1 Gawˇliˬtu 13:2 - Akha

² Ngaˇ-aˬ, Miˬyehˇ gʼaˇ duˬ ngehˬ dah nya-eu baoˬ za-euˬ tsawˇ haˬ pyeuꞈ-awˇ, zaˬ siˬ tsawˇ gahˇ dawˬ tawˆ luꞈ hawˇ-eu zaꞈ taˬ-euˬ jeˬ-ahˇ siˬ nya-eu tsawˇ gahˇ ahˇ-eu uˬ taꞈ, gawˬ jawˬ teh jiˆ nya gaˇ keuˆ ni jah-eu jeˬ ahˇ kʼawꞈ, gʼoeˇ-eu gaˬ-eu jeˬ maˬ ahˇ naˇ, tiˬ jeˬ-iˬ gaˇ dahˇ maˬ tsoeˬ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Ngar, Miqyaer gharduq ngaeqdan-eu lafsawq za-awr, Miqyaer nae zaftaq-euq dawqtawvluf ghovshaw nya-eu uqtaf, yawqjeq navluf-anr siqnya-eu tsawrganr anr-awr, gawqjawq-anr bijiv-ir nya’ni jan-eu nuima tiqbyan anr-eu khawf, gaq-eu jeq maqanr nar-aq, ngar-aq, tiqjeq-iq gardanr maqtsoeq-a.

1 Gawˇliˬtu 13:2 ပူးပေါင်းရင်းမြစ်များ

Maꞈtehˬ 13:11

Yeˬsuˇ ehˇ-eu, “Mˬtaˆ Miˇkʼahˬ gaˇ kawˆ aˬ cawˬ maˬ gʼoˆ shaw nya-eu zaꞈ taˬ-euˬ jeˬ-ahˇ gʼoˆ shaw nya-eu tsawˇ gahˇ deuˬ, naw maꞈ-ahˇ biꞈ taˬ gʼaˬ-euˬ meh. Ehˇ kʼawꞈ, aˬ yawꞈ maꞈ-ahˇ maˬ biꞈ taˬ-aˬ.

Maꞈtehˬ 17:20

Yeˬsuˇ ehˇ-eu, “Naw maꞈ jah-eu maˬ loꞈ-eu miˇ neh meh. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Naw maꞈ jah-eu jeˬ gʼawˬ paꞈ aˇ nuiˆ hui ni ahˇ naˇ, gawˬ jawˬ heu jawˬ-ahˇ kʼoeˇ paw dzeˇ jiˆ-iˇ-awˬ lehˇ ehˇ nehˬ ngeh, jiˆ-iˇ tehꞈ-a. Naw maꞈ maˬ jahˇ nya-eu tiˬ jeˬ-iˬ maˬ baw-aˇ.”

Maꞈtehˬ 21:19

Gaˇ ma gaˇ dzeˇ dehꞈ-eu siˬ guˬ aˇ bawˇ tiˬ bawˇ mawˇ-awˇ haw-iˇ ngeh, aˇ siˬ maˬ siˬ ni aˇ paꞈ tehꞈ-ehˇ mehˇ luꞈ gaˇ ya mawˇ-euˬ meh. “Aˬ kaˇ naˇ, nawˇ aˇ siˬ tiˬ jawˇ-iˬ maˬ paˇ siˬ le-aˇ” lehˇ, siˬ guˬ aˇ bawˇ kʼoeˇ bawˇ-ahˇ Yeˬsuˇ ehˇ nehˬ ngeh, aˇ bawˇ kʼoeˇ tiˬ poˆ tehꞈ-ehˇ nyoeˬ-iˇ koˆ-iˇ-euˬ meh.

Maꞈtehˬ 21:21

Yeˬsuˇ ehˇ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Naw maꞈ jah-eu nui ma ahˇ-awˇ, poˆ poˆ laˆ laˆ-ehˇ maˬ noeˬ naˇ, ngaˬ neh siˬ guˬ aˇ bawˇ heu bawˇ-ahˇ jahˇ nehˬ-euˬ loꞈ-ehˇ, naw maꞈ kʼawꞈ jahˇ nya tehꞈ-a. Kʼoeˇ naˆ tehꞈ-ehˇ maˬ ngeuˇ-a siˬ. Gawˬ jawˬ heu jawˬ-ahˇ ‘Teuˆ diˇ laˇ-awˇ iˬ ma laˆ shaˆ-ahˇ ga puꞈ-iˇ-awˬ’ lehˇ naw maꞈ ehˇ nehˬ ngeh, gawˬ jawˬ heu jawˬ iˬ ma laˆ shaˆ-ahˇ ga puꞈ-iˇ tehꞈ-a.

Gʼaˬkʼehˇ 13:1

Aˬdiˇawˬ Ka li zaˬ aˇ muˇ laꞈ kʼoeˇ, Miˬyehˇ gʼaˇ duˬ ngehˬ dah-eu deuˬ hawˇ-eu mehˬ-eu tsoˆ-eu saˬ laˬ deuˬ jawˇ-eu meh. Tsawˇ haˬ kʼoeˇ deuˬ-aˬ, Baˬnaˬbaˇ, Niˇgaˬ lehˇ kuˇ-eu Suˇmoˬ, Kuˇleˬniˬ miˇ kʼahˬ-ahˇ neh laˇ-euˬ Luˇgiˇ, sahˬ paˬ Heˬloˆ nehˬ-ehˇ tiˬ kawˆ loꞈ-ehˇ huiˬ laˇ-euˬ Maˬneˬ hawˇ-eu, Sawˇluˆ aˬ ha maꞈ meh.

Lormav 11:25

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ yawˬ haˇ yawˬ ha zaˬ siˬ tsawˇ gahˇ ahˇ ma lehˇ maˬ ya noeˬ ni, zaꞈ taˬ-euˬ yaw tsaˬ yaw dawˇ tiˬ jeˬ naw maꞈ-ahˇ ngaˇ ehˇ nehˬ mawꞈ miˇ-a. Iˇsaˬleˬlaˇ tsawˇ haˬ deuˬ nui ma gʼahˇ-eu kʼoeˇ-aˬ, gʼawˬ myahˇ ni maˬ gmˬ-aˇ. Aˬ cawˬ tsawˇ jeuˬ aˇ myaˆ gʼaˬ bi laˇ byah-eu lehˇ Miˬyehˇ neh noeˬ taˬ-euˬ loꞈ-ehˇ laˇ byah ngeh keuˆ ni gmˬ-eu tehꞈ meh.

Lormav 15:14

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ yaw muiˬ jeˬ tiˬ byah ni ahˇ-awˇ, aˬ joˆ-ehˇ ya mˇ ya shaˇ-eu dawˬ tawˆ luꞈ siˬ nya-eu uˬ taꞈ, tiˬ gʼaˬ tiˇ gʼaˬ mehˬ nehˬ tsoˆ nehˬ nya meh lehˇ ngaˇ siˬ duˬ-awˇ nui kʼahˇ shiˇ-eu ma.

Lormav 16:25

Miˬyehˇ-euˬ yaw shehꞈ kʼahˬ sehˇ huiˬ dui dui gaˇ ja ceuˬ kaˇ-euˇ. Aˬ jeˬ miˇ neh ehˇ naˇ, ngaˬ neh Yeˬsuˇ Ka li gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-euˬ loꞈ-ehˇ maˬ ehˇ, aˇ hu-euˬ ziˇ-ahˇ neh zaꞈ taˬ-euˬ yaw tsaˬ yaw dawˇ jeˬ pah mehˬ nehˬ laꞈ-euˬ loꞈ-ehˇ maˬ ehˇ, jah-eu laꞈ kʼoeˇ naw maꞈ ziꞈ dah ni yawꞈ nya ni aˬ yawꞈ jahˇ-euˬ meh.

1 Gawˇliˬtu 11:4

Kʼaˬ dzeˇ zaˬ tiˬ gʼaˬ tsawˇ haˬ gʼawˬ mya ni uiˬ leˇ-awˇ uˬ duˬ tahˬ gaˇ guiˬ lahˬ shaˇ-awˇ sheuˬ gʼeh-eu maˬ kaˬ, dawˬ mehˬ mehˬ-eu maˬ kaˬ, uˬ dzahˬ dzahˬ naˇ, yawˬ ha-euˬ uˬ duˬ pyeuꞈ-eu Ka li-ahˇ yaw zeu maˬ baw gaˇ duˇ-eu meh.

1 Gawˇliˬtu 12:28

Ka li zaˬ aˇ muˇ laꞈ kʼoeˇ, Miˬyehˇ neh jawˇ duˬ biˇ tsaˬ taˬ-euˬ meh. Gʼaˬ kʼehˇ deuˬ-ahˇ jeˬ hu hu saˬ bi jawˇ-awˇ, kʼoeˇ-euˬ jeˬ nah Miˬyehˇ gʼaˇ duˬ ngeh dah-eu deuˬ-ahˇ bi jawˇ-euˬ meh. Kʼoeˇ-euˬ jeˬ nah mehˬ-eu tsoˆ-eu saˬ laˬ deuˬ-ahˇ bi jawˇ-euˬ meh. Kʼoeˇ naˇ, zahˬ leˇ paˬ-ehˇ gʼeh-eu jeˬ mˇ nya-eu baoˬ biꞈ taˬ-euˬ deuˬ, naˇ gawˇ laˆ taˬ nya-eu baoˬ biꞈ taˬ-euˬ deuˬ, aˬ cawˬ-ahˇ caw ba nehˬ nya-eu deuˬ, Ka li zaˬ aˇ muˇ-euˬ gaˇ-ahˇ haw-eu pyaˆ-eu deuˬ hawˇ-eu, dawˬ gʼawˬ mya jeˬ ngehˬ nya-eu deuˬ-ahˇ tiˬ tiˆ saˇ-iˬ tiˬ tiˆ bi jawˇ ka leꞈ-euˬ meh.

1 Gawˇliˬtu 13:1

Ngaˇ-aˬ, tsawˇ haˬ zaˬ-euˬ dawˬ deuˬ hawˇ-eu mˬ taˆ gʼaˬ kʼehˇ-euˬ dawˬ-ahˇ keuˆ ni ngehˬ nya jiˇ-eu kʼawꞈ, gʼoeˇ-eu gaˬ-eu jeˬ maˬ ahˇ naˇ, boe loe diˬ-eu teˇ saˇ hawˇ-eu cehˇ lehˇ ciˆ-eu teˇ saˇ loꞈ-ehˇ tehꞈ meh.

1 Gawˇliˬtu 13:3

Ngaˇ kʼaˇ jaˆ-eu jeˬ aˬ cawˬ-ahˇ biꞈ jiˇ-awˇ, ngaˬ-euˬ gʼawˇ mawˇ-ahˇ miˬ dzaˬ bi dzah puiˆ gaˇ keuˆ ni lawˇ nehˬ peuˬ kʼawꞈ, gʼoeˇ-eu gaˬ-eu jeˬ maˬ ahˇ naˇ, ngaˬ-euˬ gʼaˇ duˬ tiˬ jeˬ-iˬ gaˇ dahˇ maˬ tsoeˬ-a.

1 Gawˇliˬtu 13:8

Gʼoeˇ-eu gaˬ-eu jeˬ-aˬ, mˬ maˬ maˬ byaˆ zaˇ ziˇ gmˬ-eu meh. Miˬyehˇ gʼaˇ duˬ ngehˬ dah-eu jeˬ jaˆ luꞈ meh. Ehˇ kʼawꞈ, tiˬ kʼehˬ tiˬ yamˬ gmˬ-eu tehꞈ meh. Dawˬ gʼawˬ mya jeˬ ngehˬ nya-eu tsawˇ gahˇ jaˆ luꞈ meh. Ehˇ kʼawꞈ, gʼawˬ myahˇ ni maˬ kamˬ-a. Zaˬ siˬ tsawˇ gahˇ kʼawꞈ jaˆ luꞈ meh. Ehˇ kʼawꞈ, gʼawˬ myahˇ ni maˬ ziꞈ-a.

1 Gawˇliˬtu 14:29

Miˬyehˇ dawˬ kawˬ mehˬ-eu tsawˇ haˬ nyiˬ gʼaˬ smˇ gʼaˬ bi ngehˬ bi tmˇ-eu tsaˬ meh. Nui deuˬ-aˬ, aˬ yawꞈ maꞈ neh ngehˬ-euˬ jeˬ-ahˇ shaˇ sawˇ-eu tsaˬ meh.

1 Gawˇliˬtu 14:39

Kʼoeˇ miˇ neh, aˬ yuiꞈ aˬ nyiˇ ka li zaˬ deuˬ-oˇ, Miˬyehˇ dawˬ kawˬ mehˬ-eu jeˬ-ahˇ nui ma keuˆ dui dui-awˬ. Ehˇ kʼawꞈ, dawˬ gʼawˬ mya jeˬ ngehˬ-eu jeˬ-ahˇ kʼawꞈ taˬ laˆ tsoeˬ.

1 Gawˇliˬtu 14:4

Dawˬ gʼawˬ mya jeˬ ngehˬ-eu kʼoeˇ-aˬ, yawˬ ha gʼaˇ duˬ tehꞈ-ehˇ gaˇ dahˇ tsoeˬ-awˇ, Miˬyehˇ dawˬ kawˬ mehˬ-eu kʼoeˇ-aˬ, Ka li zaˬ aˇ muˇ muˇ lah ni gʼaˇ duˬ gaˇ dahˇ tsoeˬ-eu meh.

1 Gawˇliˬtu 15:51

Naˇ haˬ-awˬ. Zaꞈ taˬ-euˬ yaw tsaˬ yaw dawˇ jeˬ ngaˇ naw maꞈ-ahˇ ehˇ nehˬ nyaˇ. Aˬ dui dawˬ tawˆ luꞈ ya shiˇ jiˇ-eu maˬ ngeuˇ-aˇ. Ehˇ kʼawꞈ, aˬ dui dawˬ tawˆ luꞈ-ahˇ yaw shuiꞈ bi paˇ laˇ jiˇ tehꞈ-a.

1 Gawˇliˬtu 16:22

Sahˬpaˬ Yeˬsuˇ-ahˇ maˬ kʼaˇ gaˬ-eu tsawˇ haˬ kʼoeˇ taˆ yaˬ kʼehˇ yaˬ-eu jeˬ keuˆ le luꞈ-uˇ. Maˬ laˬ naˬ daˬ--Aˬ dui-euˬ Sahˬpaˬ Yeˬsuˇ oe luꞈ-uˇ.

1 Gawˇliˬtu 4:1

Naw maꞈ nga maꞈ-ahˇ heu loꞈ-ehˇ noeˬ-eu tsaˬ meh. Nga maꞈ Ka liˬeuˬ gaˇ mˇ zaˬ deuˬ pyeuꞈ-awˇ, Miˬyehˇ-euˬ zaꞈ taˬ-euˬ yaw tsaˬ yaw dawˇ jeˬ-ahˇ haw piˇ luꞈ-eu tsawˇ haˬ meh lehˇ noeˬ-eu tsaˬ meh.

1 Gawˇliˬtu 7:19

Aˬ jeˬ miˇ neh ehˇ naˇ, baˆ kʼoˆ mehˬ dzaˬ yehˬ-euˬ maˬ ehˇ, maˬ yehˬ-euˬ maˬ ehˇ, beu gaˇ duˬ maˬ jaˆ-a. Miˬyehˇ-euˬ zahˇ dawˬ kʼoꞈ dawˬ-ahˇ naˇ haˬ geuꞈ-eu tehꞈ-ehˇ gaˇ dahˇ tsoeˬ-eu meh.

1 Gawˇliˬtu 8:4

Kʼoeˇ miˇ neh, tahˬ paˬ aˬ ma mawˇ kawˇ-ahˇ lawˇ-euˬ dzaˇ-ahˇ dzaˬ-eu gaˇ kawˆ ngaˇ heu loꞈ-ehˇ ehˇ-eu ma. Tahˬ paˬ aˬ ma mawˇ kawˇ-aˬ, aˬ diˇ aˬ maˇ maˬ jaˆ maˬ jawˇ-eu jeˬ-euˬ dah zaˇ tehˆ taˬ-euˬ mawˇ kawˇ meh lehˇ aˬ dui siˬ nya ma. Miˬyehˇ tiˬ gʼaˬ tehꞈ-ehˇ jawˇ-eu gaˇ kawˆ kʼawꞈ, aˬ dui siˬ nya ma.

2 Gawˇliˬtu 12:11

Ngaˇ aˬ dzawˬ aˇ gah-euˬ dawˬ ngehˬ la. Kʼoeˇ loꞈ-ehˇ ngehˬ ni naw maꞈ neh teh suꞈ nehˬ laꞈ-euˬ meh. Naw maꞈ ngaˬ-ahˇ noeˬ muiˬ nehˬ laꞈ paˬ-ehˇ gʼeh-eu meh. Ngaˇ-aˬ, gaˇ dahˇ tsoeˬ leˇ-eu tsawˇ haˬ maˬ ngeuˇ kʼawꞈ, naw maꞈ-euˬ huiˬ dzehˬ mahˇ dzeuˬ-eu gʼaˬ kʼehˇ kʼoeˇ deuˬ taꞈ-ehˇ tiˬ pawꞈ-iˬ maˬ nyiˇ teˬ.

Gaˬlaˬtiˆ 5:16

Ngaˇ ehˇ mawꞈ-eu-aˬ, heu loꞈ-ehˇ ma. Yaw sahˇ Miˬyehˇ sheuˬ gʼeh-eu mehˬ nah caw teh-awˬ. Shiˬ shaˬ jiˇ nui kʼahˇ mehˬ nah taˬ iˇ.

Gaˬlaˬtiˆ 5:22

Ehˇ kʼawꞈ, Yaw sahˇ Miˬyehˇ laꞈ kʼoeˇ siˬ le-eu aˇ siˬ deuˬ-aˬ, gʼoeˇ-eu gaˬ-eu, laˬ kʼaˬ cehˇ-eu, nui saˇ oꞈ-eu, nui ma gʼawˬ mahˇ ni taˬ-eu, gʼawˬ shaˬ gaˬ-eu nui ma ahˇ-eu, yaw muiˬ jeˬ mˇ-eu, saˇ jaˇ ziꞈ-eu,

Gaˬlaˬtiˆ 6:3

Tsawˇ haˬ tiˬ gʼaˬ na, tiˬ jeˬ-iˬ maˬ mˇ maˬ shaˇ nya kʼawꞈ maˬ gaˇ ma lehˇ noeˬ naˇ, yawˬ haˇ yawˬ ha jaˬ myawꞈ myawꞈ gaˇ duˇ-eu meh.

Eˇpeˇsu 3:4

Naw maꞈ gui haw ngeh, Ka li-euˬ gaˇ kawˆ zaꞈ taˬ-euˬ jeˬ-ahˇ ngaˇ aˬ joˆ-ehˇ gʼoˆ shaw taˬ-euˬ gaˇ kawˆ ya siˬ tehꞈ-a.

Eˇpeˇsu 6:19

Laˬ kʼaˬ cehˇ-eu Guiˬ lahˬ dawˬ gaˇ kawˆ zaꞈ taˬ-euˬ jeˬ-ahˇ aˬ cawˬ siˬ nya laˇ ni kʼaˬ duˬ ni dawˬ ngehˬ nya-eu gʼaˇ duˬ, ngaˇ dawˬ ngehˬ-eu lehˇ kʼaˇ gʼeh ngeh Miˬyehˇ-euˬ dawˬ ngaˬ-ahˇ biꞈ laꞈ ni ngaˬ-euˬ gʼaˇ duˬ kʼawꞈ aˬ myah luꞈ guiˬ lahˬ shaˇ-awˬ.

Gawˇlawˇsehˇ 1:26

Aˬ yawꞈ-euˬ dawˬ kʼoeˇ-aˬ, aˇ hu ba neh miˇ tsaˬ zaˬ dawˬ tawˆ luꞈ gʼaˇ duˬ zaꞈ taˬ-euˬ jeˬ pyeuꞈ-eu kʼawꞈ, nym-mˇ aˬ yawꞈ-euˬ tsawˇ haˬ deuˬ-ahˇ pah mehˬ nehˬ-euˬ meh.

1 Tiˆmoˇseˬ 3:16

Aˬ dui-euˬ uˬ duˬ tahˬ-eu zahˇ sahˇ kʼoꞈ heu hmˬ-euˬ zaꞈ taˬ-euˬ jeˬ aˇ naˆ ni huiˬ-eu gaˇ kawˆ, tsawˇ haˬ tiˬ gʼaˬ-iˬ tsawˇ pyehˇ maˬ pyehˇ nya-a. Miˬyehˇ shiˬ shaˬ pi le-euˬ heu, Yaw sahˇ Miˬyehˇ saˇ kiˇ kamˬ-awˇ, mˬ taˆ gʼaˬ kʼehˇ mawˇ duˬ-euˬ meh. Tsawˇ jeuˬ doe ni mehˬ doe jiˇ-awˇ, miˇ tsaˬ doe ni yawꞈ-ahˇ jah meh. Yaw shehꞈ kʼahˬ sehˇ laꞈ kʼoeˇ yawꞈ-ahˇ, mˬ taˆ sheuˬ daˆ kʼoꞈ leꞈ-euˬ meh.

1 Yoˇhaˬ 4:8

Gʼoeˇ-eu gaˬ-eu jeˬ maˬ kʼaˇ ahˇ-eu tsawˇ haˬ-aˬ, Miˬyehˇ-ahˇ maˬ siˬ nya-a. Aˬ jeˬ miˇ neh ehˇ naˇ, Miˬyehˇ-aˬ gʼoeˇ-eu gaˬ-eu jeˬ pyeuꞈ-eu meh.