˇ maˬ dehꞈ ni pyeuꞈ-iˇ gaˇ kʼahˬ lahˇ miˇ-a. Iˬ dehˬ iˬ ceh doˆ-eu, tiˬ gʼaˬ tiˇ gʼaˬ myaˆ naˆ-eu, nui ma pehˇ-eu, yawˬ ha gʼaˇ duˬ tehꞈ-ehˇ toˆ-eu, aˬ cawˬ-ahˇ dawˬ doeˇ ngehˬ daˆ-eu, aˬ cawˬ gaˇ kawˆ ja bu ja doeˇ-eu, nui ma huiˬ-eu mahˇ-eu, aˇ muˇ muˇ-awˇ suˬ saˬ-eu laꞈ kʼoeˇ lawꞈ gʼa-eu, heu deuˬ-ahˇ ya mawˇ-eu baw le lehˇ ngaˇ kʼahˬ lahˇ miˇ-a.

2 Gawˇliˬtu 6:6

Nga maꞈ-euˬ muiˬ-eu shawˇ-eu nui ma, zaˬ siˬ nui gahˇ, oˇ oꞈ coeˇ-eu jeˬ hawˇ-eu, gʼawˬ shaˬ gaˬ nya-eu nui ma-ahˇ gʼoe gʼoe-ehˇ, nga maꞈ Miˬyehˇ-euˬ zaˬ kʼaˆ pyeuꞈ-eu gaˇ kawˆ aˬ cawˬ-ahˇ bi mawˇ leˇ-euˬ ma. Muiˬ-eu Shawˇ-eu Yaw sahˇ miˬyehˇ-ahˇ gʼoe-eu laꞈ kʼoeˇ maˬ ehˇ,

Gaˬlaˬtiˆ 5:26

Nui ma huiˬ-eu jeˬ, tiˬ gʼaˬ tiˇ gʼaˬ ceh cawˬ cawˬ-eu jeˬ hawˇ-eu, tiˬ gʼaˬ tiˇ gʼaˬ myaˆ naˆ-eu jeˬ-ahˇ byehˇ dzeh jiˇ kaˇ-euˇ.

Eˇpeˇsu 4:2

Aˬ myah luꞈ nui nahˬ nui yu ahˇ-awˇ laꞈ oꞈ awꞈ-eu laꞈ kʼoeˇ, nui ma gʼawˬ mahˇ ni taˬ-awˬ. Goeˇ-eu gaˬ-eu laꞈ kʼoeˇ tiˬ gʼaˬ tiˇ gʼaˬ oˇ-awˬ.

Eˇpeˇsu 4:32

Ka li laꞈ kʼoeˇ Miˬyehˇ naw maꞈ-ahˇ iˬ baˇ pyehˬ nehˬ laꞈ-euˬ loꞈ-ehˇ, naw maꞈ kʼawꞈ nui nahˬ nui yu ahˇ-eu laꞈ kʼoeˇ tiˬ gʼaˬ tiˇ gʼaˬ gʼawˬ shaˬ gaˬ-awˇ iˬ baˇ pyehˬ-awˬ.

Piˇliˇpiˆ 1:15

Maˇ maˇ ni ehˇ naˇ, tiˬ paˆ na deuˬ-aˬ, aˬ cawˬ-ahˇ myaˆ naˆ-awˇ ceh dzaˬ mawꞈ-eu nui ma ahˇ-eu miˇ neh Ka li gaˇ kawˆ mehˬ-eu jeˬ pyeuꞈ-eu meh. Ehˇ kʼawꞈ, tiˬ paˆ na deuˬ-aˬ, maˇ maˇ ni nui ma keuˆ-eu laꞈ kʼoeˇ mehˬ-eu meh.

Gawˇlawˇsehˇ 1:11

Yawˬ jeˬ na luꞈ-ahˇ naw maꞈ nui ma gʼawˬ mahˇ ni taˬ-awˇ daˬ coeˇ ni, aˬ yawꞈ-euˬ yaw shehꞈ kʼahˬ sehˇ huiˬ-eu baoˬ-ahˇ neh doˆ le-euˬ gʼaˬ baˬ da neh naw maꞈ gʼaˬ kʼaˆ laˇ luꞈ-uˇ. Yaw shehꞈ-euˬ miˇ kʼahˬ laꞈ kʼoeˇ aˬ yawꞈ-euˬ tsawˇ haˬ deuˬ bi jawˇ-eu gʼaˇ duˬ lehˬ hmˬ taˬ-euˬ jawˇ duˬ-ahˇ naw maꞈ jawˇ leˇ nya ni jahˇ nehˬ laꞈ-euˬ Aˬda Miˬyehˇ-euˬ guiˬ lahˬ-ahˇ, laˬ kʼaˬ tiˬ cehˇ ja ceuˬ-awˬ.

Gawˇlawˇsehˇ 2:18

Tsawˇ haˬ tiˬ paˆ na deuˬ yawˬ ha aˬ cawˬ-ahˇ maˬ duˇ-eu yaw sahˇ laꞈ kʼoeˇ ya siˬ ya mawˇ-eu jeˬ za taˬ-euˬ miˇ neh, aˬ cawˬ naˆ maˬ tseˇ huiˬ dzehˬ mahˇ dzehˬ ma lehˇ ehˇ-awˇ, yawˬ ha-euˬ gʼawˇ mawˇ-ahˇ taˬ nyiˇ-eu gaˇ kawˆ maˬ tsaˬ-eu jeˬ-ehˇ mehˬ-awˇ, mˬ taˆ gʼaˬ kʼehˇ-ahˇ uˬ duˬ ya tahˬ meh lehˇ ehˇ-eu meh. Kʼoeˇ loꞈ-ehˇ gʼeh-eu tsawˇ haˬ deuˬ neh naw maꞈ za paˬ-ehˇ gʼeh-eu laꞈ sawˬ deuˬ maˬ ya bi yuˇ doˆ geuꞈ ni yahˇ-awˬ. Kʼoeˇ loꞈ-ehˇ gʼeh-eu tsawˇ haˬ-aˬ, miˇ tsaˬ zaˬ deuˬ noeˬ-eu loꞈ-ehˇ noeˬ-awˇ, hawˬ haˇ yawˬ ha nui ma huiˬ luꞈ meh. Ehˇ kʼawꞈ, aˬ yawꞈ maꞈ kʼoeˇ loꞈ-ehˇ nui ma huiˬ-eu-aˬ, yawꞈ ngehꞈ meh.

Gawˇlawˇsehˇ 3:12

Naw maꞈ-aˬ, Miˬyehˇ-euˬ tsawˇ haˬ meh. Aˬ yawꞈ naw maꞈ-ahˇ gaˬ-awˇ, aˬ yawꞈ-euˬ tsawˇ haˬ bi pyeuꞈ laˇ-eu gʼaˇ duˬ tseˇ doˆ taˬ-euˬ meh. Kʼoeˇ miˇ neh, aˬ cawˬ-ahˇ gʼawˬ shaˬ gaˬ-eu, aˬ cawˬ-ahˇ ngehˬ gʼeh mawꞈ-eu, yawˬ haˇ yawˬ ha taˬ nyiˇ-eu, nui nahˬ nui yu ahˇ-eu, nui ma gʼawˬ mahˇ ni taˬ-eu, heu deuˬ-ahˇ naw maꞈ dm tsahˬ taˬ-awˬ.

1 Teˇsaˬloˇni 5:14

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ-ahˇ nga maꞈ heu loꞈ-ehˇ gʼaˬ biꞈ-eu ma. Maˬ mˇ maˬ shaˇ nahˇ-eu tsawˇ haˬ-ahˇ yaw kʼaˆ kʼaˆ-ehˇ mehˬ nehˬ tsoˆ nehˬ-awˬ. Nui ma baˬ-eu tsawˇ haˬ-ahˇ gʼaˬ biꞈ nehˬ-awˬ. Gʼaˬ byehˆ byehˆ-eu tsawˇ haˬ-ahˇ caw ba nehˬ-awˬ. Tsawˇ haˬ yawˬ gʼaˬ na luꞈ kʼoeˇ taˆ nui ma gʼawˬ mahˇ ni taˬ-awˬ.

1 Tiˆmoˇseˬ 6:4

nui ma huiˬ dui taˬ-awˇ, tiˬ jeˬ-iˬ maˬ siˬ nya-eu tsawˇ haˬ pyeuꞈ-eu meh. Dawˬ gaˇ kawˆ tsawˇ pyehˇ pyehˇ-awˇ ja dzaˬ mawꞈ-eu nui ma ahˇ-eu meh. Kʼoeˇ miˇ neh, myaˆ naˆ-eu, ceh dzaˬ-eu, ja bu ja doeˇ-eu, aˬ cawˬ-ahˇ yaw doeˇ jahˇ mawꞈ-eu, heu loꞈ-ehˇ gʼeh-eu jeˬ bi doˆ laˇ-eu meh.

2 Tiˆmoˇseˬ 2:25

Yawˬ ha-ahˇ nui ma maˬ tsaˬ-eu tsawˇ haˬ deuˬ-ahˇ nui ma gʼawˬ mahˇ ni taˬ-awˇ mehˬ paˇ tsoˆ paˇ nya-eu tsawˇ haˬ ya bi pyeuꞈ meh. Aˬ jeˬ miˇ neh ehˇ naˇ, Miˬyehˇ aˬ yawꞈ maꞈ-ahˇ bi noeˬ paˇ-awˇ, yaw tsaˬ yaw dawˇ jeˬ-ahˇ bi siˬ nya laˇ gaˇ noeˬ tmˬ kʼaˇ za-eu meh.

2 Tiˆmoˇseˬ 3:10

Ehˇ kʼawꞈ nawˇ-aˬ, ngaˬ-euˬ mehˬ nah caw teh-awˇ dzaw geuꞈ luꞈ-eu tsawˇ haˬ pyeuꞈ-eu meh. Ngaˬ neh mehˬ-euˬ tsoˆ-euˬ jeˬ, ngaˬ neh dehꞈ mehˬ jawˇ mehˬ-euˬ jeˬ, ngaˬ neh noeˬ-euˬ jeˬ, ngaˬ-euˬ jah-eu jeˬ, ngaˬ-euˬ nui ma mahˇ-eu jeˬ, ngaˬ-euˬ gʼoeˇ-eu gaˬ-eu jeˬ, ngaˇ daˬ coeˇ oˇ coeˇ-eu jeˬ,

2 Tiˆmoˇseˬ 4:2

Miˬyehˇ dawˬ kawˬ mehˬ-awˬ. Aˇ yamˬ tsaˬ ngeh maˬ ehˇ, maˬ tsaˬ ngeh maˬ ehˇ, leh jeh-awˇ mehˬ-awˬ. Yaw lehˬ-ahˇ toeˬ mehˬ-awˬ. Yaw kʼaˆ kʼaˆ-ehˇ mehˬ paˇ tsoˆ paˇ-awˬ. Gʼaˬ biꞈ-awˬ. Nui ma gʼawˬ mahˇ ni taˬ-awˇ mehˬ nehˬ tsoˆ nehˬ-awˬ.

Tiˇtuˆ 3:3

Aˬ jeˬ miˇ neh ehˇ naˇ, aˬ dui kʼawꞈ dzeuˇ laˇ ngeh aˬ dzawˬ aˇ gah gah-awˇ, ehˇ dawˬ maˬ naˇ haˬ-euˬ uˬ taꞈ, yaw lehˬ yaw ca jeˬ-ahˇ mˇ-euˬ ma. Shiˬ shaˬ jiˇ-euˬ nui noeˬ nui loˆ hawˇ-eu byawˬ gʼa mo gʼa-eu gʼawˬ mya jeˬ-euˬ zaˬ kʼaˆ geuꞈ dzeuˇ yaꞈ-euˬ ma. Aˬ cawˬ-ahˇ myaˆ naˆ-euˬ uˬ taꞈ, coeˬ-eu ciˆ-eu jeˬ mˇ dzeuˇ yaꞈ-euˬ tsawˇ haˬ deuˬ pyeuꞈ-eu ma. Aˬ cawˬ aˬ dui-ahˇ bye-awˇ, aˬ dui kʼawꞈ aˬ cawˬ-ahˇ bye-euˬ ma.

Yaˬkoˆ 4:5

“Miˬyehˇ neh aˬ dui-euˬ laꞈ kʼoeˇ dawˆ ahˇ nehˬ laꞈ-euˬ nui ma-aˬ, guˆ laˇ paˬ-ehˇ gʼeh-eu nui kʼahˇ tiˬ byah ni ahˇ-eu meh” lehˇ ehˇ-eu Jaˇliꞈ dawˬ kawˬ kʼoeˇ, aˬ diˇ aˬ maˇ maˬ ngeuˇ-a lehˇ taˬ noeˬ.

1 Beˬtuˆluˆ 2:1

Kʼoeˇ miˇ neh, yaw haiˬ jeˬ dawˬ tawˆ luꞈ-ahˇ byehˇ dzeh-awˬ. Jaˬ myawꞈ myawꞈ-eu maˬ ehˇ, awꞈ-aꞈ tahˬ kʼoˬ loꞈ-ehˇ yaw muiˬ jahˇ geuꞈ-eu maˬ ehˇ, aˬ cawˬ-ahˇ myaˆ naˆ-eu maˬ ehˇ, aˬ cawˬ-ahˇ ja bu ja doeˇ-eu maˬ ehˇ, taˬ paˇ mˇ.

1 Beˬtuˆluˆ 3:8

Aˇ saˬ saˬ-eu dawˬ-aˬ, heu loꞈ-ehˇ ma. Naw maꞈ nui noeˬ taꞈ-awˇ, nui ma gm-awˬ. Ti gʼaˬ tiˇ gʼaˬ aˬ yuiꞈ aˬ nyiˇ loꞈ-ehˇ gaˬ-awˬ. Tiˬ gʼaˬ tiˇ gʼaˬ gʼawˬ shaˬ gaˬ-awˇ nui nahˬ nui yu ahˇ-awˬ.

1 Beˬtuˆluˆ 4:8

Dawˬ tawˆ luꞈ kʼoeˇ taˆ huiˬ dzehˬ-eu jeˬ-aˬ, naw maꞈ tiˬ gʼaˬ tiˇ gʼaˬ ziꞈ dah ni gaˬ-eu jeˬ pyeuꞈ-eu meh. Aˬ jeˬ miˇ neh ehˇ naˇ, gʼoeˇ-eu gaˬ-eu jeˬ-aˬ, myaˬ dui dui-eu iˬ baˇ-ahˇ dehˬ kaˬ zaꞈ nya-eu meh.

2 Beˬtuˆluˆ 1:7

Miˬyehˇ-ahˇ yaw zeu baw-eu jeˬ kʼoe taˆ Ka li zaˬ cawˬ cawˬ gaˬ-eu jeˬ bi lahˬ laˇ-awˬ. Ka li za cawˬ cawˬ gaˬ-euˬ jeˬ kʼoeˇ taˆ gʼoeˇ-eu gaˬ-eu jeˬ bi lahˬ laˇ-awˬ.

1 Yoˇhaˬ 4:11

Ngaˇ gaˬ dui dui-eu cawˬ deuˬ-oˇ, Miˬyehˇ aˬ dui-ahˇ kʼoeˇ naˆ ni gaˬ gaˇ keuˆ-eu-aˬ, aˬ dui tiˬ gʼaˬ tiˇ gʼaˬ gaˬ-eu tsaˬ tehꞈ-a.