1 Gawˇliˬtu 13:12 - Akha

¹² Nymˬ-mˇ aˬ dui ya mawˇ luꞈ-eu heu-aˬ, pyawˬ haw-ahˇ haw-eu loꞈ-ehˇ duˇ-awˇ, maˬ mawˇ shawˇ laˇ-a. Aˇ yamˬ kʼoeˇ keuˆ le ngeh, myaˆ pyawˬ ciˬ daˬ-awˇ ya mawˇ duˬ tehꞈ-a. Nymˬ-mˇ ngaˇ siˬ nya-eu heu-aˬ, maˬ byah maˬ loꞈ-a siˬ. Ehˇ kʼawꞈ, aˇ yamˬ kʼoeˇ keuˆ le ngeh, byah laˇ loꞈ laˇ tehꞈ-a. Miˬyehˇ ngaˬ-ahˇ tiˬ byah tiˬ loꞈ siˬ nya-eu loꞈ-ehˇ byah laˇ loꞈ laˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Nymq-mr aqdui-aq, maq mawrshawr lar-eu pyawqhaw-anr hawluf-eu gar dur-eu mae. Aerkhawf tiqnan-aq, myavpyawq dzoer-awr ya mawrduq taef-a. Nymq-mr ngar siqnya-eu maqbyan-a. Aerkhawf, khoerngae nan keuvlar nar-aq, Miqyaer, ngaq-anr siqnya-eu lof-aer, ngar khawf tiqbyanni siqnyalar taef-a.

1 Gawˇliˬtu 13:12 ပူးပေါင်းရင်းမြစ်များ

Aˇ dahˬ 32:30

“Ngaˇ Miˬyehˇ-ahˇ myaˆ pyawˬ ciˬ daˬ-awˇ ya mawˇ-euˬ kʼawꞈ, maˬ ya shiˇ-aˬ” lehˇ Yaˬkoˆ ehˇ-awˇ, jawˇ duˬ kʼoeˇ tsahˇ-ahˇ Peˬniˬlaˇ lehˇ myahˇ nehˬ-euˬ meh.

Yawˇbaˆ 19:26

Ngaˬ-euˬ baˆ kʼoˆ-ahˇ maˇ naˇ neh dzaˬ byoˆ jiˇ kʼawꞈ, shiˬ shaˬ jiˇ pi-awˇ Miˬyehˇ-ahˇ ngaˇ ya mawˇ tehꞈ-a.

Yawˇbaˆ 36:26

Aˬ yawꞈ aˇ naˆ ni huiˬ-eu mahˇ-eu aˬ dui maˬ siˬ duˬ nya-ehˇ, aˬ yawꞈ-euˬ aˇ kʼoꞈ aˇ la aˬ dui maˬ toꞈ nya-a.

Doˆ-iˇ 33:11

Cawˬ nyiˬ gʼaˬ dawˬ ja ja cawˬ-eu loꞈ-ehˇ, Moˇseˬ-ahˇ Sahˬpaˬ Miˬyehˇ myaˆ pyawˬ ciˬ daˬ-awˇ dawˬ ngehˬ cawˬ-eu meh. Kʼoeˇ naˇ, Iˇsaˬleˬlaˆ tsawˇ haˬ deuˬ jawˇ gaˇ, Moˇseˬ gʼoꞈ-iˇ-eu meh.

Yeˬsaˬgeˬlaˇ 17:2

“Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ-ahˇ yaw jeˬ ma jeˬ gaˇ kawˆ tiˬ hmˬ ja mehˬ nehˬ-awˬ.

Bawˇtsahˬ 12:8

Kʼoeˇ miˇ neh, aˬ yawꞈ-ahˇ ngaˇ dawˬ ngehˬ cawˬ ngeh, myaˆ pyawˬ ciˬ daˬ-awˇ, bya cehˆ ni ngehˬ cawˬ-eu ma. Dawˬ jaw dawˬ yehˆ maˬ zmˬ. Ngaˬ-euˬ seuˆ dzeuꞈ aˇ gʼehˇ kʼawꞈ, aˬ yawꞈ mawˇ haw-euˬ meh. Ngaˬ-euˬ zaˬ kʼaˆ Moˇseˬ-ahˇ iˬ baˇ taˬ-eu dawˬ, naw nyaꞈ aˬ joˆ-ehˇ ngehˬ peuˬ-eu nya.”

Maꞈtehˬ 18:10

“Tsawˇ haˬ yaw nyiˇ heu loꞈ-ehˇ gʼeh-eu tiˬ gʼaˬ na-ahˇ naw maꞈ yehˬ bawˬ sehˇ lu-ehˇ maˬ ya gʼeh ni yahˇ-awˬ. Mˬ kʼoeˇ taˆ ngaˬ Da-euˬ mehˬ shi, aˬ yawꞈ maꞈ-euˬ mˬ taˆ gʼaˬ kʼehˇ deuˬ aˬ myah luꞈ jawˇ-eu meh lehˇ, naw maꞈ-ahˇ ngaˇ ehˇ-eu ma.Jaˇliꞈ tiˬ paˆ na deuˬ laꞈ kʼoeˇ, gaˬ naˇ yaw zaˬ 11 heu loꞈ-ehˇ ahˇ-eu meh. 18.11: Aˬ jeˬ miˇ neh ehˇ naˇ, byoˆ-iˇ-euˬ tsawˇ haˬ deuˬ-ahˇ ka kʼoꞈ-eu gʼaˇ duˬ, Tsawˇhaˬ-euˬ Zaˬmaˇ oe-euˬ meh(Luˇkaꞈ 19.10)*

Maꞈtehˬ 5:8

“Nui ma laꞈ kʼoeˇ muiˬ-eu shawˇ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, aˬ yawꞈ maꞈ Miˬyehˇ-ahˇ ya mawˇ tehꞈ-a.

Lormav 8:18

Heu ziˇ laꞈ kʼoeˇ aˬ dui ya daˬ luꞈ-eu heu-aˬ, aˬ kaˇ aˬ dui-ahˇ biꞈ laꞈ-eu yaw shehꞈ kʼahˬ sehˇ-ahˇ shaˇ cehˆ haw naˇ, tiˬ pawꞈ-iˬ ehˇ nyaꞈ maˬ nyeuˆ-aˇ lehˇ ngaˇ noeˬ duˬ taˬ-euˬ ma.

1 Gawˇliˬtu 13:11

Ngaˇ zaˬ yaw nyiˇ pyeuꞈ ngeh, zaˬ yaw nyiˇ loꞈ-ehˇ ngehˬ-awˇ tmˇ-awˇ, zaˬ yaw nyiˇ loꞈ-ehˇ nui ma taˬ-awˇ, zaˬ yaw nyiˇ loꞈ-ehˇ shaˇ noeˬ shaˇ sawˇ-euˬ ma. Nymˬ-mˇ ngaˇ tsawˇ kʼaˆ kʼaˆ laˇ-euˬ miˇ neh, zaˬ yaw nyiˇ-euˬ nui noeˬ byehˇ dzeh jiˇ-euˬ ma.

1 Gawˇliˬtu 8:3

Ehˇ kʼawꞈ, Miˬyehˇ-ahˇ gaˬ-eu tsawˇ haˬ-ahˇ Miˬyehˇ siˬ nya-eu meh.

2 Gawˇliˬtu 3:18

Aˬ dui dawˬ tawˆ luꞈ myaˆ pyawˬ-ahˇ saˬ paˇ maˬ dehˬ kaˬ taˬ-ehˇ, Sahˬpaˬ Miˬyehˇ-euˬ yaw shehꞈ kʼahˬ sehˇ aˬ dui-ahˇ tahˬ le luꞈ meh. Sahˬpaˬ Miˬyehˇ-euˬ Yaw sahˇ jawˇ gaˇ neh oe-euˬ yaw shehꞈ kʼahˬ sehˇ kʼoeˇ aˬ dui-ahˇ tiˬ jawˇ saˇ-iˬ tiˬ jawˇ yaw shehꞈ kʼahˬ sehˇ bi huiˬ dzehˬ laˇ-awˇ, aˬ yawꞈ-ahˇ duˇ leˇ ni aˬ dui-ahˇ bi paˇ laˇ luꞈ-eu meh.

2 Gawˇliˬtu 5:7

Aˬ jeˬ miˇ neh ehˇ naˇ, jah-eu jeˬ-ahˇ gʼoe-awˇ aˬ dui dehꞈ luꞈ-eu ma. Myaˆ nuiˆ haw mawˇ nya-eu jeˬ-ahˇ gʼoe-awˇ dehꞈ luꞈ-eu maˬ ngeuˇ.

Piˇliˇpiˆ 3:12

Ngaˇ heu loꞈ-ehˇ ehˇ-eu-aˬ, nymˬ-mˇ za gʼaˬ-euˬ ma lehˇ ehˇ-eu maˬ ngeuˇ. Byah laˇ gʼaˬ-euˬ ma lehˇ ehˇ-eu kʼawꞈ maˬ ngeuˇ. Yeˬsuˇ Ka li neh ngaˬ-ahˇ aˬ yawꞈ-euˬ tsawˇ haˬ bi pyeuꞈ laˇ-euˬ loꞈ-ehˇ, laꞈ sawˬ kʼoeˇ-ahˇ ngaˇ za nya ni leh jeh luꞈ-eu ma.

Yaˬkoˆ 1:23

Miˬyehˇ-euˬ dawˬ-ahˇ ya gaˬ-euˬ loꞈ-ehˇ maˬ mˇ maˬ shaˇ-eu tsawˇ haˬ-aˬ, pyawˬ haw laꞈ kʼoeˇ yawˬ ha-euˬ myaˆ pyawˬ-ahˇ yawˬ ha haw-eu tsawˇ haˬ-ahˇ duˇ-eu tehꞈ meh.

1 Yoˇhaˬ 3:2

Ngaˇ gaˬ dui dui-eu cawˬ deuˬ-oˇ, nymˬ-mˇ aˬ dui Miˬyehˇ-euˬ zaˬ ma. Ehˇ kʼawꞈ, aˬ dui mehˬ hu paw aˬ joˆ-ehˇ pyeuꞈ laˇ-eu maˬ duˬ-a siˬ. Ehˇ kʼawꞈ, Yeˬsuˇ Ka li-ahˇ bya cehˆ ni ya mawˇ ngeh, aˬ dui aˬ yawꞈ loꞈ-ehˇ pyeuꞈ laˇ tehꞈ-a lehˇ siˬ duˬ taˬ-euˬ ma. Aˬ jeˬ miˇ neh ehˇ naˇ, aˬ yawꞈ kʼaˇ ngeuˇ-eu loꞈ-ehˇ aˬ dui aˬ yawꞈ-ahˇ ya mawˇ duˬ ma.

Panmaeq 22:4

Aˬ yawꞈ-euˬ myaˆ pyawˬ-ahˇ aˬ yawꞈ maꞈ ya mawˇ-awˇ, aˬ yawꞈ maꞈ-euˬ naˇ kʼawˇ-ahˇ aˬ yawꞈ-euˬ tsawˇ myahˇ boꞈ taˬ tehꞈ-a.